日日涮 (Closed)

以團購票另加150蚊再加一，食日本霜降和牛放題，結果，第一碟上枱時，幾乎要反枱。我們三個人，來的就只是一碟6成半全肥3成半半肥沒油花的牛肉。唔嚇親都唔想食啦！真想知道這食店/廚房職員的心態如何,可以出這樣的貨色。跟著，同經理投訴，就來一些較似預期的和牛，當然，沒有他們相片的質素吧。可惜，我們每次叫兩碟，就來一碟，三個人分到4片，幾乎每10分鐘就要叫一次，再等5分鐘先上枱，叫到自己都唔好意思，職員面口亦乸口乸面，就連經理都唔知我們食90分鐘定120分鐘，一早就要我們埋單。J仔，食左一個鐘就已唔食，玩手機算數。（正傻仔）相對在8，9月，我們在旺角瓊華（食了兩次）的美國和牛放題，這食店真的被比下去，無論食物，環境，態度，效率，價錢，位置都輸晒。（星期五8點在美孚花上45分鐘才泊到車，已令我有點後悔來食，現在還要有這樣的體驗。）

心血來潮想吃海鮮火鍋，在附近找了這間中式日式混合的火鍋店~餐廳坐落於美孚新邨，雖然屋苑周圍的感覺舊舊地，但餐廳卻是新裝修，裝潢座位也很舒適。平日晚上來，想不到也挺滿場的。我們點了海鮮盛澳洲和牛放題，滿足一下想瘋狂吃肉的心理。先來了一份二人的極上刺身拼盆，有三文魚、吞拿魚、赤貝、甜蝦，竟然仲有加拿大海膽！刺身超級鮮甜，每次的拼盆也不同，可惜二人份量不多。 然後開始吃海鮮盛～因為龍蝦同爆膏奄仔蟹也非常吸引，所以點了A同B款各一！海鮮入面有什麼海鮮我不多說了，餐牌已一一列明，值得一提的是海鮮的鮮甜度。 如果要二揀其一，今晚的奄仔蟹奪冠，爆膏之餘，吃得出是新鮮劏開的，龍蝦肉也很爽口，但蝦膏比奄仔蟹少，稍遜一籌。聖子皇同貴妃蚌也比我預期中鮮甜爽口，值得一試。想試一試牛國牛小扒與澳洲和牛的分別，所以兩款牛肉也點了各一碟。牛小扒色澤較紅，牛脂較少，但食落不會覺得肉質粗糙，吃落嫩滑，而且頗有牛味。 澳洲和牛也是即叫即刨，牛脂相對豐富點，均衡分佈，吃落牛味濃，肉質也是嫩滑的。選擇方面也是挺多的，醬料基本有齊，蔬菜菇菌類有6-7款，丸類也有d平日少見的新款丸，連粉面類也有讚歧烏冬同韓國拉面。飲品類甜品類最

打風期間留左喺屋企兩日，食左幾餐即食麵、罐頭，落波第二日就梗係食番好少少。揀左屋企附近呢間日日涮火鍋食放題，因為我都食過，知道質素ok嘅。當日晚上唔係好多人，所以非常舒服，枱與枱之間距離，所以坐得好鬆動。你知啦，好多時食放題，最怕就係張枱細到放都放唔落野。呢度主打牛、海鮮火鍋，咁同大部份呢類放題一樣，揀唔同嘅牛，就唔同收費，豐儉由人啦，咁我多數揀中間果款，唔好太差，又唔洗太好。美國頂級肥牛套餐，牛肉、豚肉、雞肉任食，然後按你人頭數量，會供應埋海鮮同刺身。飲品有十幾廿款、甜品，雪糕樣樣任食，質素高架。刺身有鱆紅魚、海膽、蝦、三文魚腩等，唔係自選，係師傅安排嘅。整體都好新鮮，比起好多火鍋放題嘅刺身，好好多，仲有海膽都夠鮮甜海鮮拼盤方面有蟹、蝦、元貝、龍蝦、青口、蜆、沙白等等，半隻龍蝦夠哂滋味，蟹肉仲有蟹膏，不過我記得我上次來，就唔係同時有哂呢兩樣嘅。蝦肉爽口新鮮沙白一開殼食得，鮮甜！呢隻牛嘅質素唔差，唔會好薄或者老，值得一提，我見冇乜人講，其實佢呢度隻豚肉幾好食架湯底有六、七款選擇，而自選區都有幾十款食物、配料，例如蔬菜、丸、粟米、菇類、木耳、麵等，選擇夠哂多！而且都好企理，fill得快。

今天到美孚探訪朋友，朋友請我們在附近用晚餐，大家都沒什麼特別主意，本來打算到附近的酒樓用晚餐。但後來朋友提議這一間，我起初的心裏也是有一點猶豫，但畢竟他對這邊比較認識，說聲好就一起去了。到達這個餐廳要經過一個很冷清的商場，其實起初心裏都有一點懷疑。但入座後發現，環境還是很寬闊，很乾淨的，另外用餐的客人也不少。 這家餐廳主要供應自助火鍋，包括特級美國肥牛放題，美國頂級牛小排放題，澳洲和牛放題和日本霜降和牛放題。價錢每位298至498。價錢不是太便宜，但一心來了就試試看。 我們點了美國頂級牛小排放題，首先待應會送上特選刺身拼盤，裏面有三文魚，甜蝦，劍魚腩，海膽。吃下去很新鮮，擺放得也很漂亮。 之後先送上海鮮盛合，盒裏面有龍蝦，海蝦花甲，扇貝，鮑魚等，光看就已經很不錯。吃下去也很新鮮的。 我們很喜歡吃牛，所以這個就吃得比較多，追加牛肉亦都很快速，完全沒有上菜很慢情況。今晚食了四碟很足夠了。 其實餐廳還有一個自助區，主要有蔬菜，麵食。很乾淨，很整齊的放好方便客人自取。另外還有自助醬料，應有盡有。 飲品區內，一應俱全有汽水啤酒，檸檬茶，另外驚喜的是，還有白色可樂可以讓客人吃得健康一點。 最後侍應

呢間餐廳嘅同事服務細心又有熱誠，由攞飛，介紹餐牌，安排坐位，上菜都非常之有效率。晚市有90分鐘同120分鐘放題供選擇。各有四款不同級數的牛肉。這次我們選了120分鐘美國頂級牛小排放題。每位客人送海鮮拼盤和刺身一客。可以選一枱一個大鍋或者每人一小鍋。菜蔬，丸類，麵類，醬汁，飲品，雪糕是自助形式，牛肉豬肉雞肉則需要侍應協助。海鮮拼盤有南非龍蝦，蟶子皇，貴妃蚌，桶蠔，鮑魚，花甲，扇貝和鮮蝦。非常新鮮美味。龍蝦和鮑魚還有少許郁動。品嚐了海鮮拼盤和刺身後已經半飽了。接着我們試了一口小牛排，立即愛不釋手。肉質鮮嫩兼牛味重。另外值得一讚的是自助飲品的種類非常多，有茶，有汽水，有啤酒，有果汁，有涼茶。是次用餐不論食物質量和服務質素都非常滿意。性價比非常高。

今日放假，一於約好友到美孚食Lunch，餐廳環境舒適， 地方寬闊， 食得好舒服。 我哋揀咗個《美國頂級小牛排$148》upgrade 就可有 《海鮮盛合》和《刺身拼盤》。一入門囗就見到個汽水櫃， 竟然有《啤酒》任飲， 好少放題有百威啤(Budweiser)架！ 下次一於叫D bother 來啤啤佢 ! 🍺 🍻湯底仲有好選擇多𠻹！我地揀咗鴛鴦湯底有小魚番茄同鰹魚昆布湯底。刺身味道鮮甜， 有三文魚、牡丹蝦同吞拿魚等刺身， 三文魚充滿魚油香味，十分肥美，牡丹蝦鮮甜可口。 加$150 就有刺身同海鮮拼盤， 相當抵食，大大隻開邊龍蝦、肥大肉厚， 仲有蟶子皇、鮑魚同海蝦等等。 真係抵晒啦！第一round 叫咗美國頂級小牛排、雞肉同黑豚肉。 小牛排牛味十足， 脂肪分佈均勻，十分好食！我哋encore 咗兩次， 食到超飽。 薄薄嘅黑豚肉，肉質嫩滑，點上自己醬汁， 更加好好味！除咗任食肉類外、 仲有助吧供應供，包括雪糕、 飲品、蔬菜同類丸等等。 總結： 食物不錯， 環境舒適， 價錢大眾化， 抵食， Encore之選 ！

久久未有踏足美孚，今晚喺附近買完曲奇餅，就食完晚飯先回家。呢間日日涮位於美孚廣場3樓，住附近嘅朋友經常光顧，皆因美孚嘅餐廳選擇不多，又唔想下下行到蘭秀道。商場嘅鋪位九成冇出租，火鍋店已經係最旺場。平日晚上都超過一半滿座，想來都算生意唔錯，畢竟新開不久，以區內人幫襯為主。唔想下下喺旺角同人逼，呢度或許係個選擇，對我地黎講仲方便啲。火鍋店位置不少，枱面闊落，始終新開，好多野都乾淨又夠光猛。同大部份同類型火鍋店一樣，中間設有自取區，客人自取丸類、蔬菜、麵食等配料，仲有飲品，擺放整齊，亦不時補充。店員唔算多，服務不俗，加湯收拾都做足。特別有位年輕嘅男店員，好有禮貌。餐牌供應火鍋套餐，日式火鍋放題形式，分四款牛肉選擇，包括：美國肥牛、美國牛小排、澳洲和牛、日本霜降和牛，定價每位$298-498。驟眼睇價錢比其他火鍋放題貴？不，因為套餐仲包括海鮮拼盤、刺身拼盤，雖然係按人數計算，但以質素黎計，都係值回票價。呢幾款套餐放題120分鐘，仲每位包一杯haagendaz或movenpick雪糕。早鳥時段7:15pm前離座每位減30蚊；晚上9:00後入座仲有85折。(唔知做到幾時)點選美國頂級牛小排放題，每

我好小写食评，只是在忍无可忍的情况下才会写。这个地方就是给我这样的经验。叫了一个三文鱼子三文鱼饭，一个鳗鱼饭，一个火炙三文鱼饭。饭又一旧旧无味唔好食。三文鱼鳗鱼完全无味。实在用料太差了。加一后＄411，食到既系我认为系垃圾既野。太失望了。

行過見到新開上左去試下,係樓下已經聽到有二個岩岩食完既係度講伏左,不過我地都諗住岩岩開張應該唔會太差,叫左個26×價錢既餐, 海鮮:龍蝦梅既,其他都ok,刺身都可以不過唔可以refill,湯底叫左個 鴛鴦湯底, 壽喜燒和雞湯 ,牛肉..牛肉..質素太差,出面98任食火煱都高質過呢間,再order等左20分中,吹極都未黎,叫埋經理先出多一碟,已經得到飽左,總共食左一碟半牛，食唔落,太鞋口!呢個價錢係唔會有下一次!

知道美孚開左呢間任食Shabu Shabu已經一段日子，今日又經過美孚廣場，又見到佢個易拉架，終於忍不住去擦番餐睇左一輪，決定要$368嘅頂級牛小排放題，配日式壽喜燒湯底。個壽喜燒湯底會跟一隻蛋，可以用黎點牛肉！不過食牛肉之前就先食個海鮮盛盒同刺身海鮮盛盒份量十足，隻爆膏奄仔蟹好有睇頭！其他海鮮都好新鮮！貴妃蚌同聖子特別的鮮甜！淥一陣就食得刺身質素都幾好！三文魚夠厚切，赤貝就非常爽口！好，之後開始食牛肉！牛肉油脂分佈均勻，厚薄適中，煮完之後肉質軟腍，肉味濃郁淥完之後點蛋汁食好好味牛肉質素唔參差，叫第二碟依然好靚仔！食到咁上下出去拎啲配菜食，選擇都好多！蔬菜款式多而且好新鮮！其他丸類都有好幾款！推介呢兩款，出面比較少食到！百頁豆腐豆味香濃，海芋球入面塞滿芋蒡蓉，好味道其實甜品仲有雪糕，不過已經好飽了，飲埋兩罐嘢飲就夠了

參觀完饒宗頤文化館，步行至美孚之際，竟然遇上黃雨，真係有啲狼狽，急急腳走到去美孚廣場，搵到呢間放題，七點鐘，晚飯時間，客人自然多了。揀咗食特級美國肥牛放題，湯底選了鰹魚昆布湯和日式和牛清湯，貪佢哋清清哋，烚起嘢食時唔會搶去食材本身的鮮味。【海鮮盛合B款】有青口、海蝦、蜆仔、貴妃蚌、奄仔蟹。樣樣都好新鮮。隻奄仔雖然被斬開，不過佢仲識郁㗎!咦! 點解個海盛合B款跟幅相唔同嘅，無咗蟶子皇? 原來用咗鮮鮑魚來頂替，仲好啦!【特選刺身拼盤】有甜蝦、三文魚、吞拿魚和劍魚腩，都係好新鮮，魚刺身仲係切得厚厚的，好足本。飲品隨意去雪櫃攞。試下 Coca Cola Plus和 Hoegaarden Radler先。其他火鍋配料種類都非常多，應有盡有。肥牛、黑毛豬都係好高質素。奄仔蟹多膏到爆出嚟，而且非常甘香。另外，要提的是，呢度除咗啲食材係高質，客人都好高質，個個都好斯文，唔會搶嘢食，亦唔會霸住個鉗滿場飛去鉗嘢食，講嘢又唔會大聲，連啲細路仔都特別乖。呢啲可能係美孚人的特質。最後，當然唔少得要讚下服務員，佢哋個個都好 nice。加湯、換碟時，都係帶笑。喺呢啲環境食火鍋放題，真係零捨開心。

自從冇喺呢邊番工，都有一段時間冇來過，聽朋友講，呢度開左間日式火鍋店，幾好食，於是今晚收工就同另一半過來，近近地試下。有成件年時間冇來，原來呢度唔同哂，成個商場好多鋪頭都執哂，就喺原本酒樓呢個位轉左做「日日涮」，成間餐廳好大，位置非常多，每張枱間有個小木板隔住，坐得舒適。美乎一向冇呢類型野食，所以平日都幾好生意呢度分幾款套餐，好似一般日式火鍋果種，包牛、豚肉、雞肉同配料、飲品任飲任食，價錢係178蚊至378蚊，食90分鐘。另一款更加吸引嘅就係包埋人頭份量嘅海鮮拼盤同刺身，仲有每位一杯haagen daz/movenpick，價錢係298蚊至498蚊，食120分鐘。牛肉類分特級肥牛/頂級牛小排/澳洲和牛/日本霜降和牛。醬油海鮮盛合二選一，有龍蝦、海蝦、花甲、扇貝、鮑魚、蛹蠔；或者奄仔蟹、海蝦、沙白、青口、蚌、蟶子，刺身有三文魚/甜蝦/劍魚腩/北寄貝/吞拿魚/黃金魷魚/帶子/赤貝/油甘魚/立魚/海膽/牡丹蝦，咁多款入面由廚師揀4-5款，人頭份量架咋，唔係任食嘅。刺身方面，由於我地只有兩個人，所以就冇咁有霸氣。今日有三文魚、甜蝦、吞拿魚、立魚、赤貝，整體都好新鮮湯底有昆布/雞湯/泡菜湯/壽喜

睇到openrice咁多好評就諗住去試下當真正去食 根本同openrice入面個d所謂好評唔同咁樣做生意真係好唔老實 好失望首先 等左好耐都未有野食等左10幾分鐘左右先黎個湯 湯底超鹹牛肉就算係咁啦但唔知係咪個湯底問題淥完既食物係得個鹹字完全無其他味道出面既自助食材完全唔新鮮d生菜爛晒都放出黎d盆勁污糟至於到服務就有排講疑似女經理服務態度直頭趕客講野態度十分無禮貌希望呢間店店長可以睇到呢篇食評而去改善問題

今日入美孚探朋友，佢話屋企附近開咗間唔錯既火鍋放題，餐廳既位置係平台，真係要熟路既朋友先容易搵！中意蟹既我，見到依個即刻嗌！依到係一人一鍋，有6款湯底揀，我今次就揀咗昆布，好清甜個鍋仲有個木盒圍住，唔怕掂到燙，好貼心頭盤有d刺身，望住幾新鮮，不過三文魚既咬口可以好d主角！依碟海鮮真係每樣都好新鮮！絕對有質數呀奄仔蟹d蟹膏好正！依碟牛，一d都唔靱完全唔會有渣，真係抵讚而蔬菜，丸果d就係出面，可以仼夾。幾欣賞係依到食既菜洗得好乾淨估唔到係屋苑地方都有d cp價咁高既火鍋放題，住係美孚既朋友有口福了

今日收工約左好耐無見的朋友，佢住係美孚，經朋友介紹去新開不久的”日日涮”打邊爐，又可以一路食一路傾下計地點都算容易搵，出地鐡站後向前行陣，就會見到好大個招牌，由於已經有book位，去到即刻可以入座，朋友話來到一定要試海鮮盛合，再加火鍋放題，有兩個選擇，最後揀左我鍾意的龍蝦盛合😍海鮮極之新鮮，龍蝦大大隻，海鮮盒還有蠔，扇貝，鮑魚，全部都係兩人份量，而湯底就揀左蕃茄同埋清雞湯，味道無咁濃，可以仍然食到海鮮的鮮甜味龍蝦係還未食得時，就送來一份魚生刺身，一樣好新鮮，雖然細細份，但如果唔夠都可以再encore另一主角牛肉，切得好薄，片片鮮紅，再加上脂肪分佈均勻，所以食得出好有牛肉味👍豚肉一樣好靚，同樣夠薄，用少少時間就容易熟透除左肉類，還有好多配菜可以選擇，肉丸，蔬菜都種類繁多打邊爐點少得飲番罐啤酒，唔夠飲都仲有好多非酒類的飲品，花多眼亂😂