鄰居 (Closed)

除左連鎖集團式漢堡店，其實小店更加是一個好選擇。今次去左呢間漢堡店，店面不大人流都唔算多，但好評都不少。我同朋友二人分別點了雙重芝士牛肉漢堡套餐及大烤菇牛肉漢堡套餐，都是選了雙色薯條，之後要先付款再等店員送餐。所有漢堡都是即叫即做，比較新鮮，所以都需要耐心等一等。過左大概１５分鐘，熱烘烘既漢堡同薯條就送到，賣相跟照片都差不多，整個漢堡非常飽滿，牛肉一點也不薄，而雙色薯條更有別於外面快餐店，有蕃薯條和一般的薯條，均炸到金黃色，沒有油膩感覺。漢堡飽用料十足且新鮮，大啡菇充滿蘑菇味配住芝士，生菜牛肉漢堡非常有層次，另外朋友點的雙重芝士牛肉漢堡也絕不令人失望，溶化中的芝士非常誘人，牛肉亦包住ＪＵＩＣＹ肉汁，愛芝士既朋友必試。有一點需注意是漢堡太大，女士食既時候比較麻煩要用刀叉切開。總括而言，非常值得一試的小店！

星期日中午同男朋友去試下，分別點了呢吧漢堡同雙層芝士漢堡，份量適中，漢堡算多汁，但肉質偏鞋，而且沒什麼味道。neighbour漢堡內有菠蘿、蘑菇、煙肉等配料，但煙肉煎得不夠香脆，而且菠蘿跟漢堡味道不太配合。薯條即叫即炸，尚算香脆可口。我們兩人花費合共$150，價錢尚算合理，但味道不太突出冇驚喜，同區有更好選擇！

每次行過長沙灣見到呢間burger都好想試下但每次都有唔同原因就錯過了☹️ 一係就好多人排隊，一係就無開🥺今次終於的起心肝，6點就去食，果然唔洗排隊好快入座😛嗌咗呢個大啡菇牛肉漢堡配雙色薯條等咗一陣，即叫即煮同炸啲薯條，好fresh望落都幾大同熱辣辣😍大啡菇勁juicy👅💦而且即炸薯條好香口🥰尤其有番薯條甜甜地幾好食😙但嗰牛肉味道就一般，乾咗少少同無咩牛味一般喺條街食burger都好clumsy又怕整污糟手但用餐具切又好難食得完整呢間店好細心係會提供埋三角小紙袋可以拎起嗰burger大啖食😛所以，食物味道同小店嘅細心都好值得再回頭😛

喜歡漢堡飽🍔迷的媽媽又搵我出動了😆😆今次食呢間係長沙灣的小店黎🏠落order,雪櫃攞野飲，唧醬汁都係自己黎，幾自助下🍽🍽💁🏻‍♀️小店黎講餐牌上嘅選擇都唔少，有8款俾你揀，仲照顧埋唔食肉嘅朋友，可素食，任君選擇，而且仲可以+$18轉套餐🤩🤩有野飲同雙色薯條🍟💁🏻‍♀️雙重芝士牛肉漢堡芝士味十足，但口感比較簡單🤗🤗💁🏻‍♀️鄰居漢堡我呢個口感就比較豐富多元化，菠蘿係重點🤣🤣煙肉不會過熟，肉扒好juicy 😋😋好滿足👍🏼👍🏼雙色薯條🍟各有千秋，媽媽喜歡原本的薯仔條，而我個人比較喜歡呢個橙色嘅蕃薯條😍😍

工作經過長沙灣，平時工作頻撲都會不吃午餐，見今天尚有一小時空檔，當然找間坐得舒適又吃得招積的食店，住附近的客人常讚好這家名叫Neighbor的漢堡包店，好啦就選在這裡吃午餐。下午2時進去已差不多擠滿食客，幾乎沒有空桌，好不容易找到面壁的bar枱，本人最喜歡因為不會跟陌生人你眼望我眼。打開餐牌，嘩！成8款，有招牌牛堡，也有雞和素食。其實很想選素食但第一次來都要試招牌菜--雙重芝士牛肉漢堡，我點了套餐，跟雙色薯條（普通薯條和蕃薯條）和一罐汽水。漢堡來了，對我女生來說算大份量，因為漢堡蠻厚，此時細心店員奉上給你包著吃的小紙袋😍😍😍裹面超多芝士，多都擠曬出來，如果我荷包的錢也是多到這樣就好了！其實裹面的蕃茄生菜也不小哩。薯片炸得好吃，特別喜愛蕃薯條，因為在外面少有吃到，就算有都要加錢。所以識食一定叫set，不過最後我都係完成唔曬整個餐，因為薯條份量也不少，100分！（自己：由於浪費食物了，-10分）平時除了去深水埗找食店之餘，不防也嘗試一下next station 長沙灣。

一入去無人serve,自己出去點餐。然後，職員就一言不發，專心製作，約十多分鐘就完成。👉🏼黑松露醬蘑菇牛肉漢堡漢堡包：乾硬程度適中，幾乎裏面都有脆口感 缺點：好厚,一口不能咬下手打牛肉排：頗大，充滿肉汁同油份，配上有蘑菇、番茄、生菜中和，仲有超新鮮嘅洋葱，令整體更美味。不過，黑松露醬唔突出，唔見到有顏色都未必知道有黑松露醬🙈價錢雖然唔算好平，但整體水準算唔錯，所以尚可接受。加$18可配雙色薯條(橙色為蕃薯條)及罐裝飲品。兩隻色嘅薯條都好食，同樣外脆內軟。蕃薯條則較淋身，但勝在特别，所以反而食得最多雖然職員之前無咩反應，但走嘅時候都友善咁講再見

今日咁岩去長沙灣睇戲，又聽朋友介紹話呢一間食漢堡包好好食🥳，所以特登行咗嚟食鄰居！講下佢嘅環境先，我覺得啲枱偏細🙈，只係啱啱好放到兩份漢堡包同一份小食。店員服務態度都幾好，見我地冇餐具，會主動提供紙巾同埋叉🙈。我同朋友分別叫咗一個大蘑菇牛肉漢堡同埋雙層牛肉芝士漢堡，其中一個加咗薯條同埋凍朱古力。薯條炸得幾好食，反而杯凍朱古力就比較普通，性價比偏低🙈 主角漢堡包做得吾錯！漢堡扒超級juicy! 食食下就噴汁...食到好狼狽🙈 啲配菜都幾好食、新鮮。而大蘑菇牛肉漢堡入邊嘅蘑菇真係好正！但我覺得漢堡包個包麻麻地...佢比較乾同埋有少少硬😢 不過好彩漢堡扒中和返🙈 所以整體漢堡包都算幾好食！反而我覺得小食比較普通。我哋嗌左水牛城雞翼，可能我本身對佢期望好大，所以有少少失望😞佢同我想像中有啲差別，調味有啲似辣醬🙈 本身麻麻哋呢隻味道...總括而言，呢間餐廳都算幾好食，兩人夾埋食咗$188，性價比算高。

去到剛好十二點半，店裡的漢堡都是即叫即製~但其實也不用等太久，大概10分鐘就有了~.🍔鄰居漢堡$62🍔早餐吃太飽，所以只單點了一個招牌漢堡~份量頗大，超厚，一口絕對不能咬下全部料😳先說漢堡包，温熱柔軟的質感，吃起來一點也不乾❤️漢堡排也是，雖然不到超級juicy，但也是中上水準~肉味夠香，煎得好，配上酸甜菠蘿，感覺清爽不少👍🏻Cheddar🧀的存在感不算很強烈，但這樣剛好不會太膩~夾層還有煙肉，不算油膩，煎到微微焦香🥰另外還有蘑菇和番茄洋蔥生菜，新鮮度💯.每層分開來說不算令人驚艷，但搭配起來意外的出色❤️感覺有在用心經營，製作不馬虎🥰.食物質素: 🌕🌕🌕🌕🌘食物顏值: 🌕🌕🌕🌕🌘性價比: 🌕🌕🌕🌕🌑回頭率: 🌕🌕🌕🌕🌘

呢日lunch我竟然想食burger🍔，之前經過美居已經見到對面呢間舖都幾多人食。好好彩一去到，餐廳剩返一張兩人枱，我哋唔使坐高枱，呢到係自己去收銀處落單先。門口有個牌，剩係做一款午餐($50)，美式牛肉漢堡🍔配汽水🥤薯條🍟。我哋叫咗一份午餐，再揀咗款普通menu上的包，要了應該係招牌嘅鄰居漢堡($62)，另加$18罐裝套餐，即係包汽水同雙色薯條(蕃薯🍠條同普通薯仔條)。舖仔細細，有三個大男生👦🏻👦🏻👦🏻負責店裡所有嘢，落單煎扒砌包洗碗等等。兩個包都等左一陣，因為係佢哋即場整，所以嚟到熱辣辣真係幾正。🍔🍔包包係幾唔錯，夠大個，但又唔會太厚，勉強一啖都咬得晒咁多層，熱嘅時候個包面仲脆脆的👍🏻。兩款包果然係貴啲嗰個好食啲，話哂係signature吖嘛。餡料多幾款包括煙肉🥓蘑菇🍄同埋塊菠蘿🍍，菠蘿令到成個包好juicy好正，係最佳餡料。而塊手打牛肉漢堡扒都幾好食，未算係我食過最好食嘅，味道可以咸少少，但而家其實都OK。個包有好多餡，配埋芝士蕃茄洋蔥同自加醬汁甜甜地好夾。😋由於有比較，另一款美式牛肉漢堡真係普通咗啲，因為大致上同鄰居漢堡一樣，只係少咗幾樣料😅。冇計係價錢嘅分別，但係因為呢款有做

早係一年幾前已經mark底呢間burger店，仲打算office搬到附近之後搵機會試，但點知一直都有各種原因而推遲。直到某日路過，同事話呢間小店既食物質素唔錯，再次鈎起我對佢既興趣，即刻約齊人陪我去試。餐牌上有好多burger都好吸引，例如大啡菇牛肉漢堡、雙層芝士牛肉漢堡，樣樣都係我”飛化”。不過最後揀左雞扒漢堡，一黎唔想食太油膩，二黎同事話雞扒好正。嘩!! 等左3個字，個巨型雞扒漢堡終於上枱!! 雞扒好大塊，大到完全蓋過哂下面其他食材；而且好厚身，咬落啖啖肉；肉質又滑又多汁，即使走醬都唔怕個包會乾；雞扒唔會醃到好鹹，係我中意既淡香草味。除左菠蘿外，仲有蕃茄片、紫洋蔥片同生菜，不單可以添加色彩，更可以一解油膩感，洋蔥片更為整個漢堡增加爽脆口感，整體配搭得唔錯。漢堡只要加$18就可以配雙色薯條同汽水，由於漢堡size都幾大，所以同同事share薯條。炸蕃薯條唔係第一次食，但一試就會愛上呢度既蕃薯條；一黎比較粗身，二黎夠甜夠軟，令人忍唔住食完一條又一條。餐廳唔大，座位只有20個，所以如果好似我地咁6位既話，就要等幾個字先有位，但如果1-2位既話其實可以直入；另外，點餐後食物上枱都等3個字，

好少會喺長沙彎覓食，但去開𠴱邊學野，一個人搵食，喺元州街比我見到呢間好吸引嘅漢堡，19:15左右見無咩人，就行入去食，我坐低見到個餐牌，好多個漢堡都好似好好味咁，有選擇困難，但最後係叫左個大烤菇牛肉漢堡（$62）+$18跟餐（多個薯條周飲品），另外，店員服務都好好，入黎開門關門都話等佢黎又好主動幫我羅餐具。雖然店鋪好細，但環境都唔錯，坐得舒服。好juicy 嘅餡料，薯條好香脆，有薯仔條同蕃薯條，兩款都好好味，有芥末醬同蕃茄醬！

呢間漢堡店位置係長沙灣同深水埗中間店內座位不多，食飯時間可能要等一陣食物價位五六七十蚊一個🍔加18蚊跟餐有汽水同雙色薯條大啡菇漢堡一咬落去，d肉汁菇汁噴出泥超juicy 🌊😋松露漢堡一樣咁多汁，漢堡排煎得非常之好松露味略嫌不足開放式廚房見到廚師準備食材，感覺新鮮放心❤️

Honey話想食漢堡包，但又話第日返早想早D瞓，諗住近近地同佢去到最近同事介紹嘅一間位於將軍澳嘅漢堡包店，去到泊低部車行到去間店，佢見到間店嘅格局就唔肯入去，於是就即刻醒起長沙灣天悅都有間handmade burger，於是就轉移地點向長沙灣出發。去到已經夜晚十點左右，所以唔使等位。睇咗餐牌點咗兩個漢堡，其中一個要餐。我就點咗大菇漢堡，Honey就點咗雙層芝士漢堡。我嗰個漢堡上隻大菇其實同個包嘅size一樣咁大，可以取代個上層嘅包，一路食D肉汁一路滴，而且肉味好香濃，真係好好味！而薯條佢地有兩款，一款係普通薯條，另一款係甜薯，而我就比較鍾意炸甜薯埋單都只係$150，超抵食

最近網上見到呢間餐廳，睇落好似唔錯，一於搵日放工去試下。我平日夜晚去，唔使排隊就入得。餐廳座位唔多，不過裝修幾有格調，幾啱兩三個知己或情侶一齊坐低食下傾吓計。我叫左個大烤菇牛肉漢堡（$62）。見到佢既burger係即叫即整既，上菜時麵包有微溫，外脆內軟。牛肉肉汁豐富，口感好實在。最正係塊大啡菇，超juicy，咬嘅時候啲汁咇哂出嚟！加$18仲可以轉套餐，配雙色薯條同汽水！值得一提係雙色薯條中嘅番薯條，甜甜地，幾得意！長沙灣其實有好多高質小店，好值得我哋去幫襯！

長沙灣同深水埗都好多小店，呢間位於元州街既漢堡店由幾位後生仔打理，絕對係有心之作，漢堡即叫即做而且夠厚身好juicy，薯條佢用兩種混合，兩款口味熱辣辣好好味。唯一係只有吧枱，帶小朋友去食就唔多方便，情侶去係一流