Nunu燒 (Closed)

是日和朋友到中環大館參觀；參觀後近近地在蘭桂芳晚餐和飲兩杯。*半條鰻魚飯（$120）半條原來以為不太多，原來都有三串；鰻魚肉爽口結實，甜甜的燒汁很開胃；如果有更多汁撈飯就更好了。*厚切牛舌（$108）厚切牛舌很爽口彈牙，就算稍為攤涼了都不會太UN；燒得剛剛好，外皮帶少少脆。*牛油果炸蝦卷（$88）牛油果很幼滑，炸蝦帶微暖，但仍然很乾身脆口。*吞拿魚腩蓉壽司（$48）吞拿魚腩很幼滑；紫菜新鮮包上，很脆口。*冷蕎麥麵 （$98）冷蕎麥麵煮得爽口，過冷河很彈牙。*喜之次一夜干（$148）一夜干即是醃了一晚的意思；燒魚很香，肉質尚算嫩，骨比較多，味道偏咸。

無黎一排原來已經搬左舖新舖寬落左好多而且食物種類都多左好多▪︎蒲燒鰻魚飯(半條)▪︎ 一上枱就聞到好香嘅燒鰻魚味鰻魚有三串，每串有兩件而且都算幾厚身幾肥美鰻魚燒得剛好，肉質軟腍醬汁味道不過濃帶微甜而且醬汁唔夠仲可以自己加咁就唔怕個飯唔夠味啦仲有得加配topping同埋小食我地就加配左牛肉，份量不少而小食就加左香芋丸子外脆內軟，炸得乾身唔油膩▪︎炸軟殼蟹卷▪︎面頭有脆卜卜嘅蟹籽裡面嘅軟殼蟹唔會炸到好乾亦都唔會淋滋滋咁旁邊仲有辣辣地嘅醬汁▪︎玉子燒▪︎玉子燒都幾軟熟仲有蛋香同蔥香無平時個啲咁甜

中環搵食其實好容易，但大多數都是名店，價錢一點也不親民。特別是中環的日式餐廳，食好一點的入門價也要成千蚊。成日係中環搵食，又想吃貼地一點的日本菜，最近就多了一個選擇。中環和安里的Nunu燒價錢親民，一個大碗牛肉飯也不用一百蚊。餐廳上的款式多，壽司刺身，炸物燒物等等都有。想吃豪一點的Omakase，$688就有，相信中環應該無咩對手。溫泉蛋牛肉蔥飯 $85大碗飯非常抵食，溫泉蛋配上大量牛肉和蔥花鋪面，非常豐富，以蔥花的香味加上溫泉蛋的香滑口感豐富牛肉飯的整體感覺。而且這個份量兩個人share食也不過份。軟殼蟹卷 $98粒粒蟹籽撞上炸軟殼蟹口感豐富，再特意用上酸酸辣辣的醬汁刺激味蕾。蟹棒手卷 $18香脆紫菜包住大大條蟹棒手卷。油甘魚鮫 $98就咁睇唔算大件多肉，但一直吃都吃不完。油甘魚鮫外脆內軟，魚肉香嫩，配上醬汁酸醒開胃。火炙左口魚邊壽司 $48火炙香加上魚油香非常吸引，然後左口魚邊在口中立即溶化。

睇戲之前到附近食午餐，走到和安里見到呢間丼飯、lunch set選擇幾多～就試試吧！坐低先scan QR code 然後數碼點餐，點了一客黑松露燒鰻魚飯，可以remark多飯少飯多汁少汁。加左$25轉套餐有味增湯、前菜、沙律、甜品。 前菜有胡麻豆腐，味增湯用左三文魚、鰹魚片去煮，魚味濃好好飲。鰻魚飯送黎既時候陣陣好香既黑松露味，黑松露都唔少添～鰻魚肥美肉厚，一串串燒均勻的沾上醬汁，加埋黑松露醬嘅菇菌層次芳香另一份點左北海道小川海膽刺身定食，由於係定食所以唔使另外加錢轉套餐。睇Menu嘅時候見到呢個定食係用刺身船盛載，點知真係用刺身船上檯㗎！食lunch都有刺身船未食先興奮，當然先影相打咭～ 刺身有金目鯛、鯛魚、赤身、帆立貝等都係新鮮厚切～海膽仲配上幾片紫菜，頗細心！牡丹蝦蝦肉甜美爽彈；金目鯛油分甘香；赤身唔係死實實既質感，魚味濃帶咬口。定食跟飯，店員都會問夠唔夠飯，可以添加的～最後送上雪糕糯米糍作甜品。

近住蘭桂芳既安和里呢條街。全部都係食肆，我就轉個灣望吓有乜好嘢食，見前有間日本料理，鍾意食日本菜的我，當然又唔會放過😀係門口望吓餐牌，價錢唔貴。望落環境唔錯，座位亦舒適呢度落羊係用自己電話掃個code。食乜都係自己電話操作，一目了然🍣🍜🥗🦴🍱先來一杯梅酒，冰冰凍凍，配刺身壽司🍣一流⋯⋯拖羅——我至愛吃的刺身，入口即溶又鮮甜的拖羅⋯⋯來一個自選壽司🍣價錢抵食又好食希霊魚爽脆，我最鍾意呢種口感、蚧棒，大大件，成隻赤目既壽司🍣😋，蚧籽多到滿瀉😍蛋壽司🍣大件夾抵食😋整個雞🐔皮串——脆卜卜，香口又惹味，送洒一流⋯⋯再燒個三文魚較——師傅燒得時間操作得相當好，皮脆內嫩熱辣辣，魚外皮香脆金黃，🐟肉滑溜無比環境舒適寕靜，服務週到👍👏👍✌️

難得過香港島 想吃一下日本菜在小店林立充滿異國風情的中環找到了NUNU燒距離中環港鐵站不遠甫坐下 店員為我們遞上QR Code點餐非常智能化👍🏻👍🏻可以同時兩人點餐 之餘有食物圖片 亦有銀碼總和 實在方便！食物選擇眾多有刺生壽司串燒炸物卷物燒物丼飯烏冬等等整頓飯吃下去非常滿意！😃半條鰻魚飯 （$120）必吃！質素好 鰻魚無骨 厚肉 共有三大片真心話比外面餐廳的原條鰻魚還要多厚切牛舌（$108）牛舌必須厚切才好吃是常識吧！牛舌爽口 調味剛好 店家細心切成一口份量 讚👍🏻喜之次一夜干（$148）即點即燒的一夜干 咸度適中沒有過頭而且火喉控制很好充分保留魚油及肉汁 冷蕎麥麵（$98）蕎麥麵汁屬甜的加上蘿蔔泥麵的本體有咬勁 沒有煮過頭簡單美味😆

最近，有朋友告知，早前食過中環和安里的日式居酒屋 <Nunu 燒>！在同一條街，由細舖搬大舖！搬新舖後，以木色系和風裝潢，除了地方大得多之餘，也變得寬敞舒適！ 另設有私隱度較高的廂房！桌上調味料及餐具齊備！美食更加多元化！ 好讓食客大飽口福！增設：廚師發辦 & 特色壽司由於，我不能食刺身，點特色壽司及其他熟食最穩陣，好姊妹則點了一份廚師發辦！食客可以用上店員給予的 QR Code，直接用自己手機落單，與時並進，方便快捷！如果，點的食物售罄，店員亦會走過來告知！廚師發辦 $688包括：先付 (前菜)、刺身六點、壽司六貫、季節湯及甜品...等！先付 (前菜) 淮山漬 醃酸的淮山，口味清酸又口感清爽，令人胃口大開！ 冰頭漬 這是在三文魚的鼻軟骨，位置刁鑽！ 雖然淡味，勝在有嚼勁！麥粒味噌青瓜 濃味帶甜的醬汁，看似薏米的麥粒及面豉，要跟淡口的青瓜同食，可中和口味！刺身六點 1) 金目鯛魚、青羽大薄切、牡丹蝦金目鯛魚色澤鮮明，魚肉厚身，食出啖啖鮮味！青羽薄切晶瑩，口感鮮爽！店員提醒我們，要留低牡丹蝦頭，用來熬湯！刺身六點 2) 日本生蠔、大拖羅、帆立貝日本生蠔好大隻又鮮美，而且有

星期六中午在中環，大概只得一個原因，就是開會見客，唯有在中午時候，吃點好的慰藉心靈。散會後極度隨同事來到和安里「Nunu燒」開餐。以QR code自行落單，圖文並茂，非常方便。網燒牛扒定食星期六精選選擇挺多，價錢亦非常合理，我點了網燒牛扒定食，隨定食附送麵豉湯、沙律及前菜。牛扒口感淋滑，入口帶有濃濃炒蒜香味，牛肉帶有點點脂肪，所以味道超甘香，脂香十足，細嚼時更有濃厚牛肉香。三文魚親子丼賣相不鏌，三文魚肥美甘香，非常新鮮，而三文魚籽帶有點點鹹鮮味，與三文魚一同享用，有提鮮作用，不過。牛油果炸蝦卷炸蝦炸至金黃色，口感酥脆，而牛油果的出現，令平淡的白飯多加一點油潤感，加上蟹籽則令整個飯卷的層次感大增。熱薑蜜及可樂餐飲點了熱薑蜜，薑蜜的味道不錯，入口不會有辛辣感覺，相反，喝後整個人都感到暖暖的，非常滋潤。

Came here during the weekend for dinner 🍽, this place has been on my bucket to eat list for a while, as I have heard a lot of good comment about their skewers and cheesy rice bowl with fatty eel. Luckily, we do not have to wait to grab seats. We ordered a few dishes to shared between the two of us. added an extra snack which was fried oyster and also tuna hand roll. Both were fresh and hot, cooked at the the moment. Quality of the food here is surprisingly very high! tuna roll had a lot of tuna

位於中環和安里的「Nunu燒」，主打日式蒲燒鰻魚，最近小店轉大店，餐廳環境及位置更寬敞，好舒適！店舖採用自助下單功能，掃描QR code即可自助選擇心水食品，丼飯更可以選擇醬汁及飯的份量，非常方便快捷且貼心龍蝦沙律小龍蝦肉加入適量沙律醬及芥末，帶有微微的芥末辣香，味道特別雙重芝士火山咖喱牛肉飯呢個丼飯賣相好吸引又震撼呢！面上佈滿火炙燒香的半溶芝士，好拉絲，芝味十足！半肥瘦的肥牛片入口香軟，牛肉味都幾濃郁～日本珍珠米飯比較軟身，吸收左咖喱汁嘅香味，好食到吃不停呢玉子壽司自家製玉子蛋加入左香菇，滿有蛋香，口味獨特。壽司飯唔會太大舊，大小適中剛剛好三文魚壽司厚切又大片的三文魚頗肥美油潤，入口魚油豐盛，帶有魚鮮味，高質素牛油果炸蝦卷長長的炸蝦卷好吸引呢！紫菜飯卷包着金黃香脆的天婦羅炸蝦🍤面上鋪左滿滿的新鮮牛油果🥑好足料！卷物入口creamy中帶香口，完美配搭，好好食呢熱薑蜜熱騰騰的薑蜜甜度適中，帶有微微薑辛味，感覺好滋潤溫暖，秋冬必點飲品日本芝士蛋糕最後又點少得甜品呢！芝士蛋糕質感柔軟幼滑，入口即溶，滿滿的芝士味及牛奶香，唔會太甜，好好食

LKF happy hour之去食nunu先，今日休息訓到下午。早午餐都無食，1800多就食晚飯。快手join happy hour。火灸左口魚邊2貫 $48長長左口魚好吸引，火灸左個有香味引人。油脂含量多，所以前後都食薑再食其他野。日本wasabi新鮮粉嫩磨嚟咁。丼+$25包味噌湯暖暖胃，「餓」左一日咁，多蔥。前菜 - 醬浸茄子凍上好多木風，軟口茄子。比想像中唔咸，幾好！沙律芝麻醬係日式沙律必見咁濟，沙律菜幾新鮮夠爽口。甜品帶子魚生丼 $128帶子、三文魚、蟹籽、希靈魚、油甘魚樣樣都大件。希靈魚係史無前例最大既見過，卜卜脆。帶子好鮮甜呀！三文魚好厚切。雜錦魚生丼 $173除咗帶子、三文魚、三文魚籽、希靈魚同油甘魚外，多左火灸三文魚腩野味d。三文魚籽混紫菜飯一流，大大粒魚油精華多。痴哂去飯、白芝麻同紫菜到，呵呵。

隨機試過幾間和安里的餐廳 發現和安里的餐廳性價比都高 同朋友輕鬆食飯傾下計一流 今次放工walkin NuNu燒男朋友最愛食鰻魚飯 大讚鰻魚燒得又香又脆 好食溫泉蛋豚肉飯 有驚喜！豚肉煮得剛剛好 配上適當分量醬汁 好食！

中環和安里Nunu燒原來轉左位置，咁耐無黎就決定今晚黎食個一人晚餐。呢度晚餐有定食選擇，由前菜到甜品齊曬。我就揀左呢個七款海膽刺身定食（$258），七款分別係三文魚腩、油甘魚、帶子、赤身、甜蝦、希靈魚，最重要就係海膽，好鮮甜！好耐無食希靈魚，依然係我好鍾意爽脆既口感。呢個刺身拼盤擺得好靚，打卡一流。跟既飯係日本細飯碗，不過食咁多厚切既魚都已經好飽。甜品係闕餅，係雪櫃出黎，攤凍少少就食得，依然軟糯。呢度搬大舖之後位置多左，所以今晚都有人包場開party。

兩個女生去晚餐，當然選擇低卡又好味的日本菜啦～芝麻八爪魚🐙50開胃的前菜，味道濃縮，質地有咬口，芝麻好香，惹味哎⋯⋯蒜味螺肉50螺肉口感軟而保留到一點嚼勁，點到即止的蒜味亦不錯。蟹籽壽司兩件25蟹籽卜卜應聲而响的在咀巴內引爆，就連紫菜亦超爽口呢！火炙左口魚邊兩件48超滿足的魚油溶化在口腔，美味必點。半條鰻魚飯120鰻魚熱辣辣卻不乾，爆魚油，汁料滋味並不過咸，厚度不欺場，肥美的肉質配米飯很撘，而且半條的份量已比一般大，令人超滿足。加35廣島吉列蠔賣相要好，炸粉薄脆，蠔味濃厚，沾上旦黃醬吃超美味。加25轉set味噌湯熱騰暖胃，加入豆腐木魚海帶蔥花，味道對版。前菜的秋葵十分粗壯，加了木魚絲很可愛爽口。胡麻沙律🥗菜新鮮，蕃茄夠多汁。甜品綠茶味不太濃🍵冰凍清涼，甜甜的。食後感：餐廳間隔不錯，坐得舒適，出品質素高過預期，會想再來唷！

12月17日上午11時，向呢間店舖訂位12點30分5個人。 我地12點31分到達。 門口職員話我們遲咗一分鐘所以將張枱畀其他人， 我明白我哋最遲咗一分鐘， 所以可能會冇咗張枱。 但我最嬲嘅，係有個女職員好串咁同我講， “唔好意思訂咗枱都唔係一定有位畀到你”。 我再三確定呢句說話係咪真？佢話係， 咁冇辦法，我唯有幫佢宣傳一下“book咗枱都唔肯定有位”呢個做生意嘅宗旨。 本人發誓上述內容絕對100%真實並無誇大成分。咁我訂枱嚟做乜？ 唔想做生意嘅就出聲。