November+

Open Now

Now Closed

在中環工作，每到中午都需要進行沈重的思考，有時會走到上環，比較多餐廳。在openrice上看到此餐廳新開不久，便試試。.想不到在破舊的大廈內，居然找到如此懶洋洋的cafe，重點是lunch time也能有座！欣賞著海景，大量綠植圍繞，享受陽光☀️.帶子蘑菇🍄忌廉意粉$128，份量不錯，色香味十足，灰色的忌廉被蘑菇汁混和的很充分，帶子是中大size，口感滿滿的。.椰子🥥雞🐔湯飯$78，椰子湯清新，令我極度懷念深圳的椰子雞火鍋😭。味道剛剛好，有椰子🥥水的清新，雞塊也煮得挺滑。.飲料和沙拉🥗+$30，升級套餐價錢合理。飲料🥤點了士多啤梨🍓奶奶&姜母桂圓茶。奶奶很新鮮，姜母茶喝完後暖呼呼🔥.整體來說，我挺喜歡這店的裝潢和慢活氛圍。週末會再去的👍🏿.⭐️性價比：4/5星💰人均：$100港元

又係同同事去上環搵食既日子。環境好舒服，見到少少海，有少少陽光，好想係到坐一日😂。飲品食物都好正，絕對無令人失望☺️。我地叫左兩個Set Lunch，一份主菜加$30，就跟埋湯/沙律/包同特飲。價錢好抵，主要因為佢跟埋既特飲平時都要成30蚊杯，變相就好似好抵咁😆。E. 慢煮雞胸茄汁意粉 $98同事叫既，我偷食左片雞，真係哇左一聲出黎😍。從來無食過啲雞胸係咁嫩滑，好誇張，滑到好似唔肥既雞髀😂。醬汁唔太鹹，有埋幾舊鮮茄，清清地唔錯！意粉軟硬適中。成碟都好好食，絕對食得晒😙。F. 帶子蘑菇忌廉意粉 $128帶子好嫩，嫩到係岩岩煮熟，烹調時間控制得好好👍🏻。佢話就話係磨菇，其實係大啡菇先岩，粒菇既橫切面好似隻手指咁厚😂。忌廉好香好濃，不過有啲鹹，可能因為我食得淡味啦。我成碟食晒，可想而知有幾好食😍。特飲先精彩，一來好抵，二來真係好好飲，可能因為November其實賣開台式飲品，有返咁上下底子😂。士多啤梨奶奶 - Smoothie上面仲有啲士多啤梨乾，加晒分（影相靚😂）。賣相吸引就緊架啦，飲落都咁好飲🍓。好重 真 士多啤梨味，一定有用鮮士多啤梨，清清地，唔係糖水味😚。黑糖珍珠鮮奶 - 黑糖珍珠好食

朋友從外國回來，完成了隔離。相隔一年沒有見面，到他公司附近，一齊來吃一個輕鬆的午餐 。十二點半到達，人流很旺。畢竟是中上環寫字樓區。午市套餐好抵食，$68 起是日意粉 $98，加$30升級套餐，配蒜蓉包及精選飲品。精選飲品選擇很多： 薑汁撞奶、薑母桂圓茶、黑糖珍珠鮮奶、熱情果茶、士多啤梨奶。椰子雞湯烏冬 $78 非常推薦👍👍👍椰子雞湯很好飲清甜，完全冇味精，配上幼身烏冬好夾。小食墨西哥粟米片配牛油果醬$55 粟米片上放上芝士，放入焗爐輕輕一焗，牛油果醬加入洋蔥粒蕃茄粒，很有口感。跟餐薑汁撞奶，飲完個身好暖，薑汁好香。黑糖珍珠鮮奶，甜度剛剛好。一邊聊天一邊看著外面寬闊的景色，還有少少海景很舒服。

健康主打 柔美系cafe~~~最近食得有少少heavy，12月聚會多咗，飲酒都多咗。星期六放假個人想食得清淡啲。～～～當然自己喺屋企煮就一定最健康，但係難得放假真係唔想自己煮，所以就嚟咗呢一間朋友推介嘅cafe，佢哋主打健康嘅西餐，食物以冇味精冇防腐劑無添加為主打。～～～主食：🍝慢煮雞胸茄汁意粉帶子忌廉意粉～～～我哋揀選左呢兩款意粉，雞胸非常嫩口，顏色也是粉粉的，看着非常健康，份量也非常多。～～～而另外一個主菜本來想叫原條蒲燒鰻魚炊飯，點知剛好當日售罄，所以就叫咗帶子忌廉意粉，好在帶子忌廉意粉味道也唔輸蝕，帶子新鮮嫩口，意粉裏面加入左大啡菇，整體濕潤，味道調味到位，不錯。🍽～～～主食加$30可以升級做套餐，包咗有雜菜湯：沙律/是日餐包同埋精選飲品，不得不說大家一定要試佢哋嘅是日餐包，香脆非常嘅蒜蓉包，令人一試難忘。🍞～～～雜菜湯就好足料，啖啖都係雜菜，好似屋企人煲比我嘅冇味精湯咁。最後佢哋嘅飲品亦都值得一試，士多啤梨茶裏面有粒粒士多啤梨果肉🍓，而烏龍茶裏面則有我最愛嘅燒仙草，睇得出餐廳用心調配。～～～November+ (上環)上環永樂街1-3號世瑛大廈13樓1301號舖

與朋友行完山頂⛰️，佢帶我嚟呢間樓上小店，由兩位熱愛烹飪的女仔開設的，餐廳裝飾以白色為主，配以綠色盆栽🪴，微暖的冬日陽光投進餐廳，感覺清新溫暖。我點🥥椰子雞湯烏冬，飲🍓士多啤梨奶奶椰子雞湯帶點藥膳風味，湯底清甜，仲有杞子、紅棗配以彈牙嘅烏冬，食完暖心又暖胃。士多啤梨🍓奶奶，用新鮮士多啤梨及鮮奶打成，果味濃郁，我好鍾意。朋友就點咗🍝帶子蘑菇忌廉意粉，飲薑汁撞奶面層以幾隻煎得香口嘅帶子及火箭菜🌿點綴，賣相唔錯；扁麵粉掛滿忌廉汁，濃厚香滑，麵質口感彈性帶點煙韌，用心之作。增加杯飲得嘅薑汁撞奶，酸奶打得香滑，帶着淡淡的薑味，好啱而家秋冬嘅季節飲。 🍰Walnut Brownie最後我哋加咗個甜品，店主自家製，微溫的朱古力布朗蛋糕，唔係好甜，朱古力味濃，配以合桃，味道好夾。😋

週末放假的關係，約母上大人到上環體驗晚會的感覺。唔想喺熙來攘往嘅大街同人迫，就選擇小巷內商廈頂樓嘅Cafe。由於母上大人11月生日，我就選擇左一間叫November嘅Cafe應節嘿嘿😁上環無限極廣場出口搭lift上嚟，直接過對面馬路往左手邊方向行，就見到永樂街小巷。睇落鋪仔細細，但裝修一啲都唔馬虎。Cafe內放滿綠植，喺呢片綠油油嘅地方進餐，真係特別心曠神怡。不得不提，喺上環商業大廈林立嘅地段能夠靜靜地從高處往下望，別有一番滋味。先講講食物質素，帶子蘑菇忌廉意粉$128價錢尚可接受，一上枱菇味濃郁撲鼻，媽咪都大讚正啊！用料豐富，帶子好大粒😱性價比不錯吧。至於我就想食清淡啲，店員推介椰子雞湯烏冬配日本慢煮蛋$78。果然冇介紹錯，全冇味精嘅椰子雞湯非常鮮甜，唔使至20分鐘就連湯底面全部食晒入肚啦！☺️飲品方面都好令人期待🥰左邊係桂圓薑母茶（適合女士們冬天進補），而右邊係熱情Orange（適合鍾意酸酸甜甜嘅朋友）飲品非常熱辣辣！💪🏼Cafe內其中一邊牆壁就有層次分明嘅盆栽，呢幅牆真係點打卡都靚😁餐牌選擇唔算非常多，但就樣樣都行精緻路線，簡簡單單喺上環慢活食一餐，其實已經係呢件賞心樂事。😊

同2位朋友一齊去上環一間清新文青西餐廳食lunch +慶祝生日～～我地叫左lunch set 3個主食～ 其中2個加左$30要飲品餐包同湯各一主食分別係慢煮雞胸茄汁意粉，椰子雞湯飯同埋是日意粉！是日意粉係三文魚忌廉意粉😬先講講蒜蓉餐包烤得好香口，雜菜湯樣子同味道健康椰子雞湯飯實在係其貌不揚～ 完全估唔到佢個椰子雞湯係咁好飲！有淡淡既椰香配上甜甜既湯，雞肉都好滑，湯飯還有金針同娃娃菜 健康！慢煮雞胸茄汁意粉既雞胸好香滑～ 可能係慢煮嘅關係，唔會變老，茄汁意粉都唔錯！三文魚忌廉意粉真心好好味～ 香滑既忌廉配上滑滑既三文魚桂圓飲品同拿鐵都好好味！+$30既朱古力香蕉蛋糕真係好好味，好香香蕉味，鬆軟香滑！餐廳職員友善服務細心，仲有海景可以望～ 性價比高的cafe

<上環樓上Cafe>💕位於上環世瑛大廈這間Cafe於13/F 頂樓, 有點日系feel, 而且有一邊位置仲望到少少海景, 感覺清新舒服光猛😎Order左份<慢煮紐西蘭牛柳> ($168), 配上薯粒, 蒜蓉包及西蘭花. 份量大, 食到勁飽. 另外亦order左<帶子蘑菇忌廉意粉> ($138), 有約6大粒帶子, 配上蘑菇意粉味道很夾.天氣凍亦order了杯<薑汁撞奶>😎 好有薑味好飲.🥞餐廳: November+🍙地址: 上環永樂街1-3號世瑛大廈13樓1301室

今日去咗上環新開嘅cafe #November+ 食午餐，因為之前幫襯過佢地飲品店都唔錯！😍 午餐嘅款式都幾多 + $30 有湯/沙律/餐包及精選飲品！椰子雞湯烏冬配慢煮日本蛋椰子雞湯是精髓，淡淡的椰子味，配雞湯很暖身，很適合這個天氣👍🏻  值得一讚的是烏冬煙煙靭靭，而且雞肉也非常大件！全日早餐非常豐富大份！ 有香腸，煙肉，香脆蒜蓉牛油麵包，牛油大啡菇好juicy！ 煙三文魚幾新鮮！雲朵蛋整得好靚，流心蛋黃，用了慢煮日本蛋 😍！沙律菜配菜都很爽脆!😋 薑汁撞奶口感香醇， 薑味很濃又暖身！😊 金磚炭焙烏龍有啫喱好特別，烏龍茶夠濃郁！👍🏻

今天朋友之約去November＋餐廳午餐。開設在上環永樂街樓上西餐廳。餐廳佈置以白色為主，配有綠色的植物，給人以舒適、閑靜的感覺。全日早餐有蔬菜色拉、大咖菇、蒜蓉包、三文魚、雞蛋，番茄、德國腸、培根品種非常豐富，色香味俱全。鰻魚飯，整條蒲燒鰻魚口感軟腍，炊飯含有鮮冬菇、蟲草花、栗子真材實料。餐後飲品更是讓我驚艷，士多啤梨奶奶口感豐滿。黑糖珍珠鮮奶，珍珠處理的非常好，令人回味。餐廳服務熱情，外賣自取還有八次優惠，是不錯的好選擇哦。以後還會光顧。

話說要清緊Office啲雜物，當然要將寄存喺我到嘅嘢物歸原主，我都算唔話得，拎到去上環俾我朋友，順手屈佢請我食飯🤗呢間餐廳係新開嘅分店，佢哋本身係喺石門做飲品店。餐廳嘅裝修找小清新路線，木系嘅感覺加上今日陽光普照非常舒服，仲可以透過窗口望到海景。📌GRIILED EEL RICE原條蒲燒鰻魚炊飯 有雜菌、蟲草花同埋栗子嘅炊飯非常好食😋好有秋冬嘅感覺。配搭原條鰻魚，鰻魚厚身彈牙啖啖肉，用鰻魚醬汁撈埋啲炊飯度，就更加惹味。📌NEW ZEALAND FILET 紐西蘭牛柳 西蘭花薯仔同埋番茄仔，感覺非常之Fresh，牛柳非常之Juicy，切開仲係粉嫩嘅粉紅色。配埋香濃嘅蘑菇醬非常夾。加$30可以轉成套餐，餐包/ 沙律/ 餐湯三選一，然後再配一杯精選飲品。如果想飲嘅飲品唔係精選飲品個list度，補差價就可以飲你想飲嘅嘢。🧋鮮奶咖啡RAW SUGAR CAFFE LATTE因為做開手調飲品，佢哋嘅飲品都非常出色。Latte 香滑又朝濃濃咖啡香。☕️珍珠薑汁鮮奶茶GINGER FRESH MILK TEA WITH BUBBLE淡淡嘅鮮薑汁配上濃滑奶茶同彈牙珍珠。味道唔會太甜，另外佢仲有提供赤藻糖醇

帶子蘑菇忌廉意粉 128椰子雞湯烏冬 78+$30 set- 特選飲品: 士多啤梨鮮茶/ 士多啤梨奶奶- 蒜蓉酸種包是日甜品: 朱古力布朗尼.呢間茶飲店自從開業起，已經係石門飲過好多次，最近係上環開樓上cafe分店 November+，環境好cozy仲見到海景！除咗石門店有嘅鮮果茶飲之外，呢度仲有主食同甜品添！.帶子蘑菇忌廉意粉嘅蘑菇忌廉汁係自家製，好有野菌嘅香味，仲食到粒粒蘑菇，忌廉汁都唔會好膩，意粉口感煙韌。而椰子雞湯烏冬都好有住家嘅味道，椰子雞湯真材實料而製，飲落好甜！Set仲包括餐包同餐飲，個蒜蓉包好有驚喜，sourdough外脆內韌好有咬口，蒜蓉好香。而飲品更加唔使講，特別係士多啤梨奶奶，好fresh好natural，不嬲都係我嘅至愛。最後仲有有好多腰果嘅chocolate brownie作結😆 大滿足~超飽！.總括黎講，地點方便，食物質素唔錯，坐得舒適，同朋友黎傾下計食個chill chill lunch唔錯呢😎

November + 上環樓上cafe All day breakfast 全日早餐 $138材料豐富，包括有雲朵蛋、香腸、煙肉、煙三文魚、牛油大啡菇、沙律菜、蕃茄、蒜蓉時蘿牛油法包！椰子雞湯烏冬 $78除咗烏冬，亦可選擇飯！清甜嘅椰子雞湯，配上流心慢煮日本蛋及烏冬，唔錯！士多啤梨奶奶 $55用上新鮮士多啤及鮮奶製成嘅smoothie ，口感綿密香滑，味道酸酸甜甜，清新開胃！黑糖珍珠鮮奶 $45甜美嘅黑糖，香醇嘅鮮奶，再配上珍珠，好邪惡！

好耐之前去石門有飲過佢地既茶飲，有follow佢地社交平台得知佢地會係上要開Cafe店！即刻衝去😬選址上環一幢不少美食臨立既大廈，頂層13樓景觀算是頗開揚仲有海景。Menu 食物由$68到$168都有，加$30有餐湯/沙律同精選飲品，或加$30 有是日甜品，好flexible。$138 All day breakfast 有齊香腸煙肉、smoked salmon，雲朵蛋好特別係蛋香製成既白雲，勁靚！加埋沙律、garlic bread、大蕃茄岩岩好。飲品因為想健康啲叫左金磚炭焙烏龍，金磚原來係自家製既茶啫喱，勁濃，食落啜住好有口感！下次好想試下佢既bagel呀—————————————————November+ (上環)上環永樂街1-3號世瑛大廈13樓1301號舖—————————————————⠀⠀⠀⠀⠀⠀⠀⠀⠀#hkfoodie #hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #lunch

拾壹月Chill在NovemberCafe椰子雞湯飯 配 薑汁撞奶清新溫暖的椰子雞湯飯適合口味清淡的人,無骨雞件就方便容易食用。溫熱的薑汁在明治牛奶中,為今天的下午茶帶上不少幸福。帶子蘑菇忌廉意粉 配 奇異果士多啤梨汁火箭菜在碟面,豐厚的忌廉汁和新鮮的帶子與蘑菇為配料,加上一杯甜酸(酸為主)的奇異果士多啤梨汁,喜歡西式的人應該覺得幾好味。綠化的環境,探望遠處的藍天白雲,在週末好好休息,活一個寫意寧靜的人生。November上環永樂街1-3號世瑛大廈13樓1301號鋪#November #拾壹月 #Chill #上環 #永樂街 #cafe #帶子 #蘑菇 #忌廉 #意粉 #椰子雞湯 #士多啤梨 #奇異果 #薑汁撞奶 #teatime #下午茶 #香港 #Hongkong #relaxing #kumamon #熊本熊 #傻鴨 #三傻 #villagekumamon