越北牛肉粉專門店

Open Now

Now Closed

同同事食lunch， 見門口有唔少人排隊，估應該唔會差掛，所以試試～ 點知................泰式酸辣鳳爪鳳爪份量都ok，係叫lunch 加錢換的。 夠入味，酸辣度ok，夠開胃～酸辣蝦膏海鮮湯本來好期待！因為我一向都好鍾意飲蝦湯，差唔多餐廳有蝦湯ge我都會試，但呢次真心有d失望，冇蝦味，冇蝦膏味，有少少酸辣味，完全唔係我平時食到酸辣蝦湯味....仲要隻蝦肉係糜的... 完全唔值 $58蝦餅還好，彈牙，有蝦味

越北喺香港唔同地方都開咗好多間分店，今日就同幾個朋友黎試吓，呢一間位於西環嘅分店一年之前開張都來試。一年之後再食唔知質素如何呢？一入門口已經比啲服務員阿姐嚇親，因為佢好惡咁問，我哋究竟拎左幾多個位，唔好睇呢間係小店，拎位設施都好先進，要喺門口拎飛嘅。食物方面啲質素都算唔錯，生肉湯河用咗韓牛骨煮，入口鮮甜。香茅豬扒撈檬都係店入邊嘅推介，豬扒炸得香脆，撈檬嘅份量都十分之多。另外加＄28要多咗一份炸蝦餅，蝦餅新鮮炸起，入口香脆可口，加埋泰式辣醬都幾好食。

開張咁耐都無試過，有時經過見到好多人等位，今日黎食下午茶，試下佢係咪咁好味先！下午茶都幾多選擇，湯粉、撈檬、飯類都有，$40幾至$50幾蚊，包飲品。我地叫左一個香茅豬扒金邊粉，咖哩牛腩飯，凍檸檬菜蜜同熱檸檬菜蜜。黎到個陣，變左兩杯凍菜蜜，同侍應講我地叫左一杯係熱嘅，佢態度勁差又唔想幫我地換咁。明明係佢自己落錯單！跟住，換返杯熱菜蜜黎，檸檬呢？我地好無奈，阿姐話，下？又唔岩呀？明明係佢地又整錯，點解講到我錯咁呢？玩完一輪飲品落錯單事件，食物終於黎喇，點知金邊粉變左河粉，又落錯單！算了，費事又要換，照食吧啦！其實豬扒整得幾好味架，幾入味，炸完都仲juicy，河粉湯底都唔錯。，老公食個咖哩個汁都好好味架，不過呢，牛腩同咖哩好明顯係分開煮嘅，牛腩完全無咖哩味嘅。呢到食物其實唔錯，價錢合理，但服務態度真係要改善下！

寒流勁、吹得荷包「乾硬化」，哪裡便宜又超值的禦寒食物？注意力提高了，也自然留意到更多每人預算少於100元的火鍋選擇。是以往我「發雞盲」、明明擺在面前都全然無視，還是今個冬天的確出現多了？這家越南菜食肆，近兩年在我的社區接連開店，而且在這越式菜餚其實不鮮見的地區，生意看來不錯。有天經過，發現如此的一個季節菜宣傳： 走進店內，二話不說，點了一客酸鍋與同伴分嘗。等了十分鐘左右，真身出現： 比較不明白的是，青檸也放了在帽子上，與其他生料同列，始終顧慮衛生的問題，不敢直接那來榨汁，所以又要另取，不免有點浪費。不是怕帽子有綠色！ 札肉的味道您大概也想像得到，驚喜不大，總算是有咬口。牛丸比較像傳統粉麵店的貨式 (反而近年少見了)，表面平滑，不像牛筋丸的粗糙；吃起來也有嚼勁，亦不會有牛筋「攝」牙罅 (是我牙疏啫！)。坑腩肉是出奇的好吃，有肉的濃香而不韌。而整個晚餐中我認為的主角、期待最殷切的牛肉片 (因為以前景隆街越興園舊舖的醋鍋牛肉，印象太深刻了，那吃完後喝湯喝不停、翌日卻向我抱怨晚上拉肚子的友人，我還記得很清楚)，所佔面積是所有材料之冠，表現又如何？ 如此大特寫，就是嚐過一兩塊後、欲尋真相的行動

本身自己不太食越南野，始終覺得口味不對，但因為朋友特別推薦這間越北，所以星期六午飯時間同幾位朋友到越北撐台腳，試一試佢。我自己點了一碗生牛肉河粉，食前先嚐一口湯，因為我覺得一碗湯粉最重要的是湯底，如果材料再新鮮，而湯唔得的話，點都唔會再得好食。嘩，湯底一試，十分鮮甜，幾乎想連湯都飲埋！河粉方面不會太「淋」，十分爽口。主角牛肉也十分出色，入口十分滑，也有一點點融化的感覺。整餐飯讓我對越南食物改觀，越北這個生牛肉河值得大家一試。

You might be able to forgive the fact that this restaurant does not serve authentic Vietnamese food,  but there's no excuse for it being substandard as well. Of the two dishes we ordered, both was a big letdown. Take their Pho as an example. The broth was bland and the beef was extra tough. This makes this dish totally pointless as the only other ingredient besides the broth and beef is the noodle which by itself is tasteless Our second dish was a marinated grilled pork over rice noodle and a le

暫時係香港食到最好味嘅撈濛 😭.濛粉分量適中酸蘿蔔唔乾身，口感、味道俱佳香茅豬扒唔油膩，非常入味！菜比較多，而且附上完整一段九層塔，可以同豬扒一齊食，味道更多變化 😋😋😋.出示學生證有8折，$42非常抵食 👍🏻唯一唔好係多人，中午必定要等位

其實我好鍾意嚟呢度食飯的，今晚叫咗個蝦餅撈檬，食咗兩塊，好好食，然後當我夾起第三塊再反轉時，竟然比我見到隻死（煮熟？）曱甴囉！嚇死我！最後cancel未到嘅食物就離開了。

大熱天時無乜胃口，食碗撈檬就最啱。越北的撈檬扺食夾大件，而且加入大量青瓜絲蘿蔔絲，好清新！啱哂夏天食，另外香茅豬扒炸得較老，不過不會影響味道！雜錦撈檬就乜都有，個人幾欣賞個札肉，唔會好咸，又厚薄適中，口感不錯！朋友的生牛肉湯河都幾好食！因為個湯底好清，牛肉份量不多，有d失望，但勝在牛肉味夠，加上河粉無痴住哂，值得加分架！呢個好多所謂越南餐廳做不到。越北有好多分店，好在呢間開喺教會附近。星期六日又有一個好的午餐選擇。

星期一的午餐，是治癒Monday blue的方法之一。是日選擇吃越南粉，有人等位，應該會好吃的吧～十二點半左右，二人等位大約十五分鐘。要了一個香茅豬扒金邊粉配沙爹湯底（+$3）。先呷一口湯頭，濃郁的沙爹湯味，配上乾蔥，是醒神的，咸咸香香，好吃。越底沙爹不同香港茶餐廳的沙爹牛肉湯，沒有帶很濃烈的花生味，取而代之是少許咸香的海鮮醬味。香茅豬扒帶點炸脆，切成小小塊，方便進食～以凍檸茶作結，滿足!雖然，現在隔了好幾小時，還是有點口渴😅

今日同老公諗住去水街睇下有乜野好野，因為開左好多間新餐廳！行下行下見到依間食越式菜的餐廳，決定入去try try😉個tea set都幾多選擇，而且好多特色飲品🍹不過我同老公太專一了，我地都係叫返iced lemon tea and hot milk tea🤣我叫左個香茅雞翼飯，皆因我個人非常喜愛雞中翼，特別是香茅煮法😋好好食，令我完全停不了口，其實食完4隻，我仲超想食🤤老公叫左生牛肉河粉，佢話味道不錯，下次可以再黎食，試下其他小食😉

今晚做完運動後，想起在水街有一間開了一段時間，但還沒有試過的越南餐廳 於是想起“越北”～ 其實在水街已經有兩間越南餐廳了，這是第三間了，所以競爭非常劇烈 越北值得推介的有“生牛肉湯檬”和“香茅豬扒檬粉”， 這兩款都市推介的 這裏特別的是～生牛肉湯檬裏有白蘿蔔 這是少數越南餐館會加入湯檬來的蔬菜。餐廳環境舒服，服務員都是特別年輕一代， 精神氣色特別好！

我中午1點10分去到, 門口竟然無人排, 不過我都係叫外賣, 我等左10分鐘先拿到外賣.我食越南野成日都會叫豬排，一黎覺得應該最隱陣，如果豬排都唔得，我好少再試其他。呢間豬排都算比較厚，味道唔係我鐘意既味道，同平時食開既香茅豬排不一樣, 同唔香口，我唔肯定佢原本炸得唔夠香定因爲我外賣啦。唔鐘意內外都軟淋淋既豬排, 炸完應該表面乾身先係架~至於湯粉我覺得好足料，有齊越式野個d配料，味道好夠。同我杯凍華田好ok,夠濃，系茶記既水準，平時其他菜式既餐廳野飲都比不上茶記，但佢可以喎。

知道屋企附近開了間越南餐廳， 每次經過都見到很多人在排隊等候，所以一直都未有機會去試。今晚落街買晚餐時意外發現不太多人，於是決定試一試叫佢哋嘅外賣。 雖然附近也有另一間越南餐廳，但只有他有提供炸蝦餅撈檬， 這是我其中一個至愛的越南食物。落了單後就在門外等候，但等候時間略嫌太長， 看見餐廳內也不是十分多人，但卻等了很久才收到食物， 而且服務員略欠細心他將外賣袋給我時， 差點令我將成袋食物跌落地下， 嚇咗我一跳。回到家將食物拿出來，發現收銀員確有聽我的要求給我多一盒撈檬的醬汁，這點我很欣賞。 整體食物質素不錯，蝦餅也好吃，如果有蝦餅的醬汁更佳。

難得放四日假， 同家中兩位至寶，仲有女女，一齊去食午餐！真係好大碗！河粉嘅分量足夠我同小朋友一齊食！之前去食粉，分完俾小朋友我就唔夠食呢碗分完俾小朋友我仲食得夠飽，個湯用新鮮牛骨熬製，好濃好好味又有九層塔，炸蒜片嘅香味！雞肉份量其實都好多總之就好大碗！食完好滿足其實呢個鳳爪都好好食嘅，好夠味！份量都好夠，起碼有八隻🤤🤤🤤🤤🤤但我個人就唔太喜歡用（泰式雞醬？）醃嘅鳳爪，不過其實都好食！至於半碟醃製嘅酸蘿蔔同紅蘿蔔，有略嫌啖味，唔夠酸味～我仲飲咗佢杯龍眼蜜唔記得影相😫杯龍眼蜜好香甜好夠味， 飲得出佢係用乾嘅龍眼沖， 而唔係新鮮龍眼肉或者罐頭龍眼加蜜糖求其咁沖！呢個正