香港賽馬會-凱旋廳

Open Now

Now Closed

今晚來到火炭馬會凱旋廳晚宴，感覺這裹環境清靜，食物質素又有保證，怪不得不乏捧場客。～鴻運乳豬全體乳豬燒得脆口不肥膩，好吃！～百花松葉蟹柑大大隻蟹柑，味道不錯。蝦膠彈牙爽口，蟹肉鮮美。～茉莉花清雞湯燉竹笙湯清香鮮甜，竹笙爽口。～清蒸大東星斑大大條星斑，肉還是嫩，鮮美可口。～花膠鵝掌燜海參花膠厚肉，鵝掌腍滑，海參鮮美。～琥珀合桃甜豆炒帶子合桃超脆，甜豆帶子鮮甜。～番茄芙蓉魚湯浸時蔬滑滑蛋白配新鮮番茄粒和魚湯時蔬賣相獨突，味道和質感也很好。～吊炸脆皮三黃雞炸得金黃色的黃油雞皮脆肉嫩，入味可口。～鳳城蠔皇鮮蝦炒飯粒粒米飯配蝦、肉、蛋、蔥炒得惹味。～蓮子鮮百合紅豆沙起沙的鮮百合紅色豆沙入口有著淡淡的陳皮香。

黎到3樓，寬敞既大廳，登記完入去， 舒適既大四枱， 看一下Menu, 有好多傳統既點心👍🏻👍🏻好快點心就送上，熱辣辣又好味， 餐包都encore要再叫，另外叫左呢度有別於一般太極炒飯， 個炒飯一面係瑤柱蛋白炒飯， 一面紅糯米炒飯，煙煙韌韌，非常好味😋😋仲有懷舊點心：鵪春蛋燒賣、薑蔥牛肉角等等，一連叫左10幾個點心，滿足😋😋叉燒好林，又入味👍🏻👍🏻waiter 醒目， 勤快👍🏻👍🏻有禮貌🥰大家都食得好盡興同開心😃

這個月在沙田馬場內的「凱旋廳」可以吃到幾款消失中的味道，因為正推出主題「嚐味風華 1960」。 例如滿漢全席其中一道「崑崙鮑魚」，可以想像當年捕捉過百斤重的龍躉有多困難，崑崙即是龍躉確實矜貴。  「鴨吞燕」工序多，現在有幾多食肆願意做，若然肯做又要收幾多錢呢？在凱旋廳，每位$398原只妙齡鴿非常合理。 「紙包骨」是消失了的點心，仍記得80年代仲有人食，如果無記錯是大會堂美心的點心車，當時覺得個拆開個紙袋仔、尋找內藏肉骨吃好好玩。 最後一道，「京城金磗柴把鴨」並非懷舊菜，但同樣是手工菜，第一次品嚐，美味特色。詳情如下：懷舊鴨吞燕 $398鴨吞燕是潮州傳統名菜，想像得到工序繁多，需替鴿子起骨除血腥味，亦要用高湯餵燕窩令其入味，小心翼翼以燕窩填滿鴿肚，脹卜卜的賣相浮沉在湯內，更顯矜貴！ 即點即做最後步驟、燉十五分鐘，因此等候一會兒不該是問題。 服務員堂前從燉湯中取出原只鴿子，然後用小刀剪開鴿肚，見到填滿了的燕窩混了火腿蓉提味。 先喝一口湯，洋溢金華火腿之鹹香，清鮮甜醇。 鴿皮薄，已經完全軟嫩中帶點爽，與湯同吃順滑味美；相比若然只把鴿子與燕窩同窩煲湯出來效果當然更出色，因為燕窩預先被餵飽肉香；

今日朋友帶我嚟馬會食飯😍 一邊睇住埋長一邊食中餐😎正呀，來到高級餐廳，當然我都著得好四正啦，話說都有服裝要求㗎， 望住720度嘅全馬場景呀價錢方面唔在講啦😂 一定唔會平啦， 不過我覺得喺個咁嘅環境食個中餐已經係超值， 因為呢度嘅裝修華麗又夠氣派兩個人點餐五道菜， 一鍋粥已經夠飽了芋頭酥都幾鬆脆，賣相又靚嘩呢個排骨真係肉質好好味， 我覺得值得一試唔同普通茶樓服務方便當然都係高水準嘅， 可惜啲今日見唔到有名人😂

沙田馬場的凱旋廳，還是第一次過來，因為只有會員才能訂座用餐，不接受外來客戶，我們雖然是平日到訪，但生意很好，在等候座位的的時候，聽到有些沒有訂座的會員，要等其他會員no show，才能有座位。環境舒適，對著寬闊的跑馬圈用場，就是一種享受員工態度親切，但可能人手不足，有時候找人加水點菜，也要一點時間。他們的燒味很出色，豉油雞、乳豬、义燒，也是上品，特別是豉油雞，值得一贊豬腳薑略為太甜、排骨則偏肥我們點了很多東西，但因為上載照片只限12張，所以未能盡錄其他出品均屬佳品甜點最為驚喜，燕麥流沙湯丸，湯圓Q身好吃，核桃酥，棗蓉饀料，回味無窮所以點心小菜，在上餐的時候，均是熱乎乎，這是中菜講求的溫度美味佳餚，配合環境優美，豐盛的一餐

今天朋友請我來馬會會所凱旋廳飲茶，感受一下有尊貴身份才可進入的地方在餐廳門口已受到尊貴的接待，餐廳環境清雅舒服，點心美味，楊枝甘露不太甜口味清新是我最愛，多謝朋友的邀請，讓我這個鄉下妹冒充做上等人一次🙏😘

唔知係咪打風過後啲食材擺多咗一日，所以樣樣餸都冇乜本身食材嘅味，好似片皮鴨佢整出嚟好靚而且皮好脆燒出嚟嘅樣仲色澤均勻，但係鴨肉就真係冇乜味（如果佢鴨肉有鴨味，呢個係一個完美嘅片皮鴨）另一個XO醬津絲波士頓龍蝦又係無咩味㗎，可能一諗XO醬應該比較濃味但係食落去真係唔夠味。撈起沙薑手撕雞呢個相對地比較出色，雞嘅肥係晶凝通透而且好有雞味鳯城炒鮮奶無奶味直頭淡到無加鹽炒蛋白反而梅酒柑桔焗肉排，好有肉味雖然佢偏肥但係有少少梅酒味，有份好似叫番石榴肉球(忘記餸名)佢個舊肉係無味，唔講以為食緊番石榴包住斎肉，令人最最最失望嘅係佢嘅甜品，粟蓉西米焗布甸仲話廚師推薦，我係好好鐘意食呢個甜品，係美心酒樓都整得好好食，加上焗嘅香味出哂唻，我都係用呢個作一個標準，心想呢度點都會好食仲要有推薦LOGO唔使試都要叫2份啦，唻到個色澤已經麻麻地，你仲會睇到好乾身，食落去都非常唔好食唔滑唔香無焗布甸應有嘅味(唔係只係甜就叫有味), 到個杏仁茶好(希)似水咁, 但個脆皮薑汁糕超好食, 面脆又有薑汁味又唔甜, 我朋友話之前食過呢間好好味, 可能真係颱風後一日食材放咗一日差咗，咁好啦我都會俾多次機會佢

今日老闆要我們去開個Lunch meeting去左沙田馬會凱旋廳食埋lunch，環境舒服就唔駛多講，侍應當然都好啦！其實佢地d點心都好好食，同埋有部分點心🥧都好特別出面未必有！今次我地叫左一D筍尖鮮蝦餃、蟹子鮮蝦燒賣皇、蜜汁叉燒包、豆豉蒸鳳爪、豆豉蒸排骨、四寶鱔肚滑雞紮、香芋臘腸叉燒紮、香茜叉燒腸、韮王鮮蝦腸粉、迷你酥皮蛋撻、攬仁馬拉糕，樣樣點心都好好食！個個食到好飽，好滿足！值得一題啲腸粉好滑，四寶鱔肚滑雞紮真係好好食！希望可以再去！😜

很高興有機會來此吃晚飯，適逢廣東廚師菜式..👍👍環境寬敞，裝潢簡潔，環境很不錯。點選了：手撕雞撈起，手撕雞肉滑，配料新鮮，海蜇爽口，檸檬葉鮮美，香味撲鼻，與調味恰到好處，捨不得不吃！鮑魚拼燒鴨，鮑魚貨真價實，好彈牙，燒鴨入味，肉質好，兩者混合很夾生煎蓮藕餅，外層香脆，size 頗大，內涵蓮藕有咬口，不咸不油膩，好送飯！龍蝦炒鮮奶，龍蝦肉夠結實，夠新鮮，炒鮮奶見真功夫，滑！拔絲黑醋排骨，好好味，好拔絲呀！小炒有水準甜品，脆皮薑汁糕，夠薑，少甜，皮夠脆..Service貼心！整體是很有水凖的晩飯，值得推薦

同外國客人晚飯，廣東菜係不二之選哩個片皮鴨，說得上係餐廳的必食之選，成隻鴨有睇頭，皮脆肉嫩係機本要求之餘，師傅亦可按要求片成一碟薄皮，一碟皮帶肉，怕肥怕膽固醇都可以食。加上皮夠薄，可襯托出鴨的味道同口感鴨菘都係超讚，味道足加上鮮甜生菜包，另一絕配，真心佩服片皮鴨發明家，同發展二食的偉大廚師，令鴨死而無憾！去到高級食府都一樣可以叫例湯，足料又夠火喉，湯渣都可以清埋魚肉夠厚身結實，西芹都爽口，但就係有少少腥咁，但外國客人好喜歡，仲食多幾舊魚。哩個外型成粒合桃咁嘅合桃酥，好想大家開心share，但新穌焗製，非常鬆軟，結果一切就散晒，建議大家自私享用。馬會食府地方舒服環境高尚服務一流就梗架啦～加上食物質素穩定有保證，請客傾生意都容易成事

直至二零一五年為止，XO仔喺香港賽馬會，簡稱「馬會」，食過咁多間餐廳入面都未有一間能夠留下良好o既印象，個人總覺得馬會喺餐飲競技中欠缺合格o既選手囉！週二晚因要遠赴沙田馬會出席一位已故長輩o既悼念會，活動完畢後就順道留低喺會所o既中菜廳「凱旋廳」食晚飯，莫非係上天o既刻意安排？！大家要留意，會所範圍內，手提電話只可用震機，而且唔係度度都可以講得，不同區域內亦設有衣著限制，執得都幾正。「凱旋廳」位於會所大樓三樓，廳外o既候座處為弧形長梳化，闊落舒適。就連旁邊o既螺旋梯都有型過人，私人會所果然必具一格。中菜廳佔上會所整層，樓底高，面積寬廣，望出窗口就係馬場，簡約o既裝潢已顯出貴氣。見小肥手持電話影相，廳內o既會員食客似乎有啲唔自然，細佬都好識趣地只係影咗一幅餐桌o既相就埋位，未食俾人趕走就唔係咁好啦！悼念會完畢已差不多九點，親友十一人就交由XO仔快速點菜。為安全起見，細佬結果主要都係叫咗啲大廚推介食品，包括兩款燒味。蜜汁靚叉燒（$142.5/例半）：半肥瘦o既叉燒爽脆甜美，而且肉汁夠，餸名形容得非常貼切。北京片皮鴨（$418/兩食）：負責我地張枱位哥哥仔不但服務周到，友善又效率高，原來仲片

凱旋廳是沙田馬會會所內只招待會員的中菜廳，近兩年水準進步神速，食物水準一般都保持中上，服務態度非常好，加上環境寬闊，是一家大細聚會的好地方。PJ一向非常喜歡食雞，P最喜歡吃白切雞，而我就最喜歡食生浸鼓油雞。鼓油雞很多餐廳都有提供，而我最喜愛的必然是凱旋廳的生浸鼓油雞。凱旋廳採用的雞都偏大隻，啖啖嫩肉，肥瘦適中，加埋香濃的甜鼓油，送飯一流！P最愛吃雞皮，他最欣賞這裡的雞皮夠厚及有彈性。每次我都會將啲鼓油汁打包番屋企叫工人姐姐用嚟浸雞，味道當然不及凱旋廳，但都唔錯啦！

難得有機會入到馬會裡面食自助餐,諗住應該會係top quality. 一入到去周圍望一望,野食嘅種類都算夠,但係唔算多.環境當然冇得彈啦,高級裝修已經係基本.啲野嘅賣相都幾好,特別係個羊排都幾唔錯,有小小羶味,脂肪比例夠,所以有羊味得嚟唔會太鞋.總括嚟講都唔錯,不過重點係環境唔係食物.

北京片皮鴨，麵皮不會黏著一起，用蛋糕紙一層層分開，很細心！不夠的話還可再添。鴨皮香脆，有連肉和不連肉的，加上大葱、青瓜絲和醬汁，美味可口。一流！生菜包著炒飯吃，青而不膩。絶！香煎粟米墨魚餅，原粒粟米加上彈牙墨魚餅，青甜可口。正！小唐菜不會過熟或過生，豆腐一件件賣相整齊，加上惹味香菇和醬汁。很好！這道很健康的菜，值得一讚是選用一級香脆雲耳；西芹入口清甜；香煎三文魚，味道香濃。勁！最後送上精緻香甜的椰汁紅豆糕，真是大飽口福！感激友人是晚真摯的款待！

We came for the famed curry buffet at Ladies Purse originally, but were disappointed to learn that it wasn't available due to Christmas special arrangements. Went to Oi Suen for Chinese dinner as the menus had been revised. The traditional long boiled soup was quite warming and tasted of figs and assorted beans and pork. The tea leaf smoked egg was rather special and was melting in the core with a prevailing fragrance of tea leaves. The salt and pepper deep fried diced beancurd was crispy and th