November+

Open Now

Now Closed

今天下午約左上環嘅朋友傾啲嘢,想搵個靜靜地嘅地方坐下,朋友帶左我上去永樂街世瑛大廈13樓的這家叫November+的樓上餐廳, 餐廳位處這座大廈其實毫不起眼而且看來比較舊, 若不是朋友識路帶我上去都不知道有這個不錯的地方,由于當時已過了午市時間,所以客人不多, 餐廳面積不大,有L型大玻璃窗望到外面的海景,裝飾以淺木色為主 ,放了大量的盆栽, 感覺清新舒適, 在繁忙的午後,與好友過來聚一下,有種閒適的感覺。由于都接近黃昏時間,所以我們決定點兩個餐當成晚餐享用。麻辣卡邦尼意粉(烏冬), 卡邦尼意粉其實經常都會食, 但麻辣卡邦尼意粉是第一次在菜單上見到,由於比較晏,意粉已經完全冇曬, 店員表示可以用烏冬代替,所以決定試一下, 上桌賣相幾靚, 麻辣醬汁配合下十分之惹味, 而且食落發覺原來烏冬也十分掛汁,麻辣也不會過辣,十分易入口。原條蒲燒鰻魚飯, 蒲燒鰻魚大大條, 燒得夠香同埋唔覺有幼骨,同埋鰻魚一啲唔覺得腥,應該是用上比較質素高啲鰻魚,另外個飯底都唔錯,不會炒得太乾,口感不錯。凍柚柚紅茶, 紅茶的甜度適中, 有好香的柚子味, 夠哂解喝。熱水晶茉莉綠茶, 微甜的綠茶,加入了一些白色的水晶,咬落

卡邦尼黑松露烏冬真係好夾好好好味道😋😋😋d汁掛哂係烏冬度味道一流。。賣相又一流😆好岩影相打卡日日食都唔厭😋😋😋好咪指數爆哂燈呀。。。值得一提 。佢個湯原汁原味 聽主廚講係由食材打成湯餐廳內飲品又係好好味熱飲特別要介紹一下薑汁奶茶係咁潮濕又凍凍地既天氣下好適合飲杯薑汁奶茶暫時未飲過一間好味過佢真係好好好好好味上環打卡點之一地方又舒服 慢活既好地方用心經營既小店大大支持店主係勁有心機去制作食物好欣賞佢既堅持

朋友喺附近返工，所以相約咗佢嚟呢度食飯，點知原來大廈入口係永和街條巷仔😆大家要留意😝搵唔到最後要打電話問椰子雞湯烏冬～好香椰子雞味，冇加任何味精，飲完湯亦唔口渴，我少飲湯，忍唔住飲晒成碗🤤湯好清甜原條蒲燒鰻魚飯～飯好腍，我自己偏向鍾意食軟飯腍飯😂👍岩食。鰻魚燒得香口吾腥，甜味醬油冇蓋過魚味士多啤梨奶奶～凍冰冰奶奶，加埋酸酸甜甜嘅士多啤梨味☺️好耐冇飲過，有時比自己飲番杯邪惡野係應該㗎呢度好舒服，最入面嘅位可以打卡，lunch嘅時候靜靜哋食個飯，同同事朋友傾吓計影吓相都好唔錯

四季裏面我最鍾意秋天因為11月好清爽適合行山郊遊 天氣令人好舒服 呢間November就啱晒我啦佢嘅格局用咗好多乾花同埋植物恍如置身大自然當中，環境舒服，零舍寫意。為咗迎合一般嘅打工仔佢哋嘅營業時間由星期一至星期六上午開到下午5:30pm 呢度主要都係提供午餐 我同朋友每人一個餐分別叫咗「黑松露大啡菇忌廉意粉」同「羊肉湯烏冬」。加$30就可以升級為「套餐」，送例湯、沙律或法包，還有一杯免費飲品，好抵👍！如果叫外賣，只要follow “novemberteahk iloveb_bakery”，就有15%扣減。「羊肉湯烏冬」羊肉一啲都冇騷味 加上烏冬好滑溜，湯亦都夠熱，大大碗份量十足！「黑松露大啡菇忌廉意粉」令我喜出望外黑松露毫不吝嗇地佈滿每一條扁意粉，味道濃郁。大啡菇一口咬落去仲好多汁！仲有好多雜菇啊法包有好香蒜蓉味～我仲叫咗特飲「忌廉鮮奶」同「熱咸柑桔龍眼蜜」。兩杯嘢飲都買少見少平時喺出邊好少飲得到 下次嚟一定會再飲！

附近返工食午餐都係一個大煩惱，有日同同事話不如去Open Rice搵下附近餐廳，就發現呢間樓上西餐廳，就嚟試吓新嘢先，無咁悶吖嘛🤪有午餐餐牌揀：🌟黑松露大啡菇忌廉意粉 $128🌟黑松露同大啡菇係絕配，永遠都無得輸，黑松露好香濃，每一條意粉同菇菌都沾滿黑松露😋🌟羊肉湯 $108🌟見天氣涼涼地，就點下羊肉湯暖暖身，原本都好怕會好濃羶味，但飲落一啲都唔羶，湯濃呈奶白色，有少少胡椒味，而羊肉肉質鮮嫩香味👍🏻+$30就可以升級套餐包是日例湯同飲品😍🌟士多啤梨奶奶🌟同事話飲落口感滑溜，唔會太甜，如果味道濃一點就梗加好了😆🌟鮮奶咖啡🌟我就揀咗Latte，份量都幾大杯，好濃密滑溜既奶泡，要飲多幾啖先飲到咖啡味😂

今日午餐去左上環永樂街既November+食。呢一間樓上小餐館令人感覺舒服，裝修以淺色木為主，餐廳放滿小盆栽。適合係繁忙工作中黎take a break。午餐餐牌有10款主菜，可加$30升級套餐，包是日例湯/沙律/法包同飲品9選1。亦可加$30要是日蛋糕，仲有其他甜品。是日例湯（跟餐）是日例湯係梛菜花湯，梛菜花味都好出，飲落帶少少黑椒嘅辣。黑松露大啡菇忌廉意粉 $128 另加一一上枱就聞到好香黑松露味。黑松露大啡菇忌廉意粉熱辣辣上枱，大大隻大啡菇喺面，食落多汁啖啖肉。下底好多雜菇片，蔬菜量豐富。扁意粉整得好有咬口，食落有少少黑椒味，個忌廉汁又香又滑，而汁又夠多，可以用黎點包食。是日健康精選 $108 另加一是日健康精選有雞胸肉一切六片，面頭灑上香草同白芝麻粒，少少炙過所以味道又香又夠鹹，好瘦但係唔鞋，正！仲有一隻糖心蛋一開二。伴有炒雜菇同沙律。沙律係新鮮沙律雜菜加車厘茄同藜麥，仲有甜甜嘅香橙肉，簡單加上香甜黑醋調味。最後仲有一大片竹炭蒜茸包，烤得又脆又香，蒜蓉味足夠。伴有兩片檸檬等你自己調味。飲品9選1，選擇都幾多。士多啤梨奶奶（跟餐）我哋不約而同揀左士多啤梨奶奶。士多啤梨奶奶大大杯，

中上環基乎係香港最繁忙的地方，但想不到在這地方可以找到一間城市中綠洲。 November+位於上環永樂街上樓Cafe. 入到去感到店主好有心思，店內種了不少綠色植物，感覺好大自然好清新，好舒服😍😍店員服務好好，好有禮貌地介紹她們店的 signature給我們……😋湯： 西蘭花忌廉湯西蘭花味好出，帶有少許香料香味，湯足料，湯濃稠，口感滑，有飽肚感！麻辣卡邦尼：真係好特別，西式卡邦尼加了中式蔴辣香料，味道真係非常之夾，加上煙肉和日本蛋，真係好好食，蔴香剛剛好，不會搶走忌廉香味，扁意粉煙韌度剛剛好👍😋餐廳每日都有Daily Special， 蒜香青口忌廉意粉。青口來自鈕西蘭，新鮮，鮮甜！扁意粉煙韌度剛剛好，忌廉香濃！！😋😋飲品：士多啤梨奶奶： 採用新鮮士多啤梨加入鮮奶和士多啤梨打成，完全沒有加糖，再加入少許士多啤梨乾，好正😋😋鹹柑橘龍眼蜜： 鹹鹹酸酸，帶有清香蜜糖味， 味道清新可口生津止渴👍👍

嚟到年尾，梗係要搵番個老友食下飯，傾下偈回顧下呢一年既事啦。 我同佢都係上環番工，想搵間食得又傾到偈既cafe，就去左一間叫November既cafe。我地叫左兩個lunch set，都要左個香草忌廉湯。而主食就要左羊肉湯飯同埋慢煮雞胸香蒜意粉。飲品就叫左杯鮮奶咖啡同埋鹹柑桔龍眼蜜。個湯好creamy，口感幼滑，又夠熱，飲落去超暖胃而且仲有淡淡既清幽香草味。羊肉湯超足料，啱晒鍾意食羊肉嘅我，用黎送飯就perfect match。羊肉食落去好鮮嫩有質感，味道仲唔錯添！最重要飲埋啲羊肉湯好暖胃同暖身。至於意粉，勁有蒜香，好惹味，雞胸又啖啖肉，如果分量再大啲就好啦。Latte，簡簡單單，味道都幾好飲。鹹柑桔龍眼蜜非常潤喉，甜甜咸咸咁，味道層次豐富。

呢間餐廳位於上環一棟隱蔽世瑛大廈13樓,朋友帶我黎左一個清新小花園,入面好靚好有家既感覺,同埋佢入面有好多盤栽,小擺設咁,環境好舒服,食物方面佢有LUNCH SET之外每日都有D特別既餐單,可以問職員是日精選係D咩,呢度既食物比較健康,我地叫左個全日早餐,入面有好溫泉蛋,大蕃茄,大啡菇,德國香腸,煙肉同埋橙肉沙律,另外叫左一個原條鰻魚飯有鰻魚之餘D飯仲用左蟲草花,冬菇同埋雞脾菇煮成,叫左一杯姜汁撞奶茶,同埋叫左杯凍既LATTE。

之前見朋友介紹過上環呢間樓上 Café「November+」，據說係沙田京瑞廣場嗰間人氣台式飲品店嘅第三間分店，趁今日嚟開呢頭，專登過嚟食個 lunch。餐廳裝潢很養眼，由牆身以至窗台嘅每一個角落，都放滿了綠色植物和小盆栽，風格清新，加上店內景觀開揚，坐擁無敵大海景，真係令人心矌神怡。我哋每人點左一個午餐，是日健康精選  同 羊肉湯飯，每客套餐都會包是日例湯、沙律或法包同飲品，+$30 更可以配是日蛋糕一件。今日嘅例湯係薯仔湯，湯身暖笠笠，入口濃稠清香，內有粒粒薯仔，用料十足。是日健康精選賣相很吸引，原來選料係會由廚師按當日嘅食材發辦，而呢日我哋就有慢煮雞胸肉、奄列、柚子沙律同烤蕃薯。雞胸肉好滑，一啲都唔嚡。奄列加入了車厘茄、洋蔥和羅勒等烹調，用料新鮮，加上廚師煮理高超，食落每一口都裹滿濃郁蛋香，十分美味。蕃薯嘅味道都唔錯，不但質地綿滑，而且入口甜感細緻。至於另一客羊肉湯，用料亦唔手軟，除左有大量羶香嘅羊肉外，仲有豆卜同娃娃菜。羊肉肉質酥軟，細嫩非常，豆卜索滿了羊肉湯嘅精華，啖啖滋味。跟餐飲品點左鮮奶咖啡 同 薑汁鮮奶茶，咖啡很滑，酸苦味平衡得好好。鮮奶茶嘅茶香亦恰到好處，入口香中帶辛

全日早餐🥣糖心蛋😍煙肉、大啡菇、蕃茄好似掌心咁大、腸🤩煙三文魚、明太子芝麻包好好味😋沙律菜非常之新鮮，食完大大滿足，超好味。麻辣卡邦尼意粉🍝食落真係感覺到個種麻嘅感覺，放落意粉上好特別，不過好夾好好味😋意粉煮得啱啱好，軟硬適中加埋隻蛋黃，超棒👍🏻薑汁撞奶🥛驚喜萬分，口感完全同平時食薑汁撞奶一樣，不過佢地係飲嘅，天氣凍凍地飲呢杯飲品超正。鮮奶咖啡☕️咖啡味好香濃，沖完層次分別一層奶一層咖啡，不過最終都係攪勻飲😂

去咗試中環呢間樓上cafe November 。一開𨋢門就見到餐廳，好有驚喜😍😍間餐廳嘅裝修設計好日式，食物就好西式。由全日早餐到百吉包，乜都有。我哋去嘅時候咁啱係下午茶時段，叫左兩個餐慢煮岩手縣南部雞胸沙律開頭見到個雞胸沙律，以為只係普通白烚雞肉，點知原來好好食，原來佢用火槍燒過啲調左味嘅雞胸，好香火灸味，而且口感好嫩滑好juicy，一啲都唔硬，同個沙律好配。煙肉白吉包個煙肉白汁包嘅賣相好討好，個包烤得好脆口，但一啲都唔會乾，好軟身，煙肉亦整得好香脆，唔肥！另外，飲品都好特色，除咗一般嘅咖啡之外，仲可以揀薑汁牛奶，我梗係試吓呢個薑汁牛奶，有香濃嘅玉桂味，牛奶味好香，好少飲到呢一個配搭，好有驚喜🥰🥰另外店員嘅服務態度好好，最開心就係可以食完之後仲喺店舖入邊影相打卡。有機會可以再去。

[ November+ ]之前有見過呢間手搖飲品店，原來佢哋都有開cafe，提供輕食。Tea set 包咗主食&飲品，都幾抵食。✿ 慢煮岩手縣南部雞雞胸沙律🥗 $98好滑既雞胸配沙律，健康之選。仲有隻半熟溫泉蛋🍳提供充足嘅蛋白質👍🏻✿ BLT三文治🥪 $98B for bacon L for lettuceT for tomato 香脆法包夾住紫洋蔥🧅、蛋黃醬、新鮮蕃茄🍅& 生菜🥬食落好香口又飽肚。✿ 薑母桂圓茶唔太甜，好香薑味，少少辣口😝✿ 薑汁撞奶奶泡打得好好 ，好棉，好夠薑👍🏿除咗以上兩款tea set，仲叫咗個Homemade Pastries試下😝✿ Carrot cake🥕🍰 $75蛋糕自家製，入口濕綿，加入肉桂，甘筍，杏仁，吃起來更有口感，而且也比較健康。總結🫦隱世cafe，地點方便好近地鐵站。適合中上環上班族食個Lunch或者Tea。仲可以食到小店甜品，健康得黎又好味😎✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿November+地址: 上環永樂街1-3號世瑛大廈13樓1301號舖 電話: 9182 5564✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿

窗台放滿植物，各式各樣的盆栽，讓人放輕鬆，感覺舒服！👉🏻椰子雞湯烏冬 $88椰子雞湯好鮮味，杞子、紅棗十分養生，沒有味精味！烏冬很彈牙嫰滑，娃娃菜同湯好夾！流心蛋令人驚喜萬分！雞肉冇骨，好鮮嫰！👉🏻椰果炭焙烏龍 (+$30)茶底香濃，無額外加糖，粒粒椰果微甜！👉🏻薑汁撞奶薑果岀，好香滑！👉🏻是日蛋糕carrot cake (+$30)店員介紹係 iloveb_bakery岀品的蛋糕，加左玉桂、豆蔻同埋薑粉，口感唔會好乾，好中意個cream cheese，好香滑！重點係用左稀有糖，低卡又有營養，食得健康！

今日黎左呢間位於上環永樂街既November+食返個下午茶。裝修以淺色木為主，餐廳放滿小盆栽，感覺好舒服。下午茶餐6選1，價錢由$75至$138不等，包飲品6選1。BLT三文治 $98BLT三文治都好大份。呢度用竹炭包，烤得好香脆，咬落去索索聲。竹炭包上面有生菜兩大片，番茄3片，仲加左紫洋蔥，上面就係香口煙肉幾片，加上沙律醬。伴有沙律菜，車厘茄同西柚，上面加上少量黑醋。呢個餐感覺健康。麻辣Carbonara呢個係午餐嘅Daily Special，麻辣+Carbonara真係好特別嘅fusion菜式。首先意粉係spaghetti，份量十足。味道方面，食落係邪惡蛋黃醬中帶適量麻辣味，麻辣味恰到好處，唔會太辣，好味！加上一隻蛋黃就更滑溜，醬汁豐富。配料有唔少煙肉片同紫洋蔥，面頭撒上香草。呢道意粉我都幾欣賞。椰果炭焙烏龍（跟餐）椰果炭焙烏龍可揀凍或者熱，我哋揀左凍。啡色茶水上面加左些少冰，下底就係粒粒椰果。茶水冇加糖，配甜甜哋嘅椰果就剛好，感覺健康。薑汁撞奶（跟餐）飲品幾特別吓，居然見到有薑汁撞奶。薑汁撞奶係熱。賣相唔馬虎，熱鮮奶加左適量薑汁，面頭用焦糖醬裝飾。飲落香滑少辣帶微微焦糖味。Car