老蔡台灣牛肉麵x茶茶滾

Open Now

Now Closed

🥢蕃茄特選腱心牛肉麵，一上枱就聞到好香嘅蕃茄味，湯底紅卜卜，望落已經好開胃。飲啖湯，嘩，好濃郁嘅蕃茄味，酸酸甜甜咁，好refreshing！佢哋用嘅係特選腱心牛肉，煮到好腍好入味，一啲都唔韌，而且份量都幾多，啖啖肉，好滿足！麵條方面，佢哋用嘅麵好掛湯，食落好有口感。成碗麵嘅配搭，真係perfect match，喺凍凍哋嘅天氣食，成個人都暖笠笠，好舒服！🥢凍鴨屎香手打檸檬茶：其實「鴨屎香」係一種茶葉嘅名，佢嘅特色係帶有淡淡嘅花香味。呢杯檸檬茶，一飲落去就覺得好清香，檸檬嘅酸味同茶嘅甘味mix埋一齊，好match！而且佢哋係用手打嘅，所以啲檸檬味特別出，飲完之後成個人都醒晒，啱晒食完heavy嘢之後解膩！🥢台式酥炸花枝丸：佢哋嘅花枝丸炸到金黃色，外皮好酥脆，咬落去卜卜脆，入面嘅花枝好彈牙，仲有少少juicy，加埋胡椒鹽，味道啱啱好，唔會太鹹！🥢凍牛油果奶昔：呢個係我嘅健康之選！牛油果本身嘅營養價值好高，而且佢哋嘅奶昔打得好creamy，好香滑，牛油果味好濃郁，但又唔會太膩。飲嘅時候，可以感受到牛油果嘅天然香味，好舒服。如果你想飲啲健康啲嘅嘢，呢個絕對係一個唔錯嘅選擇！🥢台式滷肉飯：肥而不膩

同肥仔係大美督睇完日落食完西北風之後，就決定係附近搵餐廳食晚餐，係老遠就見有間餐廳好光猛，一定入去試吓😋餐廳有內外兩區，內部有唔少台灣城市嘅相片，加上接近新年，佈置相當有氣氛。說好不哭套餐（青花椒香麻辣乾拌麵配手撕雞，小滷肉飯、麻辣湯高麗菜豬肉水餃、麻辣鴨血、台灣腸、特厚芋泥鮮奶）-$148估唔到份量會咁多，除左兩個主食之外，仲有三份小食，乾拌麵有滿滿雞絲而特厚芋泥鮮奶，杯邊掛滿芋泥，飲落甜而不膩滿漢三寶牛肉麵-$98相當有驚喜，首先湯底非常出色，濃濃飲得出藥材同牛肉嘅味道👅仲帶小小辣味，另外牛腱心、牛筋同牛肚都燉到十分軟腍，麵質彈牙，食完成個人暖笠笠小食拼盤-$198一共有8款小食，其中我覺得最好食嘅係三角雞軟骨，即雞嘅心口骨，其次就係甜不辣脆口就嚟甜甜地又煙韌，係炸豬排有少少乾入面的職員亦都好健談，會同你推薦餐廳入面嘅菜式，肥妹仔都係聽佢建議叫菜咋😚

今日去遊車河，又係入大尾督食下午茶，今日晏晝唔想食咁飽見到呢間台灣菜就試吓，車可以泊隔離店舖，免費的，都成下晝四點幾，有午餐Menu牛肉麵都係$60咁緊係食呢個啦，見佢滷肉飯有隻蛋於是我問店員個麵可唔可以加隻蛋，佢竟然問我要糖心蛋定要熟蛋？問佢咩蛋佢話係蘭王？不過就要加$10，蘭王都係+10$？最後我都加了，加埋杯香芋珍珠都係$80，差唔多啦。先講吓碗麵，熱辣辣上枱好香，湯底濃郁牛骨味，藥材味，麵條Q彈牛肉入口即化，仲有小小筋肉住超正，有菜，有羅白，蔥花，隻蘭王蛋真係比100分，就算其他拉麵舖佢都未必捨得比呢隻，加隻蛋又幾好食喎👍🏻建議下次都可以加隻糖心蛋，因為我兩啖食左所以無影相，太幸福了。另外會香芋珍珠我叫咗小珍珠（驚肥）甜度適中，香芋味濃，珍珠Q彈食物飲品都好有心機整，唔錯。

今日出面落大雨，唔想出街，之前叫過你間台灣菜外賣，打電話去問佢有手提電話落單，幫我校有泰菜越菜台菜餐牌電話😂，於是我叫咗個越南蔥油飯，跟住一個台灣夜市炒飯同埋一個夜市炒麵，未食過，加多杯木瓜鮮奶。店員整好左打比我，仲問我住邊送埋過黎真係好窩心。打開熱辣辣，仲送咗兜咖喱汁俾我先講個蔥油拌飯，多蔥油，豬肉串燒，雞翼，豬頸肉，勁豐富都係60元，非常出色。台灣夜市炒飯，呢個真係未食過，啖啖牛肉，好惹味，超好食呢個一定會再食。台灣夜市麻辣炒麵，呢個出奇地好食，辣辣地，麵爽彈，炒得好好夠哂味。木瓜鮮奶又係好好飲，濃郁木瓜。二百蚊真係超抵食，最值得一讚係落雨，佢哋會送埋俾我真係好窩心。

老蔡台灣牛肉麵 x 茶茶滾 今日難得朋友放假，朋友決定揸車入去大埔大美督揾地方食嘢，逛逛街，或行海灘等。 逛逛下已經可以食下午茶，來到老蔡台灣牛肉麵x茶茶滾，環境好，地方寬廣，舖位清新，播放着音樂，室內美觀。店員有禮貌和笑容。 酥炸頂級花枝丸，見到都好想食，買相吸引。 香噴噴咬入口柔軟和有彈牙的感覺，肉質豐富，咬到花枝肉加上辣粉，好好食。 香酥魷魚鬚， 炸到金黃色香脆，一條條放入口咬，魷魚味香，有彈性， 面上滲咗辣粉， 好啱食辣的朋友食。 特濃牛油果鮮奶，入口香滑，牛油果原味，有牛油果粒，可加糖的。 特濃木瓜鮮奶，木瓜粒清甜，加入鮮奶，搞成奶橙色，好滑溜入口好舒服。 仙草冬瓜茶，易入口冬瓜茶，仙草可清熱，成個人舒服曬。

今日入到大美督游水，約咗幾個朋友，游咗一陣我哋就去下午茶，行到去淺啲見到呢間台灣嘢就試吓。我哋叫咗個牛三寶面，佢入邊有牛肉，牛肚，牛筋，蘿蔔，小棠菜，都好豐富，我哋叫咗細麵，麵質Q彈，成碗嘢熱辣辣，湯底好濃牛味，一定係真材實料。加杯特飲都係$60朋友叫咗個手切滷肉飯，又係好惹味，好大碗，加杯特飲都係$60。另外叫咗個蟹黃麵，啖啖蟹醬，撈埋個麵勁夾，加埋杯特飲都係70。跟住加多左個雞翼， $20幾 ，勁抵食食完熱辣辣我哋又行返去沙灘嗰度游水，又到黃昏之後就走了。

大美督一帶有好多餐廳，老蔡台灣牛肉麵係新開嘅台式餐廳，一邊係手搖飲品店，一邊係餐廳。餐廳出邊有位泊車，揸車入嚟食嘢都好方便，餐廳分咗室外同室內兩個區域，座位都好寬敞。🧋波霸鐵觀音鮮奶主打台灣美食嘅餐廳，梗係要試吓佢哋嘅手搖飲品，果然非常正宗。珍珠大大粒，好有咬口，奶味好香醇，夾埋鐵觀音沖唔會太甜。🍽️ 老壇酸菜魚湯麵非常推薦，要先讚吓個湯底，湯底辣辣地，而且用咗魚肉去熬製，加埋酸菜嘅結合，飲咗兩啖好開胃。魚肉好嫩滑，冇乜骨，而且份量都唔少，麵條就爽口彈牙。🍽️ 肉鬆起司蛋餅台灣夜市名物之一，蛋皮搓到好鬆軟，入邊夾住邪惡嘅芝士同肉鬆，咬落去好有口感，加埋餐廳特製嘅醬汁，加咗唔少分。🍽️ 香酥魷魚鬚即叫即做，外層好鬆軟，內裏魷魚鬚好彈牙，表面曬咗少少辣粉同海鹽，越食越滋味。老蔡台灣牛肉麵x茶茶滾 📍大埔汀角路大尾篤村50M號地舖

今日食lunch去咗依間新開嘅台灣嘢之前經過門口見到有珍珠奶茶茶飲仲有我好鍾意嘅鴨屎香檸檬茶～所以決定一定要去試吓😋我叫咗正常甜正常冰❤️真係好香，好好飲😋😋😋仲叫咗兩個小食特別鍾意依個南乳香味嘅雞翼同埋雞軟骨😍雞翼爆汁外脆內滑，雞軟骨，又香又脆超級惹味😋呢個牛三寶牛肉麵啲牛肉超級入味軟腍～牛湯非常香濃個麵好好食好好食可以揀刀削麵或者台灣麵今次我哋揀咗台灣麵👍🏻份量好足，連湯都飲埋呢個台灣腸又係一定要叫加埋蒜頭一齊食，簡直係1秒返到台灣另外仲揀咗依個蔥油麵可以揀辣或者唔辣呢個排骨蔥油麵連蔥油都特別香過人😍見到隔籬枱食滷肉飯，連小朋友都話好好食下次我一定要試吓～順帶一提，樓面嘅小姐姐非常之有禮貌又勤力抵讚抵讚

今日踩單車入大尾督，經過呢間台灣菜見佢幾光猛，入去試吓。餐牌大部份都係食麵同埋滷肉飯為主，價錢相當抵食，大約都係$50至$60 ，如果加飲品都係加多$10。我叫咗個老蔡紅燒牛肉麵，我見圖片有蘿蔔同埋菜，我唔要，碗麵嚟到相當飽滿，牛腱肉超腍滑，入口即溶，湯底十足台灣，甚至比台灣更好喝，呢間鋪聲稱冇味精湯底牛肉熬製全日。另外叫咗個青花椒香麻辣干拌麵，收費$60 ，麵條非常掛汁，麻辣味勁，相當抵食，另外配左台灣腸同埋雞翼都相當高分。呢度有+1服務費，但係都相當抵食，下次可以來試下。

老蔡牛肉麵位於大美督，地段非常清幽隱蔽，遠離塵囂，最適合想遠離城市放鬆一下心靈，或者同朋友踩完單車想去大美督搵啲嘢食～大美督其他餐廳嘅消費普遍較高，而呢一間算係呢個地段非常平民化，如果唔想食太貴可以考慮吓～餐廳主打台灣麵，店主遠赴台灣學習湯底精髓，整出堪稱人間美食嘅台式湯麵。今次試咗花枝丸麵，花枝丸非常彈牙，湯底清甜冇味精唔太濃味，唔會因為太鹹掩蓋咗本身食物嘅鮮味～台式小食亦都整得非常地道，炸魷魚鬚好味到好似去咗逢甲夜市咁，外皮酥脆，內裏依然鎖住魷魚肉質鮮味，鮮甜又有口感。仲有一個肉鬆起司蛋餅都係非常特別，其他地方食唔到。蛋皮搓得好鬆軟，包住邪惡嘅芝士超香濃，再落咗肉鬆味道非常配襯令芝士唔會顯得太膩，好食到欲罷不能😋總括而言，餐廳嘅整體食物都非常高質，小食以至湯麵，台式地道食品以至金湯酸菜魚蛋都非常高水準。最後一題餐廳名後面係茶滾滾，手搖飲品一樣遠近馳名！記得試吓呢度嘅珍珠奶茶同埋鮮奶，包你有驚喜😍

今日路過見到呢間台灣菜新開張，因為上次見佢仲裝修緊，決定入去試吓。午餐非常抵食，都係$50-$60一個麵有飲品，牛肉麵湯底用16種藥材及堅稱無味精，我同老婆一人一碗試下。試下啖湯，好濃牛味，真材實料，牛肉淋滑，無牙都食到，真係好似台灣食緊，問到店員老闆是否台灣人，他說不是，是香港人，只是他太喜歡吃牛肉麵。鹽酥雞九層塔，熱辣辣好香口。再加多杯鴨屎香檸檬茶，埋單都不用$180，份量多，算是抵食，同食得出好有心機諗呢碗麵，妹妹都讚好。

下晝無聊去左大埔，5點幾入大尾篤行下，見到呢間台灣菜幾光猛，又幾靚，門口有人等緊野飲，出面有鴨屎香手打檸檬茶，整返杯消暑下，順便見到有台灣面食，索性入去食，食埋走人。我哋叫咗個紅燒三寶牛肉麵，湯底重牛骨味及藥材味，最尾成碗飲哂，牛肉好林夠味，牛根正常，牛肚爽口👍🏻講真好有台灣感覺。老婆叫咗個蟹黃麵，雖然在台灣未見過，但係都幾好食，每一啖都係蟹肉非常掛麵，都推薦。我問侍應可唔可以鹽酥雞拼雞軟骨，佢話可以，兩樣都好食，鹽酥雞炸得乾身左小小，但味道是正常的，而雞軟骨又好juicy，都唔錯。手打檸檬茶非常冰凍及消署，忍唔住叫左兩杯價錢都合理，飽到夜晚都唔洗再食。不知是否新開關係環境亦乾淨企理👍🏻

-老蔡台灣牛肉麵x茶茶滾-📍大埔.趁住最近天氣幾好，放假就同男朋友去咗大美督郊遊一下，發覺原來大美督都好多餐廳。本身只係想買杯手搖飲品，但係發現原來佢哋旁邊仲連埋一間台式料理餐廳，便決定喺度解決我哋嘅晚餐。.九層塔鹽酥雞 ($68)鹽酥雞小食的份量都唔少，雞肉炸至外層香脆，配上九重塔香味，非常開胃。.老壇酸菜牛肉麵 ($98)酸菜的酸味更帶出湯頭的清甜，台灣麵食落奶油口感，好細滑。.牛肉都好高質，滷至入味，食落有八角嘅香味。睇落完全冇脂肪，但食落一啲都唔韌，入口即溶，而且每件都帶有軟嫩牛筋嘅部份，食落啖啖骨膠原咁。.花椒香麻辣乾拌麵配香酥排骨 ($88)乾拌麵可以選擇唔同配料，我揀咗香酥排骨。排骨外層炸至香酥，食落一啲都唔韌。.花椒香麻味好濃，加埋佢哋嘅特製辣油，辣椒香味和花椒麻味味道層次較更為豐富。.特濃黑糖仙草鮮奶 ($44)飲品都好大杯，黑糖好香，仙草都好多。.

餐廳位於大尾督村湖畔景色怡人，菜式種類多，台式飲品更係用心之作，例如見到招牌木瓜牛奶用上原個木瓜去打，非常足料涼拌小黃瓜：呢個菜式清爽，小黃瓜爽脆，配上醋、蒜頭同香油，味道鮮美，適合夏天食用。香酥魷魚鬚：魷魚鬚炸得香脆，外層酥脆，內裡嫩滑。加埋啲辣椒醬，更加開胃。黑黑糖小饅頭：呢款饅頭外皮酥脆，內裡鬆軟，黑糖味道濃郁，好適合當甜品或者早餐。酸菜魚湯麵：湯底酸酸地，魚肉鮮嫩，加埋酸菜同麵條，味道豐富，暖胃又開胃。

今日收工同朋友嚟到大美督食飯行過見到呢間新開台式餐廳佢係一間餐廳、一間手搖飲品連埋感覺好似行緊台灣夜市咁樣因為好多夜市小食同手搖飲品我哋叫咗以下幾樣嘢食- - - - - - - - - - - - - - - - - - - - - - - - 1. 老蔡滿漢三寶牛肉麵見佢餐牌寫咗老闆特登去到台灣拜師湯頭用咗16種唔同中藥材同50斤牛骨熬成重點係冇添加任何味精 夠晒新鮮飲落都真係幾濃郁夠味 帶有微微辣味入面三寶包括牛腱肉、牛筋、牛肚浸過啲湯之後 昇華晒啲牛肉嘅味牛腱肉好軟嫩、牛筋就好Q彈同埋牛肚都好爽有咬口 真心唔錯2. 夜市必吃三角雞軟骨＋香酥魷魚鬚呢度有我最鍾意嘅大大粒雞軟骨一咬外層係好酥脆 內裡軟骨口感爽脆魷魚鬚都一樣 外脆內裡肉質彈牙雞軟骨或魷魚都幾新鮮 唔似雪藏上面灑咗少少香料 海鹽、辣粉等等食到咸香微辣 感覺好似行過夜市即叫即炸3. 特濃黑糖波霸4.3鮮奶＋特濃木瓜4.3鮮奶特濃黑糖波霸鮮奶啲珍珠好重黑糖味食落口感煙煙韌韌 好有咬口～加埋4.3鮮奶平衡返黑糖嘅甜味特濃木瓜鮮奶似係鮮打出嚟好似前排去台灣夜市入面飲個啲唔算好甜 帶有少少木瓜清香冰度揀咗正常 飲落質地比較濃稠