南島

Open Now

Now Closed

難得嚟個早飯，下晝五點仲有下午茶餐可點，啱晒我，可以試多幾款嘢食～T6 無骨海南雞喇沙米線 $58無骨海南雞啖啖肉，肉質嫩滑，喇沙有微微椰香丶偏甜，無乜辣味，份量算足。T9 蝦卷牛骨湯河 $48香脆炸蝦卷有三件，牛骨湯香濃而不油T2 馬來烤餅配素咖喱 $38呢個素咖喱好香，忍唔住要問吓店員，有冇係配飯嘅餐，可惜無，但有另一款焗豬扒飯都係用呢個咖喱，下次要再嚟試～大蝦米紙卷 $58賣相又幾好喎，除咗蝦丶蔬菜絲，入面仲加咗芒果肉，另配芒果汁俾客人點，雙重滋味凍桔仔話梅水 (跟餐 +$3）熱桔仔話梅水桔仔水係馬來西亞特飲，熱飲桔味較濃，凍飲就消暑解膩南洋海南咖啡同以往飲嘅有啲唔同，呢杯奶味較重，味道似白咖啡多啲

💚南島💚🌈香茅豬扒喇沙米線 $72份量好足 2-3人分享食都夠喇沙湯底都幾濃 但缺咗少少椰汁香味🥥少少辣但辣度可以接受 甜味偏重有魚片/芽菜/豆腐卜/半隻蛋如果有加埋蝦個湯會更有鮮甜味🌈香草炒豬肉碎煎蛋配白飯 $78都係好大一碟 超多飯又多肉碎夠撈飯一上枱就見到煎得好靚嘅荷包蛋出面同類型餐廳呢個飯會更辣更好辣椒呢間辣度可接受 可見用青辣椒較多🌈小食拼盤 $138(春卷/蝦餅/串燒/蓮藕餅)2-3人分享都好夠食 每款小食都有2件 炸得剛好夠脆唔多油特別係蓮藕餅幾鍾意食😋唔厚粉又食到晒成舊爽脆蓮藕春卷有啲粉絲/胡蘿蔔絲/肉碎等串燒係雞肉配埋經典花生串燒醬👍🏻🌈涷蜜糖綠茶略略稀了一點 但味道可接受唔太甜🌈凍檸茶正常發揮 幾多片檸檬🍋PS.兩杯飲品都係兩個主食跟餐附送

在筲箕灣買完東西後, 沿著電車路走向西灣河方向。南島巨大的招牌就很容易吸引人目光。剛好是下午茶時間見店外的餐牌菜式吸引就入店。被帶入坐後看過餐牌就點了雞絲．雞捲湯河配飲品話梅青檸水。點餐後很快先上飲品。呷了一口滿意熱但又帶咸酸的滋味好喝。餐點卻等了十多分鐘才上桌可能當時全店差不多滿座多人點餐吧。雞捲是分開另上因為是炸的。味道可以帶偏油一點。雞絲河粉就清爽及夠熱。整體用餐可以。有機會來可再試其他食物。

今日想食星馬菜，經過西灣河見到呢間餐廳南島提供星馬泰菜幾種選擇，真係一次過滿足我多個願望😍餐廳位置幾近地鐵站，幾方便～環境裝修都幾有格調，啱晒同朋友坐係到慢慢吹牙水👍🏻我哋叫咗三樣嘢肉骨茶配白飯 $72呢隻肉骨茶偏向藥材味，而湯嘅味道十分之濃郁又好足料！好鐘意豬肉炆到好冧身，枝竹又吸曬湯嘅精華🤤入口勁入味又好食，配埋白飯更加一流～椰香咖央多士配半熟蛋 $38 值得一讚係個多士非常鬆脆😍！而且入邊嘅牛油同個半熟蛋都好夾， 加埋個口感幾特別同更加調出牛油嘅香味🤤$38嘅多士真係好抵食，推介！檳城炒貴刁 $72呢個菜式因為係即叫即炒，上菜速度比另外兩個慢，但係等待係好值得😆因為炒出嚟真係好友鑊氣！食落好香口，炒貴刁口感層次好豐富，入口唔會濃味/油膩！整體來講都真喺幾好食😋！因為佢會附上辣椒粉同花生粒，如果唔食得辣要叫佢走辣啊～整體黎講呢間餐廳性價比好高，食物質素中上但又唔收+1服務費，一定會再幫襯❤️❤️

第一次嚟北角估唔到就搵到間唔錯既餐廳😋雖然呢間外表裝修同普通茶餐廳差唔多，但一入到場就有驚喜。地方闊落，乾淨企理都幾好坐。一打開menu 已經俾佢既馬六甲椰糖燒春袋雞同甘香XO醬炒蜆吸引左🤤🤤🤤兩樣菜上枱都好啱打卡，擺到靚靚，鍾意打卡既朋友好易就影到靚相。食之前仲有職員講解食既方法，非常貼心🧡🧡🧡馬六甲椰糖燒春雞真係超正😋😋😋一上枱已經聞到到好香既燒肉同椰糖香味。份量都好多，成隻雞大大隻好多肉🍖。雞皮燒到脆啵啵，但雞肉仲係好嫩滑。食雞肉之前點小小椰糖，椰糖既甜味點出左雞既鮮味，係估唔到既夾👍👍👍👍呢度既甘香XO醬炒蜆都好值得一試😋蜆肉鮮甜， XO醬鹹鹹香香。😋😋😋

📍南島 西灣河筲箕灣道143-145號大來大廈地下B號舖及地庫餐廳位於西灣河，距離地鐵站只有5分鐘的步行距離，非常方便，餐廳有兩層，上層較為寬敞，下層座位也不少。南島的午市優惠較為平民化，附近的街坊不妨前來一試。今次我先試他們的晚市，果然非常地道！🍽️ 海南雞飯雞肉又香又滑，啖啖肉，油飯的雞油味很香，又不會太油膩，略嫌冬瓜湯有點鹹，整體不錯。🍽️ 新加坡肉骨茶配白飯肉骨茶有驚喜，藥材味很重，用料很足，肉排和蒜頭炆得好冧，很濃味，略嫌有少量味精，喝完湯有點口乾。🍽️ 蒜蓉牛油雞翼 (四件)雞翼炸得非常香脆，大大隻，雖然有肥膏，但油脂分佈非常好，和炸蒜配合得天衣無縫。🧉椰青椰青非常甜，又解渴，椰青肉大大舊，好有咬口。

今次同朋友黎左西灣河南島一試佢地招牌南洋菜式,佢地新裝修非常時尚,中午用膳時室外光線照入去,特別明亮舒服!而食品價錢都好合理,CP值好高👍🏻👍🏻試左兩道招牌菜:無骨海南雞喇沙米線Singapore Laksa w/ Hainanese Chicken $72招牌海南雞飯Hainan Chicken Rice (Boneless) $78海南雞皮薄爽滑,而雞肉嫩滑可口,加上已經去骨處理,食用好方便😛不論配合香氣十足既雞油飯定爽口煙靭既喇沙都好好食😋椰香咖央多士配半熟蛋Raya Toast w/ Soft-Boiled Egg $38多士烤至微燶,入口香脆,加入咖央醬及薄切牛油,甜度剛剛好,椰香味濃郁,風味正宗.配合半熟蛋—半熟蛋黃及嫩滑蛋白,中和油膩感之餘仲營養豐富😎

位於西灣河嘅南島餐廳 喺夜晚裏面照亮成條街 餐廳裝修時尚 亦都因為咁喺西灣河裏面好突出就俾佢吸引咗入去🤣餐廳裏面夠晒光猛同闊落 俾人一個幾舒服嘅感覺✨📍軟殼蟹星洲喇沙$78 高性價比嘅星洲喇沙 好多粉一定夠飽😆喇沙湯底幾甜又唔辣仲有幾多配料：豆卜魚蛋片 半隻烚蛋 而軟殼蟹都炸得幾均勻 滿足🥰🥰 📍馬來烤酥餅酥餅配素咖哩 $38去星馬泰餐廳點可以唔叫烤餅點咖哩🤤熱辣辣嘅烤餅點咖喱 超邪惡🤤🤤📍馬六甲椰糖燒春雞 $98好大份燒春雞 上碟嗰陣時都嚇親😯三個人分就啱啱好🤫脆皮燒春雞配埋椰子同黃糖真係第一次食😙勁多層次嘅口感 燒春雞嘅味道係靠啲椰子同糖帶出黎 🥥🍬如果鍾意食重口味啲嘅 可以點埋佢跟住上嘅泰式甜辣汁 🫡

📍#南島#MFJ西灣河 #MFJ馬拉菜 #MFJ泰國菜 #MFJ星加坡菜人均消費: HKD135開咗一般時間，咗啱係附近就去試下😂⭐️ 海南雞飯 $72海南雞都幾香幾滑，唔太肥，份量都多！個油飯幾好味喎！一定唔係驚為天人，但算唔錯！冬瓜湯清清哋都幾好飲，$72份海南雞飯算係咁🆗 軟殼蟹星洲喇沙 $78喇沙比平時冇咗濃味，有啲似白咖喱味道！魚片普通，豆卜好入味，豆角好味喎！軟殼蟹有半隻另上，炸得唔錯！整體唔差但唔特別⭐️ 串燒 (4串) $68串燒$68有4串，豬牛羊中可以揀兩款！唦嗲味好味喎，肉好入味好香口！ 超好味就唔係，不過整體味道可以大眾化#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #malaysiancuisine #malaysianfood #相機食先 #西灣河美食 #馬拉菜 #泰國菜 #星加坡菜

大隻仔今次覓食嘅店舖就係💥 南島 💥 筲箕灣真係好多美食，呢間新開幾個月嘅新加坡菜餐廳，新開張時見好多人排隊，成日爆場，今日大隻仔見餐廳冇乜人，就走入去食個靚下午茶。☺️☺️⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯⋯🔥 下午茶餐 $58星洲肉骨茶 + 油飯 + 油條 + 飲品食物黎到時，碗邊沾滿肉骨茶，當時餐廳顧客10個唔夠，都唔係繁忙時段，大隻仔見到心諗員工咁求其，廚師都唔會好用心去煮食物，食物應該唔會好食。好彩，大隻仔發現，負責煮食物嘅係後廚房廚師，裝肉骨茶既係出餐嘅廚師，係不同崗位的。星洲肉骨茶 星加坡肉骨茶同馬來西亞肉骨茶分別在於新加坡偏重胡椒味，馬來西亞偏重中藥味。餐牌寫星洲肉骨茶但偏偏呢款肉骨茶偏重中藥味。🧐🧐味道好，味偏濃，不會淡而無味，大蒜頭🧄夠冧夠入味，好好食，肉排夠冧不會乾柴。味道比想像中出色，但覺得有落少量味精，食完比較口乾。油飯 味道足夠，飯粒粒分明，味道不錯。油條份量同餐牌相片相差太遠，只得三少件，夠脆不

早排屋企附近新開左呢間星馬泰菜，次次經過都好多人食，今日lunch唔想煮就行左去食，全日無加一，食物質素不錯，環境坐得舒服。無骨海南雞喇沙米線海南雞係分開碟上，份量多，海南雞肉質嫩滑，雞皮爽口，喇沙味道偏甜，唔算好辣，米線入口好滑。桔仔話梅水午市套餐有跟餐飲，我揀左凍桔仔話梅水，酸酸甜甜好開胃。椰香咖央多士配半熟蛋多士烘到外脆內軟，入面塗滿椰香咖央醬，再加一片牛油十分邪惡。招牌海南雞飯油飯充滿雞油香味，粒粒分明，三個醬汁同雞肉一齊食好惹味。

想起上次在家附近南島食過海南雞飯，忽然間好想再食一次，所以就嚟咗西灣河嘅南島。坐低已經聽到前邊同後邊嘅客人叫海南雞飯，我都叫咗一客海南雞飯，果然冇令我失望。海南雞飯嘅油飯食落去唔會太油，雞皮係黃色好吸引，雞肉嫩滑有雞味，雞肉分別用豉油、薑蓉同埋酸酸辣辣嘅海南雞醬油點嚟食，十分滋味。椰香咖央多士塊多士脆卜卜，裏面夾住嗰塊冰冰凍凍嘅牛油，甜甜嘅咖央醬，真係超好食。星馬泰食物一定要食串燒，今次叫咗雞肉同埋豬肉，大大串味道好，尤其是係嗰啲沙嗲醬花生味濃郁，好惹味。熱桔仔話梅水酸酸甜甜，粒話梅好正，好飲又特別，食海南雞飯套餐用半價嘅價錢就飲到喇。

看到新開張嘅餐廳，心郁郁就openrice外賣自取買左豬手飯同牛油果米紙卷。正當我番到屋企準備食，發覺餐廳俾左盒金邊粉我，無左個米紙卷。我本來都心諗算，好彩仲有個豬手飯。估唔到餐廳致電講解番，而且餐廳員工不但親自外送補番個米紙卷俾我，仲話個金邊粉請我食唔收番錢。雖然個金邊粉我未食，但係我有打開過，疫情期間我都唔好意思俾返佢哋，但佢哋都唔介意，佢哋既服務態度真係好好。

從店面裝修時已開始關注，得知店名為“南島”，仲以為係台灣風味。新店開業，方知係星馬料理，南洋味道！講真，一直比較抗拒那種濃烈的南洋香，肉骨茶，海南雞，香茅豬，巴東牛肉，咖喱，喇沙…統統都會挑戰我清淡的味蕾！今日，終於決定去試佢哋下午茶，二人各自order：1）巴東牛肉配印度酥餅+南洋南海咖啡 = HKD48.-牛肉量唔多，估計係下午茶餐減咗數量，牛肉重油重色重味，而印度酥餅本身也油淋淋，夾埋哋牛肉…..建議配普通的面餅或白飯2）生牛肉河粉 配 檳城白咖啡 HKD48.-香料味如假包換！大大碗河粉上，躺著幾枝香草🌿，香氣襲人！牛肉片很薄，浸在熱湯中，很快就變色了…..呢碗牛肉湯河絕對能拿高分！可惜南洋味不是我的flavour😛買單：HKD96.- 超值！必須說明：鍾意南洋風味的朋友，一定唔好錯過呢度，味道正，坐的舒服，服務也殷勤，值得來幫襯喔！👍

同阿女去西灣河探表姨媽，佢帶我哋去咗一間叫南島嘅餐廳食飯。餐廳裝修設計得好時尚好靚，座位寬敞又舒服。海南雞飯：海南雞已去骨，雞肉夠新鮮，皮香柔滑，肉質嫩滑不韌。配上三種醬汁，味道更提升。飯亦係粒粒分明又夠乾身!另外重有碗湯，好清甜！軟殻蝦星洲喇沙：軟殼蝦來自沙巴，蝦味十分濃厚、口感極佳，喇沙湯底超濃郁，椰奶味極香，帶微微辣味十分開胃，配料又豐富，有豆卜、蛋、魚旦、魚片和菜。豆卜吸收湯汁，食落香甜美味！魚旦魚片都好彈牙。泰式炸蝦餅：香脆彈牙的蝦餅配上酸酸甜甜的泰式醬汁，令人一件又一件，停不了口！