New York Fries (Closed)

琴日行街經過見到呢間D人話好食而又次次經過都見到大排長龍既New York Fries.個陣可能6點幾既關係,難得見佢無咩人,so就走去試下啦。雖然睇落無咩人, 但由排隊去到買完, 都差唔多要15分鍾。我地order 左個$32 既small works。食左第1條覺得唔似食緊薯條, 超"淋", 一d 脆既感覺都無, 可以話無咁熱氣, 男朋友話似食緊焗薯。我覺得細既已經足夠, 好膩! 話晒薯條有澱粉質,好快飽。見到d 人叫$88既套餐, 見到佢地有一筒薯條+2隻熱狗+汽水,見到佢地都飽左啦!仲有如果係叫熱狗既, d 料係自己任加既, 有好有唔好啦, 好就可以自己喜好加野,唔好既就係我見到個料盤太open, 唔太乾淨。同埋個到唔大, 多數無位座。

兩個人, 行完街, 9點有點肚餓了. 反正在 Habour City, 既然有馳名的 New York Fries, 就不如去一試其高低. 去到, 9:10, 剛好 Last order 之前趕到, 猶疑要叫乜叫乜時, 叫了大著條, 一份 Veggie Combo, 加上 Sour Cream, 一個唔知乜 source. 再叫多份 Classic 薯條. 自己點茄汁算了.份量其實唔係太大既, 不過好滯. 始終是澱粉質重既食物. 二人大戰了一半. 加了 source 的 Veggie Combo, 著條已經好飽滯, 加上個汁, 更飽滯. Classic Fries Combo, 只是一份 Pure 薯條, 帶皮的幼切 Fries, 食落知道是原條生切薯條. 不過, 食多幾條, 感覺好熱氣. 亦好乾, 齋食 Fries 始終不是我們的話兒. 但以前係英國, 一大份 Chips 又食得落播.....可能冇咁乾咁解吧.

尖沙咀的小食店一般都是非富則貴，newyorkfries是一間貴價小食店，開設在富貴商場海港城之中，店子面對無敵維港大海景，快餐店有如此美景，真的少有！黃昏時間人客雖不及中午時多，但也算很多人幫襯，幾位年青男店員熱心介紹下，服務不差，poutine、熱狗、汽水，多謝60多元，真的極度奢侈，可是還是客似雲來，誰說香港人的消費力下降！薯條熱辣辣新鮮連皮炸，很好吃，好像有一點點的淋身，味道不太重，我覺得唔錯。熱狗的腸仔有不同味度的選擇，要了辣肉腸，最好玩的是自己加醬，酸菜、橄欖、洋蔥等等，腸仔食落不太辣。薯條標榜人手切條，用一個大鐵盤盛戴載著薯條、熱狗、汔水，好像很美國，不規則連皮薯條，這種薯條的「非機械」與老麥的機械化味道不可同日而語。雖然與老麥相比，這裏價錢完全超標，但是有無敵維港海景，環境清潔，如果與拖友一起食一個浪漫黃昏咸蛋黃快餐，價錢又不是這樣的計算了。http://icuteee.mysinablog.com/index.php?op=ViewArticle&articleId=1720501

一直很想試在香港開業的New York Fries，早前碰巧要外出到尖沙咀工作，正好再品嘗遺忘已久的味道。點了個Poutine Fries combo with coke，盛惠四十四元。滿滿的gravy和芝士粒覆蓋在軟身而偏油的薯條上。薯條幼身又不太連皮，比之前在溫哥華食過的差得多。原來最美好的，總要在回憶中才找到！

同餅太食完富久保手打烏冬唔夠飽再黎食New York Fries，環境算幾好隔離又有露天地方比人坐低食野同睇風景。兩個人驚食唔曬所以叫左個Small Works Combos – 開頭唸住拎走所以叫左take away，職員加多左個cover係杯薯條度，後來見到有企位食就係番店內食啦，唔知係咪多左個cover焗左陣，d薯條好淋唔多好食，本身d醬又唔係太特別，食到後期我地要加埋比熱狗用果d醬先夠喉，感覺一般，下次要試埋其餘兩隻味 (對Poutine有期望)

是日下午茶, order 如下:small poutine fries ($32) - 正! d 汁熱辣辣又濃味, 加上 d cheese 粒, 好味呀!!! 非常同意之前有 d 食家 gei comment: 呢度 gei fried 並唔係 sell 脆卜卜 M 記式 fries, 而係"粗大加醬變林型" gei 薯條. 做得好原裝, 好好味呀!overall,fries 好味! 雖然 choice 唔多, 但係足以令人回味 gei, 一款就夠. staff 林醬汁時好小心, 俾客前都會細心地抹下個杯, good!如果一定要 compare gei 話, 不論味道 or service 方面, 我都覺得紐約好過愛以蘭.

為左要等一班OT人, 晚飯前同同事行海港城, 見到佢. 就黎試左.店內大慨得10個坐位. 但都算舒適. 舉頭望餐牌時, 收銀哥哥熱心甘卑個牌我地睇. 其實選擇唔多. 基本上得三款: poutine fries, veggie works 同the works. 見poutine好似冇乜料甘, 就試左veggie works 同the works. 其實兩款都差唔多. 都係sour cream底加荵. 不過由於the works有煙肉, 所以較香口. 薯條本身幾好. 幾有薯仔味. 由於之前試過大熱的愛爾蘭瘋薯, 加上價錢上亦差唔多, 所以都要比較下. 呢度薯條較瘋薯幼, 但薯仔味較好. 雖然我幾鍾意瘋薯的honey mustard, 但感覺上瘋薯較熱氣. 整體呢度料亦較多, 仲有condiment counter. 環境呢度贏晒. 起瑪有得坐. 有冷氣, 唔洗響街食塵. 總結: 個人都係覺得薯條配茄汁先係至正. 雖然呢度的加sour cream 加荵唔係特別好味, 但如果想試呢類型薯條, 呢度絕對好過瘋薯.

到尖沙咀接太太收工, 係海港城行左一陣俾d炸野食既香味吸引住, 原來有間炸薯條店係度, 之前睇雜誌都有介紹過, 未食正餐先黎個snack先啦叫左一個works既set, 一個細薯條+一杯細可樂, 盛為$39大元... , 希望物有所值啦薯條味道還算不錯, 但未算薯仔味好出果種, sour cream+bacon & spring onion, 都只係一般貨色, 開頭食都可以用手, 食到底就要用叉, 因為已經同d dressing mix埋一齊, 浸到淋哂感覺好似食緊焗薯仔咁, 唔似食薯條lu...反而果個condiment counter實在豐富, 剩係自我配搭都玩左成五分鐘, 特別係有我最鍾意果種醃既青辣椒(雖然都係一般貨色...), 實在令我加分特別好食就唔講得, 不過總比麥記果d味精薯條黎得健康, 值得一試

如果未食過Ebeneezer's Kaxxx既芝士薯條，我會覺得呢度既薯條幾得意，幾有特色同特別，但係我食過Ebeneezer之後再黎呢度食poutine fries，就覺得麻麻地......Poutine fries (small): 首先，薯條唔夠熱去熱熔d芝士，搞到d芝士同薯條唔可以remix埋一齊，個感覺分離得好嚴重！食到個底已經同m記既薯條冇咩分別，除左多塊皮。同埋薯條好淋，唔係因為佢d汁......而係因為倒汗水?我都唔知喇，總知有八成都係好淋好軟，濕淋淋又唔夠熱既薯條，對我黎講一次就夠。個汁唔夠濃味，食完都唔知係咩味。反而朋友覺得ok...........佢個食物就差d，但係個環境同服務就真係唔錯！為呢度加返唔少分！佢個大海景再加埋陣陣海風送薯條，真係幾過癮。不過出面d靚位好易爆，要睇時間黎喇。

4月30日，教師發展日，由8:30開會開到5:00，no comment之後就去左hair cut，又係no comment。去到TST，玩左一陣彩虹(好炸，中得好少票)，之後go shopping for awhile，青檸先生就話好肚餓，係度complain但我又唔想走住，想行耐一陣，又怕lover肚仔餓，醒目的我，見到有間叫New York Fries食薯條的餐廳，於是便提意去試下當然不出我所料，青檸先生好開心咁贊成去到有對couple係我地前面，其實個時已經拉左半閘，luckily d shopkeeper話仲有兩客薯條，可以做埋我地生意前面對couple叫左Poutine (牛肉汁)，原本我地都想叫呢個，但係見到個樣麻麻地，黑mung mung，醒目的我，又出馬，suggest改變主義--Veggie Works regular，好好味，especially the cheese & cream,  & tomato，好freshthanks青檸先生跟我去到邊食到邊

4月26日（星期日）下午，因為晚上約了鄒生在尖沙咀吃晚飯，所以下午就和女友在尖沙咀逛街，但在逛街之前，就特意來這裡試試聞名已久的薯條。若不要醬汁的分四種size，要醬汁的就分兩種，當然要試試有醬汁的，就要一客regular size的Poutine。薯條是新鮮炸起，雖然質感較腍，但勝在夠熱，薯條連皮且長短不一，特顯它是手切的；淋上去的gravy亦不用經過微波爐處理，雖然略嫌味道不夠濃，但已經夠惹味，再加上軟綿的芝士，很美味，其實不用點茄汁已經可以吃掉整客薯條！雖然是次也是和女友一邊望著維港，一邊吃薯條，但是是日天氣不好，情趣略減！下次試不叫take away，可以拿著圓形鋼盤在店外的露天地方吃，望著維港吃薯條，想起也興奮！

薯條係幼嘅 連皮炸嘅最正嘅就係熱辣辣 勝在夠熱but 無乜薯仔味hot dog 就幾好食有好多種 toppings 揀買完自己去調味桌到自己加料一個套餐hot dog X 2 + 大桶薯條 + 汽水 X 2 = $88薯條加醬需另加 $beef gravy $6.5 sour cream $6.5 芝士 $8.5

其實巳經係好耐之前的食評,太懶打啦,一次過寫多d先得.熱潮野我一定會忍唔住試,今期一定要試下紐約薯條, order 左THE WORKS,好味呀,好多我喜愛的蔥, 同埋好多料好香呀~薯條點呢D 醬先好味0家~~食完企左0係出面望海位,好舒服. 值得一試呀!!

已經第二次幫襯，因為男朋友鍾意所以再食一次。上次試過THE WORKS，今次試試VEGGIE WORKS。由於小妹不是嗜肉份子，VEGGIE WORKS是一個不錯的選擇，採用新鮮蔥和蕃茄加上忌廉和芝士汁，薯條新鮮，外脆內軟又不多油，在自助配料Bar自加酸瓜，Bouns的好味。原來NYF炸薯條的油是100% 反式脂肪葵花子油相對會比較健康。

Been meaning to try NYF in HK for a long time but there had always been a long queue! Finally got to try it... standard pretty much on par with the shops back in Canada. Ordered "The Works" and Poutine and personally preferred the former which had salsa, kidney beans, a dash of sour cream topped with spring onions and bacon bits. Tasted similar to Dan Ryan's potato skins and the cheesy chips from Ireland's potato. I think I prefer the potato from Ireland's potato but the toppings here were some