海皇粥店 (英皇道) (Closed)

從此對海皇粥店改觀！一直唔知道海皇粥店原來已經改變左好多，裏面非常光鮮而且整潔，食物亦原來有咁多選擇。今日同朋友路過北角，就坐低食咗餐飯，佢嘅食物款式包括韓國部隊鍋、重慶酸辣粉，仲有中式嘅健康米線，已經唔似得我哋以前食開嘅粥店，只係有煎堆炸兩，同埋熱粥食。我哋叫咗一個番茄豬扒米線，果然湯底用新鮮嘅蕃茄肉，完全唔係用茄醬！仲有炸得香噴噴嘅豬扒，美味非常。飲落去啲湯底仲好清甜。而另外我哋當然叫左呢度比較傳統嘅粥，食咗一碗碎牛粥，熱辣辣，而且唔會太稠身，有啲粥經常食到好多米漿，但呢度食到係真正嘅碎牛，真是值得一讚。最後結帳每人都係$40，真係非常平民化。

這天決定找朋友一同吃飯，朋友公司位於北角附近， 幸好 附近還有地鐵站， 地理上還算方便，這次朋友安排了吃一頓簡單的中式午餐，而他選擇的就是已於香港坐立多年的粥品店，全因為他知道我也有點不適，吃清淡一點，對我也比較好，朋友的選擇真是貼心。而我就點選了南瓜肉碎粥，全因為貪佢纖維量又高又可以品嘗美味的作品。味道相還算不錯，我也很喜歡，希望朋友也喜歡，這個簡單的午餐，完成後我們前往付款處，更發現可以使用不同的電子方法繳費付款，沒想到時代嘅進步，傳統的粥品店也會共同前進。

今日唔係幾舒服，同朋友去咗一間粥店想食清淡少少，去咗大家都熟悉嘅海皇粥店。海皇粥店可以話係與時並進，引入左各式各樣嘅食物。一般嘅油器同粥粉面都可以喺呢度買到，同埋我見到職員係好用心機去整，啲粥真係即時煲，並唔係預先在大煲盛出來。叫咗個煎堆，煎堆預先已經幫你剪開，而且煎堆夠口感，好多芝麻，煙煙韌韌，好正。另外叫咗最冇性格蝦米腸粉，啲蝦米細細粒粒食落有幾香口，腸粉都幾滑加埋小小嘅豉油已經好足夠。仲有加埋隻糯米雞夠晒大隻個份量夠食埋聽日早餐添啊。

海皇粥店細細個就成日食開，佢隨住時代既變遷所以都推出不同的食品，連飯、糖水都有！其他都幾抵食，起碼比出面便宜，份量都好多！🔶艇仔粥+雞翼珍珠雞 $31個珍珠雞都好大份，仲有成隻雞翼包住係入面艇仔粥入面仲有兩舊既油炸鬼，仲有好多蔥花同花生啲粥都好軟綿綿熱辣辣😬好經典🔶叉燒腸 $21粥店一定要食腸粉，粉皮都柔滑，中間都好足料，又唔貴🔶肉燥豬扒煎蛋飯 $40份量適中，味道都ok，只是啲白飯乾左點、硬左點，如果啲飯淋啲就更好，但$40包杯豆漿算係咁🔶蕃茄魚柳飯 $39飯多餸少，一樣啲飯硬左點（其實粥店應該食返粥）🔶紅豆湯芝麻湯圓 $21仲可以食埋個甜品，呢個抵食$21咋，仲有3粒湯圓得閒去食下都唔錯

今晚又要自己一個食晚餐, 見到某某日報個apps有優惠卷, $8 一碗碎牛粥.本身諗住應該細細碗, 等碗粥到左可能再加油器或者炒米的嘢食.點知碗粥同平時食的一樣大細. 大大碗, 以一個女仔的份量, 一定夠, 粥上面仲有少少花生同油炸鬼. 掂!碎牛都唔少, 粥熱騰騰, 好味~值得一讚係落單的姐姐絕對唔會因為我叫$8的碎牛粥而比面色我睇, 反而仲好好笑容. 但提一提，如果真係用此優惠，記得留意個日期，同埋落單前一定要通知姐姐一聲。

服務員好似好唔熟手打單慢，送餐逐件送好彩無咩人食，如果唔係都幾大件事講真，粥呢樣野大同小異，亦都好難會難食但收成30蚊一碗粥，就會expect something different?!最sad 就係竟然無乜葱同花生。。。咩樹啊。。服務爭d 喇。。d粥又係好普通個牛脷酥唔太油膩幾中意豆漿太啖口，無豆味所以呢。。真係太失望了

大年初一一早都要有個好開始！一個好嘅開始就係要有個好嘅早餐。好嘅早餐先可以令你有個好嘅一日。今日落北角屋企人度逗其他親戚嘅利是啦。今日又係先喺附近食返個靚靚早餐先～～海皇粥店。我媽就叫咗個西洋菜肉片粥，跟半客油條。我就散叫個碎牛豬紅粥同牛肉腸粉。碎牛都真係幾碎下……碎到都唔係好食到，不過都幾好食嘅，個粥都好夠味，一啲都唔淡，其實食下食下你又會食到啲碎牛㗎啦，所以還好。牛肉腸又係好足料嘅，牛肉好多，馬蹄都好多，倒埋豉油落去，味道更好。

近日天氣轉涼，希望可以食到粥底火鍋。發現海皇粥店推出左新野叫做粥底火鍋之皇者，即刻約個friend去試試。估唔到都幾多嘢食，又有花膠又有帶子，海鮮肉類蔬菜樣樣都有齊，啱晒我依啲咁為食嘅人。油渣鬼仲要脆卜卜，好好食。原來打邊爐同白粥咁夾！食完真係暖笠笠呀！

不嬲鐘意食辣既我地，見到有麻辣粥仲唔走去試？平時食粥少去海皇粥店，今次就試下啦！點左麻辣豬膶肉丸粥中辣，我地叫左兩碗就各送一款小食，於是加個齋腸粉和+$5 upgrade去麻辣叉燒炒麵，再外加一個個XO醬煎蘿蔔糕，唔怕唔飽啦？先上左個齋腸粉和蘿蔔糕，腸粉雖浸響豉油到但未至於勁鹹，腸粉好滑，豉油鹹甜適中，我加埋甜醬辣醬食真係食唔停口。(肥死啦!!)XO醬蘿蔔糕就似蒸多過煎，一夾就散，但都食到一條條蘿蔔既，只係個XO醬只得死鹹，比較一般。終於黎主角，第一啖食落似係打邊爐既麻辣湯煮一樣，我開頭以為自己會遇到劣食，但食落又不差喎，唔太有想像中既違和感。個豬膶同肉丸就正正常常，冇咩特別。不過我越食越驚，因為諗到真係好似飲麻辣湯既感覺，即刻覺得碗粥😍超高鈉！所以最後都唔敢食哂...最後黎埋個麻辣叉燒炒麵，鹹到一個點！我食得鹹都覺得頂唔到，食到啲醬明顯都未炒開，食兩啖就放棄了....呢類食物我都係當獵奇經驗，一次就夠了~

在北角轉車前，去咗呢間連鎖粥店買外賣，門面一貫紫色招牌，店內光猛乾淨，先去收銀落單！店員爽手又親切，因為我想食鮮牛肉，問店員佢哋有嘅，再會介紹跟粥優惠價小食！笑笑口咁親切！攞飛坐在開放式廚房等，今晚多人叫外賣，等得幾耐！包裝幾企理！外賣碗可以微波！喜歡呢度外賣膠袋放嘅托底卡紙好堅固！搭車都無事鮮牛肉粥（$35）粥底雖然唔太綿，夠濃夠杰，而且夠熱（以我等車搭車都45分鐘來講）牛肉片幾滑，唔會喇到無晒肉味！加啲青蔥就夠！幾好牛肉腸粉（跟餐$14）腸粉係即拉嘅，不過搭完車食時都凍咗，腸粉都爆了，加了甜豉油就幾滑，牛肉餡打得滑，夾雜馬蹄粒幾好味！半份油條（跟粥免費）脆太乾，炸到中間都脆晒，無咗中間軟軟地嘅煙韌！唔好味！外賣盒（$1）店員親切！佢哋感情幾好，有講有笑！對客人都友善好親切！服務贏咗

We've always dined at Ocean Empire esp with their other branch that has closed. Glad to see they now have a promotion of fish with rice, as well as hotpot. We went there weekday dinner time, was seated as soon as we got there. Servers are attentive. All food are served hot. You-tiao and pan fried turnip is yummy as always. Loved how perfectly the fish was cooked. Was quite amazed at the "congee" hotpot, the soup was refillable.

一個月前來過一次，時間下午6點半，不算多顧客，但我不斷揮手不斷叫喊也沒侍應理啋，5分鐘後決定走人。以為上次只是個別事件，所以今天再給它一次機會再來幫襯吧，但是，這次呢？時間同樣是下午6點半，顧客比上次還要少，只見一個樓面在講電話，揮手讓她知道我想落單，她只示意我等、等、等。見她拿著電話有講有笑，真心覺得不是甚麽重要事情，唉，呆坐做了傻仔5分鐘後決定離開，而且以後不回頭。我算是海皇粉絲，但這一間分店真的太差。

之前嗰排有啲傷風，唯有食得清淡啲， 去到海皇粥店，就叫咗碗白粥配蒸蘿蔔糕， 白粥都係開出嚟，搞兩搞就起曬水。 不過勝在有啲米味，滿足下個胃， 又可以暖下肚。 至於蘿蔔糕， 都叫做幾大嚿， 不過有啲可惜， 個油味都幾重 ，如果唔係應該幾好食。

上週日（12/2）天氣凍凍地，最啱打邊邊，去咗海皇粥店試粥底火鍋，我們兩個人分別點了肥牛（$68）同豚肉（$59），粥底選了南瓜肉碎粥。肥牛同豚肉都是雙份，各有兩碟；肥牛其中一碟好肥，而且有「碴」；豚肉切得夠薄，快熟夠「林」好食過牛肉。每份火鍋都有手打丸（牛、豬、鯪魚）韮菜餃子各一粒，菜、豆腐、木耳、南瓜粟米各少量；另可選油條或即食麵，我們選了油條，始終覺得用粥煮即食麵太不夾⋯通常吃這種快餐式一人鍋都要加配料才吃得飽，但是這個肉有雙份，而且打完邊爐還有粥食，份量非常充足完全不用加料了。總括而言這個粥鍋好抵食，最好味是三款手打丸；不過美中不足的是途中加粥時侍應加的是白粥而不是我們原本的南瓜肉碎粥，而且門外海報寫著「第二份減$10」但後來我們結賬後才發現原來沒有優惠！難道要同款才有減價？希望店家宣傳品以後能寫得清楚一點！

同男友之前行過海皇粥，見到連佢都出左邊爐，一早想來試下，但苦無機會（因唔唔係間間海皇粥都有得打邊爐）。咁岩今日來北角呢間有，即刻行入去食。我地兩個人嗌左一個醉雞粥底火鍋餐，一碟炸兩，一碟炒面，再加兩杯熱豆漿，買單子似都係得107蚊。好鬼抵食。皮蛋芫茜粥底，正常味。估佢唔到既係，後尾我地啲粥無晒，諗住叫佢加水，點知原來佢係加啲白粥落去架，每次加都係加粥，食到我地勁飽。加醉雞落去滾喇！醉雞我唔太鍾意，好似苦苦地😓公仔面同肉丸。公仔面勁掛粥，當你夾晒啲公仔面上來，你就會發現你煲粥無左一大半，要叫職員加「水」喇。個餐仲有包南瓜，金針菇，木耳同啲生菜。