新森林焗之專門店 (Moved) New Location

今天與友人前往新森林吃焗飯，首先它的舊店已搬遷，花了差不多10分鐘時間才找到新店地址在通菜街1號地下；地方比以前舒服很多，既清潔，冷氣又夠，十分舒服；終於食物來了，蘿宋湯美道不錯，有水準。主角焗飯一來，香味已經令我流口水，味道方面，牛魔王焗飯：黑椒香味十分有味道，芝士味。道也濃。焗豬扒海鮮飯：味道特別，這樣的搭配真是第一次嘗試，很特別。我們也點了一些小食，有燒雞翼，芝士焗西蘭花，酸辣鳳爪等等。味道也十分好，值得一試。

新森林真係由細食到大😂😂讀書時期食到岀黎做野放飯都係食緊午市套餐選擇好多，價錢又合理，總有一款岩晒你哈哈。而且lunch免加一！ 估唔到drink menu都設計得幾靚我哋加左$3轉凍飲，仲可以轉紅豆冰，正經典蕃茄焗豬扒飯，永無岀錯～我叫左黑醬油咖喱豬軟骨焗飯，都好多料！我哋另外加左小食，呢個係焗蒜蓉包，上碟時仲係暖笠笠，外脆內軟，仲有好香蒜蓉味，好好食。 不過不失嘅餃子，有三隻店員比左高級調味料我地點薯角同餃子😂😂受寵若驚

今日放假下晝同蛋蛋出左去旺角行街行到咁上下就去左新森林其實之前都食過一次 個次食覺得好抵食 所以第二次都想再去食呢間野個入口係女人街尾個個位既OK隔離等左大約5分鐘就可以入去啦本身其實可以唔洗等位 但我見未有位我就推左蛋蛋去睇餐牌 原來係要自己行入去拎飛先坐低睇餐牌我地叫左二人晚餐$128轉左特飲$7(每杯)X2STEP1我地要左一個安格斯牛肉芝士漢堡+泡棻芝士魚柳漢堡STEP2跟餐的三重奏小食拼盤 小食自選兩款同是日甜品 我地要左黑咖哩雞翼同埋墨魚咀 是日甜品係布朗尼蛋糕STEP3任簡一款$52價錢的飯/拉面(過左價可以補差價食)STEP4飲品兩杯(凍飲要加$3,特飲係加$7)特飲簡左荔枝梳打同埋雪梨梳打二人晚餐係包左餐湯同餐包好快就送上餐湯同包 一紅一白上次食都覺得紅湯係好飲啲白湯今次有啲稀 麻麻地唔知有冇人同我一樣好鐘意食個餐包既呢?(到到既餐包都好鐘意食,要茶上滿滿既牛油真係不得了)👧🏻💬比我影張靚仔相先啦 笑下👦🏻💭🙄好快飲品都送上了 紅色個杯係雪梨 藍色個杯係荔枝 (其實個名本身應該好長 哈但唔記得叫咩 根據張收據上面叫啦)我地覺得藍色好飲啲 因為個味係濃啲 🤤🤤(其實兩杯

話說去完朋友上半場教堂婚禮，又未食lunch，又未到飲，係旺角都真係唔知有咩地方坐得幾好得黎可以食得飽啲。突然諗起呢間，即刻提議朋友一齊去。佢下午茶仍係抵食，3x元就有一個焗東西加嘢飲，真心好正，而且仲到水準，仍然係好味同份量係足嘅。佢條腸唔會太硬身個種，意粉硬度仍然係好嘅，唯個雞扒係濕左啲，不過整體都係好食同飽肚。朋友叫左個半邪惡餐，相比起我地焗嘢完全唔邪惡，佢一半都係菜，比一般餐廳沙津都多，好健康。

很久沒來食飯，經過這裡當然來食個下午茶叫了芝士焗雞扒香草吞拿魚茸意粉和番茄焗豬扒飯，落單之後不用15分鐘就已經送上，心想這間店的效率真高，其他店一般要等30分鐘或以上。當芝士焗雞扒香草吞拿魚茸意粉放在桌上，賣相有點出乎意料的少汁。這也不是重點，重點是整碟意粉只是暖，不是熱的，看上去這碟意粉只是把雞扒，吞拿魚茸和芝士放在已經做好的意粉上，然後輕輕焗一焗而已。因此，意粉只有油膩膩油，完全不入味道;雞扒也是沒味道，而且一點也不熱;吞拿魚茸好似有番茄醬的紅色，不過，真的淡而無味;最後，我完全食不到任何香草味道！一句到尾，這碟意粉 無味！不熱！ 就算請我食我都唔再食呀，何況要成$32，我不如去食 M 記唔好？！

店子環境好大，很多坐位，流轉率高。出餐速度都很快！低溫慢煮原隻春雞配芝士焗飯 $78真係吾講笑😳好大隻呀！覺得非常抵食！呢個價仲要吾洗自己整淨係食隻慢煮春雞都值回票價啦！👏🏻👏🏻 雞肉可能係因為慢煮既關係，肉質特別嫩滑！！幾多汁！😋 雞皮塗上既醬油味道均衡，又吾會太咸，幾好味呀！👍🏼個飯係蛋炒飯底，好香呀！仲有好多芝士，好滿足☺️另外，我同朋友試左開邊芝士焗龍蝦伴松葉蟹膏芝士焗飯 $78龍蝦肉幾新鮮爽口😋 松葉蟹膏令到整體味道更豐富了👍🏼 芝士龍蝦汁配飯食都幾正！不過呢個吾係蛋炒飯底，如果係會更加香口。呢兩個焗飯份量都好大！係2-3 人份量😂最後我地兩人盡力食都食吾晒🙈

當日晚上8時去德福睇戲我地兩個先去旺角行左一轉朗豪坊, 睇下Lego版既美女與野獸, 規模無想像中大, 不過D公仔都好得意!hea左陣, 6點幾又係時候食晚飯講到食, 通菜街係我旺角開餐既心水, 中西日韓既食店都齊, 質素又唔差, 至少唔會係伏今次決定呢間新森林焗之專門店, 事後證明非常抵食!!一入餐廳, 簡單2張menu已經令人選擇困難症發作雖然基本上只係揀焗飯, 但既有2人餐, 又有得加錢食小食拼盤, 真係諗左一陣XD2人餐太豐富, 諗落都係食唔晒, 所以今次叫左焗飯+個小食拼盤!黑醬油咖哩芝士焗飯(牛肋條), 首先以焗飯黎講, 芝士真係太少大家不妨睇睇menu最底果句, 叫佢加芝士!有幾舊牛肋條, 幾塊炸薯, 一隻煎蛋, 份量足!可惜由於唔係用炒飯, 芝士味又唔濃, 味道偏淡, 好在有黑醬油咖哩, 都送到飯小食拼盤揀左紫芋甜薯餅+泡菜芝士鱈魚柳漢堡+甜品跟飯只需加$28, 特別一提係紫芋甜薯餅用製作芋角既炸法, 外脆內軟整體唔算太特別, 但十分之抵食!散叫既沙律, 味道正常不過將沙律既麵包粒改用爆谷係咩玩法跟飯仲飲左杯熱檸檬菜蜜2人埋單只係$104, 我的天呀每人$50食到呢餐真

焗豬扒飯一直也是我的至愛，今天好有衝動想食。呢間的焗飯用蛋炒飯底，飯的軟硬適中。豬扒加上焗到金黃的芝士，格外惹味，食落會拉絲。豬扒應該經過特別處理，吾硬的，咬入有肉汁。唯一缺少疏菜。建議加入蔬菜，食得更健康

差唔多十年八年冇黎食過, 記得果陣覺得勁抵食, 尤其係晚餐, 好似30蚊就有交易, 仲要焗得好好味. 琴日經過見到lunch價錢已經唔算特別抵, 都要40幾蚊以上, 但都照入去食個焗豬回味下. 坐低冇乜人, order左一客"皇牌蕃茄芝士焗豬扒飯", 豬扒同埋芝士都幾多, 豬扒夠腍, 但有一兩舊都好多肥膏. 芝士都平均cover左飯上面. 飯係炒飯底, 飯粒都粒粒分明, 比較硬同乾身. 味道都唔差, 鹹甜度都合適, 而且夠多汁比我撈飯食. 本身一開始我見隻碟好淺, 以為份量好細, 點知食食下發現都算大份, 我食完都飽晒了. 不過男仔就未必夠食. 而且我覺得碟飯可以再焗熱啲焗透啲會更香, 因為食無耐就已經凍凍地!  服務黎講, 工作緊既男和女侍應都幾有禮貌, 服務態度唔錯的.

因為旺角呢間分店營業時間好長有時晏晝消夜都可以喺度食豬扒好夠份量 相對來講飯比較少不過值得讚嘅係飯係炒底通常會食淨左豬扒 芝士都好多 撈一齊好夾而小食嘅餃子都值得一讚唔會有過多嘅油係入邊

旺角，人如其名，非常暢旺的地方。今天行完旺角，一個人在此區尋找一個人的晚餐。一個人，一個晚餐，表面價錢不貴，加一罐可樂3元，尚算正常合理。令我意想之外的是要加一服務費。可能我少出街食飯，一個晚餐收加一，第一次經歷，雖然總價也不算貴。這樣加一收費，其實內心有些不服。倒不如收正價飲品好過。以上純屬個人意見。不喜勿插。

好耐以前都食過呢間焗之專門店「新森林焗之專門店」，但最近新推出左不少焗飯款式，當然要去食下啦，呢間餐廳以平民化價錢推出好多不同的款式，價錢超經濟抵食。😋👍🏼聽聞芝士龍蝦焗飯好正，當然要叫一個黎食啦。最後就點選了：「開邊芝士焗龍蝦伴松葉蟹膏芝士焗飯$78」、「深海鱈魚柳白汁芝士焗飯$52」、「三重奏拼盆$28: 迷你安格斯牛肉芝士漢堡、香辣雞肉焗招牌芝士大啡菇、是日甜品」、「三重奏拼盆$28: 黑咖哩雞中翼 、麻辣胡椒魚肉豆腐 、是日甜品」、「奶茶紅豆冰+$6」、「巨蜂提子蜂蜜+$8」。🦐🍲🐟🌳🍄🍔🍖🍹「開邊芝士焗龍蝦伴松葉蟹膏芝士焗飯$78」賣相超正超吸引，雖然係開邊龍蝦，但以呢個價錢真係好抵食，好多芝士鋪面，最欣賞係以蛋炒飯為焗飯底，除了有西蘭花，仲有蟹柳帶子等配料。味道食落不會過濃過咸，炒飯底食落粒粒分明。🦐🍲「深海鱈魚柳白汁芝士焗飯$52」滿滿既焗飯，有兩人塊鱈魚柳鋪面，亦都有好多芝士鋪面，亦都係以蛋炒飯為焗飯底，有西蘭花等配料。味道食落不會過濃過咸，炒飯底食落粒粒分明。🐟🍲「三重奏拼盆$28: 迷你安格斯牛肉芝士漢堡、香辣雞肉焗招牌芝士大啡菇、是日甜品」迷你安格斯牛肉芝士漢堡賣

第一次寫食評，因為最近有啲唔開心既事，想一個人靜下，但一個人食飯都想食啲好野，迷迷糊糊就走左入去新森林，個門口一個人好似好易入呀嘛哈哈，叫左個牛扒芝士焗飯，仲有小食可以加，$28蚊有2個小食同甜品，諗住食左個飯先再諗加唔加，點知食左個飯已經好飽，因為個焗飯真係好大份，塊牛扒煮得岩岩好7成熟，易切易咬，仲好多芝士，食到好飽呀，小食下次再加啦！呢間野環境都唔錯，坐左好耐都無趕人走，多謝佢地比左一個思考時間我！

收工約左個FD一齊食飯，唔知食咩好嘅時候就例牌去新森林啦。因為我地都唔係太肚餓關係，所以只係叫左個新出嘅龍蝦芝士焗飯。佢另外叫左白湯，碗湯黎到望落同平時餐廳飲開嘅唔同，裏面有好多唔知係肉定乾蔥嘅碎碎。問個FD拎左啖黎飲，味道比出面嘅濃郁，但又唔會過咸，可以一試。奶茶紅豆冰 - 夠凍，紅豆好多，差唔多有4成，飲落唔太甜幾好，因為出面圓嘅D紅豆冰成日都甜到膩，甜到成餐飯要分幾廿次飲好耐先飲得晒。呢到就唔會，另一樣我幾鐘意嘅就係紅豆夠淋，但又唔會變到糊仔咁，有小小咬口，應該係自家煲的。 好快我地叫嘅龍蝦飯就黎到喇，賣相好靚仔，成隻龍蝦都比芝士包住，正！龍蝦肉好彈牙，睇外形應該係青龍蝦，龍蝦肉除了口感唔嚡，爽口之外，加上微焦芝士一齊食仲有一種香滑嘅感覺！而飯面嘅＂蟹膏＋芝士＋蟹籽＂亦都不容睇小，蟹膏微微咸香，配上拉絲芝士，成份事真係好邪惡登登~點解會有個漢堡包出現呢，其實係因為一個飯兩個人分真係唔係太夠，都係叩多個小食拼盤~ ~a漢堡包幾迷你，中間塊煙肉超正，個包仲有小小酸瓜平衡番冇咁油膩最後舊紫薯餅好細舊，紫薯味唔出，要認真咁搭先食到陣紫薯味，只係食到出面炸漿陣味個三粒chocolate b

開邊芝士焗龍蝦焗飯 限定價 $78·上堂之前，身處旺角，除咗米線仲可以食咩？有啦⋯焗飯！猶記得中環番工時好鍾意去新森林到食飯，除左多選擇，平靚正係主要原因！你遲咗少少放lunch 就預咗要大排隊嘅心理準備。依個情形去到旺角仍然一樣，雖然店鋪位於橫巷，座位都多，但用膳時間都避不開排隊拎號碼牌嘅命運⋯·菜單選擇，很多，除左焗飯之外仲有多款拉麵同小食，對於我依個選擇困難症嘅人黎講：好痛苦呀！好彩，有主廚推介🎉，唔駛煩，揀咗個開邊芝士焗龍蝦伴松葉蟹膏芝士焗飯！💫如果你同蘋果乾一樣咁大食，可以用$28跟餐價加多個小食拼盤（兩款小食+是日甜品，小食方面選擇都算多）🍡🍰💫但如果你再大食啲，可以學我加多$8 揀咗杯荔枝藍碟花蜜分子料理梳打🍹·開邊芝士龍蝦焗飯，真材實料，大大隻開邊龍蝦，食落啖啖肉，肉質鮮甜，芝士一啲都無手軟，唔止佈滿成隻龍蝦，係佈滿成個焗飯！芝士簡直多個可以做芝士撈焗飯😆！松葉蟹膏呢？放心，份量唔會少到搵唔到，我都食到大大舊，lucky 唔腥哦，creamy 之餘反而帶出啲甜味！亮點，居然有蟹籽係個飯上面，撈埋啲芝士焗飯到食又多咗種滋味😆成個飯，你鍾意可以淨食隻開邊龍蝦先，我就鍾意撈埋