新巴黎越南餐廳 (Closed)

2008.12.27朝早太早起身既關係…又已經食左早餐加早午茶..下午3點幾去到新巴黎越南餐廳, 叫左個蒸粉卷, 連埋杯阿華田都係$19咋..超抵..講番個蒸粉卷…即叫即做..唔係一般咁做定晒...熱辣辣, 好味….最緊要係超平…咁既價錢有咁既質素, 唔怪得成日都咁多人喇...其實上兩個星期我都去過呢間餐廳, 叫左越式小拼盆, 內面有香茅豬扒, 蒸粉卷, 蝦片加牛肉粉卷, 春卷 (唔係100%肯定)...記得內面既香茅豬扒整得幾好味, 甜甜地, 唔算熱氣; 春卷亦好味...正...連我平時少食炸野既都左兩件...炸豆腐, 沙爹青口就無乜特別....整體黎講, 呢間係銅鑼灣最抵食越南野之選, 較樓上西X同優食橫丁既越X平…會再黎…

昨晚和數位朋友到此店光顧，是由其中一位朋友介紹，因此處食物十分便宜。我本身不太餓，只隨便點了一杯波羅冰；而有一位朋友因為不吃牛肉及豬肉，所以點了虾春卷。當他進食時，發覺內裹有豬肉，我便幫他詢問老闆是否有豬肉?但他說: 沒有豬肉，只有虾、竽頭及粉葛。 但我朋友說真的好像是豬肉，我便幫他試試。 誰知內裹全是豬肉，由於友人真的不能吃豬肉，我便要求更換。 但他居然說不能換，又不是壞了，你落單時又沒有問!! 真的氣得我爆炸，我便跟他理論：你Menu只寫虾春卷，又沒有註明內有豬肉，難道我每樣食物也要問嗎? 牛河內有沒有魚肉、炒菜內有沒有燒賣?? 何況我巳問了一次，你根本不清楚貴公司的食品，問你有何分別?? 他居然說不知廚房怎樣做(我心信他其實是老問)，你可以給你其他朋友吃! 又重覆你之前又沒有問!!!我當着那陝窄歺廳內的其他客人跟他理論，但他由此至終也不覺得自己有問題!!! 難道錯的是我嗎? 錯在我選擇在此用歺huffy:希望你反省貴司的態度是否適合現在的生存環境，也請多参考劉生的廣告!!客人不是永遠沒有錯，但一間食店老板更不是永遠的真理

此店格局像茶餐廳，座位狹窄，價錢不算貴，但食物質素方面就真的麻麻地！ 烤雞串：味道一般，肉質較「鞋」蔗蝦：蝦膠本身夠彈牙，奈何條蔗竟是酸的！ 雜菜煲：味道無驚喜，但竟附送綿繩一條！ 馬拉盞炒芥籣：味道一般，並且「芥籣」需要加錢雞絲河粉：味道一般，雞絲較少

今晚叫左一個價值 $103 2人套餐:有蒜蓉包, 咖哩牛腩, 菠蘿炒飯, 春卷有湯送仲叫多碟$28 雞串*咖哩牛腩 --- 真係好正!!! 初頭拎黎以為好細碟, 點知原來有好多舊! 落足料, d 肉仲好lum!!!碟炒飯又係碟頭好大~~~其他都唔錯!!! 不過雞串就失色, 無咩特別!但當晚係3個女仔share, 但都已經飽到攬住個肚! 冇加一. 以咁ge 價錢真係出水準

去銅纙灣想食平野唔容易，呢間係其中一個選擇。呢度有多款二人套餐，今次試左最平果個，有以下食物：1)越南春卷(偏油，味道尚可)2)咖喱牛腩(牛筋腩都好焾好入味，送飯最好，不過都係鹹同油左少少)3)越式炒河(普普通通，冇咩特別)4)蒜茸飽(新鮮熱辣，香脆好味)始終係港式越南菜，味道同茶餐廳咁上下，都唔可以要求過高喇，加上價錢相宜，隨便食一餐都唔錯既。

晚上共三個人去吃晚飯, 點了春卷, 粉卷, 波蘿炒飯, 雞絲朦, 炒芥蘭, 很快便有東西吃, 除了菜外, 其他都 , 那碟菜炒得很差, 林林的, 朋友叫侍應換, 但她卻愛理不理, 只有算了, 朋友很生氣愈來愈多人進來, 因為地區方便, 價錢很平, 味道一般, 不要太苛求便可, 我們已光 顧了幾次有幾款二人餐, 分別是故$108, $138 左右, 幾抵, 還有四人餐

尋日同朋友試下黎呢間野到食....價錢唔算貴三人食叫左個二人餐~有春卷,咖喱雞,菠蘿炒飯,蒜蓉包再另外叫左香茅雞翼春卷唔算油....但唔好味,亦唔香口咖喱雞又無雞味,得d雪味...唔好食菠蘿炒飯d菠蘿鬼死咁大粒,但無菠蘿味,又諗bat bat,一d都唔爽口...最差係個蒜蓉包,無蒜味(個包有陣怪味添)散叫個雞翼算係叫最好味...起碼食到香茅味先成個set份量唔算多三個人都食唔哂我叫左杯椰汁紅豆冰...d紅豆好重雪味賣單連三杯野飲$187...算幾平添但d食物真係幾差...應該唔會再黎野食雖然麻麻...但待應態度都算ok...我地七點坐到成九點d待應都無黑面又會幫我地加茶, 都ok.....不過可能鋪面好細...人多時環境真係好嘈....

同條寸友去食tea 嗌左個烤豬肉湯濛同豬扒湯濛仲有半打烤雞串個waiter好唔掂 咦咿哦哦又答完問題 問幾錢又叫人自己睇餐牌 - -野食overall係好既 烤豬肉湯濛個豬肉好juicy 同埋雞串good呀!

同朋友So 去食越南o野，佢想食好耐o架啦，但係因為其他朋友仔唔鐘意食越南o野，所以只有我同佢o既時候就呢間啦。諗o左好耐，最後叫o左:香茅豬扒檬 - 我覺得D 檬粉濕o左少少，豬扒就幾香，幾冧，但係個汁就太酸啦。泰式無骨鳳爪 - 太辣，加上D 骨同D 筋去唔清，唔係咁好食。春卷 - 無咩特別，係大條過酒樓o個D 。可能我以前食開都係真係越南人開o既越南餐館，所以覺得呢間D 都係一般。我無係香港食過越南o野，所以唔知香港style 係咪咁，但係就一定唔係真正o既越南餐。不過，佢價錢係銅鑼灣o黎講，係幾平o既~~~

係銅鑼灣黎講, 佢真係好平20幾蚊食一餐晚飯,係呢區除左南記同埋食車仔面真係冇咩選擇今次都係凍濛雖然, 我係呢度食左幾次佢都係唔凍不過, 我都會再去, 因為真係一個字:平 p.s. 春卷炸得好清脆, 唔會食到一大陣油味同埋好惹味, 19蚊2條, 推介~

there are many 越南餐廳 in causeway bay新巴黎 is not as good as most of themthe food is rather like school canteennot "traditional" enoughand no special 越南food availablethe environment is just ok if i have to choosei would go to ching ting instead

我同老公諗住試埋呢幢大廈未食過的店, 見佢價錢ok, 咪上去試吓.見到叫餐同散叫都差不多價錢, 咪散叫, 可以揀自己最喜歡吃的嘛! 叫左: 蝦醬炒飯, 越式干炒金邊粉, 咖喱粉絲什菜煲d嘢食都算快嚟到, 點知……...除左蝦醬少飯有d味外, 其餘係一d味都冇, 干炒金邊粉佢真係乾炒, 乾到咩調味都冇落咁, 要自己加辣醬食先順番條氣! 咖喱什菜煲得2小棵西蘭花, 少少鮮冬菇, 少少粉絲, 其餘都係椰菜, 我完全食唔到咖喱味!!仲有一個共通點, 就係d嘢食唔熱, 只係暖, 唔掂, 好唔掂, 我冇叫沙律, 唔想食凍嘢.d 侍應全都是媽媽級, 說話嘈到不得了, 大大聲聲講自己嘢, 有客外賣又成世先行過去, 係我就唔會特登上去買外賣喇!冇下次, 但好食唔好食總算同老公仔分享過.

係金百利試過翹及大和兩間日本野,價錢唔平唔貴而且味道一般~比較起上黎,依間真係幾抵食~今時今日可以係銅鑼灣食到$19o既生牛河,仲要係幾惹味~~份量唔算細~同事叫其他撈檬,炒河之類o既,評價都唔錯,最緊要真係幾抵食,一個餐$24,$26.見下面d套餐食評麻麻地,我建議大家去食lunch先囉~

琴日2個人去叫左個$138套餐: 炸蝦餅、半打串燒、8隻香茅雞翼同埋菠蘿雞肉炒飯、甜品/飲品(汽水/西米綠豆)首先, d 雞翼、串燒、蝦餅味道都ok 既..但係..隨之而來唔好的:1. 串燒明明叫牛同豬,佢就俾左牛同雞,算啦! 2. 個炒飯真係好隔夜feel~ 又冇味,好啖同埋有d雪藏味... 唔好食呀!3. 叫一杯汽水...佢唔係一罐或者一支,而係見住佢係剩返一半汽水既1.5ML 樽度斟落個杯度, 已經冇乜汽了!4. 朋友想叫甜品, 個阿姐係咁話有湯喎, 咁朋友話想要甜品,我就見住佢好不滿咁係雪櫃拎d「甜品」出黎想整熱佢... 之後朋友同阿姐講都係要湯算啦, 個阿姐話「要湯呀?都話要湯好啦」...咁佢咪可以唔使做...5. 個阿姐一路同我地講野,一路撩鼻... 總括黎講, 唔多掂呀!

我之前幫襯過2 次佢d service 真係完全吾得最差一樣就係d 客未飲完杯野已經清台、仲要一邊執、一邊話俾出面d 客聽呢張就走喇...好快嘩....我冇諗住打dun 丫...洗吾洗甘呀!!!我吾會再幫襯囉!!!