紐約紐約餐廳

Open Now

Now Closed

任食生蠔、魚生、鵝肝、羊架、長腳蟹、哈根達斯，都唔洗$500/位。唔想出省成又要食自助餐，嘉湖海逸酒店自助餐一定必選。起碼唔使等開蠔，每次排隊得二只。佢哋放係度任夾，仲即時refill。其他熱食選擇亦有過十款。粉麵有日式拉麵。湯頭蝦味濃，唔頸喝。埋單記得問佢拎二小時泊車券😂

以$160 全包免加一既酒店下午茶黎講, 外觀同味道我都覺得係可以既！個人黎講, 鹹點味道會比甜點好， 共有9款美點, 有6款我都覺得ok, 有2款味道就一般, 可能因為熱情果個帶點酸, 我自己有d怕酸， 全個set最唔鐘意果個係熱情果甜飯布甸, 味道好怪...但係, 埋單兩位都係$160, 少少缺點我係接受既... 我去當日係星期三,人很少, 環境寧靜, 店員都幾友善, 會再想去幫襯既～熱情果美點下午茶包括:熱情果巴那馬火腿迷你多士熱情果芥末蜜糖带子千島熱情果炸蝦熱情果三文魚酥盒熱情果忌廉蛋糕卷熱情果蒟蒻熱情果芝士蛋糕芒果熱情果啫喱布甸熱情果甜飯布甸香濃咖啡或西式红茶** 注意： 優惠價$160需先於網上購票, Walk-in 價$228 **

由同事變朋友應該只會喺廿歲出頭工作才會發生，幸運地有幾位朋友都是由工作認識並一直保持聯絡，至今已超越十年。其中一位去年成為媽媽並由港島搬到天水圍，今日我專登走到天水圍探訪她和寶寶，最後她還能「放假一晚」跟我出外晚飯。「放監」的她決定要吃自助餐，還帶我到了附近的嘉湖海逸酒店大堂中的紐約餐廳。成人每位$468加一 ，用eShoo預購還可享有8折優惠，消費滿$800以上還可以有兩小時免費泊車。可以枱之間有空間不會擠迫。有海鮮、冷盤、熱食、沙律、壽司、刺身、即燒扒類、即煮拉麵等等，感覺十分夠食。海鮮有即開生蠔、和長腳蟹、海螺、青口 refill得快，食客都不用搶。生蠔大隻，味道淡但creamy。長腳蟹肉清甜，不會有海水咸。熱盤有中/西湯、龍蝦伊麵、雞、魚、牛、咖喱配薄餅、鵝肝等等。魚最受歡迎，一早便被淘光了。另一邊有廚師即燒羊扒及西腸，還有即煮拉麵；而近酒店門口的一邊有廚師直切烤肉，最適合喜歡吃肉的朋友。甜品除了有蛋糕和雪糕，還有我最愛的即焗疏乎厘，一小杯份量剛好很喜歡。

早排冇乜嘢做入咗去天水圍嘉湖海逸酒店食自助餐🤣🤣想講性價比都幾高 介紹返先！..........今次係海鮮主題嘅自助晚餐有生蠔蟹腳龍蝦等等涷食海鮮來講選擇算係幾多！同埋就係佢真係俾你任拎😂有時有啲酒店都會限住你每人攞幾多隻或者每次去拎佢俾幾多隻咁呢度就真係放晒出嚟任你攞😂👍🏻特別推薦就係生蠔 仲有蟹腳都唔錯另外熟食方面我都幾鍾意佢個酥皮湯🤣🤣細細個食完又唔會話好滯 又足料！仲有佢有個鴨肝 燒得好好 外脆內軟好惹味🤤..........整體來講 我覺得呢間酒店嘅自助餐選擇好多而且質素唔錯 環境舒服 職員服務幾好印象中就大概四百多一個人性價比都幾高👍🏻推薦大家去試吓嘉湖海逸酒店 地址: 天水圍天恩路18號, 嘉湖海逸酒店, 紐約餐廳 (酒店二期大堂)

// 𝙀𝙭𝙩𝙧𝙖𝙤𝙧𝙙𝙞𝙣𝙖𝙧𝙮 𝙎𝙚𝙖𝙛𝙤𝙤𝙙 𝙁𝙚𝙖𝙨𝙩 𝘽𝙪𝙛𝙛𝙚𝙩 🦪 //-If you’re a seafood lover who’s looking for a feast to enjoy after the busy week🥂, look no further than the “Worldwide Seafood Feast Buffet” at the hotel tower II lobby of Harbour Plaza Resort City!🌃-▪️𝐖𝐨𝐫𝐥𝐝𝐰𝐢𝐝𝐞 𝐒𝐞𝐚𝐟𝐨𝐨𝐝 𝐅𝐞𝐚𝐬𝐭 𝐁𝐮𝐟𝐟𝐞𝐭 - 𝐃𝐢𝐧𝐧𝐞𝐫▪️[𝐇𝐊$𝟒𝟔𝟖]To take a break from the hustle and bustle💦, New York New York Restaurant presented a seafood feast buffet that features a great variety of fresh and savory seafood cuisines.🍽Special highlights on cold seafoo

每逢屋企人生日, 都會外出食餐好, book左天水圍嘉湖海逸酒店食dinner buffet。步入酒店大堂, 右邊就係buffet section餐廳, 望入去, 地方闊落。任食冰鎮生蠔、冷盤龍蝦、松葉蟹腳、翡翠螺、藍青口、凍蝦、日式刺身、壽司, 仲有多款熱盤、常溫熟食、鐵板燒、車仔麵, 款式都幾多.... 冷盤海鮮, 尤其龍蝦、松葉蟹腳, 真係食到鮮甜味,日式刺身有專人負責配給, 想要幾多都會比足,至於熱盤區都會搵到海鮮ga!! 例如有刁草黑松露焗三文魚、芝士焗開邊龍蝦等,仲有黑松露蟹肉忌廉湯, 松露味很重又好足料~ 即焗酥皮海鮮湯, 入面有大大隻蝦同帶子, 夠誠意。任飲: 可樂、橙汁、啤酒、Coffee、Tea甜品: 任食Haagen-Dazs、Dreyer's、Movenpick,仲有豆腐花、即焗梳乎厘, 入口即溶, 少少甜, 超正!!而且呢度refill得好快! 未試過出現搶食情況可以安心享用buffet, 唔洗為左搶野食衝出去打仗!

星期六同家姐去左嘉湖食buffet dinner，疫情關係我地兩個都餓左好耐，我地係勁大食二人組。意外地餐廳99%坐滿，但拎野食嘅人唔算多，而且大家都有帶口罩。得一開始拎生蠔要排隊，生蠔係一大碟任係夾幾多隻，仲要好隻隻都好肥美好吸引，仲要唔腥，中意鯨吞生蠔的朋友可以去試下，好抵食。**但記得少吃多滋味，多吃壞肚皮**我食自助餐通常主攻冷盤同甜品，刺身好有驚喜，有7種刺身可以揀，我食左八爪魚三文魚甜蝦帶子，樣樣都好新鮮，三文魚勁肥美，帶子勁大粒。**真係好抵食**其他冷盤選擇都好多，有青口，螺，蟹腳，凍隻，壽司，冷麵，仲有好多種預拌左嘅沙律，我特別中意用餅乾夾蟹子蟹肉沙律🤤🤤另外仲有三款芝士，係好食嘅芝士，不過我唔識分，同埋魚子醬。**原來魚子醬咸😂**熱食我都食左少少，So皮焗帶子，黑松露忌廉湯，印度咖哩雞同薄餅，家姐食左啲台式燒腸同唔知鴨肝定鵝肝，全都都好食，冇伏。**但即場切嘅烤豬同牛就好韌**最後，我地幾乎試哂所有甜品😂😂😂我諗佢甜品接近有二十款，食哂refill 又係另一種甜品，有豆腐花，即焗梳乎里，Tiramisu，Brownie，面包布甸，奶凍，慕士，黑森林蛋糕，朱古力噴泉

前陣子跟友人聊起說最近很久沒吃自助餐了，二人剛好週末到郊區行山，搜了一下決定試試紐約紐約餐廳的自助餐。海鮮「味」力自助餐 $468@1紐約紐約餐廳2021年隆重推出［海鮮「味」力自助餐］，逢星期六日及特別日子，海鮮、烤牛肉等應有盡有。實在很久沒有見到這個價錢的自助餐居然還有各種海鮮供應。生蠔大隻，不過放久了感覺沒那麼新鮮，是一般自助餐的質素。其他海鮮例如長腳蟹、鮮蝦等倒是不錯。大概七點半左右餐廳還提供上芝士焗龍蝦，一人一份。爐端燒有牛肉、鵝肝、雞肉等等，燒好馬上拿就最好吃。整體特別推介鵝肝、咖喱雞及中湯！甜點記得要吃Movenpick及拿梳乎厘呢！

海鮮味力自助餐搜羅多款美味海鮮，任食美國生蠔最為矚目，專人即時開殼，保持新鮮狀態。吧枱上有龍蝦、松葉蟹腳、大蝦、藍青口及翡翠螺等，refill速度很快，令人大快朵頤。蠔身有半隻手掌大，肉身白滑，質地圓潤、肥厚，滑嫰可口，帶輕柔海水味，鮮味透心。龍蝦肉質結實，以匙羹品嚐蝦膏、蝦籽，入口充滿鮮甜味道。長蟹腳的一絲絲蟹肉，細嫰柔順。晶瑩大蝦爽彈，鮮味十足；海螺紮實，入口有嚼勁。旁邊還有多款沙律和冷盤: 刁草三文魚、蟹子三文魚慕絲、芝士火腿涷肉拼盤等，結合成滋味頭盤。稠密三文魚醬慕絲香甜鮮味，加上卜卜脆蟹籽，清新細膩，十分開胃。最矜貴是魚子醬，配以餅干，先嚐到鹹味，魚卵豐腴在口中慢慢散發，大飽口福。壽司及刺身種類不算多，可以狂吃三文魚、吞拿魚、帶子、甜蝦及喜靈魚刺身，十分爽快。即席切肉區有蜜汁燒火腿、燒美國肉眼，牛扒没有多餘調味，入口軟腍、黏牙，沾上燒汁，香濃肉汁加倍升華。鐵板燒區有: 鵝肝、羊架、炒牛肉粒及肉腸等，羊架肉質粉嫰，帶著微巧的羊羶味，十分惹味。最愛金黃香脆的鵝肝，咬下去油香四溢，入口綿化，油花齒頰留香。䁔胃的天山雪蓮果燉螺頭湯，火候充足，綿軟的螺頭肉，啖啖甘甜。黑松露蟹肉忌廉湯，

好耐無食自助餐啦，今次黎到入少少既天水圍嘉湖海逸酒店食返個海鮮主題自助餐😋今次主打既海鮮包括美國生蠔、龍蝦、松葉蟹爪、翡翠螺、藍青口等等生蠔大大隻🦪新鮮好厚肉龍蝦殼已經預先敲破，輕輕打開就食得，好方便👍🏻刺身都非常新鮮😋熱食選擇都非常多，有四川口水雞、香脆七味軟殼蟹、黑松露蟹肉忌廉湯等等甜品有任食Movenpick同Dreyers雪糕、朱古力噴泉、疏乎厘等等呢度服務好好，食物Refill速度快，每區都有廚師駐守，食客唔洗等，值得一讚，$468黎講有咁多海鮮食，都真係幾抵👍🏻

好耐冇出街食過晚餐喇臨近白色情人節🥰近近地同另一半book咗 @harbourplazaresortcity 去食佢地嘅海鮮自助晚餐海鮮自助餐嚟講，我一定會揀有生蠔食嘅酒店✨因為我本人勁鍾意食生蠔🦪無論係重海水味嘅法蠔定creamy嘅美蠔我都愛.而 @harbourplazaresortcity 嘅就係肉厚又creamy嘅美國生蠔😍因為美國蠔冇咁重海水味，所以我通常只會唧少少檸檬汁落去就食，唔會落cocktail汁除咗生蠔，仲有藍青口、松葉蟹腳、翡翠螺同埋凍蝦等海鮮😚Refill速度好快，唔洗等到頸都長,而且坐低咗冇耐，服務員仲送上焗龍蝦😍好味.另外，我亦幾欣賞佢地嘅cold cut同芝士區😚好少可buffet會有Blue cheese，呢度都有得食，對於重口味嘅我表示開心❤️Cold cut方面亦有齊Parma ham同Salami~而煙三文魚亦同平時食開嘅有所不同，就係佢好重Dill草味，相對冇平時食果啲咁鹹，不錯👍🏻值得一試.然後，熱食方面，個人幾鍾意七味軟殼蟹，外脆內軟，而且相當惹味，一口氣食咗幾件😆羊架亦不錯，表面煎得頗為香脆，入面唔會過熟不過黑松露蟹肉忌廉湯可以稍作改善，黑松

好耐冇食過buffet啦！呢日就同老公到嘉湖海逸酒店嘅紐約紐約餐廳刷餐勁嘅！餐廳地方寬躺唔會好迫，佢哋安排咗梳化位置俾我地，坐得幾舒服。以海鮮為題嘅［海鮮「味」力自助餐］，真係有超多海鮮美食，包括冰鎮新鮮美國生蠔丶龍蝦丶松葉蟹爪丶翡翠螺、藍青口及凍蝦，特別推介熱盤嘅酥皮海蝦焗帶子，及超creamy黑松露蟹肉忌廉湯。而餐廳仲每人送上一只芝士焗龍蝦，芝士配上啖啖肉真係令人好回味！呢度食物種類繁多，有沙津丶壽司丶刺身丶車仔麵同好多不同嘅熱盤，而且食物有一定水準，每款食少少都已經超飽！飲品任飲，檸茶丶奶茶丶咖啡丶果汁丶汽水通通都有。對我來講buffet嘅甜品區都好重要㗎！呢度甜品都唔少，有多款蛋糕丶布甸及朱古力噴泉，仲有唔同口味嘅馬卡龍，雪糕就有Dryer’s及Movenpick，最後當然唔少得新鮮水果，為呢一餐畫上完美句號！呢度嘅食物refill快，唔會有爭食場面，而不得不讚佢哋嘅收碟速度都好快。購買自助餐券仲有8折優惠，只需四百幾蚊就食到個咁豐富嘅dinner buffet，CP值甚高！

生日月個囡又復課，總算係份唔錯既生日禮物🎁 困獸鬥左幾個月，終於可以鬆一口氣，又可以同老公出去撐枱腳Relax吓。上星期近近地去左嘉湖海逸食個Dinner Buffet 當預祝生日。餐廳都算幾大，即使有八成滿座感覺都唔會好侷促，枱之間距離亦足夠，可以安心進食。食物最驚喜有 #即開生蠔，仲不停有refill 夠晒誠意。生蠔算幾大隻，味道鮮甜海水味重，都幾新鮮。而海鮮冷盤一定要試 #龍蝦鉗🦞，個殼已經敲碎咗，只要輕輕摵開就食到，啖啖肉鮮味又juicy, 唔覺唔覺就食左超過10隻😋。其他仲有雪場蟹腳🦀、熟蝦🦐、青口、翡翠螺等等。魚生有原隻帶子都幾驚喜，新鮮帶黐稠感，口感順滑；三文魚都好肥美🐟，油花細緻，魚香突出。每位會贈送 #芝士焗龍蝦 半隻，滿滿芝士加上爽彈龍蝦肉🦞，令人好回味。熱葷中最推介炸軟殼蟹🦀，外脆肉嫩，配埋沙律菜一齊食🥬，惹味又減油膩感。仲有熱辣辣酥皮白汁焗海鮮🍤，好好味。甜品選擇都好多，朱古力Sacher蛋糕好香濃，粟子蛋糕spongy又香滑，仲有各款馬卡龍、慕絲杯，豆腐花、同埋Movenpick及Dreyers 雪糕任食，食完滿足曬。食完行陣再輕輕鬆鬆坐返輕鐵返屋企，依個pr

生日月，梗係想食好啲啦，好耐無食過自助餐喇，今日就一家人黎到嘉湖海逸酒店到食個海鮮味力自助餐先！我地食6點半，呢度裝修都幾華麗，餐桌與餐桌之間都仲有好多地方行，侍應服務態度都好好，放向枱面嘅空碟都收得幾快！話明海鮮味力自助餐就梗係食海鮮啦，冰鎮新鮮美國生蠔，爽口夠鮮味。仲有龍蝦、松葉蟹爪、翡翠螺、藍青口同凍蝦都一樣噤出色！食物款式都幾多，四川口水雞、刁草黑松露焗三文魚、香脆七味軟殼蟹等等，最鐘意飲佢個酥皮湯，好肥但好正！仲送上芝士焗龍蝦比我地Tim 。甜品方面，賣相一流，主攻朱古力味，實在太正！甜度剛好，濃度剛好！雪糕呢就有DREYER’S同MÖVENPICK，想食邊款，自己拎就得，正啊！仲有朱古力噴泉Tim! 今餐真係非常之滿足！

因為肺炎關係都好少外出了，結果差不多3星期沒有和男朋友見面要避免到人群聚集的地方即是不能行商場，到餐廳用饍又成了高風險的活動，雙方在香港居住都變了LDR幸好男朋友醒目，想到去嘉湖海逸酒店用饍，這裡一定很寧靜可以放心消費！雖然是星期日的下午，但是餐廳只有兩位客人在吧檯飲酒，我們挑了一個開揚的位置坐下最近天氣轉冷，但是酒店內部的温度十分舒適，厚厚的大褸都可以脫下酒店餐廳主要經營酒吧和自助餐的關係，所以MENU上的食物都是FINGER FOOD和WINE LIST因為我們二人都好餓了所以挑了MENU中份量最大的熱狗！這個是我點的芝士辣肉醬熱狗 不枉我們經過三十分鐘的等待，果然是值得的！熱溶芝士鋪在已調味的辣肉醬上，熱狗腸又粗又大條，加上烘得暖暖的麵包，真是令人食指大動！雖然男朋友認為芝士有點奶製品的「蘇」味，但對我來說不是問題！辣肉醬的調味有點cumin的味道，既香又惹味另外我們都點了一杯普通熱咖啡，若對三合一咖啡也OK的人來說也是十分不錯了環境舒適我們都可以慢慢享受食物和談天，為我這陣子沉悶的生活來點生氣最後要多謝男朋友刻意走來大西北和我食個TEA