麵屋一平安 (Closed)

尖沙咀餐廳一向都比較貴，呢個性價比高嘅抵食二人餐實在係難得🤤🤤。-拉麵二人套餐 $288/2位-任選兩個拉麵+ 任款兩個小食 + 飲品1. 特製熊本黑拉麵湯底濃厚而不太多油，麵質幼而彈牙🤤份量足，女仔一個人食岩岩好👍🏻2. 辛味海鮮長崎拉麵配料豐富👍🏻👍🏻唯獨不足係味道唔夠濃郁，但大致上不錯🤤3. 燒牛舌極力推薦🤤有蔥香，牛舌爽口，熟度剛剛好！☺️☺️4. 明太子燒玉子極力推薦！非常好味🤤玉子多汁，同明太子係絕配總評分：🌟🌟🌟🌟🌟推薦大家一試!

先叫沾麵，等了30分鐘，再問，話等等，但見另一個喺度㩒單⋯因爲肚餓既關係再叫個咖哩豬排飯，黎到後⋯係漿糊狀既咖哩⋯同以前比完全兩回事⋯普通既日式咖哩豬扒飯可以搞成甘⋯令人失望

星期日5點幾同朋友喺附近睇完戲，尖沙咀食個早飯希望易揾位d，因為最近成日食西餐，想轉下口味食日本拉麵，朋友話美麗華商場有間好味嘅日本餐廳，決定行過去睇下餐牌先。餐廳喺商場二樓，門口放咗menu，俾個二人拉麵套餐($288/2位)吸引咗，包2個拉麵/主食，2款小食同2杯飲品。小食有我喜愛嘅牛舌，價格都算ok，就決定試試。因為只係6點，店入面仲有好多座位。侍應招呼我地坐低，殷勤奉上2杯茶，又貼心俾我地一個籃放手袋，即時加咗分。叫咗2個特製博多豬骨湯拉麵，小食就葱花牛舌同魷魚筒，餐飲2杯凍檸茶。拉麵賣相同味道一樣吸引，原塊紫菜做裝飾，豬骨湯底好香濃但唔鹹，拉麵Q彈，温泉蛋嘅糖心超正，幾片肥义燒排列得整整齊齊，軟滑唔肥腻期待嘅葱花牛舌係薄切，入味又彈牙，加咗檸檬汁更清新可口。魷魚筒份量唔細， 口感適中，味道都唔錯。總結：好飽，味道同招呼都滿意，下次會再嚟。

2018年8月12日 (星期日) 6:00pm 29°C 店內裝潢以時尚樸實為本，感覺舒適和優閑。 環境光亮整潔，餐具乾淨。 人數：2人 HK$360 不用等位 滑蛋豬扒飯 - 豬扒熱騰騰，外層少脆多腍，內層肉質偏靱。蛋漿金黃，配合洋蔥絲一起吃，爽口香滑，而珍珠米飯質亦軟綿綿。整體來說，炸豬扒的水準下跌，有待改善！！ 軟殼蟹拉麵 - 完整一隻蟹，賣相非常吸引。蟹殼十分脆口，咀嚼卜卜聲，啖啖鮮肉，甜美一流。拉麵麵條彈牙，配合濃湯和辣椒粉後，惹味醒胃。【推介之選】❤❤❤ 三文魚刺身 - 三文魚色澤鮮艷，光滑亮麗，味道鮮甜，入口即溶。【推介之選】❤❤❤ 海膽海鮮壽司 - 海膽美味，不苦澀。魚籽大粒，爽口爆脆，一股海洋味道湧進口內。壽司珍珠米軟綿，被紫菜包裹著，最適宜一起吃。【推介之選】❤❤❤ 熱奶茶 - 香濃提神。對於日本餐廳來說，奶茶竟然沖調得濃滑，是本人意料之外。因為市面上的日式奶茶都是清淡為主，不會感到濃郁的。美中不足，是奉上時，份量少了一截 ... 凍奶茶 - 冰凍可口，適合炎炎夏日。《 環 境 》：《 餐 牌 》：

近期不停四出找尋拉麵，除左招牌一蘭之外，個人覺得一平安既拉麵也不錯，有它獨特風格。食左多次都保持水準。依家出左2人套餐$288，2個主食、2款小食發飲品，人均消費$150左右。 點選了特製博多豬骨湯拉麵及滑蛋豬扒飯，前者湯底奶白色豬骨味香濃，配上自製新鮮蒜頭，其香辣味為油膩感中和了不少，對於愛重口味及蒜香朋友可說是增添層次。對湯底愛不釋手！後者珍珠米香而圓潤，炸豬排既炸粉簿簿的小食點炸八爪魚球及汁燒魷魚筒, yummy 😋

其實我黎過好多次，今次第一次寫食評，今日發現冲繩啤酒買一送一，天氣咁熱當然要消下暑啦！味道清淡、泡沫幼滑，非常適合女士們口味！仲要$48有兩杯，真的不能抗拒！因為唔係太肚餓，所以點了不同款式小吃助酒。食物不是太特出，價格合理！環境似食堂，我比較喜歡以前未裝修，較氛暗的情調，感覺比較適合飲酒。

$288 is a pretty good dinner deal for ramen fans!A good selection of items for the dinner set which includes two mains, two snacks and two drinks!!We picked the Special Hakata Ramen and Pork Cutlet Rice as mains. The ramen soup was thick and the pork was tender and juicy! Fresh garlic was not readily available on the table but would be provided when asked. For me, garlic is a MUST for ramen! Totally accentuates the soup and pork!The takoyaki was really good too! Lots of katsuo flakes to go with

行街行到攰 隨便入左呢間想食下日本野拉麵價錢合理 所以食左個豚肉叉燒拉麵湯底唔算濃味 麵冇得揀粗幼軟硬 出到黎中規中矩 d肉亦冇特別出色壽司反而有驚喜呢個牛肉海膽壽司好新鮮 生嘅牛肉唔會好刃 我本身唔like海膽 但呢個好ok 唔苦 好新鮮仲有個軟殼蟹嘅壽司 軟殼蟹炸過 好香脆 加落牛肉到好夾下次黎會主要試壽司串燒 拉麵就. . . 為飽而食都可以嘅！杯飲品係養生嘅紅棗枸杞茶 佢加左糖漿 好甜不了

小弟近來經常在尖沙咀出沒，恆常經過美麗華，多數都是上翠亨村食個茶，食個包惜食得多都有少許厭，見渣打卡有優惠，就走去一平安食個晚飯最搞笑的是，原來該優惠只在星期一至四使用，試問當日是星期六，叫小弟我情何以堪？馬死落地行，二話不說點了個二人套餐，包括兩個拉麵、兩款小食、兩杯飲品。博多豬骨拉麵日式肥叉照舊好食，但健康而言，少食為妙！湯底依然好味，但飲完有點口渴...特製豉油豬骨湯拉麵。足料炮製，最有驚喜的是那顆春子蛋，非常彈牙明太子玉子燒蛋控的朋友必須要選擇這個小食，一口咬下去，滿口只充滿玉子和滿滿的明太子味道，口感一流因不想食得太熱氣的關係，所以點了這個三文魚刺身。正正常常，沒太特別左邊的是益力多芒果梳打，右邊的是柚子檸檬蜜！小弟必須鄭重推介：益力多芒果梳打，因為益力多味道不算太重，反而芒果的味道較濃，愛好芒果者必愛飲此飲料

今晚放工友人陪我去尖沙咀拎野，拎完野又到左搵食時間。由於時間已經到左8點，冇意欲再搵啲好好嘅餐廳，諗住求其食就算。去到美麗華，見到呢間麵屋一平安，比個餐牌吸引左入去。一入到去叫左一個2人套餐。個餐有2杯飲品，2碗拉麵，2個小食。首先上左牛舌，一上枱已經聞到好香啦，食落仲香，又爽。唔錯唔錯之後上埋2個拉麵，一個係博多拉麵，一個醬油豬骨，拉麵麵質好好食，湯底都唔差，同出面啲味精拉麵唔同，冇咁重味，食到日本嘅味道👍平時食完一碗都唔想再食，今次食完係仲想食多次。最後再上明太子玉子燒，都幾好食，不過真係太飽。總括黎講，呢間拉麵太有驚喜，原本以為大商場嘅餐廳都係差唔多。已經知道一定會返黎再食。呢間拉麵店沒有被各大傳媒力推，所以水準一洗7。

上次行美麗華食左大自然素食,今次就試左佢旁邊既這間日本菜環境比以前睇落更大同更光猛，坐得舒服。以日式拉麵店而言這間算係咁,最平的午市套餐只需70蚊就有一碗麵同一杯野飲(特色飲品要加錢)今次我地試左差燒湯拉麵, 豬骨湯拉麵方面也挺不錯,各種配菜的味道配合得幾好,就是湯底有點太咸,如果能像有些拉麵館的那樣能調較湯底濃度的話就更完美了 但個沾面就麻麻地，正正常常而已，冇乜驚喜，唔覺得有咩特別，係價錢上真係貴咗啲！ 總結, 環境不錯, 服務很好,呢度有名食拉麵，下次會想再去試其他菜式

晨早流流老闆說想食冷麵跟公司近的就想到了一平安這家店自己也超多年沒來了店改裝過全變了而且冷麵都沒了晚上就有つけ麵可是都不能點。。想食的都沒有最後在下隨便點了set下午茶餐小辣拉麵配咖喱飯和熱咖啡而在下老闆就叫了一碗豬骨湯拉麵配了小食炸雞不過他不讓在下拍照 =___=他一直食一直狂食環境衛生有點髒筷子筒裡有用過的衛生紙筷子依舊就這樣插進去這是。。故意墊高筷子用的嗎？可感覺好嘔心啊牆上有是漬。。。。。。唉好想走。。。。。。食物方面賣相正正常常不過可能是個人一直食太多好東西要求高了記得過往感覺良好現在卻是普普通通有時也感覺香港沒有好拉麵吃唉是個人問題老闆食完後說不夠飽想再點碗小的於是找來服務員可是她好像。。聽不懂攪了很久讓服務員再請會日語的同事來才成功點餐。。店真的變了在下也變得要求高了有時候覺得找好食的很難其實這裡沒有很差見旁邊的客人都食得津津有味大概只是當時氣氛感覺不合自己啊 ：）

It was surprise have that kind of unique Japan restaurant in the big shopping mall. There have a comfortable sit, delicious dish. The highly recommend is the wine clam, so... yummy and fresh.Main course the soft shell crab is valuable to try.

第一次黎呢度食，令次係因為屋企人食過介紹所以一齊黎食過因為下晝12點左右就黎到呢間餐廳所以唔洗等位@@ 間餐廳唔係特別大所以過咗一排基本上啲位都滿晒我食咗個拉麵+鰻魚飯餐我個拉麵係辣既，正常既拉麵，麵質唔錯，湯底普通辣唔太差，少少偏鹹可接受((本身自己食野清淡、拉麵個湯正常都係偏鹹)但饅魚飯好好食OVO 個醬甜甜地好惹味，饅魚三舊燒得啱啱好個餐既份量啱啱好，有包餐飲。屋企人都係覺得拉麵普通但個飯餐好食~呢個價錢我覺得幾呢間唔錯幾高質~可以再試

經過美麗華，想食拉麵，入去呢間“麵屋一平安“見未有咁多人，餐牌算係正常，睇落都好多選擇，點左一個特製博多豚骨拉麵🍜、豉油特製拉麵🍜、炸八爪魚球。特製博多豚骨拉麵豉油特製拉麵炸八爪魚球店內侍應係日本人，點菜後，我問佢可唔可以加替玉，他說，現在就要加了，替玉不會分開上，會當加麵底直接加入拉麵，我話等一會我覺得唔夠飽再加可不可以？ 點知佢話無得咁加，佢一定要一點餐時加而且加入拉麵入面，我想這就是日本人對拉麵的堅持吧。豉油（醬油）特製拉麵估唔到醬油拉麵，原來都幾好味，湯清得來唔會過於冇味，而且又唔好豬骨拉麵咁肥膩，食濟咁，下次一定會再食醬油拉麵。小食：炸八爪魚球即係小丸子，木魚絲切得好細，小丸子味道中規中矩。總結：可以翻食！