越北牛肉粉專門店

Open Now

Now Closed

這間越南餐廳於同區內不過不失，堂食環境是比其他越南餐廳舒服淸潔。疫情其間，家人都不想外出用膳，所以點了外賣自取。點了四款食物，如下：生牛湯河-味道一般，湯底較淡，不值一嘗。雞絲扎肉湯檬-湯底淡味，雞肉好「鞋」，無乜味道，越南河基本酸甜汁都冇跟埋。香茅豬扒湯河-豬扒幾淋，不過部分係「生」既，不能接受！！這款菜式是小朋友食，剛巧我剪開見到豬扒係生嘅！生豬扒咁都得？如果小朋友食咗真係不堪設想！豬扒未熟！酸辣鳳爪-味道ok,不算很䜹熱檸水-苦澀，外賣又冇俾糖總括來說，同區的越南餐廳，越北好一般，更何況食物是生的，外賣好求其，不會再幫襯，怕怕！唔想搵命博！

生牛肉湯河粉，表面鋪滿洋蔥、香蔥、香葉、九層塔，口感清脆，湯底飲落牛骨味濃；生牛肉肉質嫩滑、肥美、軟腍，牛脂味濃；河粉口感幼身、滑溜；配以指天椒、青檸汁食用，味道酸辣。香茅雞扒湯河粉，雞扒口感外香脆內肉嫩、多汁，食落充滿香茅味道，配以炸蒜片食用，味道更香口，湯河粉味道咸香。鮮蝦米紙卷，米紙薄身通透，口感煙韌； 內裏包裹住鮮蝦、醃青瓜、醃紅蘿蔔絲、檬粉、生菜；鮮蝦口感彈牙，味道清甜，整體口感好豐富。馬拉盞灼生菜，生菜口感爽脆，味道正宗，配以蝦米粒食用，味道更香口。薄荷青檸梳打，青檸、薄荷味道厚重，飲落好清新。三色咸檸七，加入咸檸檬、青檸、檸檬、雪碧，四重檸檬味道，飲落好清爽，味道酸溜帶甜。

隔咗幾日就已經好掛住越南嘢食😍見到越北牛肉粉專門店入面幾多人食👥所以就入咗去試下🤪.河內咖喱雞配米飯🍛咖喱唔係好辣，非常適合送飯🍚雞件份量都幾多，不過唔算好嫩🐓旁邊仲有啲酸蘿蔔絲🥕整體都幾好😆.鮮蝦米紙卷 (2件)🌯個 size 啱啱好可以一次過擺入口食😉入面有生菜🥬青瓜絲🥒紅蘿蔔絲🥕檬粉、鮮蝦🦐多重口感，我覺得點少少撈檸汁好好味😋.越南海蜇沙律🇻🇳🥗有海蜇、青瓜、紅蘿蔔絲、芹菜、花生🥜份量大又清爽💦.椰汁斑蘭糕 (4件)💚表面略為輕輕硬咗少少🤏🏻不過都夠煙韌，而且甜度適中🤤.水晶芒果沙冰🍹芒果好甜🥭面頭有好多西米，咬落係爽口嗰種😗.椰汁冰🥥椰子味非常濃郁☺️沙冰咁飲幾正

呢間店成日都見到佢既分店，但食就未食過啦。 所以我今日就入左去食見佢個晚市套餐好抵食咁。食物方面： 咖哩雞飯，我純粹係因為太耐冇食過所以我order左黎食下，個咖哩都幾有辣味。 另外，雞果方面食得出有小小炸過既味道，所以我就覺得還好。 CP值😋😋😋雞扒河呢個我覺得值得推薦， 雞既肉質超滑同彈牙， 而且仲好脆口。CP值😋😋😋😋生牛河，正常的水準，湯底都唔錯。 價錢都fit ,去唔到越南係度食下都ok CP值😋😋😋😋餐仲有得揀小食 分別就揀左個海蜇沙律，同生菜。野飲就叫左椰汁冰同埋三色鹹檸七。

Nice lunch at Sai Ying Pun!  My colleagues and I went for lunch near HKU and we wanna eat the Vietnamese noodles.  There were a variety of lunch sets provided and I ordered Pork Chop with Lemongrass Cold Vermicelli $58 with hot lemon tea.  Presenting with student cards could get discount when checking the bills!  The portion of the cold vermicelli was super HUGE, it was presented with lots of green onions, fried garlic and chopped peanuts which made the noodles flavourful and added different tex

秋天黎啦🍁今日番咗香港大學投票，好掛住以前既大學生活呀🥺所以投票完就去水街搵野食，順便感受番做大學生時期，同朋友tappy既時光🙆🏽‍♀️呢間越南野以前都鍾意食，今次食咗佢既雞絲扎肉湯河，份量唔錯👍湯係呢個河粉既精粹！唔咸但又夠味，唔會好味精味如果扎肉雞絲多d就最好🤩朋友嗌咗豬頸肉湯河，豬頸肉煎香，味道好！加少少青檸汁，清新去油膩感價錢正常😎都係$58連餐飲，凍飲加$3😆值得一試架

晚上下班後，與越南粉控的同事來到位於皇后大道西的越北食碗越南粉-「生牛肉牛腩片湯檬粉」$60湯底濃生牛肉薄身，好重牛味，不錯 牛腩片易咬，不會起渣缺點是檬粉較碎，食到尾不太易夾- 香茅豬扒飯 $58香茅豬扒好香 ，好淋，腌得十分十分入味 十分推介整體十分抵食，相比現時一些標榜高檔越南粉餐廳性價比十分高 👍🏻👍🏻👍🏻👍🏻

越北都有幾間分店都係啲連鎖式餐廳通常連鎖式餐廳都唔會話特別好食或者好難食所以係無得揀嘅情況下就入去食個lunch啦叫咗個豬扒撈檬蒜香唔錯，豬扒都ok，但略嫌有點油，算係正正常常，無咩大驚喜。午餐可以加錢叫小食，加咗個馬拉盞秋葵，反而呢個好抵食，大大碟，秋葵數量都幾多，唔知係咪因為無咩人食秋葵呢性價比最高係秋葵試埋佢個蒸粉包，粉包皮有少少厚，如果薄返啲會好啲，都係不過不失啦！最後餐飲叫咗杯越南最特式嘅滴滴咖啡，咖啡係加入煉奶，同一般落奶服糖唔同，甜度會高啲，不過呢杯野真係好難飲，太多咖啡粉，搞到成杯野勁苦，煉奶都補救唔到，最後飲左一啖就放棄咗

平時有天地堂先會落水街食野，今次黎到其中一間最常幫襯既越北點左最安全穩陣既香茅豬扒撈檬，果然保持到一貫既水準，豬扒香口又唔會太lum，加上生菜沙律撈埋就唔會太膩，夏天最中意食呢d冇熱湯既野食 

每次來西環做嘢一定會幫襯越北order:生牛肉河粉 + 冰凍咸甘吉水(+$3)生牛肉份量多(啱晒愛牛之人), 將生牛肉浸落熱辣辣湯底(熟度由自己控制) ，浸泡到半生熟的牛肉吸收湯底味道, 加埋配菜(葱花，洋葱，芽菜，香草，蘿蔔), 每食一啖都有河粉+配菜在口中咀嚼，一絕........誠意推介

話說沒到六點就入到去，一定唔算繁忙時段，入到去，門口收銀阿姐冇講野，咁我走準備行去個張空卡座度坐低啦，點知阿姐一見我行過去，即刻蔑視我地，用低沈的聲音和不耐煩的語氣講：「幾位啊。」好似我地冇講係得罪佢咁，咁都算！我地覆返兩位，佢就指我地去個極窄的普通位同人地搭台，我唔覺得窄，本身食緊的兩個後生仔都覺得窄啦，痴得仲近過返學的同桌，搭台都算，但隔離檯明明一男一女坐四人檯，後面有一人都係坐緊四人檯，點解係得我地要搭台，係都係搭去卡座啦，起碼闊落d！如果你有禮貌咁講都算啦，仲要用咁樣的態度對待，食龍肉都冇味！連相都冇心情影！

越南菜最為炎炎夏日帶來食慾，酸酸甜甜的撈檬、令人冰涼入心的特飲，當然少不免冷氣帶來乾爽的環境。 假日也有午市套餐，實在太感動。生牛肉河湯頭傳統，香料十足，但牛肉過熟，於呈上的時候接近全熟。 雞絲撈檬生菜、青瓜絲以及份量大滿足，但醬汁不夠酸，引不起食慾。 套餐可加配小食：酸辣鳳爪味道夠酸，溫度也夠冰凍。炸春卷可配上生菜，減膩又有滿滿瓜菜絲。蝦餅肉實有蝦味，但調味偏咸。 反而最令人心刻，綠豆椰汁冰。大量綠豆打成蓉，配上椰汁沙冰，入口即溶。 雖是簡簡單單的一餐，但希望主人家不會覺得太HEA，但基本來說，也是愉快的星期天。

今日 2/4/2019, 喺西營盤搵食 ，揾到去水街， 見到呢間越北牛肉湯河專門店， 就試一試入去食個lunch。 呢間越北都好出名，成日門口排長龍， 平時我都好鍾意食越南檬粉， 所以今日要試一試佢 得唔得。去到依然好多人排隊，因為都係食飯時間， 所以第一時間去到就要攞飛先啦，取票機係門口邊那塊磚牆上。黎都食越南嘢， 我一向來必試下香茅豬扒 睇下掂唔掂 所以叫咗一個順化香茅豬扒湯檬$56 加一杯 椰汁綠豆冰 另加$8 ** lunch set + 凍熱飲 好似加$3, 另外椰汁冰之旅要加八蚊。呢個順化香茅豬扒湯檬無得頂，香茅豬扒超好食， 外脆內軟，厚薄適中，真係好香口 你都一定要試一試。檬粉有點碎，分量一般，唔太多，湯底好好味，真係好食。反而椰汁綠豆冰啲綠豆比較硬， 椰汁味略淡 都比較甜， 唔建議飲。** 記得黎到要按掣取飛先, 因為之前冇嚟過所以都戇居居入咗去攞位。下次要試下其他食品。

青柠苏打好喝呀，越南粉也挺地道，价格相对其他热门地区的越南粉便宜，但我不是很爱吃生牛……但点其他的又不是河粉，所以也是两难了这边的服务很一般，也不是很热情，只支持现金和八达通

今日同朋友去越北試咗牛肉粉同埋咖喱牛腩飯～先講越式咖喱牛腩飯（$55），咖喱味道唔算太辣，反而係偏鹹，不過個人幾喜歡，覺得送飯一流。牛腩份量就唔算太多，應該得6-7塊，而且比較偏瘦，個人比較喜歡肥肥地的牛腩。由於咖喱汁比牛肉多太多，所以個賣相會覺得成兜都係汁，實情係啲肉喺晒個底度，所以個人認為個食物賣相唔好睇，不過其實我不嬲都唔太介意食物賣相😂😂朋友就試咗越北生牛肉通粉方面，個人認為啲牛肉幾好食，食落去幾嫩囗，抵讚！