鄰居 (Closed)

一間座位唔多但午餐或晚餐都時常坐滿人，有開放式廚房，有水泥牆身，有一塊寫滿字的黑板，坐在中間的黑枱度，我感覺好chill。任何漢堡加HK$18有多一份小食 (雙色薯條或沙律菜) 和一罐裝飲品。+HK$10將飲品轉一支Snapple。黑松露醬蘑菇牛肉漢堡 (HK$60)Juicy的手打牛肉扒配意大利黑松露醬、蘑菇片、溶到好creamy的莫扎里拉芝士和自家醬汁，好味呀。個包有焢過，熱的、脆口、味道有少少甜，齋食也很好味😋*雙色薯條薯仔孖蕃薯仔，正呀！特大香草雞扒菠蘿漢堡 (HK$58)煎得香口但有少少乾的香草雞扒、清甜的煎菠蘿片和美味的自家他他醬，好味😋*沙律菜菜新鮮、爽脆、喜歡嗰酸酸甜甜的柚子沙律汁。

呢日同老婆喺出面做完嘢，去咗長沙灣一間小店食Burger，呢間鋪玩美國工業風，幾有特色。雙層芝士牛肉漢堡，非常經典嘅美式漢堡組合，味道不過不失，冇咩位出事，呢個價位已經超晒班，仲有少少菜做伴碟呢。黑松露滑蛋熱狗，相當新鮮嘅配搭。我本身麻麻哋食黑松露，用黑松露同炒滑蛋配熱狗，我真係未試過，估唔到又有驚喜喎，老婆大讚啊。鄰居拼盤，一個價位可以食到四樣炸物，而且份量仲唔少，我哋差唔多食唔晒。冇話邊個特別出色亦都冇話邊個特別失色，比較吸引係Mozzarella芝士脆條，芝士迷必食呀！

鄰居 Neighbor 地方細細，座位主要係吧櫈，坐得唔算舒服，不過店嘅裝修就幾特別，具有濃濃嘅美國風。叫咗大烤菇牛肉漢堡同雙重芝士牛肉漢堡，套餐跟雙色薯條。兩個包入面都有手打牛肉扒，cheddar cheese，蕃茄，紅洋蔥，羅馬生菜同自家醬汁，前者就多咗隻 Portobello mushroom，後者則多咗層 mozzarella cheese。論質素，兩個包都真係冇得輸，不但牛味濃，其他配料同醬汁都配搭得宜。我勁鍾意食芝士，所以較鍾意啖啖芝士香嘅 double cheeseburger，姐則認為又大隻又 juicy 嘅烤菇好好食。值得一提係雙色薯條中嘅蕃薯條，又甜又脆，好食到唔停得口😋。

好不錯啊！！😍啲同好juicy 好好味啊！中意原汁原味既好不錯，好重牛味同埋好軟。普通經典款個套餐都係60蚊jar! 總算抵食🤤個薯條用雙色薯條，個甜薯條好好味囉，mix 埋普通薯條中和返甜薯既流。正

長沙灣嘅美食唔算集中 但散布於該區嘅街道上一條街 或者一個轉角 都會突然比你一份驚喜絕大部分都係小店 亦都係唔少多國菜餐廳嘅居處📔黃店 鄰居 6月起支持運動 5/8罷士 捐錢比星火立場———————————————————1.鄰居漢堡($62)🍔包身夠挺 味道正常帶少少甜 乾左少少少肉汁都係差啲 但呢款濕啲 因為多左煙肉啲油脂💧同黑松露比較就係油啲 但少左松露味 者係兩款差唔多.2.鄰居雙色薯條($28)🍟😋😋脆口！少有地用上薯仔同蕃薯🍠 兩種唔同口感同味道 一個乾身肉質啲 一個帶甜濕口啲但唔係唔中意食蕃薯條的😂但整體都色香味多元！.3.Mozzarella芝士脆條($26)🧀脆口 可能擺耐左唔太拉絲 但都幾好食😀4.雙蘑菇黑松露醬芝士漢堡($54)🍔包身夠挺 味道正常帶少少甜 乾左少少少加上漢堡肉汁唔多 餡唔太郁 結構完整👌🏿黑松露味唔算出 漢堡牛味偏弱 不過不失但外形一流 好cute😆😆.5.水牛城雞翼($44/6隻)🐔水牛醬汁酸酸辣辣 雞翼炸得香脆😋皮脆肉嫩 多番少少汁仲正！.📒✍🏾整體分數：6.5/10🤓⛅️

尼間小店食左幾次了。漢堡排食得出唔係現成買果啲，食落口牛味濃、滑、汁多......正！雙色薯條：薯仔+蕃薯，蕃薯條配芥末醬，好味晚上食一個漢堡套餐，可以飽到第二日早上。完全估唔到可以飽咁耐。推薦！雙層牛肉漢堡餐配氣水：$83/位

大烤菇牛肉漢堡🍔 $62一上枱賣相已經超吸引😍未食落去 淨係將個漢堡對半切已經見到個菇同牛肉幾juicy💦個包有烘過 仲微暖同小脆想成個漢堡大大啖咬對小編黎講太難 因為佢實在太足料 好正！😋Mozzarella芝士脆條🧀 $26趁佢黎到熱辣辣即刻拉返個靚絲先🤣佢味道冇咩特別不過對芝士控黎講 都係抵擋唔到芝士嘅誘惑😛

📍鄰居，深水埗/長沙灣⠀🔸烤大菇牛肉漢堡 拼 雙色薯條⠀💲60＋18⠀🔸水牛城雞翼⠀💲44⠀⠀🔺⠀又一人氣店！⠀見到好多人讚好，就是試試看吧！⠀🔺⠀漢堡包的部分，包有微微烤脆，這點很好～ 烤大蘑菇是我的愛～蠻juicy的～牛肉的牛味不算很重，也沒有到非常juicy。加上番茄，紅洋蔥，醬汁等，吃起來都不會很狼狽。整體來說不錯，但沒有很驚豔～⠀🔺⠀雙色薯條是薯仔和蕃薯條～炸得很脆，一條長長的～不錯。⠀🔺⠀水牛城雞翼不過不失，辣辣的，但不太像buffalo wings。⠀🔺⠀地址：⠀鄰居⠀長沙灣元州街162-188號天悅廣場地下A8號舖⠀⠀

互助互愛💛 守望相助👐🏻既<鄰居👨‍👩‍👧‍👦>帶黎不一樣既美式🇺🇸漢堡堡🍔走美國🇺🇸型格風🌪座位唔多經常座無虛席🪑特別係Lunchtime🥺開放式廚房可以睇到幾位廚房佬👨🏻‍🍳即叫即整醬料、餐具、飲品都係「自助」形式處理美式午餐^只限星期一至五, 12:30-14:30提供跟埋薯條🍟同飲品🥤=$50真係好抵食👍🏻<美式牛肉🥩漢堡包🍔>(美式午餐^💰$50)<大烤菇🍄牛肉🥩漢堡🍔>麵包🥯烘焗過脆脆地好香口🤤手打漢堡好軟腍🍔 仲好多肉汁🥩&芝士🧀添呀💦生菜🥬番茄🍅洋蔥🧅好清新爽口😌配合埋千島醬令成個漢堡🍔味覺好豐富大烤菇🍄將美式漢堡既味道昇華左📈係更Juicy更香更豐富既味覺刺激⚡️<雙色薯條🍟>➕$18就可以升級做套餐📈有埋薯條🍟雙色薯條🍟其中一款係甜甜地既番薯🍠條🥰薯條🍟都係熱辣辣脆脆地同好飽滿架😋

Follow @pigfoodiexhk for more food!🐷#pigfoodiexhk_包包#pigfoodiexhk_黃店=======📍創意漢堡小黃店 -- 鄰居Neighbour🍔話說已經bookmark咗呢間小店好耐 前排終於同 @foodievez @hungrypiggiess 三人行去拔草😋試左兩款好想食嘅漢堡🙈--------⭐鄰居漢堡（$62）呢個漢堡係鋪頭嘅招牌漢堡 緊係要點個黎試啦😆材料非常豐富 有手打牛肉扒，煙肉，蘑菇，菠蘿，車打芝士，番茄，紅洋蔥，生菜同埋自家醬汁💕睇見都留晒口水😁漢堡賣相好colourful好吸引🙈漢堡包體焗至微脆，口感鬆軟😙包包嘅層次亦都好豐富好驚喜，牛肉排好juicy🙊煙肉煙燻味香濃👍菠蘿冇加多餘調味，好清甜😍中和返肉類嘅膩，好清新嘅感覺☺整體不俗 值得一試！---------⭐大烤菇牛肉漢堡（$62）呢款亦都係小編好想試嘅,果然冇令小編失望🙊大烤菇好juicy😍加埋牛肉扒一齊食真係好match😋啖啖都好滿足👍--------整體黎講小編覺得兩個burger都好有水準，各有特色👍所以大家不妨同多幾個朋友仔一齊share,咁就可

依間舖喺6月開始就有出post支持依場運動而且有份罷市 捐錢去星火同立場💛💛-#大烤菇牛肉漢堡 $62大啡菇同牛肉超級juicy💛一切落去就有好多汁流出嚟😆不過略嫌個包太甜🤣如果大家唔鍾意切嚟食嘅話舖頭仲有三角紙袋提供 咁就可以拎住大啖咬啦🥳另外可以加$18叫個set可以揀雙色薯條或者沙律雙色薯條即係有普通薯條同埋蕃薯條蕃薯條好甜 都幾好食 可以一試評分:8/10-#Mozzarella芝士脆條 $26芝士脆條就普通質素可以玩下拉絲咁 味道就冇乜特別😕評分:7/10

之前經過長沙灣，呢間店外都有好多人等位，所以一直都想搵個時間黎試試，今日就襯星期六無野做去左食由於去到都已經9點幾，所以都唔需要等位。入面店面唔大，同隔離座位之間都有少少空位。我地就揀左兩個漢堡，分別係鄰居漢堡 （$62），同埋大啡菇牛肉烤堡 （$62+$18跟餐）。首先講下鄰居漢堡，除左漢堡扒，入面有煙肉，菠蘿同磨菇，食落好juicy，好多汁，同埋好欣賞佢個麵包烤到卜卜脆咁，好味另外，大烤菇牛肉烤堡，店員上果時唔記得比個面層麵包😂本身重以為係呢個包嘅特色，點知原來係一時唔記得姐，就補返比我地。 呢個漢堡都係大大個， 食落大啡菇爆晒汁，一啲都唔會乾身。而小食就係雙色薯條， 分別係薯條同蕃薯條， 兩者都卜卜脆，番薯條仲有少少甜味，食到停唔到口。價錢實惠，又食到好飽，推薦大家嚟食呀！

受地方所限，呢度真係好細，一定有少少唔舒服。不過個裝飾都有返d feel，最有趣係佢個消防喉轆佢個餐牌大約等左5-10分鐘，野食上桌了xd黑松露醬蘑菇牛肉漢堡 $60小弟加左$18要埋個雙色薯條個牛肉好吸引咁。反轉個包面，可以証明到佢將成個包都有雙面烤過，暖嘅。小弟就食左薯條先，所以食漢堡個時就凍左少少，不過！都係脆嘅。如果想試又暖又脆嘅包，就食包先啦xd包咬到中間，好軟，多汁，新鮮嘅牛肉味。個黑松露比較淡少少，唔算咸，不過小弟係中意濃味少少嘅人xd近鏡睇返，個牛肉真心靚，好回味。雙重芝士牛肉漢堡 $52呢個包嘅重點係多芝士，小弟食左，芝士味好到，除左牛肉味，仲有濃厚嘅芝士味係到，中意多d芝士味就叫佢啦。小弟就比較中意呢個包！好食D😂雙色薯條加$18就有得食連汽水一罐又脆厚身仲好好薯仔味，一定要叫埋啊。餐廳會俾張紙俾你去包個包食，小弟就幾中意張紙嘅花😂總結黎講，呢個價錢已經算平架啦，空間就係細嘅，係有d唔坐得舒服，但有好野食，就無所謂啦。

住喺長沙灣呢邊，真係好有口福... 因為好多好正嘅小店～ 呢間係我初初搬嚟呢邊就幫襯到我走嘅小店之一❤️我每次嚟幫襯佢，都必點大烤菇牛肉漢堡～ 牛肉多汁，口感又好... 仲要加埋芝士同大沖啡菇... 真係完全啱我口味！！我仲要加咗錢要咗個套餐，有埋薯條同汽水～ 呢度仲有一個經典牛肉漢堡餐，午餐價都只係$50，比其他包加錢轉餐平好多... 但呢個漢堡絕對冇因為係平啲而唔好食或者低質咗！所以真係抵到爛！！如果其他人會經過深水埗或者長沙灣，我絕對推薦佢哋嚟呢度食！

美式牛肉漢堡 $42 加配套餐$18之前已經想食佢架啦 但果日佢未開門 等唔切就要轉場嚕💔啲人成日話黃店野食唔好食 但我食左幾間都覺得質素唔錯呀🥰🥰🥰雖然burger 種類唔算好多 但每一個都係誠意之選呀!我今次叫左最普通既牛肉漢堡但都好出色!! 啲肉汁多到爆出黎係真係食到我成身都係😂 要用濕紙巾抺頭髮個蕃茄都唔生 配埋牛肉漢堡黎食仲好fresh!我配左個套餐 可以揀雙色薯條/沙律 + 汽水我實揀薯條😏落單果時同哥哥仔講要配薯條佢仲好搞笑咁同我講 係雙色薯條!我先知原來唔係齋薯條 另一隻係蕃薯薯條~炸既時間岩岩好 唔會太乾 而且仲好大條!但我都係鐘意食平時果隻薯條