新巴黎越南餐廳 (Closed)

上星期o係度食左碗烤豬肉湯檬，清清地，無乜味精，豬肉夠稔、好香，幾好味丫~ 廿蚊一碗都ok啦~ 不過d凳唔係咁好坐，好硬，坐唔得耐~ service都唔差啦~ 有機會會再去試其他o野﹗

上次我食烤牛凍檬,因為d牛整得幾好食,所以我次次上親黎都淨係識食呢樣野,不過,,,點解次次都係唔凍架?扣晒分喇,,,, 今日我又上左黎食,仲叫多左個椰汁粟米糯米,幾好食,煙煙un un咁,,不過..冇咩粟米味之外,略甜左少少!

七一日約埋朋友呢道開餐，食飽飽然後才去維園參加大遊行。午市套餐連加一大約二十幾到三十幾蚊，有粉麵飯跟一杯飲品，朋友要了一個炒檬粉，而我叫了一個炒貴刁加凍飲，質素一般但不差，但都炒得很乾身，没有之前食家評語中所說那油膩，其他選擇大都是越南式湯或炒檬粉，在銅鑼灣旺區中算係一個比較平價抵食的地方。

呢間野都唔知咩餐廳來架.簡直污糟到嘔呀...而且D侍應冇乜禮貌..叫人入來坐好似搞到食大排檔咁~仲有個地下好濕好跣腳呀...入面D食物好似冇乜味咁....好淡..上次我同個FD左個烤豬肉檬...勁唔好食...而且我個次仲見到對筷子有D污糟野係度..好明顯佢呢間野個衛生程度有幾好啦~~仲之我食過今次..以後都唔駛旨意我會再去呢間野到食呀~~費時食完肚痛呀!!!!

去了食一次，覺得ｄ食物都不錯。我們一行人要了一個四人套餐(218$)不用加一。越南春卷--熱，料叫做夠，幾開胃。海鮮雜菜煲--海鮮有都幾新鮮，不過菜多海鮮小貴妃魷魚--只是普通料南乳燒雞--最好的一味，肉鮮嫩，沒有出面一些店煮得過火食的，南乳味都聞到點。菠蘿炒飯--可以飽肚，飯身牌炒得較乾。扎肉雞絲湯粉--又是填肚的一窩，沒有驚喜。環境不錯，只是客人多有點吵，等位不叫耐，如果一大班人來最好訂位，都幾多人來的。

食物大致上都不錯, 套餐有分2人($98-$128) 及4人($188-$218), 套餐的食物都算豐富, 幾抵食! 就算散叫都唔會好貴, 我們2個人埋單都係$110, 仲食到好飽好飽添! 越式燒豬頸肉都幾好味, 可以一試!

昨日,在非典型肺炎0既影響下,好明顯入面食0野0既人都少左....真係好靜....<係~~~~~~~講返先,我地7點幾去到金百利,一行到去0者,嘩勁多人派傳單,見到呢間野好似好抵咁,咁咪入去囉,,我同男朋友叫左2個凍檬,分別係烤牛肉同扎肉,,,唔,,,,都幾好味,牛肉好香口,又大大碗,但略嫌D檬唔係好夠味,,,要改善一下,,,,,,,我地又叫左蒸粉卷,唔,D味道同我平時食開個D唔同味0既???但都ok,,,,,都叫唔錯0既..食左樣野,都係$58,你話啦,0向causeway bay邊度食到D咁抵既0野丫佢一個宇講曬~平靚正!

兩個女仔去, 叫了個二人<br>1. 粉卷( 合格, 但越南村仲好食過)<br>2. 烤牛肉檬( 不差, 幾好, 粉都幾爽, 牛肉都幾香又唔鞋)<br>3. 雞絲米粉( 清清地, 幾好)<br>4. 炒雜菜( 唔算太油, 都幾好)<br>5. 香茅豬扒( 份量太多了, 全部打包, 裝滿一個飯盒)<br>128 蚊唔加一, 味道都合格, 亦抵食. 不過美中不足係, 糖水太核突, 杰到喊, 唔敢食. 服務一般. 不過唔駛收加一, 算啦!

以前去過兩、三次，覺得食物水準ok，價錢又算太貴，不過早兩日再同同事去食晏，發覺真係差o左好多。地方污穢唔在講，個地下直頭可以啜住你對腳，乾淨程度有幾多真係心知肚明。如果食物好食d 都可以補番數，點知又唔對路，樣樣o野都油膩到嚇死人，最恐佈係個甜品唔知係咩西米，直頭杰到好似成碗粥咁，一入口就好似封住o左你個喉嚨咁，加上唔凍唔熱，認真貼錢買難受，所以睇怕都冇機會再幫襯o架o拿！

星期六去causeway bay﹐咪上網睇o下lor,就搵到呢間新巴黎﹐又真係好味同抵食﹐兩個人嗌左個波羅炒飯﹐仲有雞絲湯河﹐炒通菜﹐都夠曬食ga,只係六十幾蚊埋單﹐正呀!!!

兩個人食午餐。星期六，吾駛等位。叫左一碗生牛肉粉，牛肉小左Ｄ，不過味道吾錯。吾會太咸，香芧豬扒檬，好大碗，豬扒都好大塊，扺食。烤牛肉卷好味，怕左炸的越式小食可以試下呢個。仲叫左炒通菜同青檸七喜。埋單$89，算平呀！

午市特價飯23蚊，選擇都幾多，今日揀o左咖哩牛肉飯，咖哩汁算整得唔錯，味道夠濃，唔太辣，而牛肉就o岩o岩熟，唔太鞋，成碟飯都算合格。另外加5蚊有杯熱飲，凍飲就加7蚊，但今日杯凍奶茶唔掂，太甜，又冇茶味，唔合格。不過食到飽先係30蚊，o向銅鑼灣兼金百利地方都算抵，值得一試。