新森林焗之專門店 (Moved) New Location

only $23 for 飯或意粉類, $21 for 小食類, 不用加一。這次我要了辛辣咖喱吉列豬扒飯, 十分好味, 不太辣, 吉列新鮮炸出來, 飯夠乾身, 不肚餓也吃晒, 另可選一種小食, 我要了日式炸餃子, 三隻, 但太油, 下次選串燒, 飲品一般。上次要小型pizza,不夠chain 的pizza 好吃。

這裏的早餐較特別及多選擇，今次我吃了熱香餅，香腸，粟米，漢堡扒及多士，最好吃的是熱香餅，不是麥記那種薄薄的一塊，而是厚厚的，我想有四塊麥記的厚度，等了一會，應該是即造的，下次我會試其他湯粉類。

早餐,lunch都食過~早餐都係普通茶餐廳選擇~不過果到感覺好似高級d咁但係價錢就一樣~上次食個牛油多士我加糖食~侍應話我識食^^平時lunch去食都ok多人~要排隊~同埋果到d set lunch個個星期都唔同~加$3又有湯+包送~唔錯~唔推介佢地d特飲~個名好特別味道好普通不過早d去食會好d~

10.31 (Wed) dinner朋友想出來，順便慶祝下Halloween(其實係個excuse)。佢間公司係天樂里附近，我又諗唔到cwb食乜時就想起呢度。當我仲係中學時期時好想黎呢度，佢ｄ焗野好似好吸引，而且由外面睇間野好sharp。但第一次黎係唔知幾多年後既呢一日。咁o岩原來朋友都想試呢間。4個set dinner都好多牛，我散叫個芝士蕃茄焗煙三文魚天使麵。幾開胃，芝士唔會太多所以唔會好full，可以更好係三文魚比較咸同唔新鮮。朋友要左個咖哩王牛魔王set dinner，佢ｄ牛軟到用匙羹都可以切開，咖哩唔辣（以唔食得辣黎講）。佢個desert係pineapple pancake，都比expected大件，點知得兩粒pineapple…食物選擇唔係太多，但散叫焗飯都係around$30-40，夜晚要加一都抵啦，平食之餘又唔會同人迫/被人迫走。兩個人可以坐六人位，幾free。人唔算多亦唔係太少，唔駛等啦。

lunch set $33羅宋湯一般, 蒜蓉略鹹, 但好吃。雜菌焗雲吞好吃, 雲吞中間有很多芝士, 可惜份量較少, 約有五至六隻, 反而那些秀珍菇和冬菇沒有甚麼味, 連鹹味也沒有, 不過也好清清地。

叫左炸軟殼蟹焗螺絲粉& xx焗意大利雲吞~ 芝士太少, 一"pat"咁放o向pasta中間就算~ 炸軟殼蟹... 好腍, 唔知係咩, 一"pat粉糰咁=.= 意大利雲吞還可以啦~ 不過得4件, 太少, 友人話食唔飽~ 不過33蚊, 有湯有蒜蓉包有drink, 不可要求太高吧~

吃了2個set dinner; $45 左右, 有湯,有主菜(帶子拼豬扒天使面),有飲品.味道一般, 唔夠熱!!!!餐具通臺面都唔乾凈!!!!!一定不會再去! $45 唔值.

今日電腦展完了後,晚上與朋友去灣仔找晚餐.由於雨大,加上又找不到心水的餐廳,於是便光顧了這店~看過餐牌,才知道我曾在旺角分店光顧過...我點了焗肉醬意粉,約8分鐘到食桌(可能晚上9點,當時店內客人不多,故效率會較快)意粉爽牙彈牙,肉醬與芝士香濃而不油膩,還有少少黑椒味呢~整體不錯的,加上又不貴($30),下次去灣仔多個choose~

之前行過幾次都想食,有日得閒去試下,點知好失望!我食"焗軟殼蟹天使麵",d軟殼蟹好似得d粉,又油淋淋,見到都唔開胃,份量又少,食完要走去食過第2餐!環境都ok,但d食物就真係......焗之專門店,名不副實!大家樂仲好!

呢度既早餐真係好好味又好抵食!我叫左個L早餐!有熱香餅,炸魚柳,牛油粟米同煙肉!佢仲有火腿通粉, 牛奶麥皮同厚多士比你揀!!同熱飲!一定食到你飽飽!都係19蚊咋!!!抵到爆呀!個熱香餅係我未曾食過咁正既!!!熱呼呼的外脆內軟!+埋牛油同honey食.....真係超級好味!唯一要改善既地方就係伙計既態度!好差....黑口黑面,d碟大大力擺落台埋單找錢多謝連都冇句,最憎就係出去食野仲要受人氣。

店舖有點怪怪, 燈光暗暗, 幾潮濕.set dinner, 但其實set dinner, 就只係包個主菜同杯餐飲.羊膝羊肉薯茸跟意粉賣相ok, 見到2隻羊膝相依豎係度, 好大隻, 夠淋, 羊味唔重. 薯茸份量好少, 我估係用固定羊膝位置, 因為係豎起, 唔係平放ga ma. 意粉幾香, 應該唔係就咁用水烚熟.酥皮鵝肝醬牛柳跟薯菜薯菜係薯角, 份量好少. 酥皮幾靚幾脆. 鵝肝醬味道有點奇怪, 但加埋塊牛又ok wo.到焗飯專門店, 竟然無叫到焗飯食tim! 唔知d焗飯會唔會再好味d 呢!

lastnight又同左男朋友去食dinner，又去睇下新森林有咩好食。大概50蚊一個set，有一杯野飲，加8 蚊可以轉特飲，再加5蚊有一個酥皮湯。我點左牛柳and 燒鴨胸(配飯) + 酥皮龍蝦湯+甘草柑桔蜜，男友點左羊膝and 羊肉薯茸(配意粉) + 酥皮龍蝦湯+話梅青檸梳打。牛柳and 燒鴨胸(配飯)：牛柳太薄，再燒埋變得有d ，有d 懷疑係boil 過湯再燒的；燒鴨胸就燒得好黑，但係都算好味。羊膝and 羊肉薯茸(配意粉)：羊膝條骨仲多過d 肉，但係就唔係太"so"，都ok 啦。但係個薯蓉得好少ja，食左都唔多覺。酥皮龍蝦湯：個酥皮不錯，但冇乜蝦，亦冇鮮味可言，d 湯味好似有好多好多蝦殼boil 咁。甘草柑桔蜜：之前未飲過，但係應該係用d 濃縮沖劑沖出來的。話梅青檸梳打：飲落似係用青檸味啫喱粉開水，再加2粒話梅同一片檸檬。總結：大x 樂仲有水準，不過d service 叫ok，環境都幾靜。ps 男仔應該食唔飽。

沒有甚麼特別款色普通下次不再光顧

普通得很沒有特色下次不去

有一小時的晚飯時間，無謂行太遠，就在天樂里找吃。本想去舊式餐廳雅苑，但望入去滿是空檯，相信好食極有限，因此再覓他選。對面，有間叫新森林，未試過，再看餐牌竟有鵝肝牛柳，大家都想試一試。二人同樣叫A餐，即鵝肝牛柳。我要薯菜而朋友配飯。先是餐湯，我們是加了錢要酥皮忌廉湯，份量雖不是很大，但酥皮都幾脆，湯也夠濃夠熱。主菜上場，反而有點失望。原來是一件牛肉餅，加薯條。牛肉餅當然沒九龍城的清真咁好味，是頗韌的，也不太多汁。鵝肝?發現唔到佢既踪影。而且份量不大，吃不飽肚。飲品普通，不再多評。連加一埋單要六十幾蚊位，和好味抵食還有點距離。