麵屋一平安 (Closed)

上網見到話呢間老字號，又講到好似好食，又話咩好多日本人去呀等等，米想試吓囉。咁啱係尖東，上堂前試吓。喺open rice訂咗位。見到個餐牌，覺得比其他多人去嘅拉麵店唔平。6:30得我一個顧客。間舖又殘又舊。想打退堂鼓。不過訂咗位為有照入。叫左個博多豬骨拉麵。味道一般，薄义燒。但收費唔平。中伏。以為有咩咁特別，只係一碗貴價港式拉麵。用呢個價錢，有更多好嘅選擇。日本連鎖店一xx都仲好過佢。中伏，唔會再去。

/麵屋一平安午市套餐款式種類都幾多 除左包一碗拉麵外 仲包一款小食及一款飲品.🍜博多豬骨拉麵 （$83）選配炸八爪魚球豬骨拉麵湯底濃厚 薑味比較重 拉麵軟硬適中 叉燒有兩塊 做到入口即融 非常薄身 份量有啲少八爪魚球有3粒 正常發揮.🧄特製熊本蒜油豬骨湯拉麵（$98）選配炸雞呢款拉麵比起博多豬骨拉麵多左半隻溏心蛋、一隻鵪鶉蛋以及一件豚肉 湯底既豬骨味濃郁 炸雞有兩件 做到皮脆肉滑.麵屋一平安📍尖沙咀彌敦道132號美麗華廣場一期2樓203號舖.#anygoodfood_hk#anygoodfood_tsimshatsui

話說今日專登陪男朋友係佢公司附近食飯，就同佢去左美麗華食拉麵!麵屋一平安相對黎講價錢比較中價抵食，午市拉麵套餐價位約HK$83-98蚊不等，有一份拉麵，小食及飲品。今次我就點了HK$88的名古屋辛辣拉麵，HK$98的北海道濃厚海老味道拉麵，而小食方面就點了章魚燒及雞皮餃子!章魚燒味道都唔錯，而雞皮餃子就略為失色! 我唔係好食得出佢外面果層係雞皮，無咩雞的味道!拉麵方面，拉麵有筍、紫菜、菠菜、豚肉、溏心蛋及叉燒由於我本身唔係好食得辣，但係估唔到佢唔算太辣麵條的軟硬都適中!!係尖沙咀黎講，呢個食物的質素同埋價錢，真係都算幾抵!!!

從前在灣仔工作，久不久都會到銅鑼灣的麵屋一平安，之後銅鑼灣店結業。後來公司搬了，偶然間才記起尖沙咀的一平安反而沒有到來⋯⋯今日決定過來試一試。當時銅鑼灣分店仍在的時候，例必指定動作，點長崎拉麵，因為就是喜歡清清的濃湯及野菜。今日來到尖沙咀店，決定試試午餐。Step 1 : 麵餐由$78-$88，細麵加大的話+$15Step 2: 選小食或迷你飯類。Step 3: 配飲品，汽水+$8，特飲+$8-$28還有一款午市定食: 有飯、味噌湯及飲品。由於日本人就算吃拉麵都會喜歡飲兩杯，作為拉麵店，酒類飲品也算多選擇。北海道蟹湯拉麵(細)~濃湯中帶點點牛油香味，但未能將蟹碎的點點蟹腥味道中和。牛肉玉子丼(跟麵餐)~由於當日有點肚餓，麵餐中，筆者選擇跟迷你丼，和那麵相比，飯比較淡口，筆者較為喜歡。草莓益力多梳打~見這特式飲品，麵餐少有的選擇，於是決定點益力多梳打，酸酸哋又唔係太甜，由於剛才那拉麵較濃味，這樣的配搭，惹人討好。中華豉油拉麵~麵餐配一平安炸雞整體來說:午餐方面，麵餐多選擇，食量大或少的食客，選擇多樣化。食店在尖沙咀店已多年，相信有其粉絲支持，仍保留點點日本拉麵文化，以午餐拉麵來說，合理價

呢個便當真係令我好驚喜🤩超抵食之餘仲好好味～不過就只限外賣自取啦！岩哂附近返工嘅打工仔🤪·🍛照燒雞扒便當(HKD 49)照燒雞扒香甜嫩滑多汁，旁邊仲配有一大舊薯蓉沙津，沙律裡面有小小爽脆嘅青瓜，仲有車厘茄，食落好fresh～最鐘意係珍珠米上面灑左拌飯料，食落超香口☺️最加分一定係便當有半隻糖心蛋，一口咬落半熟透有流心效果嘅蛋黃，嗚講起又想食了😭呢個便當真係超推介，店鋪仲有其他款式便當可供選擇，而加汽水都只係加$5咋👏🏻

今日我同女朋友行尖沙咀行到好攰嘅時候 ，佢我推薦左食呢間日式拉麵，其實呢間拉麵我每次經過美麗華都見到好多人幫襯，所以都覺得應該好好食。名古屋辛味拉麵🍜因為我哋不算很肚餓，而且兩個人食嘅關係，所以麵底加大，只需要$15。本身我唔鍾意湯底太過濃烈，但呢個拉麵湯底一啲都唔會喊，而且好好味。雖然佢寫明係辛辣味，但係一啲都唔辣，就算唔食得辣嘅人士，都可以試吓。鴨舌飯 細細碗飯，鴨舌嘅醬汁十分之好味，而且薄薄一片特別易入口。雞軟骨不過不失 可以一試。

同同事咁啱行到去美麗華，見到有間拉麵店有午市特價，諗諗吓又好似好耐冇食過拉麵，於是就同同事決定食呢間。午市套餐有兩款，第一款係拉麵加小食，另一款係細拉麵加個迷你飯。見佢張相嘅葱花牛舌飯好似幾吸引，就叫咗碗博多豚骨拉麵加個牛舌飯。兩個主菜都好快有得食。首先試咗個麵先，個湯味道都好濃郁，塊叉燒亦好入味👍，味道濃得嚟唔似係重味精嗰啲。之後就係碗牛舌飯，感覺有少少失色。黑胡椒味極重，重到有啲冚過牛舌同碗飯本身嘅味。有啲可惜。總括而言，都叫做一間唔錯嘅拉麵店。

今日午餐又諗唔到食咩，不如同飯腳同事行去美麗華果邊再諗下邊間啦。入到美麗華2樓，飯腳同事話不如食碗湯麵，天氣凍凍地最岩食湯麵類暖下。我地黎到麵屋一平安門口，一平安，我即刻諗起Dear Jane－「祝你在亂流下平安」，好名。 呢間日本餐廳應該開左喺美麗華一段長時間，餐廳暫時full house，侍應原來係日本人，有禮貌地操唔咸唔淡嘅廣東話請我地稍等。五分鐘過後，侍應帶我地坐bar枱。午餐餐牌分為兩種，第一種為細拉麵+細飯套餐，令客人可以同時品嚐飯+拉麵；第二種為拉麵套餐，寫就寫拉麵套餐，其實係8款拉麵同1款丼任擇其一，配小食。由於我覺得又飯又麵太heavy，我就揀左拉麵套餐。 =======================特製豉油豬骨湯拉麵 + 雞皮餃子 3隻 $88 落單後不消5分鐘，拉麵同餃子就已經送到我面前，飯腳同事叫左細拉麵套餐，驟眼睇細拉麵同正常份量好似冇乜分別。拉麵有筍、紫菜、菠菜、豚肉、溏心蛋及叉燒，份量十足。拉麵湯底濃厚，不過比較咸，拉麵偏硬身，如果可以俾客人選擇麵硬度會更好。 雞皮餃子相對地失色，雞皮較厚而且炸得唔夠香脆，由食物不到5分鐘就送到客人面前可以推斷餃子係已經

行完dondondon突然想食下日本野，搵到美麗華有間就去食😌叫左拉麵、鰻魚飯、炸雞、雞皮餃子~比較好飯既係鰻魚飯，好肥美，加埋鰻魚汁撈飯永遠無得輸啦😎拉麵就普通咗啲，無乜特別。。。炸雞都唔係好夠味🤔🤔雞皮餃子係最期待嘅一樣野食，本身以為雞皮會炸(or焗？)到脆一脆，點知唔係好脆，淋淋地，個感覺會好肥好漏🙈🙈而味道都未夠出色~~ 如果係脆啲、香口啲食會好啲😎😎間店既經理？老闆？似乎係日本人黎，感覺去左日本咁🤣如果食物質素可以追到日本會更開心🤣🤣🤣

假日行過美麗華，諗住食吓日本嘢，行過一平安見到有假日下午茶，看來不錯，入座率也頗高，就兩口子高高興興進入品嚐一下。此店很多年前嚐過不錯，且疫情下有日本人管理的店，我們滿有信心的⋯我倆避開人群，獨自坐bar吧枱前，拉麵湯底不錯算是濃味，豬肉也是厚切，品嚐途中看到waitress只用清水徒手沖洗玻璃杯后便重用…而凍飲餘下的糖漿壺全推在一起，直至有新訂單，竟然將兩壺剩下的糖漿倒在一起，給予下位新顧客享用🤮我頓時呆下，幸好我不嗜甜，手中的凍檸檬茶是沒有下糖🤭⋯⋯

整體來說，就普普通通吧。原來有折扣的菜式，下午時間係非常少選擇，主要都是拉麵，飯，非常少量小食。相反可能食餐更抵。拉麵無特別，飯也無特別，也感覺不到什麼日本味，好似港式的拉麵。點了一個小食牛舌，份量真係少得可憐，如果正價都是這個份量，就真的太誇張吧！若要食有日本味道的拉麵，香港應該有更多好的選擇。

很random地走進了這家日本拉麵店，看到許多小食和飲品都在做特價，點了熊本豬骨湯拉麵，麵質是我喜歡的偏硬身，但叉燒真的太薄太少了，湯底尚算可以。另外點的炸蝦牛肉溏心蛋丼飯，偏小碗但味道不錯，這家的價錢算便宜可以一試。

話說哩間拉麵店已經開業多年，依然屹立不倒，必有過人之處。好多年前同朋友嚟，最鍾意就係佢哋嘅咖哩拉麵，咖哩湯底香濃，麵質彈牙。事隔多年，今日我哋喺美麗華買完野勁肚餓就過嚟食碗麵。由於疫症嘅關係，餐廳都做緊優惠，可以加購一蚊一件雞皮餃子，好抵食。我哋叫左2碗叉燒拉麵🍜同十隻雞皮餃子🥟拉麵湯底味道濃厚溫和，麵的軟硬度適中，有一隻糖心蛋同小味蛋（鵪鶉蛋），叉燒係五花腩切塊，油膩香和口感豐富。雞皮餃子煎得好香脆，外皮脆卜卜，入面餡料飽滿，好食！

中午行開donki,去左美麗華商場食日本拉麵，貪佢夠快，食物水準又穩定。12:05分坐底，已經有四枱客人，我吔閃左入角落坐，極速咁點餐，因為知道佢中午都會多客嘅。午市套餐選擇多點完餐5、6分鐘左右，食物飲品亦已經上枱👍博多豚骨拉麵套餐是包一個小食及飲品，拉麵湯底骨味濃，日式义燒入味，小食炸雞二塊，又熱又脆👍牛肉丼午餐有流心蛋,牛肉味一般，蛋好味，餐廳水準好穏定，拉麵吃完亦不會口乾，唯一可以彈的是座位太窄及太接近，12點半左右座位已經坐滿七成，我哋急急吃完急急便走了。

有日去左公司樓下試下呢間麵屋一平安，唔太需要再試~ 食過稍為好D的拉麵就唔會再睇得上眼呢類完全毫無特色的拉麵鋪唔係話佢唔好味, 純粹冇咩驚喜可言咁解有時覺得不如唔食3-4次呢類, 用呢幾餐慳左的錢真係食一間好好的