Nathanhouse (Closed)

餐廳係澳海城，非常方便，一出奧運站就到。而且附近仲有戲院，食完晚餐就可以睇番場戲，約會好地點。有室內同戶外區揀同朋友揀左雙人餐，配湯或者沙律，揀兩個前菜、兩個主菜，包埋甜品同野飲。沙津有蟹籽，食落去新鮮同好清爽蕃茄湯超濃郁嘅蕃茄味酸酸十分開胃前菜1: 黃金蒜片大蝦蝦真係大大粒，而且蒜片好香！配埋蝦一齊非常夾！小菜2: 椰子雞湯燴鮮海蜆雞湯好香椰子味！唔講以為自己食緊椰子，而且蜆肉粒粒都大大隻美味鮮甜！主菜1: 美國黑安格斯肉眼扒（五成熟）最鐘意食肉肉今次個肉眼扒一啖咬落去，好多汁！而且肉質爽口，唔會好多根yumyum配菜薯仔都好入味主菜2: 香煎比目魚柳比目魚外皮好脆口，魚柳嘅肉好嫩滑，魚肉鮮美！甜品： 日本蘋果忌廉蛋卷（左）、白桃忌廉蛋卷

US Beef Burger served with black truffle fries 美國牛肉漢堡配黑松露薯條🍔🍟 $118🥩個牛肉漢堡性價比好高😎除咗有大大份同埋新鮮嫩滑嘅牛肉之外，雙層同下層嘅麵包炸到金黃色勁香脆可口，入面仲有好多酸瓜🥒、洋蔥同埋蕃茄🍅，連埋啲酸酸甜甜嘅自家製沙律醬一齊食，口感層次好豐富！除此之外，伴碟仲有好多唔同種類嘅配菜，好似係好大份嘅脆卜卜黑松露炸薯條同新鮮健康嘅芝麻醬沙律菜🥗，影相出嚟仲好吸睛添，真係值得推介！Black truffle mushroom soup 🍄🥣 黑松露雜菌濃湯 $38呢個黑松露蘑菇湯真係超級濃郁😍味道同口感有啲似蘑菇薯蓉醬咁質地一啲都唔稀，感受到好足料同係一碗充滿心機嘅湯👍🏻味道仲唔會太咸，好想叫多碗！Garlic bread 🥖 蒜蓉包 $22蒜蓉包熱辣辣卜卜脆，上層仲有烤左金黃色嘅牛油香味添🧈，連埋每一啖都有嘅蒜蓉碎，係一個唔錯嘅前菜！

I ve ordered a beef cheek slow cooked. It was amazing. They are 4 big cubes. The portion is reasonable. Originally it is medium rare then I asked them to make it 70% cooked. It turned out still good and very tender. It is the best beef I’ve ever eaten in my whole life. Very yummy. Must try. Highly recommend. It goes with barley and sauce which is exotic.

位於奧海城 二期一樓 大食代&戲院 旁。美國牛肉漢堡配黑松露薯條 $118套餐中有一份是日餐湯跟一杯餐飲今日的是磨菇湯，滑，甜，香👍是主菜係牛肉漢堡跟黑松露薯條牛肉漢堡 - 麵包烘烤過，外皮香脆但內裡還是軟綿的，而牛肉扒则有小許肉汁，整體較結實，配埋沙律菜跟蕃茄，一起食 - 剛好。而薯條則正常，新鮮炸好的，夠香脆😋

雖然話係藏身於food court之中，但其實佢係正戲院隔離，有自己獨立出入口，如果經food court 過黎要填兩次紙仔。環境寧靜優雅，服務超級貼心💕，適合同朋友傾計暢聚🥂（留意返餐廳係九點半關門）。🌗泡沫龍蝦湯 $68泡沫應該只係造型，試左一細啖純泡沫無乜味🤪。龍蝦湯🦞真係一放涼就會有腥味！大家記得趁熱飲！究竟我幾時先會練成短時間內影一張相就搞掂然後就開得餐呢🧐?🌗脆炸水牛城豬仔脾 $88落單嘅時候特登問左一碟有2️⃣隻豬仔脾，我地一行三人就唯有切開share 黎食。但係上枱嘅時候竟然有三隻兼且冇加錢💵！店家真係勁貼心💕！味道方面一開始覺得有少少偏鹹，食到中段水牛城醬發力開始辣辣地，不過食完飲啖水又好快沖走左陣辣味。豬仔脾炸過都唔會太乾太柴，質地緊緻，不過個人就偏好腍身d嘅豬仔脾。🌖慢煮豬腩肉漢堡配惹味脆薯 $82又係勁貼心👍🏻👍🏻👍🏻！上完枱比我地影完相📸之後主動問我地洗唔洗切開，仲完美地幫我地一開三！豬腩肉理論上應該會好油膩，但店家又處理得幾好喎，食落唔會成口油，豬腩肉厚得黎又唔會韌。脆薯炸得香脆唔油，搞到我停唔到口。🌕蟹肉牛油果意大利飯 $118其貌不揚，但最好食係呢一道！蟹肉

帶小朋友去大角咀奧海城行街順便揾食，見到戲院旁有間位置隱蔽的西餐，環境裝修都好靚，還有室外位，坐裡面也能睇到海景，價錢也不貴，環境衛生服務都很好👍硬件無挑剔，軟件上食物就非常一般…………我地叫了2個1人餐，一份漢堡，一份煎魚柳跟2份沙律，沙律太多漿汁很濕，個人很不喜歡，魚柳🤔 好猩同有腐乳味，好奇怪。我還另外點了洋蔥牛漢堡單餐，2個漢堡餐名字和裡面的配菜上不同，但出來後一樣的，不明解…仲要等左起碼20分鐘先有得食😅整體一般

跟朋友於奧海城戲院看完電影，剛巧旁邊就有間不錯的西餐廳，一人晚餐這樣的價錢確是划算，而且環境好優美，露天位置可以看海。主廚特色沙律沙律的份量頗多，蔬菜也很新鮮翠綠，入口好清爽，夾雜些蟹籽，配濃郁香甜的芝麻醬。鮮海蜆香辣蕃茄汁扁意粉 - $128有近十粒海蜆味道非常鮮甜，不帶沙。軟硬適中的扁意粉掛滿酸甜的蕃茄汁，還有不少蕃茄蓉，好清盈。再帶點香辣醬，有微辣的惹味。美國牛肉漢堡配黑松露薯條 - $118漢堡煎得有點過老，略厭水份不足，吃起來有點乾身，但勝在牛肉味濃郁。漢堡包烘得好酥脆，塗滿了蕃茄醬，夾著生菜和半溶化的芝士。薯條有很多明顯的黑松露碎，不過部份薯條炸得比較老，有點黑。還好配不少的黑醋沙律。Still Water - $38有點扣分的位置是一坐下，侍應便問喝Sparking Water還是Still Water，沒有提及要額外收費。其後，看到旁邊的餐牌才醒覺，可惜太遲。

其實奧海城都去過好多次, 搵餐廳Happy Friday嘅時候竟然見到間環境唔錯嘅餐廳但係都冇印象有見過. 仲有8折. 就book嚟試下.佢話喺food court入邊但係入到food court都唔覺有, 出咗側門先發現戲院同food court中間原來係有間餐廳嘅! 真係開心大發現.🥩慢煮36小時和牛臉配洋薏米 $158其實嗌呢個餐係因為想試洋薏米, 想講真係好得意! 大粒飽和嘅薏米, 食落又煙韌. 和牛臉嘅油脂頗平均, 慢煮之後好嫩同有入口即融嘅感覺.🍖慢煮豬腩肉配惹味脆薯成日話減肥但係身體好誠實, 我唔係好豬腩嘅人, 但係見到呢塊勁大嘅豬腩真係流晒口水! 本來見到咁多脂肪以為會好肥, 但係佢係咬落去幾彈而且完全冇油飛出嚟! 以為個包皮簡簡單單但係味道都唔錯! 個包有搽小小醬去烘好好食, 原諒我食唔出係咩味, 但係真係幾好味~🦪生蠔 $58有海水味道但係略有腥味. 不過不失不過不失.🍦特色草莓及雲呢拿芭菲 $72有兩球雪糕同士多啤梨加藍莓. 士多啤梨雪糕都有果肉~🧊Still Water $38有興趣可以trytry. 上面價錢係正價, 折咗之後呢個又有蠔又有甜品嘅餐都係人均20

🍴龍蝦汁海鮮意大利飯：海鮮有蜆肉、蝦🦐和魷魚圈，每款海鮮都好新鮮，蜆肉竟是清甜肉嫩，蝦和魷魚都結實彈牙，非急凍食材。而意大利飯雖然份量不多，但飯粒比一般意大利飽滿，呢度菜用料好靚👍🏻🍴慢煮乳鴿伴黑松露汁：呢度既招牌菜！乳鴿皮脆，肉稍稍過熟，但油脂剛好，香味四溢而唔油膩。紫薯蓉也是另一亮點，微甜紫薯加左牛油/cream，令口感更滑。🍴意店鋪環境：多卡位而且是沙發櫈。味道：🔅🔅🔅🔅新鮮：🔅🔅🔅🔅分量：🔅🔅衛生：🔅🔅🔅🔅速度：🔅🔅🔅（5🔅為滿分）

想有氣氛，想又坐得舒服。推介呢間位於奧海城嘅Nathanhouse。店內環境有格調，設有梳化座位，雖然係西式餐廳，但有圓枱，岩哂多人又想傾計舒服啲嘅食客。500蚊已經有個非常豐富嘅二人套餐。今次一行4人。一個2人餐，再散點幾款主食，已經非常豐富，大滿足。食物唔單止賣相美觀，味道都非常之好。CP值相當高。呢到不單止食材用料新鮮， 烹調，裝飾都非常有心意。店員服務大致滿意，當日人客唔算好多。店員都好主動加水，反應速度都好快。

樓面舒適企理，侍應有禮同細心講解餐點，可惜食物質素平庸，性價比低因為openrice book位有優惠，所以我地揀左兩個一人餐（第二份餐半價）同6隻生蠔（買一送一）。六隻生蠔最先到，無乜蠔味亦無海水味，好淡然後前菜沙律份量甚少，味道不過不失，餐湯正常。之前到主菜，魚柳同意大利飯味道正常，但份量都係非常少。最後我地每人加左12蚊要水果茶，但係質素就好似果汁先生咁，唔知點解要加12蚊…總括唻講有啲失望，唔會再去。

只有難食作總結。難食到連相都想影。唯一最好係隻碟幾靚。餐廳寧靜因只有幾個客。和牛寬條麵嘅和牛怪味似素雞前菜蒜片蝦係水晶蝦大蜆椰子雞湯嘅蜆咸味都無唔好講有無海水味豬架伴碟薯蓉酸嘅所有食物都唔新鮮...點解仲好意思走嚟問我地有咩問題我地都諗唔到無問題係邊個位成家埋單食完哩餐即刻落樓下買外賣食下一餐

戲院停業，連帶附近餐廳零售全綫受影響。奧海城 戲院 <The Sky> 旁邊既 <Nathan House> 亦受影響。但這商場海景餐廳，環境服務還是食物質素其實也十分不錯，未嘗不是大角嘴上班族忙裏偷閑既好選擇。午餐 2 course 連餐飲。我選了比較少見既健力士黑啤烤鷄。前菜 為牛肝菌湯 ，真材實料，菇味道濃，正點！若果有餐包可以一路點一路食更好；不過，現況已十分不錯！主菜 十分鐘上碟，雞扒略烤過，鷄皮脆而帶少焦，雞扒扁厚有肉味，廚師控制火候得宜。主打既黑啤汁黑椒味濃，像牛扒既 gravy 但 after taste 有點點苦，可能就係黑啤既影響吧。 味道其實是十分不錯的。總結： 一百蚊海景午餐，主菜味道上乘，滿意既。

今日去食下午茶餐，諗住唔好食咁飽，叫咗個cake set。結果求仁得仁，件蛋糕同我支搓手液一様大，食完唔知去咗邊。收我$52個餐跟單只可以揀熱檸茶/水，食水會唔會深咗D？

到底差到咩地步，先會令你行出門口就即刻要打食評？ 答案係極之極之差差差！下午茶時段第二份半價優惠，一坐底，男服務員就推介炸魚薯條係佢哋最多人叫，如是者我哋都叫一份，但失望既係，炸漿唔脆，魚柳無味道，而且好大陣雪藏味，同個中年短頭髮女服務員反映，佢輕輕帶一句（同廚房反映返）之後不了了之！之後到呢個卡邦尼，食落口feel 到啲意大利麵有啲係凍既，再次同個中年短頭髮女服務員反映，佢都係答我同廚房反映，我反問佢（你會點樣反映？因為頭先魚柳既問題我見你都係不了了之，唔會係因為做第二份半價就咁那西煮啊ma? ) ，然後佢就話佢唔係負責人 ，佢又話負責人開會🤔 我見佢懶理嘅態度，就即刻諗起咁樣落去會有第二啲客人中伏，佢話而家廚房大佬都可以話到事，會同廚房大佬講，但因為啱啱佢處理魚柳既問題俾我感覺係聽完就算，我問佢幾時反映，佢黑面咁同我講（咁我依家入去講囉），之後就衝左入去，正因為佢地廚房門係有條「那」，加上出餐位置都望到小小入面，我聽到個中年短頭髮女服務員好大聲回應個廚房職員（我同佢講x左啦） ，我相信佢口中所講既佢係指我！而佢由廚房行出黎，黑口黑面行去第2到，完全唔想為客人解決問題！之後到埋單，我