芽莊城越南牛肉粉 (Closed)

近期因事要到深水埗一帶, 所以搵食機會自然多了, 今次選擇到這間位於北河街市政大樓內的芽莊城, 為的是它的滴漏咖啡.這間藏身於熟食中心盡頭的越南小店, 環境不用多說, 一如其他熟食中心一樣, 燈光昏暗、地面濕滑、衛生情況認真麻麻. 接近下午茶時間, 附近的食檔人流稀疏, 但這店卻坐滿食客, 相信必定有其獨特之處.店員沒有太多的招呼, 也不見有甚麼笑容, 不過也算頗勤快. 拿起餐牌, 食物種類不算多, 但基本的生牛肉河, 香茅豬扒, 扎肉, 春卷之類也齊備. 而且價錢定位也頗便宜, 套餐連飲品也只是三十多元, 而且還有迷你餐可選擇, 食客可按自己食量去點, 不會浪費食物.當落單後, 百無聊賴時, 看見枱上有個玻璃樽, 好奇之下打開看看. 原來是魚露, 內裏浸著紅蘿蔔和白蘿蔔絲, 應該是店家自製的. 魚露味道比平常吃到的較淡口, 味道除了鹹味之外, 還有微微的酸味和魚味; 蘿蔔絲十分爽脆, 味道酸酸的, 既好味又開胃! 香茅豬扒河 $26 點的是迷你餐, 可是份量一點也不迷你! 份量大約是正常的八成, 對食量少的人來說已經足夠. 香茅豬扒比較薄身, 但醃得入味, 香茅味很重. 豬扒入口不硬

深水埗的平價越南菜因住係附近既關係，經常會到深水埗搵抵食夾大件的東西，這是一間幫襯左好多年既小店不過去之前，一定要有心理準備，這店位於北河街市政大樓2樓的熟食中心入面，相信大家不用說都知道唔方會乾淨舒適得去邊但食物，食過你必會覺得滿意的 一去到，必點這個越式滴滴咖啡，不用加錢！（相信全港只有這家滴滴咖啡不用另加錢的！飲滴漏咖啡一定要飲冰的，因為光飲滴漏咖啡實在太濃味，而加了冰，味道剛剛好，也是最正宗的飲法 越式蝦膠扎肉番茄湯米粉，味道很濃，入面有扎肉，豆卜芽菜，下午茶可以點個細既份量，女仔食份量岩岩好，我飲晒Ｄ湯都唔會覺得口渴 法式茄汁牛腩河他們家的湯底認真好！河粉又滑，至於牛腩半肥廋，口感夠滑，一咬就化開！份量岩岩好多謝收看

This is a hidden gem.  Tucked away in the corner of the SSP cooked food centre, it has decent Vietnamese food at very good prices.While the ladies who run the place don't speak English, they do have a translated menu.  They gave us very enthusiastic service and were genuinely pleased to see us.We ordered two raw beef pho with vietnamese coffee and an order of the shrimp cakes.The shrimp cakes were great.  We never saw them in Vietnam (we lived in Hanoi for over a year), but I wish that we had.  

因為結他仔每星期都要到深水埗教結他，所以我決定在深水埗尋找美食。這間餐廳和一般熟食市場的店一樣，没有美麗的裝修，到埗後發現比想像中少人，心裡不禁有點擔心。但很快就被老闆娘熱情的招待改觀了。由於我事前已叄考其他食評，所以點了迷你餐~雞絲湯檬（＄27），而結他仔則點了香茅豬扒雞翼飯（＄32）而飲品方面，加兩蚊有凍飲，五蚊有青檸梳打。食物不消十分鐘就送到枱上，由於賣相吸引，原本不好的感覺已消息了。先說我的雞絲湯檬，雖說迷你，但份量也不少，加入另外附上的青檸後，味道更fresh。而且雞絲很有味，這是令我十分驚喜的，想不到這個價錢有好的質素。而結他仔的香茅豬扒鷄翼飯也賣相吸引。豬扒有濃郁的香茅味，肉質很嫩，不是死實的感覺，值得一讚。另外，雞翼如食評所講一樣新鮮炸的，口感不俗，吃一口，裡面還是热腾腾的:-)飲品方面，没有特別驚喜。整體來說，除了侍應飲品漏單有少許不悦外，整體不俗，值得encore;-)埋單＄66.

話說lunch突然就想食檬粉,上網一搵就搵到就近ge呢間野加上去完vietnam旅行好想懷緬下檬粉同coffee.事實上香港食到ge檬烤同vietnam會有唔同,咬落去無咁實,到最主要係味道,配料小碟上,任君添加.我就仲意食左無添加然後再加少少咁多D多D.由鮮到香到爽口味道.扎肉正路 : )反而coffee唔算十分苦,我剩係落左一羹仔煉奶甘甘地.飲完超精神.

星期五晚，去深水埗買嘢，之前好想試呢間越式牛肉粉，終於得償所願！可惜：生牛肉湯檬：湯較油，味不濃，檬粉碎！失望！咖喱牛腩湯檬：牛腩淋，勁大碗，咖喱湯底夠味，可以！越式小食拼盤：即叫即炸，春卷好食！雞奕可以！扎肉冇特別！但蝦餅好多油！青檬梳打：靑檬多，但太多糖水，可以！備註：人手不足，洗碗阿姐做埋樓面！慘！

說到結拜, 唔駛去那家地獄壽司店排隊去今次介紹的越南小店, 吃完後都可以做戰友仲好好味添~這裡是深水埗北河街市政大樓搭扶手電梯上2 樓, 直入熟食中心最盡頭左面的那間就是了未進熟食店, 友人們已經不敢碰扶手電梯了 XD各地區的街市熟食中心薯也去過但論衞生這裡應該是最強的吧...燈光超暗, 地下超濕滑大小姐們決意要來的話還是輕裝來好一點冬天來還好, 第一次薯是夏天來地上有大中小強在爬, 蒼蠅在空中飛舞現在回想起來也心寒...餐具其實也抹得乾淨, 只是日久失修筷子和匙經過歷史洗禮後已經變色和脫皮店家也很貼心提供免決筷, 偶然也會拿到最安全的金屬匙感覺就像拿到了 Rare 級的寶物大家都會搶著要但既然是來結拜就不要那麼斤斤計較啦~食材很棒, 特別是芽菜真的是極級新鮮!這個價錢有這樣的質素十分驚喜扎肉片加入了香料, 不會吃到一口粉湯頭清而不淡, 喜歡重口味的可以再加一下辣椒粒和西檸汁提味, 風味更佳湯檬比出面一般的幼, 有點像米粉不過反而能黏上多點的咖喱汁更好吃牛腩是切粒的, 口感軟軟的, 份量也不少上面灑了炒蒜粒超惹味最後來一個越南特式的滴滴咖啡吧~咖啡會從上方的壺滴進下方的杯子喝前記緊要要

深水埗 第三站嚟到芽莊地位街市樓上 我本來諗住好似旺角熟食中心咁 嗰度係有好多食肆 但照明系統不足 給人信心唔強 不過芽莊算係最多人食 去到食 坐底嗌咗豬扒雞翼飯同生牛肉河 當然係飲滴滴咖啡 唔洗幾耐就滴完 味道不錯 生牛肉河幾好食 而且都大碗 分量十足 仲有大細碗供選擇 豬扒就普通 都係以前小巴黎好食D 但雞翼真係好好食 仲係即叫即做 熱辣辣 抵食係一定O既 不過未必會再返嚟

晚上八時許，友人帶我到北河街市政大樓，聽說這裏有間越南食肆，價廉物美，理應試下！從地面沿扶手電梯走到一樓，眼見街市十分凋零，所有菜檔、魚檔、肉檔已經關閉，少卻了白天時候的熱鬧，沿扶手電梯再上二樓，才發現别有洞天！二樓仍有幾檔食肆營業，走到最入，才找到這間「芽莊城」，四周燈光昏暗，食檔簡陋，既然來到，就不應計較四周環境，在於食物美味與否，才是重要！生牛肉湯河（HKD32）：甫上桌，見牛肉略帶粉紅，夠嫩不韌，呷一啖湯，湯味濃郁，河粉滑口，適量的辣椒、青檸，成功地將味道提升，不錯！茄汁牛腩飯（HKD32）：份量比想像中少，茄汁濃稠度不夠，較稀，味道酸中帶甜。半肥瘦牛腩炆得好腍，薯仔容易咬口，若然份量多點就更好，可以送好幾碗飯！越式拼盤 - 豬扒、扎肉、雞翼、蝦餅（HKD55）：賣相普通，並不吸引。豬扒薄身，煎得香口、惹味。扎肉爽口，跟外面其他地方吃的一樣，可以不提！雞翼炸得金黃，咬下去皮脆肉軟。蝦餅夠彈牙，有咬口！青檸梳打（套餐+HKD5）青香滲甜，没半丁苦澀味，解喝恩物。越式滴漏咖啡（套餐+HKD3）咖啡像沙漏般漏滴在杯中，需時約5、6分鐘。越南人喜用煉奶代替牛奶和糖，咖啡既香且濃，可自行

服務態度差，牛肉湯粉得個咸字，又無香葉，粉得幾條，芽菜就唔小，所以應該改名作為牛肉湯芽菜。咖啡要等到食完先送到。老闆娘還說品質差是因為人客太多，無辦法，唯有以唔好食來趕走啲客。這是什麽歪理？完全唔合格，一定唔會再有下次。

無心插柳下走到深水埗市政熟食中心，毫無預期地見到似曾相識的芽莊城，心裏暗忖：「沒理由，從未到過這裏！」但店名的確很熟很熟，再仔細地想一想，「哦！前排電視訪問過的！」怪不得同層多間食肆門庭冷落，惟獨該店擠滿了顧客，簡直就是一位難求。在熟食中心搵食最怕去錯「地盤」，開頭見到空桌以為執到寶，看清楚後方知是「眼大睇過龍」，惟有繼續在小店的領域巡迴，最後稍等一會方找到個通道位，明知人來人往不會坐得舒適，但知道此刻已不能再計較了，那就乖乖地坐下來看餐牌。搭枱的太太不禁抱怨食物遲遲不來，的而且確，今天墟冚的場面可能連店家也預料不到，遠眺舖面出菜位置，又或者是落單收銀等等，侍應們都顯得有點手忙腳亂，似乎招架不了這個人聲鼎沸的場面。很不容易才能成功落單，等候期間與同桌太太搭訕，她表示自己為深水埗街坊，是隔離茶檔的熟客仔，一直未有幫襯過芽莊城，只是收看電視後對此店產生好奇，因此今天才「過檔」光顧。太太告知平日芽莊城不會如斯旺場，估計是傳媒的威力令其人氣急升。觀察店子的周遭環境，食檔面貌陳舊簡陋，燈光暗淡不通明，地面濕濕笠笠，衛生情況實在令人皺眉頭，要在這個地方吸引生客，必須要有特別誘人之處。相信舖頭其中一

很少過來深水埗這邊, 不知道有什麼好吃, 朋友卻帶我到熟食街市尋寶...這間越南小餐店讓我一試難忘!!! 食物水準不錯, 很Homestyle. 老闊娘在越南生活過一段日子, 所以煮的越南菜式很地道。 當日自己想吃清淡一點, 老闆娘就推介我吃碗蕃茄湯底的扎肉米粉, 餐牌有輕怡份量和大碗份量選擇, 我的是輕怡份, 只是二十多元就有跟餐飲, 女孩子吃剛剛好, 足料又好味。朋友則要了春卷撈檬, 想不到餐牌可以隨意轉..例如A)雞翼豬扒撈檬B)春卷扎肉撈檬朋友:「我想食雞翼...但係我又想食春卷...」老闆娘:「得, 咁我幫你落雞翼春卷囉!!」喝青檸梳打只需加$3, 老闆娘還怕我們嫌不夠酸, 多放了幾顆在碗裡給我們自己加很平民的小店, 價錢相宜, 態度親切...對比市區的連鎖式越南餐館更有人情味。***他們收得很早, 大概八點幾就關門了!

Went to get some late lunch at Nha Trang Thanh just after regular lunch time, and their section of the cooked food market area was more or less empty, with most tables available. I ordered the "House Special Three Combinations (Lemongrass Pork Chop, Vietnamese Ham, Chicken Wings)". The dish arrived quickly, and it was really tasty. The pork chop was soft and scrumptious, the chicken wings crispy and meaty and the pieces of vietnamese sausage were good too, and a the slices were a little bit thic

話說喺深水埗食完新香園既蛋牛治, 行去另一邊試下另一間人氣食店: 芽莊城。哇! 喺街市上既熟食市場啊! 下午茶時段部分食店落場中, 無咩燈光暗暗地, 環境唔多乾淨, 會唔會中伏呢? "好唔好食? 又睇落去?"!好唔好食?又睇落去? 第342回: 深水埗芽莊城三十元碗足料越南牛肉粉!地址: 深水埗北河街市政大樓2樓熟食中心10號(以下圖片可以按圖放大作最佳輸出)街市上層別有洞天。芽莊城係行到最篤篤角落頭位置。睇下餐牌, 價錢真係化算, 最貴既招牌湯河粉都係 $32! 今時今日租金咁貴, 想搵間食店 $30 一個飯真係好少見! 仲要最賺既加錢涷飲都係加一元!要個招牌湯河粉, 哇! 比想像中大碗好多啊! 食物擺法唔"拿西"!料有肥牛、牛展、雞肉絲、扎肉、芽菜。個湯香料幾濃烈, 飲一啖湯, 未至於天下無敵, 但係都唔差, 性價比特高!新鮮熱辣辣, 河粉同配料無將貨就價! 只可以講 $31 大大碗足料, 已經加分不少!總結:今 時今日香港有好多食店因為租金貴而偷工減料, 遇到性價比高既食店機會少左好多。當然 $30 一個飯絕對無可能要食店比到酒店式既服務同環境你, 呢樣野正常人都知道 (不過據我

首先，我先生真系睇左OP既食評先來呢度食既，因本人真好鐘意食越南野， 見到樓下的評語真系個個讚好，不但食到越南的口味，仲要好食親身飛左去當地咁。但食完真系好令人失望 + 食左好耐。唔系話唔好食，但並不是傳聞中的感覺囉。我叫左個一號仔，蝦膠蕃茄扎肉金邊粉，本好順利，但到我先生叫就出事啦，佢本想豬扒金邊粉，但事頭婆卻提議佢食蕃茄牛腩或咖哩牛腩，咁我地互望左一下，因同佢本來想食既野好九唔搭八，咁我先生心想可能系招牌菜，所以極力推介，咁算啦，都ok ge.叫左。但點完兩碗野之後又問我地食唔食拼盤，咁天氣干燥我又唔系好想食咁多煎炸野喔，所以我答佢話唔要，但老闆娘好似聽唔到咁，繼續sell 個拼盤，咁真系唔想食所以都系reject jor ,但佢卻仍然死纏，唔叫拼盤可以單叫，春卷都可以一條條叫。唉…我真系想食碗金邊粉咋，的確令我開始覺得有d煩。最後叫左塊豬扒了結左件事。等左一陣，我碗一號仔終于到了，個湯底好令人失望，好濁，位越南湯粉果種清甜感，但個蝦滑真系ok, 好香，味濃亦爽口既。其實我地坐低只有三台客，上菜時間仍較慢，第一個湯粉幾孚食曬先到第二個。呢次系我先生order既蕃茄牛腩金邊粉，湯底略