大久保日本料理 (Closed)

話說係06最後一日返學日諗住成班同學一齊去食飯, 其中一個同學有9折優惠券,於是就去左大久保食lucnh 啦~一去到個環境唔錯. 我地人多,所以有房俾我地,個房仲有埋電視睇~ 幾好~講返d 野食就真係好一般啦~尤其係壽司。壽司一夾散,又冇醋味....話佢\係賣日本野真係好難相信。手卷同壽司一樣咁差，而且選擇又少，除佐壽司，其它野都OK幾好食，由其是係燒粟米同炸雞。要order食物就好鬼煩，如果係order紙寫一件就真係比一件而唔係一客，同埋成鬼日甩單，林尾仲有個雪糕仔送，都唔錯。如果真係想食壽司或者日本野，真係唔係太建議去呢間。

舊年平安夜黎左食..今年經過見到平左所以都決定食大9保...無加價同平時一樣..148蚊位..上到去..今次坐入面..環境好好..唔差囉!!野飲每位十蚊任飲..唔算貴所以決定飲啦..同男朋友2人飲左半打..都值啦..一坐低..個經理就送個魚生拼盤比我地..GOOD野食..好好味..D野真係新鮮炸出黎..夠熱仲覺得"辣咀"不斷咁叫魚生..D野食款式仲好似多左好多添!!最好味就係個魚生飯..不過唔好食手卷..本人覺得麻麻姐..好淡..無味咁!!今次真係食得好好好開心..沒有出現不快事件!因我成日唔記得野..所以不能盡講所以野食出黎..不過如果真係好味既..我一定會講..^^

今次第二去又唔係話好差既d野都來得快,d服務都比想像中的評語好不得不推薦芒果汁焗海鮮真係好食到暈左仲有吞拿魚......=.=

呢間野我第二次黎....同2個fd入去- -...d員工毫無表情...要叫好耐先同你收單....d野食又勁耐先黎...刺身d冰仲係到ga!!!><勁"send"囉...一係唔黎..一黎就好多咁...食都食唔晒....個火鍋都係麻麻地啦...炸物又唔脆..燒果d野食..又"硬"可能我牙力唔夠啦...食到一半已經唔想再食啦!!!數量真係叫幾多黎幾多ga啵./..\仲要只可以每張"子"填3樣款..勁唔環保囉...

今日同班fd去食野,有個fd話幾好,就上去食啦~初時入去睇落d裝修唔錯,仲有房坐,但係d職員態度唔係太好囉！木木獨獨咁…好呆滯…坐好啦食野！見到d碗仲有漬嫁…好污槽…跟住點野食,叫左d壽司,仲有d魚生,但係真係唔掂！又少,又細件…壽司d飯又難食…好似食緊糯米飯咁…d魚生又唔新鮮…之後叫左碟蝦,仲離譜！隻碟夠哂大！但係得兩隻又細又霉o既蝦…其他炸野都叫食得落…後黎叫左d手卷,d紫菜真係好難咬得開…老實講！真係食得唔係好開心…d職員態度又差…又碗又污槽…d野又少、又唔新鮮、又唔好食…呢間野真係唔好叫我再去多次！

嘩..從未試過食d咁難食o既野囉!!簡直係侮辱自己個胃囉!!同放垃圾落口冇咩分別!!本身我上網見咁多人話難食..真係諗住叫轉地方..但既然約好哂人..咁我都廢時出聲!!去o個時諗住"食得落口"..都已經算咖喇!!唔要求d 咩..但1去到..第1樣野係3文魚sushi!!sori..我第1時間收番食得落口呢樣野..因為真係好難頂law..d 3文魚有人食得出腥o既..d 飯完全係冇味..1pat pat..痴立立..食完之後我已經係有種想嘔..毛管動o既感覺!!之後再食佢其他野..唔該哂wo..d 3文魚刺身...冇味o既!!雪到冰哂*之後開始發現喉嚨好似有d咩咁..開始feel到好似有d飯o既物體咁.. 真係呢..之後再發現d 茶好似越飲越口渴咁*真係shit*再講o個度d 人o既態度..好似好不悅咁wo..家下我泥幫親..態度好d 都唔得o既..到埋單仲要超貴..11個人食左1791..!!我地計緊$$ o個陣..o係出面好似望住我地好不悅咁樣wo!!之後買完單啦..諗住坐下睇下電視..傾下計..佢真係「超有禮貌,超好態度」咁話..夠鐘交房..你又冇人食..坐下係咪唔得呀!!食完真係

嘩, 真係差到暈呀!!d刺身細過我隻手指尾, 隻碟就大, d野真係細到呀, 風都吹得起. 我從來未食過d咁難食既撈麵同冷麵, 個d咁既鍋物烏冬麵呢得個兩、三條烏冬幾乎全個鍋都係菜, 唉....你地如果想食得好d開心d就唔好去呢間野喇真係!!

前排同老公去食LUNCH.. $48蚊一個.. 真係好平.. 不過要早少少去.. 因為都慢慢比較多人.. D壽司都出得幾快.. 不過好酸又比較凍.. 如果可以唔好咁酸同埋暖返少少會更好食.. D鍋物OK啦.. 尤其係個牛肉同野菌.. 真係不錯.. 但如果熱D會更好..

30-6-2006我和2位朋友到銅鑼灣大久保，進食任食午餐~~~ 進食中途發現壽司碟上有條長頭髮~!!!! 加上壽司外表完全唔新鮮。結果，我和2位朋友夜晚齊齊肚痾~~~!!! 而家本人正向食環署投訴此事~~~~~~在此勸告大家唔好幫趁呢間黑店~!!!!!

因為呢間餐廳要上2樓,所以比較難搵,仲要搵咗好耐吓! 環境舒適,有房坐,抵返條數!食物味道其實只屬一般,不過叫做好多選擇,都切合自助餐個名詞,係有時會漏吓單!d刺身幾特別,有幾款都唔知佢叫咩名,帶子刺身好爽口;牛柳粒同燒金菇就燒得麻麻地;叉燒烏冬d湯底唔錯;蟹籽沙律d蟹籽略嫌少;整體嚟講,個三文魚頭鍋最好味!銅鑼灣區食店太多,花多眼亂,不過食過咁多間,呢度算係令我食得幾開心!

呢度環境比起旺角分店大好多,VIP房都多好多! 我同六個舊同學一齊上嚟食野,所以有房坐,幾好FEEL!爐端燒係唔錯o既選擇,幾香口! 另外點o既辣辣冷麵都唔差^^ 最好食係個燒牛肉金菇卷!服務一般,略嫌唔夠人手,不過佢地都唔至於有d餐廳o既人咁黑口黑面!其實吸引我下次再嚟o既主要原因係百幾蚊可以食倒咁多樣野!

好好味又好多野食揀！～服務態度一流之外，入面既ｄｅｓｉｇｎ都好正！～除左有一般位之外，仲有房～唔夠人無房用又可以揀無門既特別位食，雖然就無咁得意，不過都好有特色！～

裝修唔差, 不過空間感唔夠!我同朋友坐响大堂, 人來人往, 有d迫! 我地貪心, 一次過order咗好多食物, 因為我地好肚餓!等食物時間偏長, 不過後尾追單, 佢地都幾好人, 即刻出返叔俾我地!菌類好食, 天婦羅都好香口!主要o既刺身同壽司都ok, 幾乾淨!

得分是負分。連零分都不如。話說一入到門口, 想問待應22號在哪個位置, 連叫三聲, 是三聲, 那位待應依然無任何動靜, 此其1, 其2, 部長帶錯位, 22號變33號, 但是一直無人告知我們, order 紙我同朋友都是寫22號, 但是後來另一位部長告知我們寫錯號, 因為我們坐的是33號而非22號, 其3, 衛生質素勁惡劣, 碗底有污漬依然被客人使用, 其4 附送的火鍋湯底是不會滾, 是那位部長親口講的, 因為火只得一丁點, 等了20分鐘, 湯底依然不滾, 要求部長換火, 她竟然說全部火都是如此, 湯底不會滾, 真是好笑, 因為附送的海鮮還未完全解凍, 湯底不滾, 根本不可能煮熟, 所以附送的雜錦配料, 我和朋友一件都沒有掂過, 我懷疑那碟完全沒有掂過的雜錦配料會否送給下一家的食客。永世都不會再去大久保, 請都不去。

午餐諗住去試下，見到入面裝修ok，都幾多人。點知所謂o既$48蚊任食，完全無o野食。我地3個人每人揀左d壽司、飯、小食。一心諗住厚道d，食完先再叫。點知足足呆坐左30分鐘，都只得一兩碟小菜...d待應全部都"睇我唔到，睇我唔到" ！50幾蚊一餐飯用左1小時有多，其中60%o既時間都係等、等、等！食物質素更差得不願置評，試過包你飽——谷氣谷到飽！