海皇粥店 (粉嶺名都商場)

Open Now

Now Closed

見最近食野都比較油膩，所以就去海皇粥店食下粥諗住清下腸胃，叫左個蠔皇豬肉丸粥配炒面嘅套餐。蠔嘅份量都有好多粒，都幾大粒，不過就覺得有d腥，個粥即使放左好多薑絲同埋加埋胡椒粉，但都未能夠去除到蠔嘅腥味，而且覺得薑絲太多，每食一啖粥都撈到好多薑絲。粥仲加左豬肉丸，豬肉丸味道可以接受，不過可以再彈牙d，可以考慮手打嘅豬肉丸。至於個炒面份量都幾多，炒面配粥食味道唔錯，略為要改善嘅係蠔太腥，可以去除左腥味先攞去滾粥。

Haha...今晚繼續29蚊晚餐😆粥餐唔一定睇餐牌,要去唔同地方搵資料,今次Gulu有優惠,用apps就可以揾到,有得食又有優惠,俾起係門市買抵好多,門市冇呢D套餐優惠,証明凡事要多了解,多睇唔同資料,搵食係唔可以偷懶嫁.今次29蚊套餐包括：熱豆浆,皮蛋瘦肉粥,油條一條,简單又滿足😆

大年初十暨情人節，情人2號久咳未癒，所以就和剛去完蓬瀛仙館還神的頭號情人一起晚餐。相約在粉嶺火車站(港鐵由第一城去粉嶺和去大埔墟價錢相同呢)，就到名都的海皇食晚餐，大概是大時大節，晚上7點半的食飯時間，店內還有吉枱，我們點了大大隻字宣傳的情人節放閃套餐，嘩! 8款食物，主食小食，咸甜皆有，放滿枱面，氣勢足夠放閃呢 !粥底很綿但偏咸，艇仔粥材料豐富 ; 魚片粥加了芫茜很香，不過魚片不多。牛脷酥還暖的，微甜且又香又脆，不錯 ! 炒麵乾爽，韮菜不少，但有些老。紅豆沙和綠豆沙也煲得起沙，綠豆沙加了海帶，口感更好! 而蘿蔔糕也保持一向水準。食物真的不少，本牛和牛媽還是未能完成所有食物，媽說新正頭不要浪費食，所以打包了條半牛脷酥回府蒸蛋! 哈哈，今年的情人節咸粥甜粥也食了，真的堅飽足了!

病咗唔知食乜嘢好，就去左海皇粥麵呢種連鎖快餐店。 周圍都有好方便，同埋粉嶺呢一間都唔會太多人坐得都舒服，今次叫咗個套餐，鹹豬骨粥配豉油王炒麵同凍豆漿，52蚊。鹹豬骨粥雖然唔係好大碗，但係比起白粥無咁寡口，但當然就冇深水埗小店咁好食軟綿，豬肉豬骨方面都幾足料，都有幾舊肉唔太肥，冇乜味精，食完唔會好口渴。豉油王炒麵份量好多，但係就冇咩配料，炒得夠爽口，但整體偏油。加6蚊配的一杯凍豆漿，唔會話太淡，味道還可以，有豆味又唔太甜，以連鎖粥麵來講算不過不失啦

夜晚成十點都未食飯，都係買外賣啦，老婆唔舒服想食粥手，附近都係得海皇。我本人都幾鐘意湯飯，所以就叫左皮蛋肉片湯飯，不過湯飯飽肚感好似唔多夠。我餓到老婆食左兩啖個南瓜粥就已經食完我個碗

我平時比較少食粥， 尤其是喺夏天嘅時候 ，熱辣辣唔會想食粥。咁啱呢排食咗好多大魚大肉所以諗住清清地清腸胃食番碗粥。附近淨係得海皇呢間粥店. 叫咗個雙拼粥，皮蛋茄魚片外賣 。 可能因為唔係生滾粥所以等咗兩分鐘就有 。唔知係咪外賣嘅關係，碗粥好細，真係超級細。皮蛋切到好細粒， 食落已經冇曬皮蛋嘅味道 。 但係都算叫做正常。個問題出係魚片度，首先魚片得三，四塊，仲要食落好腥。 我係平時咩魚都食既人，但都覺得好腥，仲好咁似唔夠熟咁。 除左腥，仲超多又短又碎嘅骨， 碎到差啲吞咗幾條落肚。 平時喺其他地方食魚片粥都冇咁樣。。 如果 下次食 應該會揀返啲穩陣少少嘅粟米肉碎或者艇仔粥就算。

味道和服務都非常差勁。進店以後有一空桌沒有收拾，和朋友向店員說了兩次麻煩她收一下餐盤，結果聽了和沒聽到似的。後來餐齊了沒地方擺又說了一次才幫我們收。然後我點了綠豆沙套餐，端上來後發現裡面有一根毛髮，和店員反應，希望可以更換一份，但店員居然說讓我挑出來就可以了，也沒有道歉，一副習以為常理所應當的樣子。後來那份綠豆沙我根本就沒碰，而且套餐裡的燒麥也又小又難吃，以後也再也不會去了，什麼垃圾態度，拉入黑名單。

職員沒禮貌，粗魯無禮，對顧客不友善，服務差勁，請的全是大媽，態度很差，像在大排檔，無枉管，須再培訓，食物一般，價格中等，環境一般，地點算方便，有其他選擇就不要選，或者外賣都可以，

平民變貴價粥細個成日食海皇粥，貪佢夠近夠方便，最緊要夠平。但今日再食，好似加價加得太多啦喎。因為想食清清地叫左碗魚片粥外賣。唔食葱既我唔記得左叫走葱係我衰，不過其實食到啲葱都幾新鮮同個粥幾夾，鍾意食葱既朋友應該鍾意。不過，最大既問題黎啦，佢魚片其實幾好味既，不過真係好多骨，每食一啖都起碼有一兩條骨，小朋友真係唔好食。同因爲唔係生滾既問題，魚片粥冇薑係覺得有少少腥。仲有粥起偏咸要飲返杯水先解到渴⋯⋯以前粥品都係埋10幾蚊，今日要25蚊，雖然係合理價錢，不過其實粥好細碗，男人食一定唔夠飽，咁既質素同份量真心有啲唔抵。

呢日少有咁返工返粉嶺 行過呢間野諗住就手就買個早餐 見佢有歐陸式早餐咪叫 點知真係落單已經一肚氣話說叫炒滑蛋雞扒 想再加錢叫個通粉 竟然同我講冇通粉 我真係唔知講咩 朝早7點幾就已經冇?!你一日只賣一個?!你係冇既就唔好仲放個牌出黎LA 都算數喇 叫野飲 叫熱奶茶 個呀姐仲要問番我咩黎 WHAT?!我以為我講野唔清楚 再同佢講多次 佢仲問多我一次即係咩 我真係忍唔住問個呀姐 你訓醒未呀 熱奶茶唔知係咩 最後打單俾錢 俾完我再睇番張單 佢求奇就落左個熱檸茶算數 我真係走埋去同佢manager講 熱奶茶唔知係咩就求奇幫我打熱檸茶?好喇 終於搞番掂張單 等左我15分鐘以上先有得拎 我叫個快餐O者 人又唔多 D野都係整好哂 執好就包得 點解都可以咁耐 最後等到我遲哂大到返到去一打開 炒滑蛋同普通茶記炒到乾哂既炒蛋差唔多樣 只係多左少少蛋汁O係上面 唔係咁就叫炒滑蛋下化放埋入口 我真係灰左 點解炒蛋可以咁重雞粉味 咸到一個點 再食埋個雞扒 又係一大陣味精味 又係咸到驚死你唔會腎虧咁講真 經過呢個朝早後 就算全粉嶺得番佢一間野食我都唔會再幫襯

一早去到公司附近嘅餐廳，前一晚食完燒肉，想食清啲，所以去食清啲，去到要先在門口睇餐牌再落單！攞票等叫號碼！本來想食炸両，但唔跟餐所以改了炒麵！大滿足套餐（$23）白粥：白粥夠熱，綿又唔會無份量，加點鹽吊味，清清地綿滑好味炒麵：份量女仔剛好，炒麵唔會太粉，加了枱頭嘅調味（放枱面幾方便）更加惹味香口！幾好店員爽手少說話，收銀店員無乜表情（唔係無禮嘅，無乜表情）有問有答！ok正常快餐自助式早餐！水準ok如果早餐食物可以配搭多款式啲就更好！

想不到一間粥店會有西式早餐吃佢地既牛乳炒蛋好食好味有機會去試下直得一試不過個炸魚柳要等大概等10-15分鐘佢地既炸兩都好食不過也是要等如趕時間就可以叫其餘食品南瓜粟米肉碎粥或菜乾排骨粥

冬天咁凍 就最啱食暖笠笠嘅粥架啦😋所以就同屋企人去咗海皇粥店食晚餐晚飯時段雖然幾多人 不過我地都好快搵到位 但座位都幾擠迫 要好小心唔好撞到隔離枱😵要食粥就緊係要揀皮蛋碎牛👍🏻粥大大碗好易食得飽👍🏻就落左幾多蔥😋 不過有啲牛肉就太韌 同埋啲粥都算多味精 會食到幾口渴😂😂之後仲叫左啲小食🤤有蒸蘿蔔糕 炸腸 同埋豉油皇炒麵 豉油皇炒麵份量幾大 但就冇乜味咁 蒸蘿蔔糕幾好食 蘿蔔味幾突出 不過就略嫌質感太粉 炸腸就幾好食😋粉腸皮幾薄 入面嘅油炸鬼都好脆 加埋豉油就更吸引🤤

見到海皇粥店有公仔麵賣好幾個月了，粥店賣公仔麵係驚嘅！ 話左要搵日試試，就今早啦！ 雖然一早話熱氣要食粥～有兩款公仔麵餐，我買了餐蛋出前一丁公仔麵，凍豆漿, 共港幣30元。當每個人在吃粥，炒麵，腸粉，油條，牛脷鬆時，我在他們前面吃公仔麵，感覺好怪，仲要配飲豆漿仲怪。依家除左豬仔牌火腿午餐肉係最好食又無豬味外，大部份牌子都有呢種臭味，我真的受不了。兩片餐肉已加入胡椒粉去除豬味，可惜味道不配。別看它如此香脆，其實只有一片午餐肉單一邊有煎過，而另一片的餐肉完全無煎過“雙面”，不要給表面欺騙哦。炒蛋炒到又老又硬又無味。凍豆漿正常味。麻油店鋪有提供，自己放入湯中。麵好幼無咩味，麵唔太淋。湯正常味。吃完超級飽。不用吃午餐。

在順德和廣州都經常吃艇仔粥。裡面不變的有豬皮，花生，炸兩/薄脆，而不同店家可能再加上燒鴨絲，豬肚，魷魚，魚肉片，蛋絲，或叉燒。但我真的沒見過加麵碎的，剛吃進口還以為是肉碎，仔細一看，原來是米粉碎混一點肉。好奇怪。這是不是為了降低成本（將用剩的炒米粉弄碎充當肉）？ 這樣算不算欺騙顧客？ 還有，環境衛生問題，地上還有紙巾，桌面上有醬油跡，不知道是不是昨晚沒清潔？叫服務員擦一下桌面，真的只是擦一下，上面的醬油跡依然依稀可見.......反正我是以後不會再來海皇吃了。