November+

Open Now

Now Closed

嚟到年尾，梗係要搵番個老友食下飯，傾下偈回顧下呢一年既事啦。 我同佢都係上環番工，想搵間食得又傾到偈既cafe，就去左一間叫November既cafe。我地叫左兩個lunch set，都要左個香草忌廉湯。而主食就要左羊肉湯飯同埋慢煮雞胸香蒜意粉。飲品就叫左杯鮮奶咖啡同埋鹹柑桔龍眼蜜。個湯好creamy，口感幼滑，又夠熱，飲落去超暖胃而且仲有淡淡既清幽香草味。羊肉湯超足料，啱晒鍾意食羊肉嘅我，用黎送飯就perfect match。羊肉食落去好鮮嫩有質感，味道仲唔錯添！最重要飲埋啲羊肉湯好暖胃同暖身。至於意粉，勁有蒜香，好惹味，雞胸又啖啖肉，如果分量再大啲就好啦。Latte，簡簡單單，味道都幾好飲。鹹柑桔龍眼蜜非常潤喉，甜甜咸咸咁，味道層次豐富。