鳴門魚市場居酒屋 (Closed)

鳴門其實有幾間分店，但在第一街這間有些日式小店feel， 店面細細，座位不多，完全唔似集團式經營。晚飯時間來到，基本上已坐了8成滿，幸好有張4人枱可以給我們3人坐。餐牌定食都不少選擇，我們揀了石鍋湯烏冬定食，照燒雞扒定食， 及牛扒定食。石鍋烏冬很夠熱，魚湯美味，讚歧烏冬很彈牙，定食還包了4件壽司及沙律，份量好夠。還不錯的。照燒雞扒燒得很香，燒汁亦美味，但稍為略乾， 而跟的帆立貝刺身則很新鮮，幾好。牛扒定食則較失望，份量是夠的，但牛扒牛味唔太重及燒得較韌，比較遜色。整體定食份量是夠的，味道也不錯，唔怕坐得逼少少也可以一試嘅。

我同我親愛的成日食鳴門，因為佢勁like烏冬，而且依度既烏冬係用熱石鍋上，可以保持食物熱度，冬天食真係䁔粒粒其實有幾款湯底，蕃茄、地獄、魚湯底，但最愛係地獄牛肉湯烏冬，冇得彈平時黎到多數食烏冬，但見到張poster個海膽飯超級吸引，決定今次一試！個海膽飯有三種海膽，分別係北海道馬糞海膽，韓國海膽，加拿大海膽！但其實平時d食物相實影得超靚，唔知會唔會貨不對辦，登登登，一上枱超級驚喜，同相片上一模一樣啖啖都係海膽，無敵好食，唔好睇佢細細碗，一個人食完，超飽，$238依個價錢絕對值得

如果你覺得以下事情正常，我都無話可說:一個麻酱色的大板燒是正常；客人等了半小時，見其他遲來客人吃着和兩袋外賣完成後，客人問句食物幾時到，會得到回應是還未煮好，仲叫厨師將未煮熟東西拿出來，這是正常？落單冇提及食物要等，客人得到是無禮貌地將等了半小時食物送上，這是正常服務態度；最後埋單隻字不提之前事，叫客人吃從未來過的甜點，也是正常地怕你未嬲暴。一個本是愉快晚上被破壞了……價格比坚尼地域區日本餐廳貴…同等价钱可以吃好些

超好食呀！ 我去嗰陣做緊promotion,98蚊 一碗 , 原價238啲海膽好新鮮，有三種唔同海膽同埋有啲紫菜， 仲有個生蛋黃。 加拿大嗰隻就最鮮甜， 北海道太鹹， 韓國嗰隻就正常啦， 都好甜， 但同加拿大比就失色好多啦 不過要排好耐隊， 排左大約1個鐘 個飯上得好快， 坐低冇幾耐就有得食啦

一見到FB 廣告, $98 海膽飯 , 剛好打波後去大快朵頤~ 有三種海膽, 澳洲, 北海道, 韓國,  $98 再加一 店員不會逼你再ORDER其他食物. 其實食晒成碗都夠晒飽~ 優惠期不知做到幾時呢~ 

係咁既，話說噚日下晝有人見到雜誌介紹 $98海膽飯，二話不說即約飯腳即晚試，雖然鳴門唔係第一間出 $98海膽飯，但本著在家附近不況一排心態去。9點開始入座，8點到達唔見人龍（可能3號先有報導關係啦），但我都唔敢走開，因為每晚限量供應大約60碗，所以決定被罰企一個鐘，但到9點都唔係60人可以入晒去架，因為座位有限，排後果d分分鐘要等多一個鐘，我哋排第5/6就可以先嚮受，一坐低店員就即刻遞上茶，同時會問 ”係咪落咗每人一碗海膽飯先”？呢種貼心服務令我非常讚賞，因為非常期待又非常攰同肚餓… 唔駛一分鐘壯觀海膽飯就呈上啦！先從海膽講起，店員會介紹海膽產地，最中間係加大拿，而左右兩邊係日本同韓國，份量係整碗飯既3份1，飯就佔3份2，所以用一啖海膽一啖飯嚟形容都唔誇張，我覺得加拿大海膽最有口感同帶點兒苦澀，日本最濃味，而韓國就清淡所以火炙，整體質素係中上，呢個價錢嚟講我會用超值同大滿足嚟形容！其實一碗飯唔係大架，但宵夜嚟講係有餘，所以唔駛叫其他食物，兩個人兩碗飯埋單 $215，有機會都想再食，供應期到11月尾咋！