紐約紐約餐廳

Open Now

Now Closed

最近做優惠打廣告sell龍蝦但又怕人吃，凍海鮮部分只擺大量龍蝦鉗 混少之又少的切塊龍蝦尾，也極少refill，而且是雪藏質素很韌熟食/熱盤質素很差 選擇少，蟹腳蒸飯 炒蟹 蟹腳烏冬賣相都很不吸引，軟殼蟹乾又鹹 牛肉過熟 蒸魚過老，芝士龍蝦又是一堆鉗一堆殼沒有肉，整晚沒看過完整開邊龍蝦。熱食沒有一樣想再吃切的燒牛肉正正常常，煎羊架騷味重且偏鹹。甜點普通，最好吃是朱古力拿破崙，雪糕提供movenpick雲呢拿 朱古力 焦糖燉蛋 咖啡四種味優惠完一個人四百多，食物完全不值這個價，有些二三百lunch buffet還比這間好吃

有日行過銀座酒店見到自助餐做promotion 買二送一/ 一位正價七折既然本身住附近都方便，所以就拉大隊叫曬啲親朋戚友一齊去食啦首先要降一降低大家對自助餐嘅標準先，天水圍酒店加上呢個價錢都唔期望有乜特別野食只係志在同屋企人食餐便飯準時十二點去到，望下有乜野食先飲品唔多，有咖啡、熱茶、可樂同雪碧，有冰可以自己自製凍飲魚生有吞拿魚、希靈魚、三文魚、八爪魚仲有一款白身魚冷盤有薯仔沙律、意粉沙律、燒牛肉沙律 quinoa 沙律、蕎麥麵、來貨味付海螺中華沙律，其中有個三文魚慕絲我個人覺得好好食，食左兩次肉車係火腿、熱食選擇都唔算好多，但蒸魚、羊肉、中式點心、咖喱 noodle bar 都有反而甜品嘅選擇多啲，有芝士蛋糕、啫喱米、西米露、芝士tart、tiramisu、朱古力蛋糕、歌劇院蛋糕、藍莓芝士蛋糕⋯⋯仲有其他唔詳列不過佢嘅潽洱燉蛋同埋榴連mousse 有驚艷到我！呢兩個甜品我認為絕對可以拎出黎賣先講潽洱燉蛋先呢個因為賣相普通所以我無影相，但之後就後悔了，唯有文字描述顏色似朱古力布甸，因為係好細個碗仔，我諗佢蒸嘅時間要控制得難少少，所以表面睇落唔算好滑不過因為上面仲有少少裝飾所以問題不大茶

本人於2024年7月12日晚上於餐廳享用晚餐，選了牛扒。當時餐廳人員詢問了我有關牛扒的生熟程度，我選擇了三成熟。然而，當牛扒送到時發現，該牛扒為全熟。我馬上通知侍應，該牛扒並不符合我所要求的熟度，貴餐廳的一名侍應表示，由於牛扒太薄，廚師並不能滿足我的要求。本人表示，假如牛扒本身無法因應熟度而調整，完全沒有問題。但以邏輯而論，餐廳不應該詢問，令食客有錯誤的期望。及後，侍應替我更換一份，但是遺憾地，並無任何改善，而新一份牛扒更充滿大量筋，難以下嚥。就此經驗而言，餐廳質素每下愈況，令人相當遺憾。

榴槤香芒下午茶☕️榴槤 + 芒果 = 意想不到的滋味拍擋！嘉湖海逸酒店創意炮製升級版榴槤香芒下午茶，各款鹹甜美點精緻美味，保證讓人齒頰榴香。 榴槤香芒下午茶 這個下午茶應該是我暫時吃過的酒店下午茶中最便宜的下午茶餐 港幣$148/1位；$258/2位 現在網上商店預訂專享高達67折及免加一，人均大約$95·美點包括：- 榴槤芝士撻- 水晶榴槤奶凍- 榴槤燉蛋- 榴槤慕絲蛋糕- 芒果榴槤千層餅- 刁草三文魚撻- 金不文芝士角- 酥炸廣島蠔- 香煎鴨肝拌芒果沙沙- 即磨咖啡 / 紅茶·當然這個價錢 千萬不要抱著可以吃到貴價榴槤的味道 始終一分錢 一分貨啊！個人本來就唔多食榴槤 所以唔識得分貴價和平價 但依個的味道是我可以接受的 我看到旁邊桌的小朋友也可以食整體來說 無論是甜點 還是咸點都很可以👍🏻

咁啱book左打風之後嘅Buffet dinner, confirm booking嘅時候餐廳講咗送唔到海膽過嚟所以當晚無海膽供應，少一樣好野但就無另一樣嚟代替，我覺得係對食客唔公道，無heart囉。入座睇完d野食已覺得唔對路，凍龍蝦碎上我第一次見buffet 會咁做，好肉酸呀⋯⋯而且又咸又霉完全無鮮味，雪場蟹腳味道都係一樣好難食呀。翡翠螺藍青口無食，唯一食得過嘅係生蠔，但勁孤寒，一定要見d人攞到淨返一兩隻先refill。魚生方面有三文魚，吞拿魚，希靈魚，甜蝦，都係一樣雪味重唔新鮮，d甜蝦幼過條蚯蚓。佛手瓜豬骨螺頭湯，得個咸字，我飲唔出材料嘅味道，另一款雜菌忌廉湯，又係得個咸字，無雜菌嘅味道而且係花園嗰隻忌廉嚟，原來酒店都會整到呢個味出嚟。鐵板燒有雞扒，羊架腸仔牛柳粒，羊架唔俾薄荷醬孤寒，牛柳粒叫好少少有d牛肉味，腸仔口感硬而且味道奇怪，以前有鵝肝而家冇了，失敗，另外有一個芝士黑松露炒意粉，呢個反而幾好味。甜品簡直慘不忍睹，芒果布甸芒果係淤黑色見到都唔敢食，另外仲有幾款蛋糕，全部都係睇個樣都冇興趣攞，屋企人試晒咁多款都話冇一款好食，唯一係有豆腐花同罐頭雜果涼粉叫做ok, 之後再出一個雜

見到社交平台廣告介紹嘉湖海逸酒店週末自助餐好似好多野食，上官網預購 $500蚊一位。裝潢雖然古舊， 但係都坐等舒服， 唔會太逼。自助餐主打有任食生蠔，海膽同雪糕movenpick!冷盤沙津都多款式， 幾吸引， 不過我掛住食生蠔就冇咁大胃食其他冷盤。生蠔係任食， 不過佢一早開晒d生蠔， 不是即開。但相對就唔駛等， 同埋係任你夾不限件數。見佢有兩款生蠔，有d 味道偏腥，放多少少檸檬汁都不太差。刺身刀功有待改善， 八爪魚切得比較厚， 三文魚ok, 吞拿魚偏粗糙， 海膽不錯， 但每次比一片，同埋一晚應該只提供四板左右，會有攞完的時候。即煮意粉必試， 師傅即場燒熱個芝士盤， 即刮芝士即撈👍🏻香濃芝士味道👍🏻👍🏻我冇咩食熱食都冇咩影相， 有清蒸龍躉，蝦， 羊架，牛柳粒等等。亦有燒烤類， 大火腿/牛肉切肉如下：甜品選擇不少， 比較有特色係即焗梳乎厘，同熱豆腐花， 仲有受歡迎的movenpick雪糕。但提拉米蘇同芝士蛋糕好溜， 其他就普普通通。總括來說， 有任食生蠔的週末自助晚餐， $500元一位算抵食， 食物質素中規中矩。試吓無妨。

我們是1晚住宿連早餐的，價錢大約$650。若是直接入來吃早餐，連加10%好像要大約$90。酒店的早餐最好的地方是自助形式，吃多少全是客人決定，而食物款式當然亦都是客人選擇酒店早餐其中一個很重要的因素。老實說，這間嘉湖海逸酒店的早餐，與市區那些酒店比較，單單是比較款式已少很多。亦都沒有任選奄列區和任選煮麵區給食客服務。但你要吃得飽這裡就沒問題，早餐要有的，這裡都有。就看你付這個價錢吃到幾多。而且坐位都算舒適，客人不太多。最不滿意就是這裡的碟的SIZE不是平常吃自助餐的SIZE，是刻意收起了，而給客人一款細SIZE的碟。那你取食物就要行多幾轉。總的來說，若你胃口很大，1個人要吃2個早餐的，或早餐連午餐一起吃。這裡付一個不太高的價錢就可以任食，都幾划算。但想吃高質或不同款式的食物，這裡就未必滿足到你。神級無味食評師-阿偉youtube視頻食評-絲絲TV

😋 雖然係榴槤控，但由於不能一次過吃太多甜點，唯有淺嚐榴槤甜品😋。 酒店🏨推出《🧁皇牌榴槤下午茶🧁》，正合我意😍，一行4人就點了2 sets 甜品🍮榴槤芒果美點下午茶包括：* 法式刁草三文魚多士* 迷你薄餅🍕* 香芒帶子酥盒🥭* 吉列玫瑰雞翼🌹* 榴槤芝士撻* 榴槤燉蛋* 水晶榴槤奶凍* 榴槤慕絲蛋糕🍰* 芒果榴槤千層餅🍰* 香濃咖啡或西式紅茶🥤🫖☕️酒店🏨都係選用雀籠作為tea set 架，甜品精緻。 最欣賞榴槤慕絲蛋糕🍰，造型好神似，好精緻🤩。 榴槤芝士🧀️撻好香濃，味道濃郁。 其他款式嘅甜品🍮🥧🧁，味道也不錯👍🏻，悠悠閒閒咁食個tea，一樂也🥳📣預早在網上book位， 仲抵🤑，有折之餘又不用加一，每人都唔使$120，環境寬敞，食物質素算不錯👍🏻，夫復何求🤗

睇得出間餐廳完全沒有水準 日本生蠔超級難食 預先開了 試一個立即要吐出來 有腥味 唔新鮮長腳蟹十分細條 淨係得雪味道 死鹹 唔新鮮龍蝦淨係得龍蝦鉗同個頭 冇左其他部份 雪藏味十分重 d龍蝦Hi 到 日本叉燒拉麵 又發臭嘅味道 變壞了產品給客人食酸菜魚 d魚柳十分差 火腿扒 雪到唔食得

早前行開銀座廣場，見到戲院旁邊個宣傳牌知道呢輪酒店餐廳做緊榴槤下午茶，見到價錢唔貴，於是約埋同樣喜愛榴槤的朋友一齊去試下。其實之前試過呢度的自助早餐同埋宵夜自助餐都覺得麻麻，所以今次都冇乜太大期望，但點知好有驚喜！😍.首先，用一個三層雀籠架將每件食物獨立擺放好，望上去都覺得好精緻，好啱打咭食物方面一共有9款，榴槤款式佔5款，除咗「香酥迷你薄餅」稍為咸咗少少之外，基本上每件都好食。而最重點的榴槤甜品，每款都食到好香榴槤味，而且唔係好假好死甜嗰種。當中最欣賞個榴槤慕絲蛋糕，外型做返個榴槤，好靚之餘，聞起來已經好香，食落口感亦好creamy，雖然細細件，但中間都加咗榴槤蓉😋成個tea set 我都覺得好有誠意好有驚喜感覺，我朋友更話想再encore添！🥰.網上訂座仲有72折，折咗只係每人$115包埋一杯飲品，CP值超高，平日下午時間唔多人，可以慢慢舒舒服服咁坐，實在抵食，值得推薦！

路過嘉湖海逸酒店，見到門口自助餐餐牌，比圖片吸引，因有生蠔供應，我急不及待立刻預約！只限星期六和星期日供應，當晚全場滿座，我先攞生蠔，雖然唔算大隻，但好新鮮，還有有長腳蟹，翡翠螺，龍蝦仔，也不錯👍🏻有三文魚魚生，吞拿魚魚生，也好好味和新鮮！熱食有酸菜魚和焗三文魚，湯有2款沙律有好多款式，甜品不太甜！食飽飽好滿足，用信用卡付款有85折，為起差唔多$520位，間唔中食豪爽小小，都值得嘅，會近近地食飽行返屋企，有多一個選擇！

呢日即日book咗嘉湖海逸酒店的自助餐，包嘢飲海鮮仲有龍蝦生蠔長腳蟹任食。呢度好嘅龍蝦已經切咗，同埋啲蟹鉗已經爆咗少少，方便食幾多拎幾多，拎想食嘅部份同埋好快就開到嚟食。熱盤豐富，除咗平時嘅大路嘢之外，仲有口水雞炸子雞酸菜魚，味道唔錯。仲有鐵板燒雞扒羊排腸仔，拉麵。個牛扒同火腿都好好味，夠嫩滑同埋有幾款醬可點。有中西湯，尤其黑松露蘑菇湯好好飲，夠晒濃味，唔想飲湯都可以飲下其他嘢飲有汽水水茶咖啡啤酒都係任飲嘅，可自行加冰、奶、糖或者檸檬沙律前菜都有唔少選擇，不過食肉獸嘅我淨係試左熱三文魚😂刺身方面就有甜蝦三文魚吞拿魚希靈魚帶子八爪魚，當中我覺得以三文魚厚切最正，夠晒鮮味。最後甜品部份都非常之多選擇，有唔同類型嘅慕絲蛋糕奶凍啫喱黑森林蛋糕朱古力鍋，呢度嘅甜品唔會死甜，甜度正常唔會好似有啲地方咁咬咗一啖就唔想食。仲有我鍾意嘅豆腐花同即焗疏乎厘，雪糕方面，有Movenpick又有dryers 既d collection，食到好滿足！ 呢度好嘅地方暫時仲未有國內團體到場，食客都係附近居民，侍應好快清咗枱上唔要嘅碟，張枱夠大可以擺到比較多嘅嘢食，同埋坐得舒服。

嘉湖海逸酒店自助早餐$70.1個早餐自助餐🤔🤔蘋果汁比較淡味，可能師父開嘅時候水落多咗🥲🥲蕃茄好食，好鮮甜，上面仲有少少芝士碎🧀🍅炒蛋好食，外脆內軟，蛋黃仲要流心嘅添🥚🍳茄汁豆唔太好食，焗得太耐，入口一pat 泥🫘🫘漢堡扒同火腿扒就比較乾身啦，但係只要撈茄汁豆啲汁就OK😂😂腸仔，魚柳條還好啦正常發揮😀薯餅夠脆口，唔太鹹，但係就唔好諗住同M記比🙂麵包就大概有四款可以揀，今次食咗牛角酥同麵包，牛角酥外脆內軟，味道啱啱好，麵包就冇咩好講都係係咁食啦😁😁生果種類得兩款，哈密瓜同西瓜，但係唔太新鮮😅沙律有好幾款菜喺入邊，但係都係唔夠新鮮，醬汁方面就多啲選擇啦😉最終我覺得我去大家樂或者M記食早餐我會開心啲🙂因為今日師父冇落場炒蛋，加上冇乜熱食，就算食完都覺得好空虛🙁

這款下午茶優惠至23/12/2021，真係要快啲去試吓！先要上網購票$190二人下午茶，然後再致電酒店21806688 book日子（兩日前要預訂）這款下午茶一共9款全數18件美點，一件件看似藝術品一樣，相當精緻，直頭係色、香、味俱全。下午茶以芒果和榴連為主題，每人有一杯咖啡或茶選擇。一共9款，內有18件。好靚呀！首先我哋由最底層食起香煎鴨肝伴芒果沙沙米紙芒果大蝦芒果梅子燒雞串法式榴槤多士（金箔）水晶榴槤奶凍芒果榴槤千層餅榴槤芝士撻榴槤燉蛋榴槤慕絲蛋糕$190下午茶二人餐除了超值，質素更是五星酒店水準，每一件巧奪天工美點，確實吃出驚喜。😋👍🏻

今日我哋趁假日去staycation入天水圍玩 package包埋自助餐梗係去試吓啦首先梗係試吓生蠔😋😋 大大隻好甜好有鮮味 一下唔小心食左半打🤭🤭長腳蟹腳同蟹鉗都好甜 不過要拆要好有心機🥲🥲魚生黎講三文魚腩好新鮮好肥美 帶子同甜蝦都唔錯🤪🤪不得不提佢嗰隻松露黃金蝦 炸得好入味 蝦有鹹蛋黃既香同松露既襯托😍😍廚師可能係整雞出身嘅無論係花雕醉雞 鐵板煎雞 定印度咖喱雞 都整得好好食 完全冇雪藏雞嘅味道👍🏻👍🏻