新森林焗之專門店 (Moved) New Location

第一次入這店，門口很窄，原來入面很大的。Waiter 很好招呼下，我坐在門口位附近，隔離有個大隻鬼佬，手瓜一定大過我隻腳瓜!!!因為第一次，也是穩陣點，點了一個我愛的豬頸肉飯。飯的份量不多，幸好我不太餓。豬頸肉做得很薄身，吃下有點點脆口，可惜汁做得不是太好。環境幾舒服，適合想停一停的我靜靜地看雜誌。午餐27元，包熱飲。環境- 4.4分食物- 3.3分

昨日和女友行完大潭已經是晚上七時左右，因為在赤柱泗益吃得很飽，所以決定去灣仔某漫畫店小休，原先打算等到肚餓就去食晚飯（宵夜）。但我們坐到差不多十點，依然還未有餓意，覺得應該無論如何也要吃小小東西，於是就離開漫畫店。我們行過“八喜”，之前都想去試下，但我倆看過menu後覺得可能太heavy（對於我們來說），所以繼續行，之後見到新森林，我記得好多年前都吃過幾次（在旺角），印象不錯，而女友看過menu後都認為可以一試，就推門內進。不過一入去就心知不妙，全間餐廳幾乎是空檯，若不是聽到有一男一女在傾偈，我們以為包了場！（之後他們埋單走了，餐廳內真的祇剩下我和女友一檯客！）我們坐低後不久就點了：奶油津白和焗雞扒天使麵（Set）！奶油津白：奶油味很香濃，亦很清淡，很好吃！焗雞扒天使麵：天使麵有點乾，還好雞肉尚算嫩滑，醬汁亦很醒胃。至於set的羅宋湯則是一般茶餐廳貨色，但味道很濃，蒜蓉飽得一件，給女友吃掉。因為我們幾乎是餐廳內的唯一顧客，所以大部分時間都有“專人服侍”，但反而令我很不自然，食完後立即埋單走人，逗留時間不夠半句鐘！

日期：2008年9月24日一半人都無既餐廳班實令人有ｄ懷疑，但又見食評ok，咪走黎試下無防囉．．．叫左個二人套餐，咁就揀左以下幾款喇！１．龍蝦湯：有隻小龍蝦係個湯到，又幾好飲哩．２．蘋果蝦沙律：勁開胃既一道菜式．３．芝士焗椰菜花：有ｄ膩，so far都唔錯．４．田螺焗薯蓉：前者味道有ｄ怪怪的，後者就好死鹹．５．焗雜菌螺絲粉：整得唔錯．６．甜品－芒果布甸：又唔係好似pudding，一般．７．朱古力咖啡奶昔：好飲，有ｄ涼粉粒食下．

見佢舖細細, 成日見人入,好似幾多人去,未去趁熱鬧......D set lunch 既抵食..$29 有幾款揀...... 仲有挪威什果沙律, 唔知有口麥, 我睇落唔會想要, 但係ｄFriend減肥幾，見到沙律唔order, 又唔得... 點知.... 嘩估佢唔到, 認真製作, 有apple, pineapple, 去皮canned 提子，　仲有大蝦，豬肉，唔食得都好睇得... 味到都好好．．係d apple, 有少少黑邊．．不過算啦，”焗之專門店”　食沙律，　咪甘高要求！！我就食肉醬意粉, 分量好好, 連我尼d甘大食既人都夠飽!不過本來係so called "炸蝦”伴肉醬意粉, 舊蝦好似被人反炸幾次，黑到好似黑椒汁甘...好彩係好細舊．．食兩啖到未知尼舊係口麥..... 總之唔係蝦嘮.....正體里講，不過不失, 沙律可以再食！　下次食肉醬意粉，記住走"蝦"!!!

放工的時候, 去找女友食tea, 女友提議黎呢度食tea, 既然女友的朋友賞面, 於是一行三人, 來到食tea, tea 由(好似)2 pm - 6pm我地去到5:30pm左右, 有卡位坐, 非常好(因為卡位闊落好多, 我又比較多野......)tea set 基本上分3 種價錢, $22 小食之選 沙律, 薯蓉之類加飲品$ 23 湯麵類$ 24, 飯/ 意粉類, 凍飲+$2 我覺得, 最貴的, 份量同午/ 晚餐不相伯仲, 真係感覺抵好多 (因為有小食) 我同女友點了1)芝士香芋焗雞球飯 + 無骨鳳爪2)燒肋骨蕃茄意粉 + 雞肉串焗飯, 芝士同香芋都香, 雞肉無大驚喜, 食晒整體都不是太膩, 不錯意粉, 略嫌太"林", 但始終比一般茶餐廳配的意粉好食燒肋骨, 醬汁是好的, 很濃, 如果肋骨是整條上 + 個汁再收乾多少少, 同意__屋的醬燒豬仔骨是差不多的, 所以, 很值得一個好~ 小食, 兩款都不錯, 所有食物整體味道其實較濃3 人共$72飽到dinner 都可以省下了

聽其餐廳名感其主打為焗類.其設有二人套餐$98! 餐湯 : 什菜湯...即羅宋湯任選一種$35以下的飯.意粉類..可加錢要其他..我選了: 辛之辣軟殼蟹焗芝士石班飯 $39 . 的的式式細細碟..2個人一定唔夠食 ~~ 炒什菜..普普通通...冇咩特別! 小食拼盤 : 我選了海下wasabi & 燒黑椒豬仔比...豬仔比好入味呀..一點都不差...海下都唔小...有3 ~4 隻! 香草牛油焗田螺薯容 粒粒華田紅豆冰 ..加$6就可以要個特飲..真係幾抵...華田+紅豆冰, 第一次配搭..唔知會唔會攪肚呢..哈哈... 藍啤梨益力多 最後甜品 : 芒果布甸

前排去灣仔,午餐便選了這店落店果陣大約1230,店內較少客人店員用"急口令"說出了是日推介,我聽不清,也沒有注意,結果叫左 "炸千島汁蟹卷配肉醬意粉" <-類似咁叫如圖所示,有2件炸千島汁蟹卷,其實是蟹柳加千島汁再染粉炸成,味道不錯的,入口香脆,千島汁也和炸蟹柳很match,但可惜只有2件,如果多2件會好些 (始終2件太少,上碟時也很寒酸....) 肉醬意粉,或許它真是焗的,但是我覺得它是燴的分量分面,肉醬和意粉分佈平均味道分面,相信肉醬是現成的意粉醬,很濃蕃茄味,酸酸的,挺開胃的,而意粉也很彈牙其實這餐ok的,不過當我吃到後段時,我看見其他客人點之前我聽不清的是日推介,原來是一客白汁焗煙肉雞絲螺絲粉 也是我本來想點果類菜式我下次要看清楚和問清楚才好叫餐.......

星期一放工，和女友係銅鑼灣換完相機，見網上的人話新森林不錯，於是便走去試試，順道試試新相機。進入店內時已七時多，見沒有太多人，找了個卡座坐下，便開始點菜。女友喜歡吃軟殼蟹，所以點了個前人推介的辛之辣軟殼蟹焗芝士石班飯。而我則因為最近吃了太多豬扒，所以特地點了黑椒焗鴨胸西冷牛扒飯。另外，我們更加了5元，加了個忌廉湯和蒜茸包。此店上菜的速度尚算快，忌廉湯一般貨色，蒜茸包都有蒜茸味及夠脆。軟瞉蟹飯的確不錯，芝士石班都夠芝士味。牛扒飯則不算太特出，雖然尚算可口，但很多茶記亦能做到這效果。眼見兩個飯的份量並不算太多，所以我便再多點了個芝士蟹肉焗西蘭花。味道真的不錯，夠芝士味，但略嫌不夠乾身，芝士汁稀了點，不能完緊黏著整塊西蘭花。最後，我們各加了6元點了兩杯特飲－－粒粒華田紅豆冰和鮮菠蘿柑桔蜜。但等了差不多十分鐘，亦不見踪影。眼見時間已是八點多，店內亦已差不多坐滿人。我們亦不想霸著座位，所以便催了和我們落單的待應小姐一次。最後可能真的因為人手不夠，那兩杯特飲要再過五分鐘才到。女友的紅豆杯略甜了少許，不過女友就非常喜愛。而我的柑桔蜜則十分清新，解了吃飽後的油膩感。此店最大好處是不算太擠擁，亦不太嘈雜

昨日放飯時間飯無啦啦比個同僚捉埋一齊食晏, 逼於無奈下唯有應酬應酬, 於是問問同僚是次地點喺邊? 呢次佢就答得好爽快, 一口決定黎呢間食店; 坦白講自從師傅試過佐敦店之後, 已經對呢間食店冇咩興趣, 不過既然呢間係師傅未黎過, 就試一試啦!三個人入到去, 基本人唔算太多人, 理論上係有位, 不過礙於同僚唔想搭枱, 於是只有等; 其實師傅覺得搭下枱都好正常啫, 都唔明嗰位同僚點諗, 如是者就等左成廿分鐘先有枱, 真係激到師傅啤啤聲!一坐底餓到半死嘅師傅即刻睇下有咩好食, 突然間見到有個焗飯叫"xx大胃王"(xx係因為唔記得叫咩名), 見到大胃王令師傅不其言想起小林川, 更加聯想到份量應該幾多幾大, 所以二話不說就柯打左呢個, 仲可以揀茄汁同黑椒汁, 師傅就揀左後者, 再加杯凍咖啡!由於焗飯需時, 所以又係喺度等, 等左一陣師傅終於等到喇, 個大胃王焗飯終於有得食, 賣相唔算好靚好吸引, 睇下有咩野食先, 嘩, 一個焗飯內竟然有牛扒, 豬扒, 雞中翼同埋珍寶腸半條; 坦白講成個雜扒飯咁, 先講下豬扒, 豬扒幾鬆好入味, 而牛扒就幾韌, 一般d; 而雞中翼一隻, 肉身都算幾滑, 唔錯; 而

26/7(六) 1pm到南洋酒店"客串"完畢,跟舊同事到鄰近的"新森林"繼續情報交流.午飯時段,未算人潮洶湧.四人坐於卡座,分享了什菌吞拿魚意粉$29,肥牛拉麵配豬骨湯底$27,芝士帶子軟殼蟹焗飯$32及鴛鴦海鮮焗飯$32;多付$3跟蒜蓉包,羅宋湯及餐飲,挺划算!羅宋湯及蒜蓉包--大而無當,厚實笨拙的蒜蓉包!配以平平無奇的紅湯,還是留肚備用!什菌吞拿魚意粉--什菌吞拿魚醬傾入烚意粉上,"誠意"之作!肥牛拉麵配豬骨湯底--豬骨湯底未算濃厚,拉麵稍富彈力;至於肥牛,沒沾手...芝士帶子軟殼蟹焗飯--乾身的焗飯上被白汁芝士膜覆蓋著,白汁只膩不香,而味略淡;幸好軟殼蟹的肉汁猶存,亦夠脆口.雪藏帶子有點咬口已評為合格!鴛鴦海鮮焗飯--紅鴛鴦蕃茄醬酸度得宜,其下的炸豬扒肉地口感不錯;反之白鴛鴦那方則平平實實.咖啡--即磨咖啡入口香醇,有點喜出望外!此外,除身材矮小的四眼阿哥語帶囂張氣焰外,其餘服務生皆中規中矩.平均每人花$33的午餐.食你吾死,又餓你吾壞的一餐!

以前成日去佐敦個間因為我好鐘意食焗野...感覺上咩野拎去焗下都好似好食d 第一次去灣仔依間...嘩 好多人呀...排左好耐隊...有枱個時已經差唔多點半...仲有半個鐘就要返公 ~_~d人執枱時仲好似慢吞吞咁...拿拿林叫了個咖哩雞拼芝士石班焗飯!好彩d野都上得ok快芝士石班麻麻地...唔夠香唔夠味咖哩雞就唔錯...咖哩唔辣但幾好食...是港式的! 焗左之後香d 講味道新森林真的唔係話好好好好不過焗左之後既野係零舍唔同d!價錢唔貴 間唔中來都唔錯的

光顧「新森林焗之專門店」是由早餐開始。多年前在朋友介紹下，嘗試在此店吃早餐，但一未有吃午或晚餐。直至上年年尾，由於晚上要到跑馬地練跑，跟跑友練習後要找地方醫肚，正好此店在跑馬地附近，便不時到此用餐。今次不是跟跑友來，而是跟啤梨一起，她是第一次來此店吃早餐以外的食品。坐下來看看餐牌，發現沒有想吃的「焗豬」，查問後才知道要「散叫」。最後點了「咖哩雞拼芝士石班焗飯」，跟餐要了「紅湯及蒜蓉包」($32.00)及「熱檸水」($3.00)，「焗豬扒飯」($30.00)及跟飯加的「華田紅豆冰」($6.00)。先來「華田紅豆冰」，味道頗甜，如果甜味減少一點會好些，紅豆十分大粒，數量亦多，上面加了忌廉及棉花糖，令味道更香滑。而「紅湯及蒜蓉包」是合格之作，「紅湯」帶點濃，不是一般水汪汪的質素，「蒜蓉包」亦香脆。隨後便是兩個焗飯，「咖哩雞拼芝士石班焗飯」每邊的味道也合格，但就是沒有驚喜感覺，兩種味道之中以「芝士石班」好一點。然後便是「焗豬扒飯」，濃濃的茄汁滿至碟邊，炒飯底夠金黃之外，材料亦多。主角的豬扒雖不是厚切，但咬下時仍然感覺脆身。吃焗飯很多時也會出現不夠汁或飯底在焗後變得太乾，此店沒有出現以上問題。但

那是今年三月四號的一個晚上。我在銅鑼灣等了你良久然後來到這裡吃個焗飯，跟你吃著同一款炸軟殼蟹魚柳鴛鴦焗飯，喝著凍朱古力，話題仍是那個。究竟，哪天起你會放下家庭的經濟包袱，然後真真正正跟我吃頓更好的？無論如何，這個炸軟殼蟹魚柳鴛鴦焗飯確是不錯的配搭，黑白兩汁讓味蕾產生了意料之外的化學作用，值得一試。

23/2/2008 午2個人12:00都未夠~因為未食早餐~行過就走左入去啦~我叫左個西冷拼炸蝦~要薯菜朋友要左廚師推介芝士焗意粉我地都+$3要湯加蒜蓉包再+$3富士蘋果紅茶紅湯都係普通貨~蒜蓉包就唔係太好食~朋友個意粉普通貨式不過不失啦我果份件扖唔錯呀~煮得剛好~炸蝦雖然得一隻,不過啖啖肉,薯條份量都幾多~唔太油富士蘋果紅茶係好飲~蘋果係新鮮榨~紅茶同蘋果汁調校到兩者並存~難得難得~加多3蚊就咁GA水準服務一般~坐都一般

今天的下午茶餐選了辛辣雞肉串燒，不是燒的，也不是肉碎，是三大舊雞放在棒上，似是蒸熟的，有一件還有少許皮，完全不是平時見慣的雞串。今次要鮮茄豬扒焗飯，一件蕃茄也沒有，飯不夠乾身，很多很多茄汁。鄰桌在吃午餐(upto 3:30pm)，原來下午茶餐(start from 2:30pm) 的飯是比較少，但夠食，我有一塊豬扒，不知午餐有多少塊。檸檬水的檸檬超薄，五塊加起來也沒有四份一個檸檬，大家樂多三倍，幸好沒有爛味，出面的茶餐廳有一半是有陣味。