Nomad (Closed)

深水埗而家有好多新開cafe 所以一有時間就會去試下d新cafe 今次黎到nomad聽講條長樓梯好多人影相但係而家擺咗個牌喺前面唔係好方便職員好有線驚你喺出面等得太熱會邀請你坐喺等待區嗰度有好多擺設好有工藝feel啲木枱好有質感同埋配合個牆身叫咗個鰻魚炒飯同埋海膽忌廉蟹肉意大利飯鰻魚炒飯賣相普通個飯有少少硬但係個鰻魚汁就好好食吖❤️濃郁嘅鰻魚味同埋有甜甜地嘅味道海膽忌廉蟹肉意大利飯呢個就真係一定要嚟再食因為非常濃郁嘅海膽味再配上三文魚子嘅口感豐富每一粒飯都吸收到海膽汁嘅精華飯底仲有少少青瓜又有清新嘅感覺建議大家如果食呢個飯配搭返lemonade 如果唔係大家會覺得好快就飽🤣

平日放假嚟到深水埗呢個新興文清勝地🥰原本諗住食一間甜品為主嘅Cafe，點知要等成個幾鐘，所以同朋友行咗幾間Cafe最尾嚟到呢一間Nomad終於唔使等位🤪-超長鰻魚漢堡配青檸鹽薯條（3.5/5）呢間舖頭有酒、有咖啡，仲有啲主食。原先諗住食甜品嘅我哋，因為已經行咗一段路有啲肚餓，所以就決定食呢個比較Heavy嘅嘢。佢嘅漢堡裏面有一條好長嘅鰻魚，坦白講條鰻魚就唔係特別。佢裏面有面豉蘑菇醬，不過識落就冇乜麵豉味啦。至於啲青檸鹽薯條，啱啱上碟嘅時候脆口，亦都食到淡淡淡檸檬味。-YUEN YEUNG（3/5）疫情期間酒吧都冇開😭難得嚟到呢間舖頭有手工啤飲！就嗌咗佢呢杯鴛鴦！睇menu既簡介有ABV3.5%、飲落應該飲到烏龍茶,咖啡,朱古力同埋一啲Roasted嘅味道! 當然我就飲唔晒所有嘅味道啦！但係聞落都有一陣茶香，飲落都似一杯手沖嘅咖啡🤪-至於朋友就揀咗一個ice latte,但係佢就冇講有咩評價啦！-一入門口有一條樓梯係有個打卡位，但係我哋嗰日太遲去啦，走嘅時候已經六點，費事阻住人哋收工就無影相lu

這間裝修別致嘅日式居酒屋，餐牌有8款午餐套餐，價錢由HK$58~HK$138，包一杯氣水或茶，加HK$20可以轉朱古力或咖啡，熱或凍都可以。唔怪之得，個個都係坐喺佢個樓梯攞住杯咖啡打卡，攪到我真係以為是咖啡店😂 望真啲，飲品餐牌後面有幾頁手工啤酒選擇，先知道是居酒屋啦～海膽忌廉汁蟹肉意大利飯 (HK$138)海膽橙色嘅一碟意式燴飯，好搶眼，上枱時巳經聞到陣海膽香味呀。食一口，食到creamy口感嘅忌廉汁，但有少少海膽嘅腥味，食到軟腍嘅一粒粒米飯，蟹肉就好似食唔到，可能只有少少，不多啦。Dirty (跟餐+HK$20，單點HK$45)呢杯Dirty，好夠凍，可以看到個expresso shot同凍鮮奶嘅分層好明顯，味道不錯，只係隻杯不夠凍。食飽了，發現呢度週日，樓上樓下坐滿人。裝潢係好酷嘅水泥風，樓上樓下都有不少打卡點，也有賣一些手工製品 (我估係啦🧐)

簡單午餐•nomad 有上下兩層，裝修舒適，以木為主，走日本風，一入去就會俾那條長木樓梯吸引住，不防食飽攞杯咖啡過嚟打個卡，食物方面，選擇不是太多但幾有創意，試左個鰻魚漢堡包和腐皮烏冬，鰻魚用左原條，算是肥味，味道都幾好，但個包就係用咗平時好一般嘅漢堡包，如果換左第二隻漢堡包，成件事都幾夾，腐皮烏冬清清地幾好食，講返咖啡先, 叫咗杯cappuccino 和latte ,咖啡拉花好有心思，聞落好香，但飮落咖啡味未夠香濃，值得一讚就係佢哋所用嘅咖啡杯，好靚，不失為一個打卡消磨下午嘅好地方。

想過一個慵懶嘅下午餐廳地點旺中帶靜條長樓梯啱哂影靚相聽聞夜晚係居酒屋中午係正常cafe 黎cafe 梗係想叫杯嘢飲歎番兩三個鐘試左Expresso Tonic味道酸酸地，幾岩夏天飲，開胃嘛飲落都有啲咖啡香味無飲開咖啡唔識講，不過朋友就唔太欣賞飲咖啡好睇個人口味，新嘗試，不錯！叫左海膽意大利飯好creamy，仲有脆卜卜三文魚子係上面，有驚喜❤️❤️Yummy yummy 不過個鰻魚漢堡相對下就差咁少少🤏鰻魚好大條，但比較多骨，自問都係食鰻魚唔lur 魚既人，啲骨都幾多同幾硬😂

近排深水埗嘅咖啡店真係多不胜數而且都幾高質，我今次去呢間都唔錯裝潢大氣而且空間夠大，位置嘅設計都幾好，唔會讓人坐到覺得好逼，呢d細節都幾用心去設計，第一印象非常好，所以唔怪得平日人都唔少人😂我都係要等位先入到佢地lunch時間都有set,每個餐加$20就有杯咖啡，我覺得算幾抵，我叫佐烏冬+flat white,見到個咖啡杯真好特別，復古feel超鐘意啊🥰🥰好想買返屋企🤪咖啡都算唔錯，咖啡味幾香，易入口，奶泡順滑，而最令我有驚喜係呢碗烏冬，睇落去無咩特別，感覺好清淡😂一食真係愛上，呢個烏冬個質地好Q彈，好有口感，好鐘意，個湯底偏甜，幾清香而配菜就係個腐皮，雖然配料簡單卻食出唔簡單嘅味道同口感，呢個唔正係食物嘅魅力所在☺️

喜出望外最驚喜既係杯Double shot既 cappuccino拉花幾靚奶同啡既比例幾好，啡方面幾感受到ethiopia果酸味食物方面，個豬扒三文治真係好足份量，男仔都食唔哂，炸得都脆皮，肉質頗軟餐廳環境方面，枱與枱之間亦有膠板間隔，食得安心又效心

早前又跟風去左呢間人氣打卡店Nomad呢間就誇張啦聽過有人要等兩個鐘先食到所以特登揀左個平日 諗住少啲人喺開門前半個鐘到好好彩地成為排第一嘅客人喺等佢開門嘅呢短短半個鐘已經有十幾個人喺後面排隊我同朋友淨係見到啲餐具同擺設已經係咁話好靚睇得出都幾落重本食物方面 我冇食到大家都爭住影嘅鰻魚漢堡反而叫左蒲燒鰻魚炒飯同海膽忌廉汁蟹肉意大利飯個risotto超creamy但creamy得黎唔會一pat野咁因為佢飯粒整得啱啱好 煙煙韌韌鰻魚炒飯好香飯粒都粒粒分明而且好似加左七味粉（如果我冇食錯 哈哈）有微微嘅辣味 令到味道唔會咁單調咖啡方面 叫左Flat white都係唔錯嘅選擇作為第一個行入店鋪嘅客人梗係好快咁影左幾張冇人嘅環境相啦Nomad係一間有質素 有水準嘅cafe

Nomad (深水埗)深水埗白楊街32號地舖------------------------------深水埗最近多咗好多特色小店，其中一間Nomad 係結合cafe同居酒居概念，店內設計屬日式同水泥工業風。有上下兩層，一入門口就見到打卡點，可惜今日無得坐係樓梯Dirty (cold)$45係凍牛奶上直接倒入適量Expresso，唔需要攪勻，先嚐咖啡酸澀，再到香甜牛奶。本身我唔太鍾意飲牛奶，所以覺得一般😝Mocha (hot)$46偏愛飲熱咖啡嘅我，比較鍾意呢杯甜度適中，帶點朱古力味口感順滑香醇嘅咖啡。

深水埗真係開多左好多cafe而且仲要好有特色, 好想有機會試多d唔同既景點。今日行過這間, 已經3點都仲好多人等位。 我諗1個人應該好快有位掛, 但都等左半個鐘左右。坐底感覺唔錯。 佢感覺都幾大, 裝修得好有空間感。 仲要有2層, 都幾ok.但發覺1個人黎都幾蝕底, 佢冇蛋糕，有一d小食, 其他都係主食, 望落幾吸引。 但非食飯時間平日都要等半個鐘，食飯時間黎真係唔知要等幾耐。 咁我都係點左個酥炸墨魚咀, 同 espresso Tonic. 唔錯呀，反而誤打誤撞, 這2樣野都幾夾。 炸墨魚咀食落有罪惡感, 杯 espresso tonic就中和返啦。不過, 下次都想黎食下飯, 有機會既話

深水埗太子近幾個月進駐左多間cafe 其中一間就係Nomad🙆🏻‍♀️ (其實更近太子呢)餐廳晏晝可以飲咖啡 夜晚可以飲酒🍻係少有的Cafe x 居酒屋🏮室內設計走日式風格 又帶有點型格 幾有格調一入門就見到條打卡樓梯 除左可以影相之外 仲可以席地而坐 同朋友飲下野傾下計👌🏻.整體食物中規中矩 未有賣相咁驚喜🤭個人認為餐廳服務質素可以加強下店員態度偏冷淡 感覺唔算好friendly 亦不太留意到食客的需要 我同朋友都一度懷疑餐廳係半自助的😂 (當天店內客人不多的)如果唔洗排隊都可以一試 但要排隊就未必了.🔸蒲燒鰻魚漢堡配青檸鹽薯條 $128🔸賣相十分吸引 係店內其中一道招牌菜😎漢堡中間夾住條超長的鰻魚 十分引人注目！鰻魚肉質雖然不夠肥厚 但食落味道還是可以的內搭上酸甜爽脆的椰菜同埋少量蘑菇 口感不錯可能本身期望高 所以只係屬正常水準🧐青檸鹽薯條就同平時食嘅薯條差不多 比較普通～.🔸Flat white $45 (+$20)🔸點主食可加$20轉飲coffee/chocolate 好鍾意佢地用嘅陶瓷杯 美觀得黎仲帶有復古感覺 形狀都好特別🙆🏻‍♀️至於咖啡嘅味道 就不過不失吧

深水埗近來多了很多有特式的食肆，白楊街的nomad，屬於寵物友善cafe，店內設計富工業風，結合咖啡店與居酒屋的概念。不過，要留住客人，食物仍是最重要的一環。見到之前有食評推介的午餐，當然要一試，四個人要了蒲燒鰻魚炒飯、蒲燒鰻魚漢堡配青檸鹽薯條及野武士烏冬，飲品是lemonade及lime soda。先說炒飯，乾身，味道適中，可能因為沒有食早餐，所以能夠食到一粒米也不剩；野武士烏冬是素食，烏冬配上數塊腐皮，所以沒有驚喜。今餐的主角是蒲燒鰻魚漢堡配青檸鹽薯條，賣相確是吸引，但整體味道被麵包拖垮了，有點名過其實，用上超市貨式的漢堡包配上鰻魚，真的有點格格不入，而且原條鰻魚，食起來不方便，最後還是放棄了麵包。lemonade用了新鮮檸檬汁，少甜，可以一試。建議12點入座，12點半便需要等位。

等左2個鐘先入到去  食物完全唔得見到有新 cafe 都想去試食一下，門口超級多人等位，所以都要先叫咗朋友6:00開始等，攞咗飛之後因為都等咗30分鐘所以都問職員大約幾時有位，職員表現得好冷淡話唔知，問職員仲有幾多個，都表現得唔係好想答你。因為都等咗成30分鐘所以都覺得應該差唔多啦，之後再等等。一路等一路等終於等到8:00有位。（其實如果我知道要等兩個鐘一定要走）終於入到去有位，想睇吓有啲咩特別，問職員有啲咩好介紹，又係得到冷淡反應「全部都好好食」，好啦，既然咁樣我就周圍睇吓其他人食邊樣野多，見到個鰻魚漢堡好吸引😄，滿心歡喜叫咗。點知嚟到嘅時候個包完全食唔到係燶咗嘅。飲品叫咗dirty，一般般啦完全冇咖啡味，好似飲左杯有咖啡味道嘅水一樣。整體感覺真係好失望😞。希望下次有改善囉。

未試過等一間coffee shop 會咁嬲😤 2:30左右到攞枱等到3.15 . 咁嘅途中問佢哋有冇嘢食出邊個Staff話有啊😊好～等到3:15 下一張枱到我嘅時候已經同我哋講廚房截咗單🤬咁遠嚟得當然係食嘢㗎啦，如果係3:00廚房截單點解2:45問你嘅時候話有🤷🏽‍♀️🤷🏽‍♀️🤷🏽‍♀️要人哋白等⋯⋯所以呢間野好過分，未食已經食到成肚氣，嘥咗我45個字喺度白等🤬開埋夜晚3:00就已經冇嘢食🤭仲叫人哋點等⋯佢再以呢個模式嘅話真係好趕客

深水埗大南街一帶早已進駐多間cafe最新開既係呢間Nomad未行到之前已經見到有唔少人等緊所以記得可以的話book位先！店員感覺比較生手唔識補位或者主動比水同餐具可能新開仲需要啲時間習慣但係店員禮貌係好好的😇今次一個人來被安排坐係吧枱位置可以見到咖啡師整唔同既飲品值得一讚係咖啡師唔會因為自己唔係樓面就完全唔理啲客反而仲會幫手叫同事處理問題😗叫左個蒲燒鰻魚漢堡鰻魚真係勁大份 亦都好入味包入面仲有啲菇係到我差啲驚自己食唔哂呀！薯條係厚切版 食到好滋味～間舖頭裝潢好靚 有一種工業風不過人流實在太多希望熱潮減退可以慢慢chill