大久保日本料理 (Closed)

復活節過, 食物有某些都幾好食, 如冷麵, 壽司; 不過拉麵就要改善, 味道唔突出!不過服務態度幾好!

我去過兩次呢家~~兩次都係食LUNCH~~都有10幾人, 所以可以自己有一間房~~咁平, 又有房, 真係唔錯~D 食物一D D LA~有D 真係唔夠熱~好似放左好耐咁~~有D都幾好食~不過D WAITER/WAITRESS 既態度真係麻麻~~但係個經理就幾好~~至於食單果個問題~~其實間間平價BURFFET都係咁GA LA~~佢\俾得少你, 你咪塞多D單去LAW~~再唔係咪問多幾次經理LAW~ 我覺得都可以接受既..以咁平既價錢唔通俾到五星級服務你咩?

因某雜誌廣告吹虛並送九折券，所以3月20日中午12時我約同家人一行十多人幫襯油麻地大久保日本菜餐廳任點任食寿司，不但食物難食杯茶仲有隻昆蟲，我為免掃大家興所以要求另杯便算數。點知所有落的單好像給人減了一半份量你要10件便給你6件，之後再落的單更是時有時無。到了1:30 副經理便來說這是你們最後一次落單了，我們向他投訴之前所落的拉面單、寿司還未有送來所以肚還空著，他便對我們說之前的不要管了，你們現在再給我新單我會親自跟進。我們便唯有再落兩碟寿司交給來吹埋單的經理，誰不知經理一看便很不高興地說一共72件你們吃不下的，我們便也立即投訴跟本我們是在等多過食連我們8歲的小孩也未飽。經理無奈地把單收下，等了一會拿上來的兩碟寿司總共也只有42件十多人一人三件也不夠，當經理找錢回來時我們再跟他理論才再拿來兩豌拉面。食一餐任點任食寿司好像在街邊討飯吃一樣，各位還用親自嘗試嗎？我也有點後悔沒先來此網站看看呢！

去過一次，食物唔駛講，魚生壽司唔新鮮亦唔好食，熱食亦如是。最差係經常食單，要入幾次單先俾少少。其實食物都是其次，唔好食大不了唔再幫襯。但走單呢方面未免太差了，既然話得任食，而客人又俾得錢，這樣經營手法實在不要得。

之前去過幾次食宵夜,係因為有清酒啤酒任飲, 但食物就普普通通,而上菜又慢,不過今晚佢地就有改善,食物來得很快,魚生好新鮮,尤其三文魚,希望保持水準啦!每位埋單一百蚊有找,幾抵!

BOOK位個陣應承我地16個人可以坐埋一齊,點知去到之後佢話無可能, 一定要分開,叫D生o既野食好耐都唔黎,熟食就好快, 刺身永遠都黎唔o岩數,真係食都好唔高興, 我唔會再去!

之前我經常去食宵夜,因為有清酒/啤酒任飲,好抵! 但後來生意是否太旺,招呼就愈來愈差,又唔夠野食,追又追唔到,而食物水準又下降,所以我好耐無黎食啦.前日班朋友叫我再去食宵夜,我都無乜希望,但又出奇的食物又出得快,招呼又好好多,尤其個位男經理,經常問我地有無野食,抵讚.如果宵夜有雪糕食就更抵讚!

我之前都無嚟過, 係男友今次幫我响度搞生日. 最開心同驚喜係呢度贈送個生日蛋糕有寫埋我個名响上面, 原來係我男友預先响度訂, 免費刻埋名呀! 所以我覺得呢間餐廳好體貼^.^ 又有海膽送! 不過有漏單, 但係後來個侍應都幫我追返d野食, 好好人!

之前聽到好多人話呢間日本料理自助餐d野食經常出唔齊, 但我前幾日嚟過朋友响度搞生日派對, 發覺又唔係喎...d野食算出得幾快, 我個friend生日, 仲有蛋糕送比佢, 好抵囉!! d侍應又有禮貌. 其實呢個價錢, 食倒咁多款式日本食物, 算好抵! 下次會再同朋友嚟 幫襯.......

入到位之後要等成5分鐘先有人埋黎,跟手寫紙落order,寫十樣黎三樣,魚生及拉麵還算ok, 其他o個d直頭係垃圾.最慘當晚鐵板燒又壞o左,好多o野都無得食,最火滾係食完第一輪個經理先同我講話無鐵板,無羊扒,無鰻魚,o個陣時個樣好似一d內疚都無,好似係我唔喏黎錯日子!我諗呢間任食日本餐廳係我唯一一間食足兩個鐘都唔飽o既餐廳.一係就上得慢, 一係就當你無落過單, 完全唔出現. 等到九點半, 個侍應問我已經last order, 仲有咩o野要,o個剎那我直情想問下佢:你之前有同我落過order咩?我叫o左廿幾樣o野,你黎得o個幾樣,夠竟有d咩係你舖頭有o既,唔該話俾我知,唔駛我o係度等o左成晚.原來你地係'百無'!我諗應該無咩機會再黎呢度食o野,除非我失憶唔記得!

　去過o離間日本料理嘅(銅鑼灣店)都食過好幾次,感覺都好OK 噃！我次次去都係食10 點幾嘅宵夜時段，都無試過要响門口排隊...又或者係咪因為宵夜無早段時間o甘多人呢？啲嘢食仲算嚟得幾快Tim！啲侍應又幾有禮貌...　^^ 不過以前有幾款幾好味嘅熟食(雞骨腸、炸蝦春卷同咩..豆腐)依家都好似無咗！所以有點失望...而家嘅熟食我覺得(浦燒鰻魚、炸墨魚餅、燒豬頸肉同辣肉醬青口...) 都很不錯,可以值得一試喎！仲有刺身嘅(磯煮鮑同吞拿魚...㊣) 以我角度以大眾化嘅價錢,其實整體來說己很不俗的了,唯一令我不太滿意的地方就係Li間食肆嘅廁格，太狹窄...　

我見到咁多人話ｅ間野唔好．．就諗住試下係咪咁衰一開始入到去．．本來冇位要坐bar 位之後佢又話個客冇黎．．問我地轉唔轉卡位．．會好ｄ．．我地就話轉啦．．．轉左之後比左４杯茶我地既．．．但係４杯都凍．．我地就話凍既轉杯熱丫．．點知個店員話出面咁熱飲ｄ凍野好ｄ（本人飲綠茶就鍾意飲熱既）就同佢講話我要熱．．佢話轉頭比個杯我過左勁耐仲未比．．我咪同佢講我杯野咁耐都未唔到我既．．佢話等等拎埋ｄ野比啦．．咁我話好．．．佢拎左比我．．我地都點緊野食．．點完．．都好快拎黎．．ｄ魚生都ｏｋ．．ｄ貝就有ｄ唔知咩味．．．成碟冇食．．佢又比左張野我．．話每人都可以點ｄ一份．．．黎果陣時．．每人得兩塊．．．ｄ魚生大件就大件丫．．不過唔靚既．．．．總之ｅ一餐我都覺得唔係咁好．．ｄ人既服務態度就真係唔掂．．環境都ｏｋ．．味道就中下．．．價錢又真係幾抵．．可能真係一分錢一分貨

我地係食八點o個輪, 都多人等位, 一入去, 佢俾o左張卡位我地兩個人, 坐得幾舒服. 開始叫o野食, 開頭個waiter 埋黎話個燒爐壞o左,而家搶收緊,叫我地叫住其他o野食先.咁ok 啦, 我地落晒單之後, 佢又走黎話個爐整唔返, 今晚所有爐端燒都無(即係燒蝦, 帶子etc). 當時都落晒單, 唔算都要算啦. 都已經覺得俾人昆o左.... 點知, 仲未完, 每個order 一定黎少一半, 一張單又只係落得o個三樣o野, 黎得一樣. 最好笑係9:30 個waitress 走黎話last order 問我地仲有咩未叫好叫, 我咪同佢講一早叫晒, 不過全部未到(饅魚叫o左三次, 羊扒叫o左兩次, 西冷又係兩次), 佢竟然話: 唔好意思, 今日無饅魚無羊扒, 你地再叫過其他啦! D o野唔會黎架喇! 如果一間講求服務質數o既餐廳, 咁多料無一係就唔好開門, 一係就去超市入貨, 再衰d o既都應該同客人講清楚. 經過今次, 我已經將大久保列為永久黑名單, 雖然以自助餐黎講, $120一位算係平, 但平得黎咩都無得食, 仲要成肚氣o既, 我以後都唔會再俾錢佢駛! 另外, 一入坐佢開始播家有囍事

o係放題黎講,味道算唔錯,又有火鍋揀食物種類都算多,有百幾樣,可惜萁中壽司差少少,d飯好易散寫數量要寫多d law,寫兩份真係俾兩粒甜品係last order之後至俾,份量仲好少,係唔可以任叫果下衰law如果多人去食會有個似房仔o既位俾你,gathering 都幾多架

5點半入去食,88蚊+10%‥仲可以十蚊任飲可樂果汁,都ok抵啦~揚物有炸帶子,好好食~但個烏冬就唔得啦,蟹肉其實係蟹柳黎既‥仲有火煱成煲上任食‥都算係咁啦~係d壽司唔得囉‥冇味又易散‥所以叫左一次就冇叫喇‥佢d portion 幾細下,寫"1" o既佢真係可以俾一細細粒野你‥但咁都幾好,可以留返個肚食多幾樣野。最後係dessert,有奶皇卷同豆沙煱餅,幾好食~