新巴黎越南餐廳 (Closed)

今日下午有個空檔...黎樓上搵人...人未到, 就落黎食住等啦! 入去時2:20, 仲有十分鐘就等埋食平價下午茶餐! 叫咗個雞絲凍檬+ 奶茶! 個檬粉仲暖暖地, 檬粉質地合格, 雞絲大大件, 略鹹, 剩咗好多, 落既酸汁唔夠酸, 唔太岩我! 杯奶茶都有茶味, 唔會水汪汪, 睇翻食評, 呢間都開咗好耐, 唔係太正宗vietnamese food! $18黎講, 咁平...交到貨啦!

7.5 (thu) dinner去完旅行社搞visa後唔想用太多錢，近近地黎左呢度。成間野好似打仗咁，多人、迫、大油煙（我個皮o既袋都成浸油味~_~）。叫左個＄９８二人餐，賣相雖然唔吸引，但幾好食：1) 炒河- 本身味道都ok，濕濕地，加埋咖哩牛腩一齊食就更好味。2) 粉卷- 好油，但芫茜令到ｄ配料好香口。3) 咖哩牛腩煲- 唔辣（咁我），牛腩牛筋唔"un"，味亦夠，不過亦食得出幾味精。4) 中湯- 都幾好味，唔知係咪因為加左好多味精…5) garlic bread - 朋友話熱食幾好，我凍食就"林"左。不過有野要留意！我見到ｄ職員見有客冇食籃生菜（用黎包住春卷）佢就成籃擺返去水吧"再等下round"，唔好話唔恐怖！下次都係咪黎。

昨日有友人生日，原本８點等點知佢話９點先到，有一個鐘時間，我同女友，友人３個係銅記冇野做，最後決定食野啦唔打唔撞，黎左金百利，一行入去，就冇啦啦好多人放哂Ｄ宣傳單張女友手上，嚇親佢！而我地３個身上既錢又唔多，睇宣傳單張諗食咩，最後決定黎呢間食了，因為唔使加一環境比想像中差左少少，不過都可以接受，期間我地仲見到同事３分親個韋一，即係布偉傑同佢友人坐隔離桌食野我地３個點左９８元２人餐同埋炒時菜春卷：最好味呢樣，包菜好好食蒜蓉包：都可以接受，因為同出面比較差左少少咖喱雞：雞得個２隻，咖喱味又冇，唔太得菠蘿炒飯：我地３個都好鐘意食，一Ｑ清袋炒時菜：都係一碟菜，不過加酸酸地個隻汁就好好味糖水：椰汁綠豆沙，都係普普通通埋單１１３蚊總括黎講，唔太得！如果唔係冇錢食野既話，我下次都唔會再去

前幾年食過都OK, 但沉晚再食, 就覺得超難食! Order一個$98二人餐:紅蘿蔔豬骨湯- 碗湯一定加左好多糖, 唔知以為係糖水!菠蘿炒飯- 算係好D, 唔係太難食...咖喱雞- 其實味道唔錯! 但D雞肉好霉.蒜蓉包- Pat蒜蓉醬D顏色好嚇人, 食落味道有D怪!春卷- 咁多樣之中最好! 新鮮炸起. 但生菜太大塊, 細番D更好. 整體其實$98咁多野食都係好抵, 但可惜無樣掂呢!

尋人同友人去食下午茶餐, 今次已經係第2次去食.記得上次食過香芧豬扒湯河, 香芧豬扒完全冇香芧味, 豬扒肉又實, 肥油又多(點解可以做到又肥又實??), 河粉淡而無味, 連炸蔥都冇粒, 如果唔係比面杯熱好立克, 呢個茶餐絕對係比0分.今次同友人分別挑戰生牛肉湯河(me)&香芧豬扒凍檬(friend). 今次食生牛肉河總算叫入得口, 雖則係雞粉味精湯, 但起碼叫比上次足料, 湯尚算有洋蔥及莞茜香味. 牛肉就一般貨食, 加埋芽菜一齊食, 呢$18蚊都仲可以.望番友人碗香芧豬扒凍檬, 友人叫苦連天, 凍檬勁落半支枱上面樽甜酸汁依然淡而無味, 唯獨豬扒比上次食o既好少少, 未至於成舊肥油, 肉尚算鬆軟入得口.***呢野間原本硬食一個bad係當之無愧, 食物賣相之差, 味道之荒謬...家陣乃念佢$18一個飽到肚o既下什茶餐....一分錢一分貨....比個ok算仁至義盡

有一段時間沒有到金百利，今次過來又發覺至少有一、兩間食肆不見了，真是生意難做。見未試過這間越南食店，價錢又平，就入去吃了豬扒扎肉飯和烤牛肉檬粉的午市套餐。一塊薄的豬扒剪開幾件，加兩塊扎肉，分量略嫌少了些，好在豬扒咬落都算不硬也不鞋韌，只收$26是不能苛求。烤牛肉則醃得不錯，味道適中。檬粉算幾清爽，亦令人滿意。可惜白飯不熱，否則笑臉是可以給的。

今日經過金百利商場停底諗吓想食D乜，就成為各個派flyer阿姐嘅目標。佢地唔理三匕ニ十一係咁塞D flyer 比你哋。我地最後去左呢度食。Order 左菠蘿炒飯，蒸烏頭同埋通菜。以這個價錢都ok。如果炒飯可以半隻菠蘿原個上會比較好味。因為佢地淨係加幾舊菠蘿落去兜亂，所以D飯就欠決D酸甜味。下次會試一試佢地其他食物如何。

食左個lunch..套餐個豬排河同埋烤豬河都冇乜特別..26元連野飲又唔算特平.....

其實黎到銅鑼灣如果想搵平野是但有得食就黎金佰利個度o既小巴黎餐廳,,講真味道一般.例如牛肉湯就河.個味道淡..是但煮..服務一般..

二人晚餐, 點左越式咖哩炒飯$29, 醬爆鯊魚丸河$18, 咸檸檬水$13. 越式咖哩炒飯: 雞蛋雞絲同札肉落去沙, 好香, 份量十足, 少辣, 如果乾一點仲好.醬爆鯊魚丸河: 普通左d, 冇乜特別.咸檸檬水k 啦, 幾開胃的.免收加一, 食得過.

當冇乜錢又諗唔到食乜o既時候,就會去呢度食呢度D野夠抵食必食燒牛肉撈檬香茅豬扒,蔗蝦,蝦餅同樣地好食不過春卷就退步左間餐廳愈來愈多人吸煙好辛苦加上人多時唔夠人手o係度做D阿姐會好燥

尋日同兩個舊同學食晚飯，由於月尾開始「乾塘」既關係，所以希望食到d唔太貴既野，同學仔話呢度幾層樓d餐廳都唔算太貴，所以就走左上黎試。叫左一個98蚊既套餐，包括左菠蘿炒飯，咖哩牛腩，越南春卷、同埋蒜蓉包。另外我地仲叫多左一個雞肉串燒同埋炸蝦餅。菠蘿炒飯：完全冇菠蘿味﹗只係將d罐頭菠蘿加左落d飯度，我諗我應該煮得好食過佢﹗越南春卷：都係唔多得，唔夠香口，同埋唔知佢入面係d咩料，食落有d怪怪地…蒜蓉包：好乾同硬…唔夠脆…雞肉串燒：可能太細件既關係，好似燒到有d乾，不過好在個沙爹cover返，好少少…比例有水準既都係咖哩牛腩同埋炸蝦餅，夠香口，牛腩亦都夠入味同林…我地見仲有成碗咖哩汁係度，唔想晒左佢，我仲結果叫多個淨濛…撈晒d汁…結果…味道出奇地ok﹗飯後仲有糖水，應該係馬豆或綠豆椰汁西米露…不過不失啦…侍應姐姐們真係好似之前既食家們所講，係叫極佢拎野佢都係聽唔到既…不過佢真係收碟同加水既速度真係極快，同埋都幾好禮貌，算係咁啦…埋單一人60蚊都唔駛﹗雖然食物真係好一般，但係銅鑼灣，咁既價錢，都算係咁…

d waiter完全唔理人.我叫佢比隻spoon我,叫左5次都無比我.落單完全唔出聲,搞到落錯單,抵死.d烏英周圍踵,踵左落我d飯度,佢都肯換過碟o既. 個老闆態度都好差,趕客咁款. d野又唔係好食,服務又差.無下次. BLACK LIST.

今晚又同朋友仔去了, 其實都是我第二次去而已. 我們叫了一個雞翼檬粉, 一個粉卷, 一個炸蝦餅以及六串串燒. 我覺得食物質素都ok, 碗檬粉的雞翼唔錯, 不過成碗都係得兩隻, 我們覺得真係少左0的. 炸蝦餅都唔錯, 有蝦味. 粉卷也幾好, 但串燒相對就差左0的, 好硬, 好"鞋口".另外我要了一個椰青, 埋單是$110, 都ok啦. 由於我們趕著要去看九點半, 但成八點九, 十才到, 所以要極速吃. 吃完就要即刻走人. 個阿姐收野時好好笑, 見我們飛彈出座位, 就問我們點解咁趕, 趕住去睇戲呀??? 好好笑!!題外話, 當晚我帶了一個公文袋去, 但走時唔記得拿, 幸好有一位姐姐追出來給我, 很感激那一位姐姐呢!!!!!!

lunch沙爹斑腩飯+凍檸茶$28.炸斑腩,有d椒鹽味,ok.沙爹汁無咩沙爹味,普通.咖哩應該好食d.$28算幾抵啦.