新高麗苑韓國餐廳 (Moved) New Location

在灣仔工作，午飯很多選擇，價錢亦可大可小。以經濟抵食來講，此韓國餐廳是不錯的選擇─＄３９的午餐，對一個正常食量的人士份量絶對足夠。個人比較喜歡選擇牛排骨，加上兩款前菜、湯、咖喱及白飯，好味又滿足。美中不足的是湯的胡椒粉很多，很辣！最好七至八位同事或朋友一齊幫趁，可能有意外驚喜－有房座。

今晚試左灣仔呢間韓燒店, 朋友之前黎過都覺得可以的, 但水準不會次次一樣keep到而今晚既食物我覺得呀但當然所有肉類既調味分別都唔會太大不過我覺得泡菜, 肉類都ok, 冬菇幾好味最正係牛肋骨... 呢個亦都係我地主攻既, 由頭食到落尾所有材料都無雪味... 人參雞湯都唔錯喎壽司刺身就無掂過lu... 呢d不如去酒店buffet食好過食完之後再食d西瓜... 有少少起沙, 爽甜... 真係舒服晒服務方面, 我覺得無之前d人兄所講咁差... 無咩特別好壞... 唔討厭bor佢地都收碟快, 斟水快, 又幫我地換左一次烤盆 可能以烤肉為主... 同埋當中會有好多油份食落肚, 食到中段真係有d漏.. 因此食唔到太多, 所以唔係勁飽個種不過我覺得唔錯... 佢本來係90分鐘, 唔太多客等位都唔會要求你走既結果我地由7點半坐到10點半... 慢慢食抵番呀~~108+1有下次有下次

d野食比其他韓燒好味,特別係肥牛,叉燒同煙肉d jely好味!!食物好新鮮,唔會好似其他地方咁雪到硬晒同結冰仲有生菜供應食完又唔會成身油煙味!正!其實好多地方都係任食90分鐘冇人等就照比你燒佢上次多人,仲打個9折比我,希望我可以讓個位出黎(其實都差不多食左90分鐘)

睇過下之前d人comment,我自己就覺得一樣野囉,你對人好,人對你好。我兩個禮拜都有去,一次係出去玩,一次係食生日飯。第一次係expect有房,但係佢見我10個就俾左房我,開心~之後食到11點,係有人趕,但係我唔覺態度差囉,人地都係人,坐房,一定唔會好clean,都要俾時間人清潔,所以我覺得ok,而且無收charge,因為係佢offer間房俾我,唔係我話要。第二日就係今日,去到個個都認得我地,好nice,俾左間大房我地,14個人,係迫d,但係有無諗過迫迫地咪仲開心,如果唔係你可以去酒店食者,野食水準依然正~~態度good!108+一...我覺得好抵但係無野飲,我兩次都自備,陰d陰d攞入去...佢都無咩鬧係可以一去再去。最後都係o個句,將心比己.

係一個熟呢頭既同事帶我黎既...我地三個個女仔,一人一個set lunch,每個39蚊,有好多野食!一大碗白飯,可揀一款送,我地分別要左牛肉,豬肉,同埋蛋包魚...蛋包魚個名好似好特別咁,但係原來只係魚柳面包一層薄蛋煎,三款之中,呢個最好味!牛肉個汁好味,但係有肥膏,而且有一d"鯨"左既汁,我唔係幾鍾意,但係又覺得真係好好味喎,而且肉質好淋好易入口,所以最後我食牛肉係最多既...豬肉好普通,唔靭咁囉,都ok!反而佢d前菜真係豐富到暈,有成六碟之多,包括蕃薯,時菜,荳芽,青瓜,粉絲加什菜等等,份量又足夠喎!個湯都唔錯,好清,有蛋絲,有白蘿蔔...食完仲有一人一個花奶啫喱,個甜品好味呀!食完大家都好飽呢!

與舊同事在灣仔吃lunch,她說這兒不錯,二話不說便去了.可能吃慣了梨花苑那類型韓國餐廳的lunch,這兒的lunch set不是難吃,只是不太正宗吧(似一些港式日本料理店!)我點了牛肉麪餐--份量是一個比味千拉麪碗還大的碗,盛著滿滿的麪.麪條一舨粗幼,不太"林".牛肉有點"鞋",而且份量很少.還有很日式麪的配料--海帶,芽菜,條狀日式魚蛋...我喝不出是什麼湯底,不過味道不錯.整體感覺像港式日本料理店的日式拉麪.朋友點了蛋包魚飯.魚不腥,不大有雪味.跟白飯,湯(menu寫是牛尾湯,但我看不是,但不知是什麼).味道一般有4碟前菜,其中一碟我換了kimchi.但係d kimchi唔好食,太酸但不辣,很怪.著仔ok.另外的芽菜和唔知乜菜就冇試.甜品係o者喱,軟硬適中,好味!不過我寧願加多d $吃正宗的韓式lunch.

平時都好少去港島區食飯. 因在市區都找不到一間比較好食的韓國自助餐. 現在那些漢X苑又唔好食. 我哥哥話那裡唔錯, 就去試下啦. 1行4人,價錢就中等啦. 全晚劃一收費. 成人: $108, 小童會平D, 不過唔記得幾錢.1) 肉類: 都係一般韓國自助餐那些啦.我看見到有些特別D就係雞軟骨,雞腎,煆,豬骨肉,西冷牛肉.推介就係牛仔骨, 味道真係唔錯. 其他食物就不過不失啦. 味道夠,我媽就話咸了少少.2) 無乜熟食的. 有豬腳姜, 阿嫂話唔錯.3) 前菜: 一般有的都有, 白鳳爪味道唔錯.4) 湯: 人參燉雞, 我見到真係成隻雞, 人參就見唔到. 味道可以啦. 羅宋湯, 無飲過,唔知好味與否.5) 甜品: 熱- 有湯圓,紅羅白雪耳南北杏,芋頭西米露 凍- 涼粉, jelly (得一款,黃色的),西瓜我只食了西瓜和jelly. D西瓜好鬼甜, 我們懷疑是有無打針,因顏色唔係好紅的.6) 三文魚刺身: 麻麻地,唔係好新鮮.我地9:15pm 去到, 只有2板,根住就唔出lu. 差了少少.7) 細支裝可樂: $12, 細支裝生力啤: $18, 都幾貴.侍應就真係唔得. 10:

本人最近曾在那裹用晚膳, 受到那兒員工的不禮貌對待.於是立刻問餐廳經理拿投訴表格, 希望公道自在人心, 讓那兒的高層分析,判斷.可是餐廳經理竟說:無投訴表格, 就算填了, 我們也是扔掉.真不敢相信香港還有這種服務態度的餐廳!!我們真的只能嘆句無奈嗎?!有寃無路訴, 食啖飯暖肚好過!

昨晚跟多個朋友一起吃自助餐,感覺味道一般.我們是訂了vip房的,可是房間太少, 很迫. 而且要另收房間費,也沒有事前通知.另外waitress的服務態度很差.這是最激氣的.

因為14人，所以book房，我打電話去book房時，問左12-14人坐唔坐得落，佢話ok。過左2日，佢打電話來confirm booking，我再問一次，係咪坐得落12-14人，佢依然話ok。今晚去到，間房坐10個人都好勉強。14人連放好對腳都成問題。而14個人share兩個爐，攪到似炒野多過韓燒。一路都無人添茶，成壺茶拎入來就算，壺茶斟晒又唔refill。無冷氣勁焗，變左全程要打開門，咁同無book房無分別，無晒privacy。最嬲0既係，埋單時竟然收我地$50房租，之前兩次電話conversation裡面，佢地一句都無提過，坐低時亦無mention過，亦無任何指示提及要收房租，同埋房租係幾多。我地認為唔合理，同個waitress講，個waitress勁無禮貌，口黑面黑咀藐藐，仲俾說話我地聽。及後，另一個著藍衫0既經理，態度都係一樣衰，仲話，你地知道有房，應該知道要俾房租。其實，佢又無寫清楚，又無人口頭同我講過，真係任佢收，佢話$5000你都無得坳。呢間黑店真係小心為上。如果你好似我咁，係負責arrange飯局的話，就更加唔好考慮呢間，真係好無面。雖然$50唔係大數目，但佢地0既態度

跟同事搵到黎呢度食。同事們點了客飯，我點了客麵，平均價錢都是三十尾至四十頭咁。先來是頭盤，很傳統的韓式，有很多個小食，泡菜、芽菜、青瓜等等。至於正餐，客麵比客飯抵食得多，因為客飯就只一碗飯配一碟子肉類，但客麵就是一個超大的碗，入面(食送)菜很足料，麵餅多得好像有兩個之多，自問大食的我，食完都飽得好緊要，如果是只得兩個女仔來，相信兩個人share一碗麵都夠。如果吃得辣，推介點客麵時要辣麵，加了辣的湯很好喝，如果不夠辣，加點辣粉，那個辣粉是超讚超辣的。最後還有甜品，上次來是jelly，今次是木瓜雪耳糖水。雖然灣仔區要十至二十幾蚊吃得飽太把選擇，而呢度要成四十幾蚊好似少少貴，但計番份量，加埋舒服的沙發位，值得一試的。

(12/11)被調動去這食店吃，無論是甚麼類型的自助韓燒，唯有自求多福，吃些較穩定的食物。韓式前菜，吃了一兩口，味道是正常，沒有出亂子，但眼見其他食客不斷夾。先來的牛肉，據引述的西冷牛肉是不太差，本地肥牛不敢恭維，只吃那牛肉，實在沒有出錯，保留了牛肉的鮮味。而那多春魚，是欠缺新鮮，鬆散的魚肉，入口便知；秋刀魚、青口、蝦、牛舌，沒有吃，不知味道如何；反而那茄子、青椒、瓜類、菇類，是不錯的。自助韓燒有壽司供應，乍眼看是欠光澤，當然你要有膽量才會吃，同樣不知味道如何；其他的炒飯、炒烏冬，亦沒有吃，再三不知味道如何；甜品，相信最好的莫過於木瓜雪耳糖水，木瓜不錯，可以平衡一點。值得一提的是此店的晚市不會出現擠滿的情況，是有空間的食店。

今日約咗個舊朋友食飯, 諗住搵間好坐d, 食得舒服d, 食完仲可以傾下計o既餐廳, 但好明顯我地今次揀錯咗.12:38pm先入座, 2分鐘唔駛就泥到一枱都係餸, 飯都未食完就上甜品, 甜品都未食完就攞張單埋泥催埋單, 俾完錢都坐唔夠幾分鐘就有個黑面waitress過泥話"我地好多客等, 可唔可以快d", 講完就連隨帶幾個客企係我哋張枱到等. 嘩!你估呢到茶餐廳呀, 叫幾個人企隔離等位. 我地望望隻錶, 先1:15pm, 但我地見既然有客等, 咪諗住飲埋啖茶走囉, 點知茶都未到口, 又有另一個黑面waiter走泥話"你地可唔可以快d?". 我地前後都係食咗35分鐘, 坐多陣係咪唔得先. 咁巴閉, 咪寫張紙係門口講明"食完請即走"或者"限定35分鐘內交枱"囉.去到門口, 見到都唔夠10個客等緊位, 乜咁叫好多客咩?老實講, 呢到加埋一成$5x一個餐, 呢個價錢係灣仔大把選擇. 如果早知食得咁趕頭趕命, 去茶餐廳好過.

見有飲食雜誌長期登呢間食店o既coupon，終於忍唔住上去試。來到6時多，冇乜人，walk-in都有位，不過限食個半鐘，心想應該夠，因為自己，唔駛等佢\都慳番好多時間。款式也是大其他任食韓燒差不多，不過這兒多了雞軟骨、火雞腎…等特色材料，我和男友都係主攻燒物，那些熱葷望下就算，因為睇見都唔想食，薯餅之類一望就知腍pat pat ，前菜又不太出色，尤其是芝麻菠菜，好渣；芽菜又冇味，唔掂。吃了五六round，差不多要吃甜品，發覺只有西瓜和涼粉，有點失望，走時發現門口大排長龍，心想幸好早來，如果唔係冇機會試。

灣仔呢度好唔掂,好唔乾淨,2个員工去完toliet唔洗手,跟住出來添食物,見到都冇晒胃日,檯和椅又多油,好晤掂,D食物又冇乜特別,又小款式,唯一最好係好易就有9折,唔惦