新森林焗之專門店 (Moved) New Location

12/12/2006晚上七點幾同朋友去呢間餐廳食晚飯,食物質素係不錯,但男侍應態度只有一個字形容----劣.果個男侍應黑口黑面,一d基本serve人既禮貌同笑容都欠奉.如果呢個男侍應係新黎既,咁就要再培訓;如個係做左一段時間,咁就炒得啦.我地一行三人叫了兩個set dinner同幾樣特價小食,set dinner應有餐湯/餐茶送,果個男侍應同我地落單時又無問我地要湯定飲品.到我地食完野之後,我地一直懷疑點解無湯/茶飲,再坐左一陣,叫個男侍應埋單,佢應完我地乜都無做過(小炳佢呀),等多陣我地再叫個女supervisor埋單,順便叫佢俾個menu我地睇,之後同佢講我地無飲湯/飲品,佢先問我地要乜,仲問多句"係咪個男侍應幫你落單",佢咁問得,大家都知咩事囉.d食物都ok好味,分量就少左d.後記:隔離叫了一客類似羊/豬膝既餐,投訴d野食唔熱,仲係凍既.以上全是真實經歷,我本人以後都唔會去呢個餐廳,以咁既價錢,可以去到service好d,食物水準好過呢間既餐廳.俾錢仲要睇人面色,贈你劉華金句---今時今日咁既服務態度,摺埋啦...

我lunch叫了一個芝士煙三文魚雜菌焗飯:起首有一雜菜湯+蒜蓉軟包: 兩樣味道都幾好,包夠暖, 湯都算有料, 但最差係湯明顯地不夠熱!主菜: 飯好夠熱,好足料, 煙三文魚好正,仲有一些雞肉及白蘑菇及洋蔥, 有茄汁配合, 整體很好味! 但不應叫雜菌因為其實只有蘑菇; 而且唔夠芝士味(注意:同時也不是白汁味); 我會覺得唔夠菜, 建議加少少西蘭花; 最差係d雞連埋雞皮上, 邊有人食雞皮ga?!有餐飲, 都ok.Service 就麻麻, 因為d waitress 好無笑容,好緊張, 好趕時間, 有叫你快d食完快d走的感覺!冷氣太大.抵食, value for money!

昨天到灣仔找野食,行過呢間,都好喎,好耐無食啦,d野食ok,我覺得佢地整野食有heart羅,擺得好靚,有心機,同即order即prepare is the good point!! 就連一個茄子小食都做得不錯,我bf本來話唔食,之後佢見個display都靚喎,就試下,食左幾件,佢都話比想像中好,依家有個set係扒類配小意粉,螺絲粉或天使麵等,我地昨天order左兩份,厚朱扒同千層麵,軟穀蟹龍利柳同螺絲粉,都ok,兩個人食左139, 幾抵食!

星期六返工前發左廿幾年黎最惡既一個惡夢得人驚在於真實程度實在太高幸好總算提醒左我我諗真係知道要點做但係夢魘似乎真係揮之不去原來壓力真係可以死得人架驚魂未定既我成日返工都無咩心機做野做到tea time先至可以食返野定定驚要左最簡單既焗芝士肉醬意粉廿二蚊既份量幾岩下午茶但係明明話焗芝士但係完全食唔出有芝士喎不過味道都還好啦周末tea既質素算唔錯喇

聽df講新森林啲焗飯好出名,咁今晚我就約咗bf諗住去試吓啦,睇吓menu 有咩嘢好食先,除咗焗飯都有其他小食選擇都是$8非常抵食,咁我地叫咗麵豉醬汁焗銀鱈魚飯,勁辣牛魔王鴛鴦焗飯,小食就叫咗足7吋長碳燒海虎蝦,三文魚刺身,等咗大約10分鐘,見到啲大蝦好大隻呀!果然是7吋長無花無假,燒得又好香呀,好吸引呀,三文魚又滑又新鮮,焗飯又好好味呀,我bf都話我df無介紹錯,今晚我同bf 都覺得呢餐好美味,好低食,我地下次會再嚟試吓其他嘢食架

真係嬲嬲地囉。琴日行過諗住嗌外賣返office食,咁咪入去嗌囉,眼見得哥幾台客,理應唔使等太耐呀入到去,嗌完,我起碼坐左3個字囉..而我只係嗌smoked salmon with caesar sald..咁都算啦..返到office,一睇..真係一碟前菜碟份量多少少囉收我$25俾埋d咁ge野我食..仲有d smoked salmon腥腥地完全唔抵囉..

本身鐘意食焗飯,女友提意去新森林,但我看了openrice後又覺得不是太好.不過也去了看看有幾差先.我叫了classic 的焗豬扒飯(覺得最basic的最難做好).我gf叫了意大利煙肉磨菇螺絲粉.也加了一個8元的上湯焗西蘭花.焗豬扒飯不錯,而且豬扒好入味,好"林"意大利煙肉磨菇螺絲粉也很入味.不錯.上湯焗西蘭花真是一般.如果可以加小小錢加o野飲便好了.總括來說比想像中好.

連續兩日o係灣仔上Full day class. 一大清晨當然嘆番個早餐先啦. 叫了其中一份Set Breakfast. 如題,湯底係羅宋湯配上雞翼兩隻的粉意粉. 湯底好濃又夠料, 大大碗; 雞翼係炸的. 乾身左d. 另配香腸( 煎到起水泡) 及煎蛋( 脆邊, 呢味不俗). 熱奶茶大大杯. $20 唔洗. 飽到飛起~ 當然表現一般.

約朋友傾0野順手食個飯，嗌0左…牛柳拼羊肉焗飯﹣牛柳唔得，好un！反而羊肉焗飯Ok。麵豉龍利柳焗飯﹣超水準！麵豉醬出奇0岩口味，龍利柳肉質鮮嫩，焗飯粒粒煙un，3樣夾得0岩0岩好。海鮮湯﹣唔係1：99板本，湯身好厚，湯料真係海鮮料，有咬口，掂呀！！之後再有朋友0黎，都係幫佢叫0左個麵豉龍利柳焗飯，埋單$130。

若果o吾係上個禮拜盛裝班姊妹o係度醫肚有成十張$2coupon，我今個lunch 應該會o係第二度。是次叫o左一客黑椒牛扒配小蟹肉意粉，坦白講，真係非常普通，大家樂貨式咋播！蟹肉充滿原材料--- 麵粉o既味道，牛扒散發住--- 梳打粉o既肉香，意粉帶出--- lum 字字o既感覺，都令人勾起茶餐廳o既感覺--- 醫肚好啦，o吾好有祈望。好彩仲有杯香滑咖啡幫補番。$32有餐湯o野飲，係o吾想日日食一哥豬扒o既另一選擇。值得一讚，張凳坐得好舒服。

看見食評柑好, 昨晚專程去試下.叫了1set dinner (迷你焗飯+三文魚排), 再叫一個芝士菠菜焗石斑魚飯.果芝士焗飯來到, d菠菜居然係一條條而不是菠菜茸, 已覺不妙. 食落芝士味欠奉, 石斑魚一大陣雪味, 兼無魚味. 麥記的魚柳飽仲好味好多. d炒飯完全唔香. 0 分!跟著我朋友果dinner到, 迷你焗飯只有souffle杯大,三文魚一小舊用超肥煙肉包住, 難食!埋單$110(+10%).d食物仲差過美心, 早知去ucc or 再興好過!一點誠意都沒有的餐廳.black listed!!!!!

幾日前黎左呢度食lunch,12點左右黎到,人吾系太多,叫左個野菜什菌尖通粉$32包餐湯,蒜茸包,餐飲.餐湯---羅宋湯,都吾錯!味道頗濃.蒜茸包---吾掂!凍兼硬.野菜什菌尖通粉---極度吾掂!個底全部系蕃茄水,芝士一d都吾香!什菌無味!比一般茶餐廳既還要差!餐飲---熱咖啡,都ok!份量頗多,但個杯有幾個崩口.服務都合格,經理埋單時會問你d野啱吾啱食,仲送左張$2coupon.但咁既食物質素.吾會再黎!

星期二同幾個朋友去食呢間o野,食飯時間都勁排長龍,我地4個人,3個叫意粉,一個叫拉麵我食海鮮天使麵,上o個陣好多cheese,比較滯口,但好足料下,另外兩個frd叫芝士豬扒鴛鴦飯,塊扒都幾大,但太濃味~至於個拉麵,湯底好少,但D麵都okay,加錢仲有個小食,都唔錯o架最後我地叫o左個tiramisu....平平地o既價錢,算係咁啦!可惜呢度坐得好迫,環境好細..但服務幾好丫!~食得過!

今日叫外賣叫左個拉麵.佢d麵同湯分開上.但我情願佢一齊浸住黎可能d麵會無咁硬無咁干.因為今日個胃有少少唔舒服想話食碗麵.點知...仲衰過食飯.

舊年去過，覺得幾好，不過早兩個星期再去，發覺野食差左少少，焗飯只比大ｘ樂好少少，不過難得係灣仔區竟然唔收加一，而且份量夠，仍然食得過！