日悅極尚日式放題 (Closed)

一進入店舖, 同一般放題店舖感覺好唔同, 中間卡位位置全部都有圍板隔住, 唔會講秘密都比隔離枱聽哂, 我地兩人幫襯, 服務員都係比四人卡位我地, 座位就算坐四人都好寛敞舒適, 一般飲品都大同小異, 另有生啤, 清酒及梅酒任飲, 仲有部咖啡機可以自酙, 所有前菜及部份熟食都設於自助區, 任君選擇, 要幾多有幾多, 有青口, 熟蝦, 蔬菜沙律, 雲耳, 螺肉, 八爪魚, 中華沙律, 泡菜, 海蜇, 溫泉蛋, 水果, 甜品等等, 刺生種類都多, 新鮮味美, 推介赤貝, 馬刀貝同油甘魚,  壽司款式都唔少, 勝在舊飯細細, 唔會食唔落其他野, 南瓜天婦羅好甜, 羊扒唔錯, 值得推介食物仲有炸蠔, 脆皮貓山王, 芝麻雞翼, 燒帆立貝, 鍾意食雪糕既朋友就有福, 除左Haagen-Dazs & MOVENPICK任選一款, 雀巢係任食唔嬲. 整體都值得下一次再試的日式放題. 

同朋友都係鐘情於食日本野，黎到創興廣場，諗左好耐，終於揀咗呢間，因為有朋友都食過，話抵食又好味。一入餐廳，可能時間尚早，都吾算太多人地方都好寬敞，坐得舒服。雖然係任食放題，自助區內飲品，前菜，冷盤，沙律，甜品選擇多。野食種類多，落單紙都好精美，應有盡有。先來刺身，都有十幾款，供人選擇，賣相又吸引，質量又好，最愛吃虎蝦，好鮮甜。餐廳有特別優惠， 人數滿四人，即送立鱼刺身一份，刺身好鮮又吾腥， 配上特別嘅醬汁，增加口感。食物都上得好快，我地點左清酒煮蜆，蜆肉都好大隻，肉質鮮甜，辣辣地好開胃，壽司又吾會太大件，細細地可一口食下，又吾怕點得太多而食吾落。我地都有叫炸天婦羅，芝麻雞翼，炸蠔，雞軟骨等，炸得好脆，抵讚！

之前食過尖東的日悅覺得好食，之後去開旺角見到有佢燈箱才知旺角都有，當然就約朋友一齊來吃放題啦，今日差不多十點先到，原來價錢仲平點喎，$188/位都幾抵食，食物選擇不少而且出面仲有冷盤，甜品和梅酒之類選擇。飲品有茶，汽水和韓式飲品，最後選擇了檸檬茶和茶。卷物細細粒一口岩晒味道鰻魚都不錯。刺身種類都不少，高價的刺身也有，我地每人叫了一片來試試，味道都幾鮮甜又新鮮，口感不錯。之後朋友出去食凍盤有驚喜喎，微辣帶點酸好開胃，最後我們臨走都有再吃。天婦羅朋友都讚好夠熱而且蝦都新鮮口感好味。，榴槤波波榴槤蓉好滑又夠香，最重要吾油身。到我最愛的燒菠蘿好味夠甜又不乾，我一共吃了七片，牛舌口感好味濃郁加分。火炙壽司，海膽手卷材料不錯，份量不大可以不同款式。蜆帶辣又大隻，牛肉鍋份量大勁飽肚，最後仲拿了甜品和每人一個雪糕，勁飽肚離開。

食肉獸食厭咗韓式燒烤諗住試下日式，咁當黎咗呢間朋友推薦嘅餐廳。入到去俾㖠碟刺身 水準不錯， 仲有小小海膽送 都十分之新鮮。 開始烤肉， 肉上得and 快 ,本身嘅醬料用得唔錯，牛舌好大塊， 蝦都好大隻， 仲有好多種類熱食同salad. 價錢小貴但都回味無窮。 唯一美中不足係個烤爐勁熱 ,冷氣唔夠， 一路流汗一路食， 呢點扣咗分。

依排太陽伯伯罷工成日落雨，冇得outdoor 做運動。晏就約左朋友去室內運動場。同朋友打完波，出左一身汗，好爽。做完運動，消耗左咁多energy ,當然要食番餐好補充體力。 我地book 左依間放題🤩，早前有同事食過話好正。-餐廳寬敞，座位很多，而且有卡位喔！坐得舒舒抵讚！今晚雖然是平日，但都座無虛席，可見其人氣。-食物飲品款式都幾多同朋友第一時間叫左刺身先有三文魚、油甘魚、北海道帶子、劍魚腩、馬刀貝、赤蝦、帝王蟹棒等。樣樣都好新鮮最鍾意三文魚同油甘魚厚切好肥美，鮮甜爽口Encore 左好幾round 😁-平時放題好少食壽司🍣不過佢d 壽司好吸引最喜歡花之戀、火炙三文魚腩、萬能塔山火炙三文魚腩燒得好香好滑，唔會乾身入口溶化既魚香，令人回味「萬能塔山」其實係香蔥吞拿魚蓉、魚味香濃-炸物方面都很出色有我最愛既芝麻雞翼及吉列炸蠔皮脆香口、粉漿不會過厚又唔會炸到好油正😜-燒物方面燒香草羊排及帆立貝北海燒亦不錯羊排挺香嫩-甜品有我最愛既movenpick -依間放題好出色！下次會再食雖然座無虛席，但上菜速度快，同埋冇漏單。大滿足😍

上次食過尖沙咀個間已經覺得環境好舒服,原來旺角鋪仲正,卡位設計提高左私隱度,又方便傾計前菜方面都係咁多選擇,特別抵讚係冷盤好新鮮,蝦同青口都好甜,好驚喜地竟然有溫泉蛋,平時都無呢D野食GE又好味,好滑例牌一坐底一定要寫滿滿GE魚生啦！三文魚赤貝同虎蝦都幾正,其他正常,有玉子食令我好開心,哈哈一般放題壽司都唔出色又大大舊飯,但今次食到GE食足料少飯,唔會食到咁飽變左可以試多幾款,有我好鐘意食GE腐皮沙律熟食方面羊扒好正,整得岩岩好,口感同肉汁都VERY GOOD扇貝無得彈,又大粒又新鮮,調味配料又正！炸物方面蠔同榴槤都好吸引,食完又食,榴槤即頭係爆汁又流心,我食左成3,4粒呀！野飲照舊好多選擇,仲要有啤酒!!!!吹水一流呀!!!雪糕任食TIM

這天聽朋友介紹，去了這間位於旺角創興廣場的「日.悅 極尚日式放題」😁上到去一看，裝潢新穎，可能他們以酒店自助餐形式定位，座位更寬敞，同時還提供悠閒座位區、兒童遊玩區及大型獨立嬰孩護理室，非常適合一家大小到來😍點菜單也比我想像中種類繁多，很多熱門的日、泰、西式美食都有供應，應有盡有，食品選擇豐富👍🏻首先刺身拼盤一上來，我們的相機立刻出動，因爲刺身擺得非常美，看上去也很新鮮吸引，影相「呃like 」一流，事實味道也符合外表的鮮美，比一般的放題質素佳👍🏻熱食質素也不錯，炸物都很香脆，還有值得一讚的是他們的燒物，特別是「香草燒羊架」，羊架燒得剛剛好，惹味香口，且不會太膻👍🏻😋 還有我很欣賞他們的任飲飲品和自助小食吧，飲品選擇種類繁多😳甚至有日式清酒和生啤☺👍🏻自助小食吧都令人很驚喜，有凍蝦、青口和榮螺等，感覺好像去了酒店自助餐😳😋最後甜品選擇也不少，且質素不錯😉👍🏻最正是還可享用「MOVENPICK 」或「Dreyer’s」的雪糕☺ 為這餐畫上完美的句號！🤗🤤

同朋友慶祝生日揀左哩間日悦放題。去到門口先知哩到有生日優惠，只要其中一位顧客喺前或後一星期生日，6人同行可獲1人免費🤑。哩個優惠仲可以同時間與4人同行奉送活魚薄切一份優惠使用，超級之抵。果日喺星期六5:30pm時段，但人數非常少，伏味很重😟。見到自助bar啲款式同外觀，認真麻麻。起初對哩到嘅食物都唔抱太大期望，不過除左自助bar，其實整體食物都算平均，二百幾蚊一位，質素都算ok。大根牛骨湯味道：🌕🌕🌕🌗自助bar哩個湯我覺得最值得試。湯底清唔油，有好清香嘅牛味，飲完唔會口渴👍🏽。活魚薄切（4人同行優惠）味道：🌕🌕🌕我吔有8個人，所以有兩盤架！賣相唔錯，打卡ok😗。魚切得好薄，不過都有啲啲啲韌，唔腥。同三文魚比我會揀返三文魚😆。不過味道尚可，可以一試。炸物類炸物類都幾好，上枱時仲熱熱地，炸物外皮好脆。我覺得哩到嘅雞軟骨好好食，有少少辣，比出邊食開嘅惹味得多。值得一提哩到除左有芝士波仲有榴連波波❤️，唔係間間放題食到架！榴連波波外皮少少脆，咬開後會有啲粘牙，好有口感。一咬榴連餡會爆出黎，食嘅時候要小心啲😆。榴連味都好出，不過果種榴連味唔會殘留喺口腔好耐，所以即管放心食，唔會影響之後進食其他食

之前經朋友介紹食過一次，但好味道仍然留係心度，今次借住有朋友過來香港探我，當然帶佢地大吃一餐，所以日悅放題放係我心中第1位。上次無留意，原嚟呢度可放題，可日式燒肉，日式火鍋，最後大家選擇左放題。在鋪頭中間位放左涼菜小食提供自取，但今次我地沖住刺身壽司過來，所以個胃無提供地方裝涼菜。刺身我地食左3輪，刺身已有12款，食落夠辛鮮，也夠冰凍，自己最愛生蝦，甜蝦，帶子，赤貝。4人台會有生魚贈送，今晚係贈送𩶘魚，好彈牙，一點都無鯹味。壽司都有好多創意壽司🍣，其中有鵝肝帶子壽司，呑拿魚腐皮壽司，忘記左影相，都好好味熱食我地食唔多，其中蜆湯內蜆勁大隻，我將佢同壽司比較，長度差不多，而且無沙，比我上一次食更加大隻總結：刺身新鮮，壽司有創意，熱食款式多，抵食

今天來到這間日式放題餐廳環境幽靜坐得十分舒適環境舒適枱也比其他餐廳寬敞甫坐下便點了我最愛的刺身壽司和燒物一大盤的刺身不消片刻便呈上賣相絕佳各款食材都十分新鮮厚切的三文魚肉質肥美甜蝦鮮味帶子口感亦豐盈壽司方面火灸三文魚最得我歡心魚油香四溢卻沒有一絲油膩的感覺牛油果軟殼蟹卷和雙重芝士鰻魚卷亦是必點之選蜜桃花之戀屬這裡的創意壽司配上香甜蜜桃和蟹籽味道很夾燒物方面牛舌爽口彈牙牛肉味濃郁燒海蝦亦能保持鮮味均屬誠意之作甜品飲品選擇多任君喝到飽吃到飽

之前新開食過唔錯於是同屋企人再食點知開得耐就態度勁差 垃圾！食完心情極差 已唔想打字 但一定要話俾大家知 所以 point form講1. 兩個 week前 book左枱 5 位 7點 準時去到 個 staff話俾張細枱我 4 個人坐， 第五個人俾張圓櫈我 坐走廊位我？ 你冇野呀嗎 甘早 book定都俾 d甘既話我， 若果係甘你唔一早同我講？ 擺明係自己安排失檔 ! 最尾話左佢等多兩三分鐘先安排到正常既位俾我 2. 7點去到 因為 point 1 搞完一輪所以7點零3 分坐低 我2 分鐘內已點左野食 ! 係點左過10 樣 野 包括雞翼 刺身 牛肉 勁多野 !到7點 34 分 只黎左一 d錯既食物 例如 我點左一碟牛肉 佢黎兩碟 天婦羅點哂全部黎得茄子 同蕃薯 但數量唔同 我已覺得奇怪 同 staff講 一個叫極都唔認你 垃圾一個粉紅衫帶眼境高瘦男人 問佢 熊度極差唔耐煩 話 (你等下先好唔好呀 我會問 ok?)一個藍衫矮女人 (呢野黎緊 la我地落單都要5 至10 分鐘) 而家係點左半個鐘都冇呀 用下你個腦 la !!! 語無論次但態度極冇禮 都唔知佢講乜 但總之態度唔尊

朋友話好耐無食過放題，於是就揀咗呢間去試！原來呢度分三面，除左放題仲有得食韓燒同打邊爐，又幾得意！除左放題紙，佢出邊有個自助吧都有幾多選擇，包括海鮮好似凍青口、翡翠螺咁，仲有凍豆腐、沙律等等嘅冷盤，種類都多同埋試左青口果d 都幾好食！飲品櫃幾多選擇仲有熱飲嗰啲！今次都係為咗食刺身而嚟，所以刺身一上就即刻好開心！三文魚厚切得嚟唔會好筋、北海道帶子大大粒、赤貝北寄貝好新鮮、蝦都有三款選擇，嚟得足之餘味道又好，無得彈！火炙壽司又係要推介，火炙左口魚入口即溶咁！三文魚腩、鰻魚同帶子都好出名，應該係即點即整，好有水準！除左刺身同壽司，串燒都係買飛佛，串燒牛舌不得了，食幾串都回本！仲有我至愛嘅多春魚同菠蘿！朋友鍾意食蝦鍾意到一個點，食完刺身都唔夠喉，仲要叫埋串燒，不過串燒水準都高，全部都大大隻啖啖肉！熟食方面我推介雞軟骨，熱辣辣夠香口，朋友要左粒榴槤炸彈都話唔錯！白酒煮蜆夠入味，而且d 蜆都好大隻！我地仲叫左個牛肉鍋，都好足料！雖然飽到喊，但最尾點都要食埋杯雪糕先走，佢包一杯哈根大師或者movenpick 嘅雪糕，食完呢餐真係要減肥！

今晚同朋友去左間旺角新開既放題店晚餐，食完覺得各方面都好唔錯，絕對值得再翻啅首先地點夠曬方便係創興！第二放題時間有二個半鐘，唔好睇少多半個鐘，係會爭好遠食得優閒好多第三坐位好寬敞舒適，全店全部都係四人座位，重要9成係卡位，我地兩個人都可以有卡位坐，真係喜出望外第四上菜超快完全無漏單，店員好留意客人，好勤收碟，而且一填完紙好快就有人黎收！第五食物水準高，款式未必夠出名果幾間多，但做到貴精不貴多價錢唔貴，而且有兩個半鐘食，抵平時既放題，兩個人一定無卡位坐，袋都無位放，張枱放多兩碟就無位，不停咁上就不停咁食；但呢道就唔會，真係可以慢慢享受除左order紙重有自助吧，有沙律、甜品、凍蝦、青口、前菜等等！麻辣既前菜有驚喜，惹味得黎唔會好咸，好味過譚x🤓芝麻醬撈烏冬烏冬係扁薄身既稻庭烏冬牛舌都燒得唔錯，爽口壽司刺身比平時食開既放題高質埋單後重每人一杯HD/MP雪糕，真係翻曬本另外帆立貝北海燒一定要試，沙律醬配帆立貝即燒勁

前菜是自助吧仼拎，十分方便，量可自己控制，真不錯。刺身帶子帝皇蟹棒等擺得幾靚，而且厚切tim🤗希靈魚馬刀貝岀奇爽口。花之戀飯量不多，蟹籽爽口，沙律醬加三文很美味。火炙三文魚腩，火炙左口魚，雙重芝士鰻魚卷，火炙芝士蟹棒等飯好細粒但賣相超好的😍食味也正wow辣酒煮蜆很大鍋，肉十分肥美。燒菠蘿燒得好掂，好多汁。帆立貝北海燒芝士沙律汁下也豪氣😋飲品湯甜品也可以自己拿，如自助餐爽快。欣賞有室温飲品呢，還有熱朱古力供應☺️實在好喝。食後感：卡位坐得比旺區一般的要舒適，下單紙彩色也較吸引精美，食物無漏單，味道😋P.S. 文明人嘛，吃到幾多拎幾多，做惜食份子，不要做成浪費啦！

好耐無去過食放題了  因為一早訂左位所以一去到就入得呢不過創興廣場部lift就要等下 呢坐定定之後朋友就開始落單啦今次既重點係脆皮貓山王其實熱辣辣 都真係好香好食  不過一粒起兩粒止太熱氣呢!之後就叫下 天婦羅 燒物 同 刺身野飲同埋雪糕 仲有甜品要行出去拎啦有罐裝同樽裝既荼同汽水仲有韓國出既飲品 但係我自己鍾意飲荼多d 好似無咁油膩!!!至於haagen daz 同 movenpick雪糕要賣單之後先可以落呢~兩個半鐘可以一齊食下野傾下計真係好開心!!!