鄰居 (Closed)

小店漢堡～當然要去試下啦～假日下午去到，不算太多人，可能附近都係民居。店內有數張怡，自助形式，先去收銀處買餐後送餐。醬料、刀餐可問拎取雙層芝士漢堡$加多18有飲料🥤、薯條，或選沙律🥗呢個就揀左沙律🥗，漢堡不錯😋沙律就一般黑松露醬漢堡...好香黑松露呢個就揀左雙色薯條🍟

其實除咗係深水埗區，長沙灣區都愈來愈多性價比超高ga平民美食，而e間漢堡包小店絕對就係其中一間。最初睇見menu個陣 , 見到個價錢，都冇期望過D漢堡扒會有幾厚同幾大塊，但當waitress妹妹上菜ga時候，真係‘嘩’咗一聲！！！漢堡包除咗係即叫即整，兩塊漢堡扒都成吋甘厚，咬落去，成口都係肉汁，再加埋佢ga兩色薯條（其實係薯條加蕃薯條），甘ga價錢真係唔會有得輸羅！換轉平時係旺區ga餐廳食，相信要比多一陪ga價錢，而且都未必食到一樣ga質素。性價比甘高ga漢堡包，絕對值下次再黎encore 🤤🤤🤤

第一個POST決定分享小店：同一個價錢唔同嘅地區有唔同嘅選擇～🤪依家位於長沙灣既美式漢堡店有平民嘅價錢、意外高質嘅野食！！👏🏻排隊入座後，自助形式出去買嘢食，過咗大概10分鐘到就有新鮮熱辣嘅漢堡食啦！🤤我地分別叫左大烤菇牛肉漢堡同鄰居漢堡，可以試到多啲唔同味🍔大烤菇牛肉漢堡既手打牛肉扒有超多肉汁！大烤菇都冇overcooked好JUICY！配埋用咗嘅芝士🧀、洋蔥番茄生菜🍅🥬，食落好fresh唔濟，狼狽都要繼續食啊🤤！而圖後既鄰居漢堡除咗手打牛肉扒之外，仲多咗菠蘿🍍同煙肉🥓～識嘅時候菠蘿味會比較重，其他配菜啲味所以唔係好食得出🤔所以我鍾意前者多啲🤤我哋另外加咗個$18轉餐，包左薯條🍟（有番薯條同普通薯條兩溝！）同嘢飲🥤，大滿足呀🤤🤤🤤另外，佢哋嘅水牛城雞翼無論係辣味甜度都控制得啱啱好！👍🏻隻雞翼火候控制得啱啱好，雞翼所以外脆內軟！😍配埋個秘製醬汁，有辣味蒜味牛油味醋味，熱辣辣上碟，痴線阿，媽媽真係好好食呀，我形容唔到有幾好食呀！😋😋😋-大烤菇牛肉漢堡 鄰居漢堡 | $60 | 🇺🇸鄰居漢堡 | $60 | 🇺🇸水牛城雞翼 | $30 | 🇺🇸-

上次行街經過，見到呢間特色嘅漢堡包店，見到餐牌價錢實惠，望吓銀包自己食得起，就行入去幫襯下啦😆叫咗個特色漢堡包大約50幾蚊，加左一杯芒果梳打冰又叫炸洋蔥圈再叫一份黑松露薯條🍟哇.......兩個人食到飽....真係好豐富既午餐！🤪唔知要做幾多運動先至可以減到呢d卡路里，偶然食一兩次其實都好滿足，減肥就遲d先啦！😊🤤食得開心先最重要，我哋坐左兩個幾鐘都未願意走，服務態度幾好👍🏻😆餐廳環境設計得很特色，雖然店不大，食得舒服又開心！抵讚👍🏻

好有heart嘅小店💗長沙環高質素平民手打漢堡今日想介紹一間高質素食美式漢堡嘅小店❤ @neighbor_csw一年前喺度食過手打漢堡，真係念念不忘，而且價錢唔貴！決定要再嚟幫襯❤上次淨係試咗鄰居漢堡，今次決定試埋其他小食。 今次都係食返我最鍾意嘅鄰居漢堡$58，另外加$18可以做套餐配雙色薯條及飲品。鄰居漢堡配料有好多蔬菜+菠蘿及漢堡扒💗漢堡扒每日手打，好厚身好多肉汁，而且肉質好鬆軟唔會覺得好實。另外配了蔬菜非常新鮮，同埋好有心機連塊菠蘿都煎過，漢堡包加咗菠蘿酸酸甜甜，平衡得好好唔會有油膩感。另外套餐配嘅雙色薯條都係即炸，好好食雙色薯條係係薯仔同埋橙色嘅番薯條😍另外今次仲試咗其他小食 ❤洋蔥圈$24，即炸好新鮮好脆，粉漿唔會太厚洋蔥圈仲加咗香草調味，好有心思。 ❤水牛城雞翼$28醬汁好惹味,雞翼肉質唔會乾，爭爭辣度適中另外亦都可以因自己嘅喜好可以要求加辣。 ❤大烤菇沙律$38呢個沙律好有驚喜，蔬菜全部都好新鮮，大烤菇配洋蔥芝士及黑椒整得好好，切開好多汁，食材選得好大烤菇肉質厚身好索汁，加埋黑椒有少少辣好惹味。雖然全部都係蔬菜但又唔會覺得好單調好dry❤ 之前食過美式漢堡普遍都要$80

漢堡是主角？定蘑菇，菠蘿是主角？為了漢堡而來，卻要在蘑菇與菠蘿之間作出選擇。最终各選一，同朋友share食麵包是大路普通貸式。而漢堡很juicy, 肉質也很鮮嫩由於店小小，開放式㕑房，所以油煙味也很勁。平日也坐無虛席，味美，價錢合理，便是吸引食客的原因。和朋友坐了一個多小時，店主仍然不趕客，這種服務精神，抵讚。但見街外門口也有5~6人等候入座，自己也不好意思阻人做生意。小店加油惠顧所有漢堡/熱狗可選罐裝套餐加18元~(雙色薯條 /沙律), 罐裝飲品。加$12鄰居特飲(鮮果汁，梳打)~~~~~~~~~~~~~~~~~~~~~~~~~~~~~~大蘑菇漢堡$60~賣點係蘑菇雙色薯條~厚切薯仔，蕃薯即炸,外脆內軟， 灑上香草鹽 ， 凍了食也不會很乾身，像"麥記"般有食纸皮感. 鄰居漢堡$60~賣點係菠蘿

好奈冇更新，為大家開個新系列，美式漢堡編。係香港長大的我，識得食漢堡飽，都係由麥當勞開始。但由細細個開始，都唔鍾意食漢堡飽，因為又細個又乾爭爭，巨無霸都係免強合格。長大後，見識過外國的老麥，Burger King，以及其他漢堡專門店，開始對愛上牛肉漢堡。同頽食系列唔同，本編主要重質量，好食先會介紹。係長沙灣食嘢，茶記好多選擇。唔同中西區，有質素的西式食品欠奉。下午茶時經過Neighbor , 想試好多次，因為每次經過都好香油味。今日一于試試店內環境唔錯，有高櫈，有餐櫈，仲有英文歌，非常美式價錢相對深水埗就高DD，但在港島區就好合理。星期一至五下午茶時間仲送一杯Latte個包即叫即整，到好手仲熱辣辣，牛味夠，好Juicy,好食到噴晒汁。整體味道好好，我下次行完深水埗會行過嚟食第二款包

呢一日見到Facebook 報導就專登走去長沙灣試食一下呢個Burger😋😋因為老公是Burger愛好者，好期待🤤🤤點知去到全場爆滿！喺出面門口等位已經聞到好香牛肉味大概等咗大半個鐘左右就有位叫咗2個Burger薯條同2罐可樂個包軟硬都適中，肉就好juice👍但個Burger太厚嘅關係，本人喺未能夠一啖咬落去，要分開一樣樣嚟咬有點可惜個薯條喺即炸嘅唔錯幾好食店內油煙味都幾大食完好似食咗次韓燒咁😅😅

今晚要去長沙灣上堂至到十點先放學，所以放了工在上課前食小小先。看見介紹本想去十二味食酸菜魚作晚餐，但上到去又無人招呼，之前去過的香港大學站個間相比兩個世界，所以改行遠小小去學校附近的天悅廣場看下有無好野，又發現有間漢堡店啊～鄰居。看錶上堂時間還有45分鐘，近近地就行了入去地方不大而且坐位不多（20個位到），鋪內向馬路方向有一對大大的㕑窗，一面食漢堡一面看街景好舒服，我點了一個雙層牛肉芝士漢堡配沙律🥗作晚餐，先付款後送餐到你枱面⋯⋯並會有一個三角形紙套方便你將整個漢堡吃時盛裝漏出肉汁職員解釋我聲的～真細心。雙層牛肉芝士漢堡真係份量十足，即叫即製所以牛肉夠熱夠香而且肉汁又多配洋蔥，羅馬生菜，芝士同自製醬汁等一同食～好味有口感，麵包帶小小甜不錯。因怕熱氣所以要沙律不要薯條沙律不用説一定係新鮮的蔬菜再配自製醬汁食先係賣點～沙律都不錯整體服務，食物，環境都滿意會再來的⋯⋯

行下行下肚子餓，又唔想食快餐。結果俾我地搵到尼間「鄰居」，漢堡價錢合理，但是食落好好好味！每個包都係即叫即整，非常新鮮，而且夠曬熱，漢堡要熱先好食!「大烤菇牛肉漢堡」牛肉口感岩岩好，夠厚又唔會乾，充滿肉汁同肉味。大烤菇咬落直情爆曬汁，配埋個麵包，食落啖啖都係料，個調味岩岩好。「雙蘑菇黑松露芝士漢堡」黑松露醬岩岩好，咬落聞到好香既黑松露，食完個口都仲有餘香。芝士溶左有拉絲，每口都有好香既芝士，加埋黑松露既香味，個口感好多層次。仲有一定要加$18升級做套餐，因個雙色薯條好好食，係薯條同蕃薯條，薯條夠脆又夠厚身，蕃薯條咬落甜甜地。食完想再食！！！

慶祝新年，午餐想食好啲，搵到呢間係長沙灣嘅漢堡包店，平時經過都好多人， 難得有位，就即刻入去食啦。-鋪頭叫得做neighbor,當然要試吓佢嘅招牌鄰居漢堡$60，加咗$32要熱朱古力同埋雙色薯條。漢堡包好足料，有成塊菠蘿，煙肉，蘑菇， 蕃茄，當然唔少得漢堡扒。好juicy，塊包個面好脆，果然係即叫即整嘅漢堡包。雙色嘅薯條有蕃薯條同埋普通薯條，蕃薯條好吸引，外面比較少見！由於佢即炸嘅關係，熱辣辣好好食。平時食漢堡包都會飲汽水，不過天氣咁凍，我就叫咗熱朱古力，杯熱朱古力好治癒，打卡必備，上面仲有好多棉花糖好靚好有驚喜。再另外叫咗個水牛城雞翼，好辣好過癮朋友就叫咗個肉醬熱狗，都好吸引呀！-$100都唔使就食到咁高質嘅漢堡包，真係可以媲美外面xxroom嗰啲burger。

係長沙灣既漢堡包小店只有少量座位 星期六既下午去都好多人啊 支持香港年青人的本地小店啊😚🙌🏻-鄰居漢堡 ($60)加$18就可配雙色薯條🍟及罐裝汽水漢堡包🍔有手打牛肉扒 煙肉 磨菇 菠蘿 蕃茄 紅洋蔥😻菠蘿為漢堡包帶多一點酸酸甜甜 一解牛肉扒既油溢感😽手打牛肉扒好juicy好味道👻-大烤菇牛肉漢堡 ($60)依個漢堡而大烤菇同手打牛肉扒為主 大烤菇厚厚多汁😝仲有濃郁黑松露醬味👍🏻而最令小編有驚喜既係蕃薯條🥳🥰每一啖都食緊蕃薯🍠好甜好好食😚

是日又係覓食之旅，聽聞深水埗同長沙灣有好多小店都唔錯，所以放工就去左依間鄰居試食一下手工漢堡先。係等緊位發現除外menu上既菜式外，仲有晚市扒餐: 主菜、薯條、沙律同飲品都有齊，咁就岩曬有選擇困難症既我地。 所以我地叫左1個晚市扒餐同大烤菇牛肉漢堡套餐，另加洋蔥圈，大烤菇牛肉漢堡一咬肉汁湧出黎，漢堡肉鬆軟多汁，配搭大蘑菇一齊食，非常滿足。跟餐揀左雙色薯條，原來係蕃薯條同普通薯條，炸蕃薯條好特別，一甜一鹹 ，估唔到係可以好夾的。 洋蔥圈粉漿好薄身，脆卜卜，洋蔥香甜，點埋蕃茄醬食，好正。晚市扒餐相對驚喜不大，點左5成熟牛扒，食落有少少過熟，沙律都新鮮。

7點半就無牛肉同包，證明新鮮同客源大基本上咩鍾數去都有3至4枱客，小店黎講唔錯下漢堡包免冶肉扒可以講係靈魂，平時免冶係機攪，肉質太稔無咩咬口，肉汁又木獨，呢度係手打，仲有少少牛肉纖維都大塊，肉汁夠多，但唔係油多咯，個包外脆內軟，唔會起渣漢堡包可以配薯條或者沙律，沙律好多菜下，配甜黑醋，幫助消化，男友叫左雙色薯條做配菜，薯條係粗既已經覺得唔錯，再食埋蕃薯條感覺仲正，以為面咸內甜好奇怪，但原來味好夾，好味

咦？48蚊有burger set係真唔係呀？見今日晏左lunch 少人啲就想試下啲平時好多人既小店喇本身好少行過呢邊 比隔離三多雞脾既香味吸引左就帶領左我來呢度展開我美食之旅喇我同男朋友一人一個burger set 哇比想像中大份喎 食佢有兩個方法可以用刀叉亦可以用手直接食見到佢咁巨型我就想試用手食喇我好努力咁壓扁個包佢發現真係無可能一啖食得哂幾層可想而知係幾大份！另外薯條係我最愛既幼薯條幼薯條🍟相對地脆啲同個包好夾呀下次weekday 都要再過來食呀