老馮茶居 (荃灣千色匯II)

見佢新開張，諗住買個外賣試吓啫， 11點半去到，都唔敢喺最旺和時候買啦⋯⋯外賣一個飯，等咗40分鐘，十一點半叫，十二點幾先有。如果係要等咁耐，我落單你話聲比我知吖，等我自己去選擇買唔買等唔等吖嘛一路等一路觀察，個收銀唔識收銀，樓面啲人走來走去但又幫唔到手，廚房出品又極慢。原來仲有接網上外賣，連包外賣都唔夠人手，咁做咩仲要做咁多外賣呀，本來滿心歡喜嚟試食，結果企到對腳都攰仲一肚氣，得失晒啲客又為咩呢？做唔切就唔好勉強啦！！

環境：裝修尚算幾好，餐廳主打都係懷舊特色。但如果唔係坐卡位既話，中間既檯仔都幾逼，係坐得唔舒服。侍應推架車仔出黎送野食，都會幾次撞到中間既食客，係真係唔係幾好。食物：都係普普通通點心比較好既係蒸飯，飯比起其他酒樓既好食，佢既飯蒸到一粒粒，唔會好水，算係幾好。可惜，點左一個炸芋角，裏面竟然係凍既！我8:30去，即係可能部分食飯物係隔夜整得，到左照早先就咁整熱返。其他腸粉燒賣都正正常常，都可以既。3個人食左$175，每人$60到，都飽。如果附近冇茶樓又真係好想飲茶，可能都會黎食下既。

🔸沙嗲金錢肚$26金錢肚好冧唔會好厚😉沙嗲味都好夠亦唔會太鹹🙌🏻下面仲有麵根吸哂d沙嗲汁真係好正🤤🔸老馮金沙米皇腸 $32腸粉裏面有蝦膠同油炸鬼🙌🏻兩樣嘢好夾😚腸粉皮唔係好厚😬真係好好食🤤極度推薦大家叫😆🔸薑汁桂圓紅棗糕 $20因為個人唔鐘意食紅棗榚所以冇食到🤭紅棗榚上到黎熱辣辣🔥朋友話攤凍咗好食d😂朋友話好夠薑同紅棗味🙌🏻🔸古法牛肉球🐮$23牛肉球同平時個d係一樣嘅😂下面有腐皮👐🏻但要留意係喼汁係會落埋所以唔食嘅話要提前出聲😉🔸XO醬蘿白榚$28呢個認真有驚喜😳蘿白榚有炸過所以外脆內軟🤩再加埋XO醬真係一流🤤會想一口接一口咁食🤪🔸咖喱蒸鮮魷🦑 $26魷魚吸哂咖喱汁所以好入味😚魷魚亦都唔會好硬😋下面仲有豆腐卜,吸哂所有精華😆 🔸老馮流沙芋泥包🍞 $20呢個包真係第一次聽好特別🤓內餡真係會流心🥰食落有d似紫米露💜認真有驚喜😳建議大家叫😆🔸蟹籽燒賣皇 $28燒賣係飲茶必叫嘅點心👐🏻但比起其他點心就相對普通😬啲皮痴住第二舊燒賣但豬肉同蝦嘅比例係一半半🤗個人覺得不過不失😜🔸鵪鶉蛋燒賣皇🥚$28個人係好鐘意食鵪鶉蛋🥚但呢個都係一般般😉燒賣上面有一隻鵪鶉蛋,燒賣肉嘅比例都好嘅但可能比較其他嘢食就

2-1-2022 (Sun)朝,同老公買餸前食早餐,由於前一日晏晝嚟到時見到好多人等位,所以冇食到,今次睇吓好唔好彩,我哋嚟到見到都有人等位,我哋決定等,等咗10分鐘就有位,我哋叫咗香片先,睇完menu就落單.飲返啖茶先,點解呢喥嘅香片味道唔同平時嗰啲嘅?唔好飲.而我哋要咗:1. $20.00嘅正宗潮州粉果一食,粉果皮太腍,開頭重諗住老公可能要辣椒油,但五香粉重手咗,我食到,而餡料就一般.味道:2.5分2. $20.00嘅老馮流沙芋泥包熱騰騰,係流沙嘅,而味道都啱啱好,唔太濃.味道:5分6. $18.00嘅高湯時菜(生菜)渌得翠綠,冇問題.味道:5分4. $35.00嘅窩蛋牛肉飯窩蛋牛肉飯用砵仔上,隻蛋係另上自己打上去牛肉餅,老公整好後食得.鬆軟嘅牛肉餅好厚,份量重多過飯,芫荽又夠,好味.味道:5分3. $18.00嘅老馮咸水角Size係正常大大隻,炸得靚,食落口感同味道都正常.味道:3分5. $28.00嘅糯米雞好耐冇食糯米雞喇,呢個味道口感都正常,而佢係放一隻雞中翼入去.味道:5分食完呢餐後,自問飲茶嘅份量唔太多,但我好耐都唔會口喝,到買完餸返到屋企後兩,三個鐘,都冇飲過水,即係呢

點心店終於又進駐荃灣！.自從全記執咗後，大家有一排都喺荃灣市中心呢邊搵唔到點心店食蝦餃燒賣，而家終於又有另一間可以畀人同三五知己嘆下茶！‼️‼️注意此時段只能落一次單‼️‼️.1️⃣老馮鮮蝦餃（$28）同市區酒樓一盅蝦餃價錢相若（或略平）🦐味道都同出面差唔多，皮唔算太厚，蝦肉飽滿彈牙，啱啱蒸起夠晒熱辣辣.2️⃣薑葱牛柏葉（$26）類似出面中點嘅價錢（？）牛柏葉最怕韌到咬唔開最後要成舊lur 咗佢，而呢度整到好容易就咬得開，同埋都幾爽脆，好食😌.3️⃣沙嗲金錢肚（$26）同坊間差唔多，個人覺得佢個汁有些少過鹹，同埋牛肚唔算太爽口，所以還好。.4️⃣招牌牛腩腸粉（$38）少貴。初初expect佢係腸粉包住牛腩用橢圓碟上枱，點知！佢係一條條豬腸粉加牛腩同腩汁再用砵裝🐮最好食每條腸粉都浸滿腩汁先好擺落口，因為都幾鮮甜同黏口！但你問係咪好好食，我個人會鍾意平時食開嘅牛肉腸多🤣.5️⃣蟹子燒賣皇（$28）無嘢好講😂豬肉飽滿！酒樓必點唔使諗.6️⃣薑汁撞鮮奶（$20）冬天暖胃之選！淡淡薑汁味唔會太搶，每一啖仍然食到少少牛奶香，唔錯！.性價比：🌕🌕🌕🌕🌘美味度：🌕🌕🌕🌕🌘獨特性：🌕🌕🌕🌕🌑

元朗的老馮終於開到黎荃灣喇🥳話說我與朋友一行四人於Boxing Day十點半攞位飲早茶，都要等幾個字先有位，人氣旺盛！而且我地咁早都已經屬於繁忙時段，講明用餐一小時及不可加單‼️/🌟古法千層糕呢款傳統的點心買少見少，我都係第一次試😮軟熟的白麵包，中間夾層是香噴噴的咸蛋黃奶皇，推介必試🙌🏻記得趁熱食，凍左會變硬！/🌟金牌炸芋角其實飲茶我好少食炸野，因為覺得好油膩😮‍💨所以今次朋友叫，我話我第一次食佢都好驚訝，但估唔到又幾好食喎🤩炸粉脆，夠香口乾身，唔怕油淋淋👍🏻入面粒粒鹹甜的芋頭餡仲好好食添，下次都會再嗌！/🌟老馮流沙芋泥包熱辣辣真係好流心，淡淡的芋泥香，唔怕甜👍🏻芋頭控I like~/🌟黑椒牛仔骨牛仔骨都醃得幾入味，軟腍彈牙👌🏻/🌟蝦醬蒸腩仔飯蝦醬蒸腩仔，鹹香十足，豬腩肉夠肥夠彈，鋪在底的飯粒都充滿豬油香，是脂肪的味道啊🐷/⭐️薑汁燉鮮奶唔錯既，但我最鍾意食都係義順/澳牛，唔夠水汪汪，比較似果凍既質感🤔 /⭐️鵪鶉蛋燒賣皇鵪鶉蛋既皮都幾Q彈，但比我期待既普通/⭐️八珍糯米雞我不嬲都唔鍾意食糯米雞既🤪但為大家試左一啖，飯粒口感好濕好淋，完。/⭐️老馮鮮蝦餃⭐️老馮鮮蝦餃蝦腸⭐️古法牛肉球傳統點心大都正

聽朋友講最近荃灣開咗間茶居就走去試下！裝修好懷舊，環境唔錯，乾淨企理！先講食物：質素非常得！今晚食咗牛柏葉、牛肚、咖喱魷魚、鵪鶉蛋燒賣、叉燒腸、芋角、蒸飯！好食！尤其係個蒸飯，做得非常好👍！最後仲食咗兩個甜品包括燉奶同埋紅棗糕！當然唔可以淨係講好果面，個糯米雞唔得！茶唔夠滾熱辣！服務：員工唔係好熟手；遇到問題唔係好識處理 ！隔離枱落咗order，出錯嘢，跟住要搞好耐先可以換翻啲啱嘅食物等。翻枱好耐！可能係新開，所以要啲時間去熟習！總括來講，值得去試！