新森林焗之專門店 (Moved) New Location

抵食夾大件＠新森林都好多年沒有到新森林食飯，曾經是我的食堂，想當年放學就喜歡和同學去食焗飯下午茶，抵食呀嗎早幾日出旺角看電影，趁入場前食個快飯～在女人街近廣華那邊見到新森林的海報，原來現在不單止有焗飯，還有好多其他主食，而且價錢好便宜晚上７點左右，餐廳已經滿座，還有在等位的人龍以卡位為主的座位，頗有空間感ＭＥＮＵ內食物款式超多，一個ＳＥＴ大約＄６０有交易跟餐餐湯和餐包跟餐的竹炭麥包，食一口就是麥包，只是顏色似竹炭，沒有特別的味道，但包夠軟就好食啦～反之那紅湯很突出，飲一口，就是小時候上西餐廳那種味道，有點牛尾的濃香，蕃茄味濃，而入面炒香的洋蔥為港式羅宋湯帶來一種甜味，就是經典美味的紅湯味道一人晚餐，我點了鵝肝西冷ＳＥＴ　＄７８我沒有想過可以如此豐富～配菜雖不是用上上等的菜蔬，但就是色彩繽紛夠吸睛薯角脆卜卜，外脆內軟，份量也好多西冷雖不是用上上等貨，但大大件又沒有雪味，夠腍，而且沒有好似出面的快餐店般加以大量黑椒去掩蓋雪味，靠得住。而上面的那片煎鵝肝，好美味呀！＄７８你還想要什麼友人點的 鵝肝牛肉漢堡包，真心建議如果是女孩子千萬不要自己點一個來食，真的會食不完呀～！同行朋友雖然是男孩子，

Fabulous Kira的工作一直都非常困身，上星期更連續多天夢見一些奇奇怪怪的惡夢。休息不夠、精神壓力大，還睡得不好，心情真的非常差。上星期六和日都特意去訪翠如BB介紹，在九龍灣新開的漢堡包專門店，可惜兩次登門都說所有食物都沽清！更甚的是昨天工作犯下嚴重錯誤，害同事擔心，又要替我的事忙。不開心的時候，食東西和購物往往是最好的安慰和排解方法。昨天下班，臨時約了最友好的朋友陪我到旺角逛街。逛街前，先要填飽我們的肚子，我們走進女人街覓食，看見新森林，在外面停了一分鐘，最後還是決定進去了！為什麼我會在外面停頓一分鐘而不進去了？Fabulous Kira在何文田唸大學，常常都到旺角吃午餐。記得有幾次我想拉著朋友吃新森林，他們卻說：「聽講好難食。」就取消了這個唸頭。我們的社會有太多的「聽講」，然後我們就信了。這次！我要打破這種所謂的「聽講」，我停頓、我走進新森林，嘗試我的新嘗試！由於我真的非常想吃漢堡包，便點了「100%之巨人漢堡」系列的又脆又軟之雙層芝士巨人（燒牛扒及吉列魚柳），配竹炭麥包及粟米忌廉湯，當然還有小食啦。竹炭麥包及粟米忌廉湯（套餐+HKD6）竹炭有排毒去水腫的功效，配上麥片，咬

早前去旺角做facial,便先去食個快飯, 我就去了新森林焗之專門店食野.這裡的套餐幾抵食,可以自選一款小食，再選一款主食, 而且款式選擇也不少. 奉送熱飲, 凍飲加$3, 或以優惠價轉特飲.另外加$4可配餐湯, 加$6可配餐湯和全麥牛角包.最後我沒有加錢配餐湯和包, 只點了特濃芝士大蝦焗意粉，小食點了松葉蟹肉海鮮焗帶子, 飲品點了熱韓式薑母茶.店員先捧上熱韓式薑母茶.薑母茶甜度適中,不過淡而無味, 薑母茶要夠熱才好飲, 這個不錯.松葉蟹肉海鮮焗帶子.帶子面放了蟹肉，再配上沙律醫，雙重口感.特濃芝士大蝦焗意粉.上檯時已香味撲鼻. 而且一共有五隻蝦, 數量俾我想像中多.蝦面上真是全放滿了芝士, 非常吸引.不論蝦或是意粉上都沾滿了半溶的芝士.蝦肉的肉質幾彈牙和爽口, 加上混入芝士, 雙重口感.由於蝦已經開雙飛, 所以食的時候夠晒方便.意粉軟硬適中, 這是我鍾意食的軟硬度.見到旁邊的食客點了韓式柚子蜜雞翼幾吸引.決定也點來試下.雞翼外皮夠香脆,內裡肉質夠嫩滑, 不點任何醬汁也夠味.我也試了點韓式柚子蜜, 甜甜地, 感覺有所不同, 兩個食法也好味.

旺角是一個充滿童年回憶之地，而說起童年尋食記的話，百分之八十，我中學時代的午飯都是在旺角通菜街覓食。而這裡的 ♦新森林焗の專門店♦ 亦是其中一間聚腳地，記得以往，每逢冬年都愛來這裡吃個熱騰騰的焗飯，所以襯著天氣回冷，前陣子去了回味一下!每次看到這個【松葉蟹肉海鮮焗帶子】都引不下叫，今次都不例外!焗帶子的熱度適中，內裡的蟹肉和帶子的份量都足料，而且口感不錯，配合醬料更加滋味!主餐叫了個 【芝士焗大蝦黑椒安格斯漢堡牛肉飯】，飯焗面層的芝士焗得微焦，翻開芝士冒著輕煙 !而且份量確不少，一碗盛得滿滿的，這麼多年都沒有改變!焗飯中有隻大蝦，芝士味香濃，蝦肉彈牙、鮮甜，一口蝦肉，一口焗飯，非常不錯!黑椒安格斯漢堡肉質鮮中帶軟，肉汁豐富，口感香腍，肉面沾了黑椒，更加惹味 !飲品方面，加了HKD 6,叫了杯【巨峰提子蜂蜜珍珠綠茶】超級推薦這個! 冰涼而清爽的提子味，蜂蜜甜度適中，既解渴又可清清口喉。綠茶面鋪滿蘭香子，充滿粒粒Q彈的口感，而且蘭香子有豐富的食物纖維，非常健康!另外杯底還沉了不了淡黃色的珍珠，為綠茶添上多層次的豐富口感!

聖誕將到，來到旺角買禮物。女人街有很多選擇，買完後，來到此街頭的新森林焗之專門店晚飯。因為八點多，很多人，都要等了五分鐘左右。平時食的是焗飯，今次點了巨人漢堡餐。選擇都不少，有成6款。而我點的是<<雙層安格斯手打牛漢堡芝士巨人>>，可以加4蚊來一個湯，紅白湯兩者我揀了紅湯羅宋湯。羅宋湯入口辣辣地，足料，味覺唔錯。不久，牛漢堡芝士巨人也到了，賣相吸引，十分有睇頭。先看看牛漢堡芝士巨人，有兩層安格斯手打牛扒，幾厚下。再加一大塊芝士，雜菜，蕃茄。而包皮就是用有芝麻的。漢堡很高很豐富，牛肉入口有質感。一口咬下去漢堡，雙層牛肉加芝士很JUICE，一個人吃一個漢堡已相當飽了。而配菜是薯條及粟米粒。薯條是厚身的，熱辣辣，不錯。粟米粒甜甜的，配搭清新。再加了3蚊點了柸凍檸茶，解解渴。下次可以再試下其他口味。

跟家人第一次幫襯，原來在女人街迷宮有間唔錯快餐廳。座位夠寬敞，餐廳中間有棵大樹裝飾，看了讓人覺得開心。周一晚以為會無位，但又竟然一入就有。不過踏入7:30就坐滿了。跟拉麵餐加＄10有吉列豬扒，冇影到相，但值得推介！

新森林算是中學時期的回憶, 以前在補習過後總會選擇到這裡填肚, 貪這裡「抵食夾大件」。四五十元已經有飯有湯有包有餐飲, 不喜歡焗飯時也可轉口味吃扒。當年焗飯的選擇都是「正路貨色」, 如芝士雞皇飯, 焗葡汁雞球這一類....中學時期常光顧的新森林到我上大學之後漸漸被遺忘.....上個月在旺角行街又諗唔到食乜, 見到新森林, 突然心血來潮來....踏入門口, 看一看餐牌....以往的「正路貨色」大多消失,只餘下肉醬意粉....大量的新派fusion 湧現, 諸如咖哩焗飯, 什麼牛魔王, 烏冬, 公仔麵....也許是租金高漲, 平凡餐廳也要多元化起來餐包+忌廉粟米湯餐包是牛角包, 和以前的蒜蓉包不同, 不錯, 有牛油香忌廉粟米湯不夠熱, 味道....都是麵粉水吧, 不會有奢求芝士焗肉醬意粉以前的「例牌」菜色, 老實說, 水準下降不少, 肉醬內的甘筍比肉還要多, 意粉太淋, 太油, 吃得出稍為焗過但不夠熱.....以前出色的熱辣辣啖啖肉肉醬意粉已經不再存在鴛鴦焗飯焗飯是炒飯底, 總算有一些誠意, 但最大問題還是不夠熱....失望看來中學的回憶只能在記憶中回味了

朋友告訴我女人街兩邊有好多食肆，甚少行入女人街嘅我，因為唸唔到同朋友去邊度食，就去左女人街睇睇。我地行過e間，朋友話見到d焗飯好似幾吸引，因為我無乜特別意見，甘就e間啦我叫左個芝士焗豬扒飯。幾好味，豬扒係一件切開4件,醃的夠淋但是很鹹，芝士份量OK，幾香而且起司，炒飯底也是略為鹹，整體來說太鹹。朋友叫左芝士焗雜菜雞扒香草吞拿魚茸意粉,故名思義，就係將所有材料寫左在個名裡面。菜，雞扒，吞拿魚，每樣有d, 份量唔多，大堆頭，但係反而覺得唔好食，因為覺得自己唔知食緊d乜野，老實說真糸麻麻地。跟餐送餐飲，我地叫左凍檸茶和凍奶茶（凍飲加3蚊）。凍檸茶有茶味，檸檬新鮮，甜味剛好不太甜，感覺清新，值得一讚！凍奶茶亦不錯，茶味濃，有奶香，甜味亦糸剛好，不錯！

隨意來到新森林，小Rab點了晚宴套餐，包括自選小食，餐湯及主菜。小食選了韓式柚子蜜香辣雞翼，雞翼肉質稍硬，醬汁帶點酸，但味道有點奇怪。芝士焗海鮮豬扒鴛鴦飯比較膩及，小Rab吃了一半即放棄，豬扒亦乾身，好後悔點了這個，實在難吃。另加$6點選韓式柑桔檸檬綠茶，柑桔味足，酸酸甜甜味道剛剛好，味道不錯。雖然整個套餐價錢划算，但一分錢一分貨，下次還是不要太慳好。

黎到新森林，當然要食佢地最出名嘅焗飯啦！先講個加$6嘅餐湯同包，平時好多餐廳加餞嘅餐湯都會好浠，味道一係就超淡，一係就超咸嘅味精湯，宜個就味道剛剛好，，而且真材實料。宜個大胃王焗飯真係名乎其實嘅大胃王先食到，有珍保腸、豬扒、雞扒同牛脷，真係得一個字：飽！飽就飽，不過雞扒嘅味道真係一般，仲食得出有雪藏味~~

今次早左黎食晚餐, 所以唔洗係出面排隊等位, 仲有卡位坐, 不過食物就差左啲...先說牛扒冇上次食咁淋, 個面又煎得唔夠香, 配菜薯仔已經即時食, 但都淋左, 變得好韌..另外一個咖哩牛腩飯, 隻咖哩味好似出面茶餐廳咁, 完全同個芝士醬唔夾, 而且好少飯, 最多就係肉同醬汁, 食完一啲都唔飽..仲叫左個小食雞翼, 冇味...炸得唔香.最後餐飲叫了布丁奶茶, 一般般...布丁冇味...

旺角還有三十多元下午茶，還算難得。這 些店子的好處就是設有不少一、二人座 位，即使週末、節日獨自來吃也不會太 醜。為免經常吃豬扒，點了個焗芝士吞拿魚茸 雜菜意粉、餃子、涼粉紅豆冰。餃子不一 會便端來了，又冷又小，難吃。意粉多汁，但量不是太多，由於汁有點 膩，所以還是夠飽的。吞拿魚茸像是貓罐 頭的食物般，看上去感覺像早早弄好的一 盤，然後舀上意粉便成，味道一般，微 酸。幾款意粉都有「雜菜」這成份，原來 就是粟米芯、豆角。涼粉紅豆冰加$5，但一點兒不值得，誠 意欠奉，用膠杯盛著，無厘味道。紅豆不 太少，但沒甚麽味道，還有點兒太硬。涼 粉條長幼，又不是太多。我想這杯飲料成 本也不用$5吧?

五點左右路經女人街，見有car 位就同朋友入去食個tea set。叫了個炸雞翼同薯角食。飲品用即棄杯裝，一睇即刻打晒折扣。但著角同雞翼有驚喜，炸雞翼有肉汁，薯角亦好鬆軟。有水準的tea set,只係不喜用即棄杯唔環保。

以前成日叫佢個外賣，貪佢抵食味道又ok,但我覺得佢哋越做越差，首先我兩點半打去落單，佢可以三點半先送到！第二佢由以前三隻煎餃變左炸餃子，炸到乾到爆,食完個口都傷埋，第三佢雖然睇落份量不少，但依個日式咖喱吉烈豬扒，豬扒又係完全係炸到內外都係乾嘅，而個咖喱汁又係少到冇人有，成個餐係個咖啡叫做好飲少少！

聽到係焗之專門店，當然要一試!點左個芝士凡立貝吞拿魚茸意粉，同一杯檸蜜.等左10分鐘左右，應該係即刻焗既,上枱個時仲有'滋滋'聲!!!令人好興奮!但食落就似乎太多汁，或者大家認為係juicy?!但對我黎講有點膩....只得兩粒小型帆立貝...有點失望份量偏少....女仔都只是僅8成飽....不過整體黎講味道是ok的;)而且卡位坐得很舒適