海皇粥店 (巴黎倫敦紐約戲院購物中心)

Open Now

Now Closed

食物：3.5/5 環境：4/5 服務：4/5 性價比：4/5 食物：海皇粥店其實d粥麻麻地，勝在多分店方便大家生病時食。但炸兩一向係我必食既食物，仲可以自由加混醬同芝麻，食一碟都幾飽肚環境：正常連鎖餐廳格局，冇咩好講服務：正常連鎖餐廳服務，冇咩好講性價比：正常連鎖餐廳價錢同食物份量，冇咩好講

晚餐想食清少少，去左好耐冇光顧嘅粥店。📍皮蛋瘦肉粥（$39）粥算綿，油炸鬼好香口，花生夠脆。皮蛋同瘦肉份量多，可惜粥和皮蛋沒產生太大的關係，所以粥底沒沾染皮蛋的香味。📍炒麵份量多，拌以芽菜和香蔥，味道不過不失。📍熱豆漿（加$6）杯豆漿好淡，沒豆香味，呢杯真心好失望。

午餐冇乜胃口，天氣咁熱！食個粥都係一個不失為一個好選擇海皇粥店 一向水準都保持得好好 鯇魚艇仔粥 稍為多咗少少骨 其他油器都做得唔錯仲係脆卜卜熱熱地 重量係超哥一碗粥 已經夠曬飽

自從役情真係成日叫外賣早餐海皇好多時都有折，而且份量夠大，包裝又好，醬料好齊食物質素當然ok 油器脆卜卜，粥夠綿滑，腸粉即叫即拉，酒家質索，而且一份3⃣️條，$100左右午餐都仲食緊

這間「海皇粥店」分店已開業多年了，簡直是從小吃到大。尤其生病的時候，更加會光顧它。最近腸胃不太好，這晚家人便提議來吃個簡單晚飯。筆者真的甚少堂食，更遑論在這裡吃晚餐。站在餐牌前一看，才發現粥品以外，還有如此多食物可以選擇！用砂鍋盛著的蠔粥，質感稠身，證明有一定米量，不是稀粥。也許成本關係，蠔量不多，只有2隻，但也頗肥美。此外還有肉丸、皮蛋。粥餐再選配了炒米粉。一碟米粉配上一鍋粥，非常飽肚了。通常吃粥都會配上的油條$10頗大條的份量。店員會主動詢問剪開與否。油條酥香，入口脆卜卜口感，蘸粥食用一流。蝦米腸粉煎香惹味，筷子夾起未有散掉。入口也挺重米香味，再淋上豉油，空口吃已k.o.了一碟。蘿蔔糕四件，糕質感挺身，入口有啖啖蘿蔔絲。最怕蘿蔔糕整件都是米粉，還好這間出品也頗為真材實料。拌上了大量XO醬，添了一分微辣。沒想到「海皇粥店」推出了飯餐，於是點了肉燥飯一試。賣相就明顯不太吸引，肉燥過濕，更似是肉醬。不過味道還可以，撈飯吃頗不錯。鹽酥炸雞扒香口惹味，略嫌份量有點小。最後加多一杯豆漿，意外的豐富。

一般嚟講我都唔會出去食早餐，今日約咗朋友食一個好遲啲中午飯，所以朝頭早九點幾搵個地方食個大早餐 以前的海皇粥店印像中好似淨係得食粥，唔知道佢原來咁多品種！😲佢除咗有粥，重有粉麵 ，我見佢夜晚都仲有好多唔同品種嘢食，端午節仲有得食粽 直情好似大家X同埋大X活咁 !我自己鍾意食米粉所以叫咗大大碗雪菜肉絲米粉，來到之後發覺原來真係幾大碗好多雪菜不過我夾曬所有肉絲出嚟。呢排非洲豬瘟少食為妙🧐味道正常食完冇頸渴我個米粉餐配一個煎蛋同埋雙腸牛脷酥。 海皇粥店嗰啲腸仔真係唔好食仲差過廚師腸好多倍老公就點咗白粥炸兩， 白粥幾綿幾滑， 炸兩就正常質素啦！而家兩個人食早餐$65應該算平。真係唔知道啲人點捱？出面中午同晚餐一定更加貴

入座後，先翻開餐牌逐頁細看，原來除了粥品、腸粉、油器及小食等之外，店鋪還推出了不少新產品，如家鄉銀針粉、雞翼糯米雞、糖水伴湯圓，甚至連湯飯、臘味蒸飯、原煲小菜和蒸魚等都有得供應，真係點只食粥咁簡單。老公點了秘製生炒糯米飯餐 ，而我就看中了黃金帶子笑蝦蝦粥套餐，另外再左加炸腸同熱紅豆沙。糯米飯餐可配豆漿、熱奶茶或熱啡，如果想轉凍茶或凍啡，則須另+$3。糯米飯甚為好吃，米飯煮得軟硬剛好，入口乾爽明快，富韌勁又軟糯，而且炒得夠曬入味，加上臘味粒和脆口的花生，味道很甘香。凍豆漿水準亦不俗，不但甜度適中，而且飲落順喉香滑，滿有豆香。我點的黃金帶子笑蝦蝦粥 就以煲仔盛上，粥品可配小食一款，有牛脷酥、煎堆、咖哩魚蛋或燒賣可供選擇。先嚐一口粥底，食落雖然未至於香綿幼滑，但亦十分稠身，加上滑溜溜的蛋花，味道不俗。至於粥料方面，除了帶子和鳳尾蝦之外，原來還有三大粒肉丸。帶子爽口又大粒，肉丸彈牙有口感，加上色澤鮮明的鳳尾蝦，令整碗粥甚為鮮甜味美。牛脷酥十分松化，甜味淡淡的，恰到好處，用來沾著粥吃，口感極佳。至於另點的炸腸，水準亦不俗，炸兩腸即叫即制，上桌時仍新鮮熱辣，腸粉皮很薄很滑，吃起來有米的微香。入麵包

艇仔粥很好味，夠傳統，一碗粥非常多料，有鱿鱼、豬皮、碎牛肉等等，再加上脆花生，的確味。而且這裏的炸两即叫即包，裏面的油炸鬼仍然很脆，配上鼓油、麻酱、甜醬，十分兹味。他们的湯銀针粉也是我的喜爱，因很少歺厅有銀针粉吃。而且价钱合理，夠大眾化。

天氣轉冷就是吃火鍋的時機。這晚相約了朋友聚餐，原來想去的餐廳滿座，結果誤打誤撞來到了「海皇粥店」。筆者一般都是來購買粥品炒麵多，沒想過「海皇粥店」會與時並進推出個粥底火鍋餐。火鍋套餐有5款選擇，價格不過是60-80元之內，相當抵食。筆者被花膠一詞所吸引，點了價錢最貴的尊貴海鮮•肥牛鍋。粥底火鍋套餐所包含的食材也是頗豐富。最先出場的就是粥品的最佳伴侶—油條。在粥底仍未滾開，未可以淥熟肉類之時，餓鬼上身的筆者已先行吃掉幾件沾了粥的油條了。豚肉份量約有4-5片，頗有肉香。花膠的體積有點小，筆者有點失望呢，畢竟一開始是衝著花膠而點餐。帶子和蝦的味道尚可，但感覺不是十分新鮮。套餐另外也附有午餐肉、豬肉丸、鯪魚球。鯪魚球頗有魚香味，咬口彈牙。肉類以外，也有一籃蔬菜來平衡一番。筆者本來點了香茜皮蛋粥底，放了南瓜後變了個南瓜皮蛋粥。最後的粥才是重點，盡收了所有食材的精華，入口滿是海鮮的鮮味和豚肉的濃味。

胖蕉的愛心外賣，最近有點身體不舒服，加上長假期在家中休養，胖蕉剛好開車經過屋企附近，就去了買海皇粥店的碎牛粥給我吃。這個愛心碎牛粥，真的沒有屯門老字號的好吃，不過四周老字號都倒閉了，想清腸胃的時候，一係自己煮，一係光顧他們。前一日我還去過這裏買白粥，發現這間粥店比以前多了不少的客人，不過都係上年紀的。碎牛粥的牛肉應該是經過炸過，有一pat在一邊，其餘的配菜只有蔥、花生和油炸鬼，材料少得可憐，幾片的油炸鬼泡落粥到發哂，好難吃>O<！不過粥底算香和杰。如果可以分開油炸鬼，又或者唔放落去會比較好。

之前一直覺得粥底火鍋是很奇怪的東西，但原來不是很濃很黏的那種 經過看到很多人試，看起來不錯就試試啦點了雙份肥牛鍋及走地醉雞鍋：每個餐還會配上三寶丸，芝士腸，蔬菜籃和油炸鬼，份量十足～另外加錢配了可樂～而且居然配檸檬底～正粥底分別選了粟米南瓜和香茜皮蛋，粥底會有少許米，而且味道也很足，不會太淡，另外清潔姨姨都超有禮貌肥牛 - 普普通通，比較偏瘦醉雞 - 份量不多，但雞肉卻充滿酒味三寶丸 - 不錯油炸鬼 - 略為炸得太乾蔬菜籃 - 份量也很多整體不錯啊，價錢不算太貴，而且超飽～絕對會再encore

食左個粥底火鍋一豬一牛，南瓜湯底加粟米甜甜地好味！成個餐跟埋油炸鬼同個蔬菜拼盤, 油炸鬼打邊爐好正，但個3粒丸麻麻地，因為本人唔鍾意食鯪魚，所以麻麻😂成個餐係超級飽，細食嘅人兩個人食一個餐再加配少少嘢就夠

聽佢地個火鍋好多次, 第一次來試, 叫左豚肉+皮蛋芫蔞湯底, 59蚊, 其實佢地個鍋d 料係偏少, 不過果日我地唔係太餓, 所以都夠食。入面有2碟豚肉, 芝士腸一條, 魚丸3粒,  仲有成條已切開ge 油炸鬼。我地另加左午餐肉,  有3塊厚切。豚肉有一碟就大片d, 一碟就細片ge, 肥瘦適中, 都ok, 但肉味無乜, 個人覺得吉野家/大快活好d。3粒丸包括一粒魚滑, 2粒唔知係豬肉定墨魚丸。味道ok ge芝士腸得一條實在太少.... 油炸鬼好油...不過放左落弼度就好d law, 幾夾架。個弼底越煮, 味越濃, 好食!

晚上一個人見成10㸃鐘，唔想食咁飽，決定去海皇食碗粥。叫左個皮旦魚片粥，越食越反胃，成碗粥無味，魚片無魚味仲要有少少腥，粥米又唔香。搞到成碗粥又腥又冇味。上次食過艇仔粥都無咁差。結論係千祈唔好食魚片。

朝早流流個肚就打晒鼓咁醒左, 好多食粥同炒麵,即刻嘈醒仲係美夢中既家姐同我一齊去海皇粥店炒面識食炒麵一定要睇炒麵夠唔夠乾身, 海皇D個炒麵就做到D一點啦, 而且料又算多, 加埋甜醬真係一流艇仔粥D料都算幾夠, 但個粥就竹稀左D, 應該係米同水既比例未揾到最佳既平衡點, 希望海皇係D方面可以再努力點叉燒腸個腸粉幾滑, 人但個叉燒真係少左D豆漿豆味唔算濃, 而且太多泡, 有點兒呃人既感覺, $11黎講真係唔係好值總結海皇粥店其實仲有唔少既進步空間, 加油呀!