Video
Telephone
29482884
Opening Hours
Today
12:00 - 22:00
Mon - Sun
12:00 - 22:00
Above information is for reference only. Please check details with the restaurant.
Offers
今日去遊車河，又係入大尾督食下午茶，今日晏晝唔想食咁飽見到呢間台灣菜就試吓，車可以泊隔離店舖，免費的，都成下晝四點幾，有午餐Menu牛肉麵都係$60咁緊係食呢個啦，見佢滷肉飯有隻蛋於是我問店員個麵可唔可以加隻蛋，佢竟然問我要糖心蛋定要熟蛋？問佢咩蛋佢話係蘭王？不過就要加$10，蘭王都係+10$？最後我都加了，加埋杯香芋珍珠都係$80，差唔多啦。先講吓碗麵，熱辣辣上枱好香，湯底濃郁牛骨味，藥材味，麵條Q彈牛肉入口即化，仲有小小筋肉住超正，有菜，有羅白，蔥花，隻蘭王蛋真係比100分，就算其他拉麵舖佢都未必捨得比呢隻，加隻蛋又幾好食喎👍🏻建議下次都可以加隻糖心蛋，因為我兩啖食左所以無影相，太幸福了。另外會香芋珍珠我叫咗小珍珠（驚肥）甜度適中，香芋味濃，珍珠Q彈食物飲品都好有心機整，唔錯。
continue reading
今日出面落大雨，唔想出街，之前叫過你間台灣菜外賣，打電話去問佢有手提電話落單，幫我校有泰菜越菜台菜餐牌電話😂，於是我叫咗個越南蔥油飯，跟住一個台灣夜市炒飯同埋一個夜市炒麵，未食過，加多杯木瓜鮮奶。店員整好左打比我，仲問我住邊送埋過黎真係好窩心。打開熱辣辣，仲送咗兜咖喱汁俾我先講個蔥油拌飯，多蔥油，豬肉串燒，雞翼，豬頸肉，勁豐富都係60元，非常出色。台灣夜市炒飯，呢個真係未食過，啖啖牛肉，好惹味，超好食呢個一定會再食。台灣夜市麻辣炒麵，呢個出奇地好食，辣辣地，麵爽彈，炒得好好夠哂味。木瓜鮮奶又係好好飲，濃郁木瓜。二百蚊真係超抵食，最值得一讚係落雨，佢哋會送埋俾我真係好窩心。
continue reading
老蔡台灣牛肉麵 x 茶茶滾 今日難得朋友放假，朋友決定揸車入去大埔大美督揾地方食嘢，逛逛街，或行海灘等。 逛逛下已經可以食下午茶，來到老蔡台灣牛肉麵x茶茶滾，環境好，地方寬廣，舖位清新，播放着音樂，室內美觀。店員有禮貌和笑容。 酥炸頂級花枝丸，見到都好想食，買相吸引。 香噴噴咬入口柔軟和有彈牙的感覺，肉質豐富，咬到花枝肉加上辣粉，好好食。 香酥魷魚鬚， 炸到金黃色香脆，一條條放入口咬，魷魚味香，有彈性， 面上滲咗辣粉， 好啱食辣的朋友食。 特濃牛油果鮮奶，入口香滑，牛油果原味，有牛油果粒，可加糖的。 特濃木瓜鮮奶，木瓜粒清甜，加入鮮奶，搞成奶橙色，好滑溜入口好舒服。 仙草冬瓜茶，易入口冬瓜茶，仙草可清熱，成個人舒服曬。
continue reading
今日入到大美督游水，約咗幾個朋友，游咗一陣我哋就去下午茶，行到去淺啲見到呢間台灣嘢就試吓。我哋叫咗個牛三寶面，佢入邊有牛肉，牛肚，牛筋，蘿蔔，小棠菜，都好豐富，我哋叫咗細麵，麵質Q彈，成碗嘢熱辣辣，湯底好濃牛味，一定係真材實料。加杯特飲都係$60朋友叫咗個手切滷肉飯，又係好惹味，好大碗，加杯特飲都係$60。另外叫咗個蟹黃麵，啖啖蟹醬，撈埋個麵勁夾，加埋杯特飲都係70。跟住加多左個雞翼， $20幾 ，勁抵食食完熱辣辣我哋又行返去沙灘嗰度游水，又到黃昏之後就走了。
continue reading
大美督一帶有好多餐廳，老蔡台灣牛肉麵係新開嘅台式餐廳，一邊係手搖飲品店，一邊係餐廳。餐廳出邊有位泊車，揸車入嚟食嘢都好方便，餐廳分咗室外同室內兩個區域，座位都好寬敞。🧋波霸鐵觀音鮮奶主打台灣美食嘅餐廳，梗係要試吓佢哋嘅手搖飲品，果然非常正宗。珍珠大大粒，好有咬口，奶味好香醇，夾埋鐵觀音沖唔會太甜。🍽️ 老壇酸菜魚湯麵非常推薦，要先讚吓個湯底，湯底辣辣地，而且用咗魚肉去熬製，加埋酸菜嘅結合，飲咗兩啖好開胃。魚肉好嫩滑，冇乜骨，而且份量都唔少，麵條就爽口彈牙。🍽️ 肉鬆起司蛋餅台灣夜市名物之一，蛋皮搓到好鬆軟，入邊夾住邪惡嘅芝士同肉鬆，咬落去好有口感，加埋餐廳特製嘅醬汁，加咗唔少分。🍽️ 香酥魷魚鬚即叫即做，外層好鬆軟，內裏魷魚鬚好彈牙，表面曬咗少少辣粉同海鹽，越食越滋味。老蔡台灣牛肉麵x茶茶滾 📍大埔汀角路大尾篤村50M號地舖
continue reading