鳴虎 (北帝街) (Closed)

和喜歡拍攝沙龍街頭的好友乘搭屯馬線到土瓜灣地鐵站，一直拍攝至黃昏，行經食肆林立的北帝街，其中一間在東裕大廈地下小店嗚虎是吃地道日式拉麵，門口佈置充滿藝術氣派，價錢亦相宜，一於吃日本拉麵當晚餐。店內是彩用環保樹木做餐枱及坐椅，地方需少勝在環境整潔。我們點了小店必試不可的主打黑嗚虎博多黑蒜油拉麵及招牌嗚虎拉麵，用豬骨熬成濃郁湯底，配上口感煙韌的拉麵，配料有兩塊肥瘦均勻的义燒、健康的木耳絲、京葱、紫菜和我至愛的半生熟蛋。兩款拉麵大同少異，只是鳴虎拉麵沒有黑蒜油和湯底比較清淡些。熱辣辣沾滿芝麻的手羽芝麻雞翼，皮脆內嫩。特色小食的冷盤胡麻醬拌菠菜，腍嫩香口就是這晚我倆share的日本地道餐的最後終結！

港鐵通左屯馬綫真係多了地方選擇開飯，順便好好去品嚐一下當區特色美食，就去了土瓜灣一帶亨用晚餐，沿途行見都有多間食肆選擇，街邊小食以至中式酒樓都可以揾得到，今次去了呢間日式拉麵店回味一下家鄉風味，拉麵款式有幾種口味提供，當然唔少得有各種小食同追加配菜，點完餐單等一陣，已有呢款小食香脆可口嘅嗚虎炸唐掦，入口雞肉香軟啖啖肉汁，食落幾惹味，之後係主食黑鳴虎拉麵出場口味係博多黑蒜油，而且主角一定係湯汁，混合埋豚骨湯底精華，飲到濃郁蒜香湯底味道十足，至於配料一定有幾片半肥瘦炙叉燒，肉質香嫩加上油脂甘香口感飽滿，仲有隻半熟玉子，再食啖拉麵夠晒滋味，另一款鳴虎，湯底日本魚乾混埋豚骨湯，飲落鮮味十足，配料大致上一樣，追加多一隻玉子大家分享，又繼續一邊品嚐餘下美食。

這間位於土瓜灣的拉麵比較難找，可能是新車站開通了，附近街道有不少新食店，店面貼有MIRROR的貼紙，應該能吸引不少人留下腳步。餐廳的拉麵是以他們店名主題命名，都是鳴、虎，很有特色。餐牌上除了拉麵外，還有炸物、蔬菜、 配菜選擇，餐廳另有提供自助點餐，可以自己掃QR CODE下單，這樣便不怕下單有誤。我們點了胡麻菠菜作小食，賣相吸引，上菜後才發覺是凍食，配上熱辣辣的拉麵湯剛剛好。我們分別點了兩碗拉麵，鳴虎（魚乾豬骨湯）和鳴海老（櫻花蝦豬骨湯），湯底不會過濃/淡，恰到好處，魚乾味道不算太突出，湯底主要是豬骨味道。如果可以供客人自己選擇濃度就更好， 除了有基本配菜，木耳、紫菜和蔥花外，還有流心蛋。日式叉燒吃來不油不膩，還有入口即化的口感，而且份量適中。整體而言，是有水準的拉麵店，有機會再來試試其他特色拉麵湯底

非常有日本風味嘅日式拉麵店拉麵和小食的選擇不算很多，但是也很足夠。小食我們order 了炸雞和胡麻醬菠菜炸雞非常香口，外脆內軟，熱辣辣，雞肉滑滑的， 略嫌炸醬夠薄透拉麵我們點了蝦味和魚味這款是蝦 ·櫻花蝦粉·豬骨湯拉麵緬親又細爽口彈牙，軟硬度適中，而且吸收晒湯嘅味道，非常入味。湯底非常濃郁，櫻花蝦味突出。叉燒大大片的， 軟滑肥瘦適中。 這款是魚乾·豬骨湯拉麵魚湯煮到奶白色，味道很好，濃郁。要讚一讚的是溫泉蛋做到留心，連吃兩隻都不為過。

我好少係香港食拉麵，這間我食過後讓我仍記得🥰 這間店不但只有拉麵🍜，仲有丼飯🍱「綠虎」四國香蔥油拉麵，拉麵質感幼細，湯底濃厚，而且厚厚的叉燒，好好味呀👍🏻👍🏻「沖繩淡咖喱炸雞丼」咖喱汁味道甜美，岩哂我口味，配上日本珍珠米，yummy🥰 炸雞炸至金黃色，外脆內滑😌😍😍「煎餃子」食拉麵點少得餃子「龍蝦沙律」幾特別！ 配上紫菜食原來都幾配😹😹 而且啖啖龍蝦肉 🥰🥰備註：🔺這條街已變成食街，搵食好方便😌🔺店員nice 👍🏻

這家附近的拉麵店是一個好去處💕 ▫️鳴海老拉麵 ($88)▫️起司魚糕拼年糕 ($38)拉麵愛吃重口味的我表示他們家的湯底真的超濃郁🤣 每次我都吃海老湯底，還未試過其他湯底，不知道是否一樣濃郁呢😳 海老湯底用海蝦跟櫻花蝦熬製，蝦味好濃，每一條拉麵都掛滿蝦的香味🥳也是這個原因，吃到一半已經覺得好膩有點吃不太下🥺🥺 明明嘴巴好想繼續吃但真的太濃了我的胃handle不到🥲 叉燒是火炙過的，油脂不錯，可以的👌小吃的部分本來想試芝麻雞翅的可是他們賣完呢🥺試了這個年糕拼魚糕，覺得還好，希望芝麻雞翅可以早日回歸！！

朋友推介鳴虎嘅拉麵質素唔錯，當然就要一試啦🥰🥰🦐🍜鳴海老 $88湯底很鮮，個湯有濃濃嘅蝦味，用鮮蝦，櫻花蝦粉，同埋豬骨湯熬製而成，蝦同豬骨湯嘅味道很夾，有驚喜。拉麵屬幼身，軟硬度適中，口感爽彈，唔會煮到過淋，而且非常掛湯，每一啖都有鮮蝦香味。🐧🍜黑鳴虎 博多黑蒜油 $88黑蒜油味道較濃，蒜香味十足，濃稠度適中，同掛湯嘅拉麵一齊食，淡淡都有蒜香味，大滿足。兩碗拉麵都有叉燒兩大塊，肥瘦均勻，就算瘦肉部分亦很嫩畫，叉燒經過微煎後，滿滿脂香。有好多香蔥，木耳絲，紫菜，糖心蛋，口感豐富。🧀芝士魚餅拼魚條 $28呢個小食好不錯👍🏼即叫即炸至金黃色，芝士魚餅質感煙銀，中間芝士夾心，食落芝味十足。魚條較彈牙，佈滿粒粒芝士，好邪惡。🥟肉餃子 $36餃子即叫即煎，餃子外層煎至香脆，餡料豐富，滿滿肉汁，蘸上餃子汁，好正😋

土瓜灣好好味拉麵。 土瓜灣有好多好味食肆 拉麵都幾出名 個拉麵湯底用上豬骨湯底 淆製作超過12小時 全無味精 入到去就睇下邊款拉麵啱自己食 首先我就叫咗一客餃子小食 作為餐前小食 餃子皮薄餡靚 肉質鮮美 叫外賣的話仲有紙巾送 九州拉麵 飲得出個湯底精心製作 豬骨湯底全無味精 牛仔超過12小時 日式叉燒燒到焦香 咬落嫩滑鬆脆 豬肉味濃郁之後我再叫多個壁虎拉麵 湯底同樣都係全無味精 燒肉燒到焦香彈牙 日式半生熟雞蛋 用上北海道雞蛋 蛋黃味濃郁 咬落充滿蛋白質的味道

自從士瓜灣開左地鐵站之後真係好方便，得閒可以去行下搵下食，附近好多特色小店！連間759都特別大間好好行😆今晚我哋要去食拉麵，數數日子已經幾個月冇食過😢所以今晚要食嗚虎，拉麵有四種湯底：綠色係四國香蔥油 （比較特別，我揀左呢個），黑色係蒜油，第三隻係日本魚乾+豬骨湯，第四隻係蝦+樱花蝦粉+豬骨湯🤩除咗拉麵之外，仲有好幾款Don飯👍小食方面選擇唔少，有餃子，芝麻雞翼，日式炸雞之外最特別係有兩款菜：胡麻菠菜同鰹魚汁菜，都可以係第一次見到💋

今次又試新拉麵店去到見到門面黑橙撞色，佈滿大大小小嘅日本字感覺年輕前衞室內裝修同門面設計亦好一致仲用咗有色反光鏡做牆身，好有時代感食物方面點咗：🟠黑鳴虎$88焦香中帶點微微苦味嘅黑蒜油配上濃稠豬油味嘅豬骨湯底，口齒留香，兩者是最佳拍檔，食得出係真材實料，麵條幼身偏硬，掛滿濃湯香味，兩大塊半肥瘦叉燒，經醃製同火炙，味道恰到好處，肉質口感細膩🟠鳴海老$88呢個拉麵嘅配料同黑蒜油拉麵嘅配料大同小異，都係有糖心蛋、大量蔥花、云耳絲、紫菜、日本叉燒，只係多咗啲小蝦，重點都係個湯底，喺濃郁嘅豬骨湯底上灑滿左櫻花蝦粉，未進食，嗰種香氣已經攻入鼻，有埋嗅覺嘅享受，喜歡櫻花蝦味道可以試一試！🟠鳴虎炸雞$42外皮炸過薄薄一層，果種酥脆食落不覺油膩感，容易咬開，皮肉相連，雞肉軟稔，同外皮中間隔咗一層半融化芝士，有驚喜又有層次！🟠胡蔴菠菜$38菠菜翠綠欲滴，集中是菜葉部分，爽脆鮮甜，加上大量胡蔴醬，甜甜酸酸，味道永無失手！**有加一服務費

土瓜灣不嬲比人感覺都係食小炒茶記雞煲之類，估唔到有間拉麵小店，路經就試試🤪.一入鋪空間唔算大，不幸地被安排坐最角落嘅二人檯，座位上面比較擠迫，再加埋因疫情關係張檯側面又多咗塊板，嚴格來講坐係上面真係有啲侷促.今次試左兩款拉麵🍜🍴鳴虎魚介拉麵🐟💰$88一入口係濃郁嘅豬骨魚介湯底，非常厚身！叉燒有驚喜，肥瘦適中，火炙後令油香味出哂黎，好食！麵身偏硬有麥香味，啱晒我鍾意食硬質麵嘅人.🍴鳴海老拉麵🦐💰$88一上個拉麵時，一陣蝦香味已經撲過嚟，飲落去好重蝦味！.總括而言，如果你鍾意食比較濃郁湯底，呢度會好啱你！可能我食嘢偏清淡，就覺得個湯底鹹咗少少😅土瓜灣如果想食拉麵又唔想去其他區，可以試吓呢間題外話，嗰日我去食唔係好多人，不過都等成15分鐘先上個麵，呢個就真係等得耐少少啦

今日要在附近工作原故來到土瓜灣食lunch , 一個人最好食拉麵，所以來到主打拉麵的鳴虎:點餐可以掃QR code / 店員為你下單，服務良好，店員會定時為你執拾枱面:🍜九州地獄拉麵（紅虎）$98很貼心，拉麵可以按照自己喜好選擇麵身質地/走配料 / 淡湯 / 加麵後上等，務求調教出你喜愛的口味⋯⋯湯底熬製得味道濃烈稠杰加上秘製辣味，簡直令人為之一振，辣味對於我來說剛剛好;麵條幼身較為結實煙靭，因為我選了硬麵，油香不太多不太少令麵身更滑溜; 配料加上木耳絲/蔥粒/紫菜及溫泉蛋，不至單調,溫泉蛋值得一讚，蛋黃流心❤️ 🍜芝士魚餅併魚條 $38炸得熱騰騰，攤了10分鐘還熱辣辣，絕對是香口小食，芝士澎湃的湧出🍜鰹魚汁浸菠菜 $38鰹魚汁甘甜帶鹹味浸菠菜，中和菠菜的澀味，加大量木魚絲變得更有營養，木魚絲脂肪低蛋白質豐富，菠菜就鐵質豐富另外店舖還有飯類選擇，下次可以一試

今日出開土瓜灣工作，搞掂之後本來諗住返公司附近先食嘢，但經過呢間「鳴虎」，記得之前食過唔錯難得出黎，決定食埋先返去餐牌精簡，有四款拉麵、一款飯、一款沾麵、幾款小食！餐廳地方不大，但正正方方很企理，環境乾淨衛生！好耐無飲過波子汽水杯麥茶都好香！黑鳴虎$88，即係博多黑蒜油，真係好香濃、好香濃、好香濃！重要的要說三次！上枱時未除口罩已聞到好香，湯底非常濃郁，差不多給我喝光，事後亦完全沒有味精那種口乾感覺！拉麵爽口，配兩塊大叉燒、原隻溏心蛋、木耳及紫菜，非常豐富！厚度適中，不會過薄胡麻波菜$38呢個都非常推薦，別看小小一碟，內裡很扎實，份量絕對不少；菠菜青嫩，估唔到配麻醬係咁夾，非常好食！而且日式店都比較小機會食到青綠既菜！疊到實一實，食極都有肉餃子$36皮薄帶脆，煎得幾靚好滿足，好好味

作為拉麵控嘅我,最鍾意周圍搵好味嘅拉麵🍜最近又搵到間好好味,就係位於土瓜灣嘅鳴虎拉麵🍜除咗拉麵同食物好味之外,值得一讚係店員服務態度亦都非常好🥰黑鳴虎博多遠近馳名嘅黑蒜油加上每日新鮮熬煮嘅湯底,黑蒜味濃郁👍🏻每款拉麵都會有叉燒、半熟蛋、蔥同紫菜🤩叉燒亦肥美好味🐷而且重可以追加配菜添,好似筍、椰菜等等鳴海老以北海道鮮蝦、櫻花蝦粉同豬骨湯熬製而成嘅鮮味湯底🦐有濃濃嘅鮮蝦味,湯底濃郁😋 拉麵好彈牙而且好入味😛半熟蛋整得個蛋黃好流心😝小食叫咗肉餃子同芝麻雞翼🤩芝麻雞翼勁好食呀,好脆口好正😛餃子肉汁滿滿🥟兩個小食都好鍾意❤️

前段時間行經土瓜灣北帝街，見到一間新開的日本拉麵，今日中午來到附近，所以過來試嚇。餐廳呈長方形，整間餐廳木系裝修，都很整潔清雅。meun 不多，所以都好昜揀到款式。黑嗚虎博多黑蒜油拉麵$88博多馳名的黑蒜油加上濃郁的豬骨湯底，再配上每款面都配有的青蔥、木耳絲，兩件叉燒及兩大片的紫菜，還有一整個嫩滑的流心蛋，味道層次豐富。嗚海老拉麵$88嗚海老拉麵，湯底透著濃濃的櫻花蝦味道，也和著豬骨湯的味道，拉麵是幼面，和著湯食，味道鮮美。每款拉麵追加25元可以配多款的小食。芝麻雞翼有三件，面上有一粒粒的芝麻，雞翼比較入味，炸得外脆肉質嫩滑。嗚虎炸雞也是外脆內嫩滑的，加少少跟配的檸檬汁，省卻油膩感，又惹味！當然配埋個可樂，就更美味了哦！