日日涮 (Closed)

今次又到旺角搵食，相信創興大廈都係旺角搵食嘅一個地標，因為成座大廈都係食放題同埋打邊爐之類嘅任食。今日我哋就想食打火鍋，但同時又想食下刺身噉喎，最後就搵到間日式刷刷鍋開餐喇。一坐低就馬上揀返個鴛鴦湯底，由於今次我哋唔想食辣，所以就揀咗個番茄湯底同昆布湯底。番茄湯底味比較清，番茄味唔算濃烈。昆布湯底就反而比較推薦，味道比較出，飲落都甜甜地嘅。我哋叫咗個肥牛任食套餐，就如大家所見，放題都好少話有啲好靚嘅肥牛架啦，呢份放題嚟講算係中規中矩啦。另外有豚肉同雞肉，反而豚肉片就有驚喜，食起嚟唔會話韌。同牛肉一樣都係任食嘅，所以豚肉反而叫得比較多。我哋都加咗錢配埋刺身。二人份量嘅刺身就比較細喇，不過勝在任食嘅。三文魚切得都算厚身，帶子亦好食。不過吞拿魚就好多根，所以真係要揀嚟食。仲有個海鮮拼盤。噉嘅價位有海鮮食都算係唔錯喇。有龍蝦，帶子，鮑魚，蜆，蝦等等，其實都幾豐富同多元化。不過始終係放題嘅老問題啦，任食都唔可以要求佢有好高嘅質素，都係以花款同量取勝，就係噉嘅立場其實可以嘅。最後到特色甜品，其實啲西餅都幾好食，不過唔知點解冇乜人去攞，我都食咗好多甜品，哩度值得一讚。總括嚟講，呢度食嘅食物都好多元化

嚟咗呢一間餐廳試佢嘅日式火鍋放題，因為佢除咗有火鍋放題之外，仲可以有刺身食！🥳我哋揀咗個特級美國肥牛套餐，可以任食牛雞豬，仲有刺身，種類繁多。睇吓佢啲牛既紋理都唔錯喎，都算幾抵食。🙌🏻湯底就揀咗雞湯同壽喜燒啲刺身就好厚切啦，啱晒啲鍾意食三文魚嘅朋友👍👍希靈魚好甜😄😄不得不讚下佢嘅海鮮配料，相當之新鮮，龍蝦🦞仲係識郁下郁下㗎，而且佢啲新鮮係幾大份，鍾意食海鮮嘅朋友唔好錯過啦🤗🤗另外要讚嘅係佢其他嘅火鍋配料，你望吓圖就知佢有好多嘢可以揀！我最鍾意就係佢嘅烏冬同埋秋葵，食咗好幾轉，心情大好！🤗🤗另外佢啲嘢飲都有好多選擇，仲有好多醬料可以揀，任君選擇。I like this restaurant💕💕

今日去左旺角創興嘅日日涮，我哋揀咗特級美國肥牛加海鮮🦞盛合，仲有任食刺身！5:00-9:30時段係正價$288，有120分鐘😝唔要海鮮，就$178，不過我覺得加海鮮真係正好多😍😍😍要左鴛鴦湯底，壽喜燒拼骨膠原雞湯😘先上左刺身，佢啲三文魚超級肥厚，望到都流晒口水😝幾新鮮。希靈魚好甜，質感幾特別😋仲有甜蝦、螺肉同埋另外兩種魚生，唔夠皮仲可以再嗌😝然後就上咗好多碟肉，有肥牛、雞肉同埋豬肉，肥牛油花均勻，食落都唔錯，雞肉好嫩，夠晒大嚿❤️佢個海鮮正爆，佢隻龍蝦扎扎跳，勁生猛，放落去湯煮嘅時候，跳得仲勁，絕對夠晒新鮮❤️❤️食落質感都好彈牙😘🦞蟹肉都係我嘅至愛，勁大隻，而且有膏啊，媽咪啊😋蝦、鮑魚、蜆肉、蟶子、蠔、帶子等都好新鮮，食到Lam Lam 脷🤤其他炸物、肉丸🍡、蔬菜、甜品、嘢飲等都有好多好多好多選擇，真係要生多一個胃出嚟先得喇😍呢度好啱一大班人嚟聚會，食物款式超級多，服務周到，我哋暢所欲言，胃口大開😋三百一十幾蚊就可以食到美國肥牛放題、海鮮盛合同刺身任食！真係抵到爛！

今日收工去試新嘢去咗創興中心6樓涮涮鍋,點知呢一個不愉快的經歷,首先我哋一行三人去到門口之後詢問我哋幾多位,我哋話三位門口職員叫我哋等等,當時我望入去見到有好多空位,都要喺度等咗差不多五至六分鐘先入到去坐,入去前以叫職員畀餐牌我哋睇,入去前已知會職員同我哋落三位98蚊嘅火鍋同湯,唔使叫其他嘢....當坐低個刻就是惡夢的開始,有位戴眼鏡紮馬尾的女職員重新攞過一個餐牌和之前在門口睇嘅係一模一樣的,係咁hard sell佢哋最貴嘅海鮮放題set及每位加30蚊嘅刺身放題任食,持續hard sell超越十分鐘,令我哋好煩，我哋二三番四次堅持只食98蚊嘅放題，差不多十五分鐘先完結這件事他們的鍋比較特別是一人一鍋的，我哋總共三個鍋，三個鍋同時間著火但係一個鍋滾但其餘兩個仲未滾，當時已知會其中一位職員同我哋處理，那位職員沒有處理好，我哋還在等個鍋滾等了差唔多三十分鐘鍋先滾,咁我哋每人攞咗幾罐飲品返臺開始食嘢飲嘢,我哋記得當時係11點15分到門口嘅,突然之間有位女職員攞張單畀我哋叫我哋結帳先，又係嗰位門口嘅戴眼鏡紮辮嘅女職員，當時我望時間係一點鐘但是未夠兩小時的，當時我哋話未夠時間唔結帳、佢話以夠兩個鐘

今晚很開心約埋幾位朋友一齊烚下烚下，創興廣場其中一間打邊爐既店舖，我地揀左美國肥牛放題：$288 可以任食埋刺身😋😋 我地點左壽喜燒同埋蕃茄湯底，仲附送埋海鮮盛合, 嘩，真係好大盤好新鮮既海鮮：包括有大蜆，蟶子皇，帶子，龍蝦🦞，生蠔，海蝦，鮑魚，青口同埋大肉蟹，我地急不及待第一輪就食左海鮮火鍋先，等到個鍋底好猛個陣，焯一焯大蜆同蟶子皇，冇沙同好鮮甜，龍蝦肉都好QQ彈牙，大肉蟹都好多蟹膏，肉質都好實肉爽滑！佢每檯仲提供埋垃圾桶比我地放殻。之後刺身拼盤都黎埋，有三文魚、帶子、希靈魚，我就少食魚生，所以焯一焯熟三文魚黎食更好味道！再打埋豚肉同美國肥牛，切得薄薄的好快熟透，肉質都好嫩滑，口感不錯👍 之後仲有任食火鍋🍲料專區比我地自助咁夾：有各款丸類、蔬菜🥬類、麵條等等，自製餃子🥟人氣必選，仲有幾款熟食可以即食，響鈴同魚皮就絕對不能錯過，打邊邊必食推介，吸晒湯既精華好滋味！😋😋😋 仲有10多款飲料任飲，個人就較喜歡飲蘆薈汁，食到最尾仲有牛奶公司牌子雪糕或雪條任食，最驚喜竟然有埋盒裝豆腐花，仲有幾款甜品，任食2粒鐘，食物選擇又多真係好抵食，捧住個肚番屋企😌😌+++++++++++++++如果大家喜

今次慶祝母親節來左呢間食食物質素有好有唔好, 但整體來講比較一般以250-300呢個價位, 仲有好多其他地方更優勝火鍋湯底揀左牛乳+麻辣, 2樣都幾好, 我較欣賞麻辣, 開餐前聞落都幾香出面自助果D丸類有D幾特別, 例如紫薯年糕不過對比其他地方, 呢度火鍋食物種類選擇唔多揀左海鮮併盤A, 呢個係成餐最滿意GE一樣算新鮮夠大隻刺身真係差過其他放題店一大段距離份量又少 (寫紙時唔俾寫數量, 只計人數), 等20分鐘以上先來1次三文魚係接近無味! 已經放入口慢慢咀嚼還是食唔出三文魚的甘香MTR某連鎖壽司外賣店仲好食D至於其他種類的刺身還勉強可以, 正常貨色至於牛肉方面, 可能係脂肪分佈唔平均食落有D榎歰歰 ("鞋")可能再俾多1舊水升級會好點整體性價比麻麻, 如無特別變化, 試完1次就夠了

成日食Shabu Shabu都係肉+丸類+乳酪雪糕既配搭，食到厭哂終於俾我搵到間多野食啲咖啦！一入門口就見到自助區有熟食拎，有麻辣雞肉、炸蝦、炸薯餅雞翼尖、陳醋雲耳，款款都惹味開胃。炸蝦大大隻，蝦肉飽滿彈牙麻辣雞肉必試，好多時出面食既都唔夠辣，呢度既醬汁調到好正宗，夠麻又夠辣呀掛住食熟食，差啲唔記得主角係火鍋🙈🙈🙈湯底可以揀兩款，唔洗額外加錢。今次揀左清清地既骨膠原雞湯同甜香濃郁既壽喜燒。美國牛肉每片都好大片，脂肪分佈均勻，肉質軟嫩。貴少少既牛小排更出色，無咩脂肪但口感又夠滑，同時帶少少筋，增添左些微咬口。火鍋套裝包一份海鮮拼盤，四個字 非·常·新·鮮每日新鮮運到，係舖頭既信心招牌，隻鮑魚仲識郁咖龍蝦手掌咁大，肉質仲好彈牙鮮甜，用清湯淥更能食到佢既鮮味刺身都好出色，剩係睇佢賣相豐腴潤澤就知有幾鮮美，忍唔住點完一轉又一轉。店內仲供應唔少特色丸類，例如呢款爆漿芝士丸，外皮似油炸魚蛋，包住濃郁既芝士漿，真係有爆漿效果另外仲有帶微辣既薑汁豬肉丸同大隻飽滿既韮菜餃都好好味～臨尾當然要食甜品先夠圓滿，凍櫃擺放左淋羅滿目既精緻蛋糕，好吸引其中芝士蛋糕口感紮實，餅底脆身不淋；泡芙內餡既忌廉雪成雪葩質感

今日同朋友慶祝我們的生日，去左旺角打邊爐。湯底可在8款中選2種鴛鴦湯底，我們選了日本壽喜燒，包一隻生雞蛋，和四川麻辣湯，越食越辣，同埋有d攻鼻，下次我未必會揀呢款湯底了。加$30 有刺身任食，頭盤有廚師精選，之後加單就自己揀五款，我同朋友都一般魚，所以揀左甜蝦、北寄貝、帶子、赤貝同八爪魚，整體都好新鮮。晚市120分鐘日式火鍋放題+海鮮盛合A/B，我地揀左特級美國肥牛 $258，當中包左黑毛豬豚肉同雞脾肉。出面仲有好多其他種類既火鍋配料，蔬菜、丸類，同埋熟食，食到飽。海鮮可以A同B 都要d，可以食多d 款式，有半隻龍蝦，半隻爆膏奄仔蟹、扇貝、蟶子皇、鮑魚、海蝦、花甲、沙白，高質海鮮，生猛超鮮甜，有驚喜。飲品任飲，有汽水、茶、果汁、啤酒，應有盡有。最後仲可以揀一杯Haagen Dazs/ movenpick 雪糕，超滿足的，唔夠喉仲可以食雀巢雪糕、豆腐花同其他甜點。

今日同朋有想食燒肉，可惜人太多，之後朋友提議到創興6/F既日日涮，好彩唔係好多人，一去到就可以入坐，之後見到出面好多配料可以拎。最得意仲要麥樂雞塊同薯餅既餐前小食，佢仲有個麻辣雞味道幾好！我地點左個$258海鮮牛肉鍋，個海鮮係幾新鮮，隻龍蝦仲好生猛，落鍋既時候仲有小小既爭扎，但其牛豬就都係好一般，佢仲推介個牛丸係店長推介，不過我食頭一兩粒都覺得味道幾好，但我最後只食左3粒，因為粒牛丸太重味精啦！我仲飲左3罐飲品，好彩都係任飲姐，整體都係一般般，如果真係想飽肚可以食既都可以一試！

前幾日天氣反常到突然得返廿度，涼浸浸自然想食熱嘢，當然要打下邊爐烚下烚下至過癮啦😗上到去環境都幾闊落，望落乾淨亦光猛，唔似啲扮夜場暗黑feel嚟掩飾點霉爛咁，牛肉分四級消費，仲送多個海鮮拼盤龍蝦鮑魚青口扇貝蟶子蝦蟹樣樣有另外每人加多三十仲可以任食刺身，三文甜蝦吞拿帶子赤貝油甘，種類同平時放題差唔多甚至更多，品質都幾新鮮冇乜雪霉感🙈豬牛雞任食唔使講，有返其味道已經好足夠，附送嘅海鮮拼盤都很幾海鮮唔會話俾啲霉貨hea你湯底方面八種任揀雙拼都唔使加錢，揀咗幾特別嘅豆乳湯同埋送多隻蛋嘅壽喜燒湯底，前者適合淥海鮮後者適合淥紅肉，另外出面仲有40幾款食材任夾，汽水雪糕任食，臨尾仲可以每人一杯movenpick添😍

🍲吃到飽，火鍋放題🍲★Nichi Shabu Shabu☆🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽🍽男友最喜愛的就是放題要搵嘢食， 每次跟他說吃放題都會興奮幾天，好像大孩子般， 不過大家都不是18 22都要注重飲食健康，所以能得今日就放縱一下吧😛😛😛😛😛😛😛😛😛😛😛來到創興的日日涮，任食火鍋放題， 地方十分闊落， 座位同座位之間間距比較開，即使滿座也不會感覺很嘈吵，完全是可以跟你朋友聊天的 ， 而且地方光亮沒有油膩的感覺 ， 這是少有的舒服放題店 ，店舖主打牛肉。 有不同級數的牛肉，價錢也不同可以自選兩個火鍋湯底，我們二人選擇了鴛鴦鍋🤗🤗🤗🤗🤗🤗🤗🤗🤗🤗🤗* 自助配料區看下自助區有超級多的配料，各種丸類，牛餐肉，菜類，粉麵還有冷盤熟食。個人推介芝心丸， 小熊造型魚丸： 芝心丸是滿滿的芝士，當你一咬熱辣辣芝士落即刻流出來，小熊造型魚丸，純粹覺得很可愛，相信小朋友會很喜歡這裏的蔬菜類十分多元化， 除了葉菜類外，還有粟米各種菇類十分新鮮。😋😋😋😋😋😋😋😋😋😋😋* 牛肉這個放題有美國頂級牛小扒，澳洲和牛和美國肥牛，基本上我覺得每一款質素都不錯色澤鮮紅，牛味重，下水30秒便可以吃😜😜😜😜😜😜😜😜😜

之前朋友食過美孚分店覺得唔錯，今晚有機會便試試。前一日買定coupon訂位，一行三人星期六晚book咗8點鐘，晚市任食火鍋+海鮮+刺身每位238去到另收服務費30(買coupon有說明) 再升級任食牛小排+55。此乃半自助式，除肉類外其他蔬菜、丸、前菜、熟食、飲品等都係自取。講番食物，牛小排即點即切，有肉味，唔嚡冇根，海鮮選了A款，食得出新鮮彈牙，另外如like n share fb, 會送一份和牛，和牛比牛小排更好味，果然一分錢一分貨。自助食物種類算多及新鮮，剌身亦唔錯，水準以上，係有小小漏單情況。直得一讃係地方寬闊乾淨，職員亦有禮。

這裏地方很大，中央就是自助形式的火鍋配料區，開始先選火鍋湯底，我們點了招牌雞湯和豆乳湯，之後再選牛肉等級，另加$30就可以有海鮮和無限供應刺身。肉雖然可以添食，但相信我，你絕對不會這樣做，因為實在太多了。刺身擺得很精緻，口感味道亦算滿意牛肉剛滾起的時候是薄薄一片帶點油脂，入口嫩滑無比海鮮方面最好吃的是龍蝦，因為牠的肉質鮮甜有彈性之前便出外面自助火鍋區，超過30款火鍋配料，另外還有一些熟食，太豐富吃不下那麼多。連自助飲品雪櫃的款式也太多選擇了。由於太多東西供應，不能一一盡試，但最後亦奉勸各位在肚內留一些位置，因為這裏的甜品除了自助火鍋區的甜品櫃和雪糕櫃之外，你還可以選擇haagen daz 和 movenpick 雪榚這個晚餐實在太豐富了，下次要再和一大班朋友來狠狠的每一樣東西。

大伙兒聚會的話，相信也會來到旺角創興廣場了，皆因不乏多間火鍋店、雞煲、放題等選擇。是夜，和姊妹們首次來到日日涮吃120分鐘美國肥牛放題，除了基本火鍋配料外，炸物、刺身也是任吃，不得之了。場內配料選擇尚算多，有多款丸類、腸仔、菜等，而且地方也頗衛生，各種配料井然有序地集中排開。另一邊還有冰櫃及飲品櫃，種類選擇多元化。雖然是日式火鍋，但也有炸魚皮，魚皮仍脆卜卜，當等待食物熟的時候，來吃一口最好不過了。就連辛辣麵也有，一包包密封，既衛生，又好吃，配火鍋一流。湯底多達8款選擇，我們則選了日式壽喜燒及小魚蕃茄湯，其中蕃茄湯非常濃郁，內裡亦有多件蕃茄，味道不錯。而日式壽喜燒甜甜的味道，沾上牛牛絕匹，兩款湯底各有特色，若有生雞蛋襯托，再會更添色彩。至於牛牛級數就分為兩款，入座前要決定呢，分別為特級美國肥牛及美國頂級牛小排，前者雖然最便宜，表面看起來有點薄切，但牛牛色澤紅嫩，紋理清晰，不會有太多肥膏，當滾熟後，帶點嚼勁彈牙，這價錢來說，牛牛的質素實在很不俗了。除了任食刺身拼盤外，亦有4人份量的海鮮盛合B，內有生猛的龍蝦、海蝦、帶子、生蠔、蟹、蜆等等，非常豐盛，四人吃絕對綽綽有餘。其中龍蝦非常大隻，還是

上個月咁岩睇到OPENRICE有呢間火鍋店, 見太耐無同朋友打邊爐就提議食呢間"日日涮"入到去環境幾乾淨, 地方好大, 坐得好舒服...員工非常有禮貌佢主打刺身任食 , 有過百款火鍋配料同埋飲品甜品, 湯底選擇也不少..8款湯底可以選擇..呢樣完完全全係同其他 火鍋店與眾不同!!! 至於牛有不同牛肉級數...最正既係和牛勁好食, 切得好薄, 有種入口即溶既感覺自助區既食物果然好多款, 有蔬菜也有不同的丸類油花豐富既和牛好正丫....肉質嫩滑, 肉色夠紅又有光澤豬肉片, 雞肉片都好有水準...都係嫩滑感高