紐約紐約餐廳

Open Now

Now Closed

朋友10月之星生日，約出來食飯，講起自助餐最近有優惠，近近地黎天水圍食自助餐。早2日打電話預約，可以免費有生日蛋糕送🎂，可能係星期六，我比較遲才到，以經坐滿晒了。地方唔算大，食物種類都算多原化，我估唔到有生蠔，但生蠔已經開了放在冰面，生蠔食晒唔見再有新鮮出黎。海鮮、魚生壽司、熟食、甜品、朱古力噴泉、雪糕，沙津， 天婦羅，拉麵！近近地有這選擇，味道很好！

投稿已一段時間，不被刊登原因是什麼呢？ 穚件是早陣子準備，但遲遲未完成送出，最近再訪餐廳…發覺原來已經沒有這個半自助套餐了☹現時只有假日自助餐劵！不過仍繼續投稿分享餐廳服務及食物質素吧！🤔果然收到Openrice回應👍👏得知原來是相片未能成功上傳👌 不過，有點奇怪…apps內係見到有相片的… 只好再重新上傳有關照片試試😅先前是因為留意到酒店內及外牆大型廣告T.G.I.F. dinner有點好奇什麼是tgif？一查之下才知道原來係潮語... 一星期工作之苦… 終於到Friday...又真係要慶祝下，嘆番個晚餐對自己好啲😅👍上酒店官方網頁查詢…原來唔只Friday晚餐，Saturday中午也有特別套餐👏 仲要網上預先購票接近八折優惠🧐雖然信用卡都有折，但既然準備吃…預先網上購買更抵吃👍選定主菜，餐湯、沙律吧、甜品任吃😋 出外面自助區先走一圈🧐看看環境🤭查看食物銷情🤨星期六中午唔算多人🤔全場只得十多張枱顧客…可以吃得很輕鬆😅慢慢歎… 沙律選擇唔多...都算新鮮，refill得快😯甜品區😍喜愛細細件👍可試多幾款冇咁大罪疚感😆飲品區🙂咖啡茶都可添飲… 冷熱皆可，自己調較口味👍走了一圈…先吃前菜…

今次想介紹酒店的自助晚餐，個人覺性價不錯！ 我們今次是享用自助晚餐，位於紐約紐約餐廳(酒店二期大堂) ，酒店裝潢以紐約風為主，氣氛悠閒，情趣盎然。而且最精彩是這裡的海鮮，超級豐富！海鮮：我們一家超喜歡海鮮，這裡海鮮款式選擇多，有龍蝦、松葉蟹爪、麵包蟹、生蠔、蝦、海螺及青口等等。最重要的是，補添食物的速度快！ （個人推介：龍蝦） 刺身：三文魚、吞拿魚、希靈魚、八爪魚等⋯入口鮮味！ （個人推介：三文魚）  冷盤及沙律吧： 多款沙律菜／配料、風乾火腿、芝士、蟹籽三文魚慕絲等等。 （個人推介：蟹籽三文魚慕絲） 熱盤：熱盤選擇也不少，一家三口都大飽口福，例如：越式炸軟殼蟹、松露芝士黃金蝦、巴馬風乾火腿黑毛豬燴意大利飯、川歸蝦湯、川味水煮魚柳、印度炭燒雞、希臘香烤捲餅、美式蜜汁燒豬肋排、燒美國有骨牛肉眼及鮑汁鳳爪等等。（個人推介：希臘香烤捲餅及鮑汁鳳爪）  湯水： 分別有中、西湯各一款選擇，另外，最特別的是還有現煮的馬賽海鮮湯，滿滿海鮮的湯，鮮甜美味。 （個人推介：馬賽海鮮湯） ▲馬賽海鮮湯甜品： 甜品選擇非常多，西式、中式、日式及泰式也有，更有小朋友最喜歡的

早前又帶兩兄妹入住酒店，玩到餓腸轆轆，晚餐不作他選，就留在酒店吃 buffet 好了～酒店最近推出「冬日嚐鮮自助餐」，在冰鎮新鮮美國生蠔、松葉蟹爪、紐西蘭半殼青口、龍蝦、熟蝦、麵包蟹、凍翡翠螺等豐富海鮮基礎上，加了大量海鮮熱盤，相當吸引！ 除了以上凍海鮮，場內也有多款雜錦刺身，包括帶子、三文魚、吞拿魚、希靈魚等，加上蕎麥冷麵、冷麵汁，以及小朋友愛吃的雜錦壽司。 接著還有菠蘿火腿沙律、紐約特色沙律、紅菜頭醃三文魚、紅菜頭沙律醬、新鮮洋蔥、印度烤雞沙律、黑魚子醬、芝士碟、意大利式頭盤薈萃、意大利粉沙律、麻油菠菜、大頭芽菜沙律、蕃茄、翡翠苗、千島醬、凱撒沙律醬、法式雜菜、青瓜、洋蔥、甘筍絲沙律，超豐富！ 連接熱盤的自助餐檯上，更擺放著三文魚蟹子福袋、魚湯海帶凍豆腐、蒜泥白肉卷，以及個人很欣賞的大蝦木瓜沙律，鮮與甜的組合非常討好！ 接下來的熱盤豐富吸引不得了：麻油豬肚雞煲、鮑汁鳳爪，加上絲苗白飯，全是冬日暖胃美味之物；緊接下來又有意式錫紙焗海鱸魚、韓風柚子醬烤鴨髀，後者夠酥香入味又是很讚～ 從來喜歡香口美食，自然不會放過泰式咖哩炒蟹，濃惹入味太迷人了；還有其貌不揚，卻異常好吃

星期六又想食又要想可以坐得耐，最好選擇就係自助餐，有多啲食物選擇就啱哂我啲為食嘅人😂今次揀左天水圍紐約紐約餐廳，因為見佢中午自助餐價錢$258＋1，如有恆生卡仲有8折，就去試下呢個價錢可唔可以直唔直回票價😋自助午餐唔好其望會有好正嘅野食，不過呢到算唔錯，午餐都有生蠔食，熱食種類都唔少，例如有：印度炭燒雞、香酥茶葉骨、黑醋燴牛脷、鮑汁鳯爪、印度咖哩牛肉配印度酥餅等⋯蜜汁燒火腿，昧道淡淡地幾好食。迷你牛肉漢堡包，細細個好Q生蠔食落有碎殼，希望貴公司改善下。起初以為係酥皮湯，原來係綠茶酥皮焗香草龍利柳😂芝士黑松露焗元貝幾香。冬蔭公煮大頭蝦，辣辣地好野開胃。刺身有啲腥😓可愛豬仔包，可愛到唔捨得食😂好普通嘅鍋夫，不過食落唔錯😋自助班戟，整出黎迷你size，仲有三款醬比你選擇。今餐算不過不失。☺️

好耐無食過屋企附近既早餐buffet，耐唔耐都要奢侈一次。話就話奢侈，但其實對比出面自助餐價錢已經好平，早餐只係$96另加一。環境清靜，客人數目都唔係好多，大部份都係香港同外國遊客，無爭先擁後拎野食既情況。基本野香腸煙肉火腿茄汁豆樣樣俱全，想飽肚啲仲有麥皮式自製拌飯。除麥包白麵包外，亦有西式酥餅同牛角酥，旁邊有烤爐可以烘返熱同脆。中式點心有燒賣粉果炒麵奶黃包，中意飲茶既可以過過口癮。穀類早餐，有常見既蜜糖星星同粟米片，另外仲有提子麥片同雜果燕麥，但略嫌放耐左，唔夠脆，而且鮮奶擺得太耐變左室溫有果汁既morning先係good morning～有橙汁西柚汁蘋果汁任均選擇，我揀左西柚汁，飲起黎幾fresh，未至於假甜。唔講唔知我其實係蛋精一定要食蛋先滿足。呢度岩哂我，除左太陽蛋煎蛋烚蛋仲有即叫即整炒蛋同奄列沙律菜幾新鮮，有芝士粒同梳打餅拎，酥餅偏淋，烘熱左都唔夠酥脆，右邊果個入面係朱古力夾心，甜甜地好食啲。現成野穩穩陣陣中規中矩，隻蛋煎得幾靚，但油左啲。奄列煎得唔錯，口感都係偏油，但勝在有得自選配料，加左白菌、芝士粉同雜菜粒香口得黎有咬口。燒賣唔差，但魚肉溝得太多粉，無乜肉既質感，粉果內餡

今日同屋企人黎左呢度食lunch buffet. 早幾日訂枱時，職員同我講滙豐恆生信用卡有優惠，不過我冇呢兩張卡，佢就建議我上eshop訂飛，原來而家做緊優惠，上eshop買有7折，抵好多，仲有長者優惠價，好想讚職員細心提示！去到今日，枱其實唔係好多，因為採用日光，所以環境偏暗，職員係就12點時就帶位入坐，我地坐得好近野食。食物既選擇都唔算少，一黎我就飲左個意大利青瓜蟹肉湯，蟹肉唔係好多，個湯飲落有少少青瓜味。之後食左個酥皮綠茶龍脷柳，酥皮就好食，不過綠茶同龍脷既配搭就見人見智啦。仲有大頭蝦冬蔭公，個湯有雜菇同洋蔥，酸辣味都重，幾好芝士帆立貝，食到芝士味既，不過個汁澀少少上到去帆立貝面就會好啲有個鮑汁鳳爪，煮得幾林，但味就淡左少少炭燒雞，味正，肉都嫩既生蠔我唔太食，不過聽屋企人講都幾新鮮，佢地食左好多隻椒鹽三文魚，啖啖肉，正！仲有B5和牛，可以自己加海鹽，岩岩煎上碟就拎左幾舊，十分好食！其實仲有好多沙律，冷盤......講唔哂！甜品方面佢有好多款唔同蛋糕，亦有自製窩夫，dryers雪糕，爆谷等食足兩個鐘三個字，因為燈光問題好快合眼訓，overall今餐食得很滿意😄

味道一般。水杯有水積，抹唔乾淨。Salt & Pepper 調轉左，變左1個窿嗰個係鹽，3個窿嗰個係胡椒。喺門口企左5分鐘都冇人帶位。環境嘈，似普通餐廳。好多時buffet枱冇refill野食。

大住個肚無得飛去其他國家玩，唯有去郊區少少的地方當渡假啦，訂好酒店房，在酒店官網eshop買定逢星期五晚的TGIF半自助晚餐，有折扣優惠，每晩有6款不同菜式選擇，要預先選定日期，菜式，付款和列印出來才可享用。餐廳環境氣氛唔錯，客人唔多，只坐滿三四成枱，多數區內家庭客，暗暗的燈光，播放著Jazz音樂，有二三十個外國人企喺吧枱附近靜靜地飲酒傾計，對比區內周圍都充滿普通話，簡直難得的輕鬆！餐廳經理收了我列印出來的兌換券，仲細心的建議我哋先食自助部分，餐湯、麵包、沙律，等我哋叫才上主菜，不過過左10分鐘左右，另一個侍應來收枱上面的餐牌時候，問我哋係咪點左菜，我哋答已點了，不過要等叫才上，可能佢聽一半唔聽一半啦，所以飲到一半餐湯已上了牛扒和羊架😤。餐湯係雜菌忌廉湯👍🏻，菌的成分比較多，沒有放太多麵粉，不過可能太好味的關係，好快被清光，之後換左青豆蟹肉湯，麻麻地。麵包都係即焗，仲有4款選擇，印度烤餅最好食👍🏻。荷蘭牛柳配青胡椒汁，牛柳被煙肉包住煎，非常美國風味👍🏻(我舊老闆係紐約人都係咁配煙肉煎㗎！)。醬汁配意粉、新薯一齊食，正！羊扒法國芥末子汁，羊架無雪藏味，新鮮、無羊羶味，與凍肉鋪訂的羊架完全

父親節，一家人去食自助餐，幾年前去過，今次再試下，一開始就係沙律🥗醒下胃先，菜同配料都新鮮，沙律都好食，個菠蘿火腿粒沙律正，之後食三文魚都唔錯，都幾肥美，食完休息一下食羊架燒到剛好唔錯，再食個咖哩牛腩出奇好味，因為夠辣，試下個牛尾湯，就濃味咗，還有其他熱食都唔錯，D長腳蟹腳，蝦🦐都好鮮味，食咗好多再休息一下食蛋糕🍰，個粟子蛋糕同朱古力蛋糕好食，試下梳乎厘又幾好味，食下食下再食個雪糕🍦同朱古力豆腐花就滿足了😁

上網買左優惠券$168  任食🤗  宵夜時段（2145-0000)岩曬我喱d  夜訓豬😆😆😆😆😆💯大約2130! 短短既隊伍就已經出現了☝🏻相信大家都餓豬了🤤🤤🤤🤤溫馨提示：上網買完記得print 張coupon 出黎因為佢地會收的唷😁雪糕雪條有幾種，有我大愛既 夏威夷果仁呀（內心尖叫了）一人一份既海鮮set! 入面有蝦，鵝肝，豬肉，牛肉等等！鵝肝係好有油份的！一d 都唔鯹！蝦唔會"痴殼" 可以話係新鮮彈牙☝🏻😌另一大推，一出就會比人掃曬既就係魚皮🤤🤤🤤🤤超香脆又唔會太油！💯💯💯💯熊仔丸就。。。cute law 完😂😂😂一人一爐！食到0000! 拍拍屁屁就走lu 😸😸😸😸飽飽酒店level 既服務果然係唔同d 😜侍應生們都好態度有效率👍🏻(重點係有wifi 😆 好緊要呀！）

家人話想近近地食個酒店buffet, 於是買左groupon $158 +10%service chg 的宵夜buffet試下。老實講，呢間嘉湖海逸酒店其實都獨市serve元朗天水圍區居民，開左咁多年，元朗天水圍人口越黎越多，又有消費力，如果間野肯做好d, d居民就唔駛山長水遠去市區食buffet。就係唔明間酒店個老細諗乜，明明酒店環境都幾好，係都唔肯提升食物質素，對佢都幾失望。所以對呢個宵夜buffet, 本來都冇咩期望，只希望佢比返groupon個list d野食我食就ok.點知都係一肚氣 ...話有吉列炸蠔，佢係第一轉係有，一盤十幾隻，跟住清左，就不斷上煎餃子，唔會再refill蠔。我有幸攞到一隻食，味道都ok, 但幾個家人唔好彩攞唔到，就冇得食，我想食多隻都冇。另一賣點話有扇貝刺身，就變左凍青口，扇貝條毛。至於其他拉麵點心炒飯熱盤cake果d就普通一般飽肚野，冇期望唔會稱得上好味，同埋唔夠熱(種類自己睇圖)，聽到2夫婦細細聲話早知食爭鮮d壽司都好過佢。所以$170蚊黎講係唔值，勸喻未買groupon既可以慳返。

繼續介紹豐盛自助餐：不介意搭遠一點，來到天水圍嘉湖海逸酒店，大家只需付出成人$418／小童$298的價錢，就可享有無限生蠔、麵包蟹、龍蝦鉗、灸燒和牛、雜錦刺身、香煎鵝肝，以及超多款甜品及 Movenpick 的極尚和牛海鮮盛宴了！ 這次到訪，除了食物選擇更豐富吸引，也發現餐廳變美了，如上面新裝的酒吧十分吸晴；場內又大播好聽的最新流行曲，更加的貼合 New York 主題。 很喜歡一進場就是繽紛甜品的設計，我也順序由甜品開始介紹吧！這裡甜點選擇非常多：椰子馬令慕絲 Coconut Meringue、芒果布甸、黑芝麻芝士蛋糕、黑森林蛋糕、雲呢拿栗子撻、雜果啫喱.... 來到中間凍櫃，又有意大利芝士蛋糕 Tiramisu、甜薯金寶、朱古力班尼、65%特濃朱古力慕絲杯等... 另一邊繼續有：朱古力沙架蛋糕 Chocolate Sacher、香蕉朱古力蛋糕、日式芝士蛋糕、椰汁西米糕，還有多式馬卡龍餅！來了那麼多次都未能試勻啊.... 未能試勻的另一原因是對面還有更吸引的雪糕及熱甜品區！雪糕櫃內有我最愛的 Swiss Chocolate 口味 Movenpick 杯，加上數款 Dre

美好的星期六周末，仍要上班，而且工作地點在天水圍，真是有點氣餒。朋友們提議說等我下班後一起到天水圍吃宵夜自助餐，主題為甜品及芝士火鍋，最重要是價錢非常便宜，只是一百多元。我想也不想就答應了。甜品款式挺多，有差不多30款。每款都製作精緻，令人非常期待。我喜歡吃芝士蛋糕，芝士味濃郁味香，可一吃再吃！無花果款式的蛋糕也不錯，中間的那層白朱古力很好吃。而芝士火鍋的配料選擇，也很多！最好吃是這個辣腸，我encore了很多次。辣腸外皮脆口，中間肉腸部份味道濃郁帶咸。另外這個即點即做的芝士意粉，更滿足了我們的視覺，師父先炒香洋葱煙肉，放入意粉烹煮，然後再倒進這盆芝士，再加點酒精點火，非常精彩！被火熱溶的芝士再與意粉混和，意粉充滿芝味。最後當然要吃杯裝雪糕！這裡用上Dreyers雪糕，雪條就用雀巢mega，味道不用多說，吃自助餐當然要吃雪糕回本！

上週末又到嘉湖海逸吃buffet，因為酒店逢星期六日及特別日子新供應的「仲夏海鮮自助餐 Summer Seafood Feast Buffet」，內容相當豐富吸引，成人$418／小童$298，生日之星最多可享8折，挺抵吃的～ 一進場馬上見到繽紛雪糕櫃（容後分享），又有兩兄妹很愛的 Pancake 機（操作簡單，小孩也會），媽媽最愛的水果碟、薑汁燉奶、鮮焗朱古力心太軟、焗抹茶芝士忌廉撻、焗原味芝士忌廉撻、鮮焗比利時窩夫，對於玩到餓腸轆轆的我們很是誘人！緊接是香煎鵝肝多士、蜜汁燒火腿及燒美國牛肉眼，喜歡邪惡美食的要來了～～～ 囝囝曾投訴這裡沒有壽司，晚市真得沒有，但就有新鮮即包手卷，附上大大件紫菜更開心啦！同場也有冷麵及各式三文魚、吞拿魚、希靈魚等刺身～ 海鮮既是主題，凍海鮮選擇當然特別豐富：長腳蟹、海蝦、翡翠螺、特大美國生蠔、帶子等，任君選擇；另外還設有更誘人的燒海鮮選項！  這裡的冷盤多得誇張，單是中西冷盤、凍肉等，林林總總就有十多廿款，令人目不暇給！當中也包括黑椒燒吞拿魚、蟹子三文魚慕絲、鴛鴦龍蝦牛油果沙律等等誘人海鮮菜式！ 連久違了的甜酸齋也有！加上芝士、沙律吧等等