老馮茶居 (荃灣千色匯II)

之前去元朗總店已經想幫襯，但大排長龍。今日經過荃灣分店有位，一於支持吓。第一輪先叫5款蟹子燒賣皇（$28），大粒，豬肉蝦肉都好彈牙，好味道。另外辣油都唔錯。金牌炸芋角（$18），外層鬆脆，裡面芋蓉有肉碎，味道很好。雖然係熱的，但食得出係炸完一段時間，因為有回油嘅味道，可惜（唔係即炸，因為落單後唔使一分鐘就上枱）。如果係即炸，一定好味好多。老馮流沙芋泥包（$20），熱辣辣（小心辣咀），流沙芋泥超香濃，甜味適中，好味道。古法千層糕（$26），鬆軟，中間有蛋黃、奶皇、椰絲，味道可以。八珍糯米雞（$28），大隻，餡料有雞翼、臘腸、蛋黃、肉碎，糯米唔會濕淋淋，味道可以。食完再加單叫多4款鮮蝦腐皮卷（$26），外層腐皮堅食到腐皮味，內裡蝦膠蝦肉彈牙，但又係可惜比較油。蔥花蝦米腸（$20），滑，勁多蔥，蝦米亦不少，好味道。豉汁蒸鳳爪（$23），味道正常，另外有2舊索哂豉汁味嘅麵筋。正宗潮州粉果（$20），味道可以，但餡料得沙葛、花生、肉碎，可惜韭菜較少同無咗蝦米，係差咗丁丁。PS：$5@茶錢，免加一。

人手：算是過多，但完全唔知做咩，行來行去，有吉枱又唔安排人入去，門口沒有蓋，落雨老人家等位，入左去幾次，話俾佢聽有七位俾我入咗先得唔得，佢又要返嚟出門口等，都唔知等乜，樓面起碼四至五個，吉枱已經執乾淨，係都冇人安排。坐低之後，又係自生自滅，冇人開茶，但係你有收茶芥囉。蝦餃：正常，不過不失，唔太大粒，個辣椒油就好正。千層糕：3小舊，硬的，份量少。咖喱魷魚：最好味，厚肉。炸芋角：外皮凍，內少少暖，咸到呢！一路食一路要吐骨，老人家小朋友要小心。

老馮茶居第一次食是在大埔，食完咁懷舊風既茶樓，先知荃灣間咖啡灣執左轉手開左老馮茶居既第三間分店。鍾意飲茶既我就梗係唔放過啦，結果等左成個鐘先入到去，可能系放lunch，我見好多OL姐姐都排隊等位⋯開系尼度都幾好，鄰近千色店，等得耐可以入去千色店行下。揀左幾款食完會翻食既點心俾大家⋯ ⦁老馮金沙米皇腸 $32用滑嘟嘟既腸粉皮包裹住炸左既米網春卷。內脆外軟既口感好豐富，仲要包系最入既鮮蝦好彈牙爽口。 ⦁ 老馮流沙芋泥包 $20一籠先得兩個，仲要新鮮熱辣，輕輕一搣濃濃既芋泥流沙慢慢流出來，除左流沙，入面仲會有好細粒既芋頭粒。比起平時既流沙奶黃包口感仲豐富。 ⦁ 鵪鶉蛋燒賣皇 $28其實尼個同有d酒樓既鵪鶉蛋燒賣差唔多，不過食加好少酒樓仲會有，見到尼間有就一定會嗌。回憶感滿滿⋯ ⦁咖喱蒸魷魚 $26魷魚配上濃濃的咖喱香，入味之餘又唔辣，加上大大件得黎又彈牙。 ⦁豉汁蒸鳳爪 $23果豉汁好香好濃，鳳爪完全入晒味，肉質爽得黎唔難咬。 總結一下，每枱有90分鐘時間，出餐都快既，15分鐘內基本上到齊晒。食物質素尚算唔錯，大大份之餘又好味，價錢又唔算太貴。除左排隊等位，基本上冇野可以挑剔。

本身兩個人嚟飲早茶，入座時係安排咗四人座位，但係洗完碗碟之後突然放咗個透明夾板上張枱，話繁忙時間會分開比多兩個人坐，張枱本身都唔大仲要再分一半啲嘢食完全放唔到，全部向上咁樣搭，重點係間鋪其他所有兩個人坐嘅四人枱都唔需要搭枱，淨係我哋啲枱需要搭，我估原因係我哋都係後生，之後嚟嗰兩個搭枱嘅又係後生女好蝦啲？要搭枱又唔一早講，洗晒啲碗飲緊茶先來話要搭枱，如果早啲講我會轉第二間！同埋冷氣都唔係好夠，見有啲位置明明放唔到咁多張枱格硬寒啲枱入去，所以見到其他位置有啲食客入去個座位同離開個座位都要店員幫手將成張枱推出嚟先走到，真係大開眼界。食物質素正常，價錢都唔貴，但呢個環境唔會再嚟第二次！

有日想食點心, 買左外賣番屋企食本身想叫流沙奶黃包 不過呢間無叫左流沙芋頭包 我想講癲復我既印像流沙芋頭包係勁勁勁好食!!!有佢 就可以唔食流沙奶黃包!!!其他野食都好好食XO羅白糕 好惹味唯一唔好食既係 牛腩腸粉牛腩同腸粉兩樣都係分開 一D都唔夾

上次去完元朗食，可以話係一試難忘🥹 但今次嚟荃灣食真係有啲失望🫣 唔怪得之我住荃灣嗰Fd話好普通😫 係我眼中必叫嘅老馮金沙米皇腸$32居然賣晒‼️已經大打折扣😫 因為呢嗰係我係元朗同大埔分店都覺得好高水準嘅一樣🤭入面包住蝦肉春卷，入面仲脆架‼️ 但我無得食🥹如果呢間值得一讚嘅係金牌炸芋角($18)，其他都好普通😫 但值得一彈嘅係薑汁桂圓紅棗糕($20)，無乜味😅 凍鴛鴦好難飲😅 XO醬蘿蔔糕炸得未夠時候，XO醬又少🥴 因為冇金沙腸，所以叫咗叉燒腸，但係今次連腸粉我都覺得唔好食，個皮太厚😫#老馮茶居 #荃灣 #點心 #炸芋角 #XO醬 #蘿蔔糕 #叉燒腸 #紅棗糕 #凍鴛鴦 #係元朗食真係好高質架 #果次仲等咗成一個鐘 #今次夜晚嚟荃灣 #唔使等 #裝修真係幾好嘅 #但食物質素差咗啲 #淨係靠宣傳唔係好得掂 #希望可以改善下

之前聽過媽媽的朋友，講話呢間新開茶居好食 ，所以唸住試吓，但係每次經過門口都好多人等。😩今個星期六早 D 中午十二點幾去到，因為聽講地方唔係太大，所以只三個人去食。 去到門口已經見啲人自己攞定啲點心紙喺度畫定先。 等咗十零分鐘就有位喇，原來限時一個鐘 ，我哋坐正門口旁邊位，個自動門開開關關，唔係坐得好舒服，不過諗住食一個鐘算啦。😔裡面地方唔大，不過啲裝修都幾懷舊，因為食得太匆忙，都冇時間望吓D裝修，都係睇返之前網友嗰啲環境相。啲侍應都好匆忙 ，個炸芋角唔熱，較油，味道麻麻地。呢三款點心，味道都係普普通通。。蝦餃來到啲皮都穿曬窿😳呢個潮洲粉菓係再蒸過比我哋，之前嚟個籠，D皮爛開晒，真係爛到接受唔到，同送來個侍應講，佢都話其實佢頭先拎來見D皮爛成咁，都覺得比唔落手，不過自己又唔可以出聲，如果顧客出聲就可換啦。食最後來呢個糯米雞 ，直頭有 D變咗嘅味。 唔知係咪趕住出食物比D客，所以求求其其整咗出來， 越期望，越失望， 佢只可以話係價錢實惠，不過我唔會再去食第二次囉。

🏅「古法千層糕」餡料好足，蛋黃夠香，配搭椰絲好食，甜度中間！🏅「潮州粉果」沙葛切大粒有口感，豬肉雖少但不是溝粉太多變肉漿，都食到有手琢嘅口感。🏅「砵仔排骨 」排骨真係好滑，夾一粒跣一粒。「金沙米皇腸」裡面有蝦，有疑似油炸鬼，好脆。「鮮蝦腐皮卷」啲蝦好怪好老，亦食唔出仲有無其他餡！「鮮蝦餃」食到有宿味，但相信咁啱係呢批點心啫！可以再畏機會。「服務」樓面超有禮貌，甚至係好親切，會同茶客傾計。「環境」裝修令人想起兒時，好有feel！但荃灣分店空間細小，不能坐得太耐。

家人食過兩次外賣，讚！於是假期早上探一探茶居，點知早上10點未夠，已出現排隊人群。等了半小時，終於可以入去。在等候的時候，已經可以點定餐先，個膠點餐紙非常環保，讚 ！入到去，餐具痛熱水已經預備好，見到特色餐具，未食已經心情大好，其實餐具已經很乾淨，可能因為需要特色，所以店員預備了洗碗盤，我們還是幫精緻的餐具洗了一轉。店內裝修懷舊，卻有新潮味道，不過座位略嫌太窄。我哋點咗鳳爪，金錢肚，流沙包，炸雲吞，腸粉。鳳爪的味道恰到好處，懷舊味，金錢肚好入味，流沙包凍咗仲係好好食，炸雲吞超正，想食多啲，但係腸粉嘅皮略嫌太口，好似棉胎，食咗飽到暈！不過整體來說，都係一個唔錯嘅飲食體驗，推介！

老馮茶居聞名已久，好耐之前已經喺網上見過大埔嗰間嘅報道。得知荃灣開咗新分店，試試！點心數量好多，傳統亦都有新派睇得出碗碟都有花心思，店入邊全部都係懷舊設計流沙芋泥包甜度還可，不過略嫌唔夠流沙牛肉球同燒賣好穩陣，燒賣入邊下蝦有兩粒，牛肉球味道調得好好夾埋喼汁一流 XO醬蘿蔔糕去飲茶真係一定要叫，蘿蔔糕應該係炸既，食落去略嫌有少少油膩去得飲茶點可以唔叫下蒸飯，呢個肉餅飯好好味，返入邊應該落咗豬油非常之香夾埋豉油，肉餅有咬口調味唔錯。呢個牛腩腸粉見佢店入邊推介就試吓啦，坦白講牛腩好好味，腸粉都好滑，不過兩樣嘢夾埋一齊我就覺得一般啦總括而言，其實仲有好多款點心都想試吓不過以上呢幾款大路嘢味道都好OK， 10分推薦大家去試一試

疫情停開後只做外賣，落單兩碟腸粉，叉燒包和芋泥包，等了一個小時才叫號取。回家打開吃，腸粉很滑溜，蒸包沒有茶樓蒸包咁大，叉燒包包皮不夠鬆軟，竽泥流沙包覺得芋泥不多，也沒有流沙狀態。整體感覺一般。

作為荃灣人，Cafe Swan結業後一直留意住下手新店，原來係老馮茶居！位置方便，而且少有高質黃店yum cha。荃灣店貫徹元朗和大埔，以六十年代老香港的設計元素呈現在食客面前。鐵皮、紙皮石、棚架、晾衫竹、紅罩燈、噴字漆、各式各樣的招牌堆在一間舖內，對我來講每個一個角落都是瘋狂拍照時間。今日(初三)都好多人排隊，中午拎飛等候時間約45分鐘，但勝在千色店就在旁邊可以行住街等。每枱有90分鐘時間，只能下一次單，不能加單，要諗清楚食咩喔！曾在北角鳳城酒家及廣州中式酒家做過點心師傅，擁有近40年資歷，難怪食物品質良好。雖然食的是傳統茶樓食物，但現場所見後生仔女佔大多數。其實我都鐘意飲茶，但好少特登走去茶樓飲，老馮開喺地舖加上係黃店，意慾即刻大好多🤓 只有2人胃口不大，只能試4款點心（本來第5款是千層糕），還有很多想試，必定再訪。1️⃣🦐老馮金沙米皇腸·6件 ($38)共三層、外層腸粉皮滑、中層脆脆(原來係炸米網蝦春卷)、包著裡面的蝦。入口感受是，先軟後脆，最後食到彈牙鮮蝦，口感和味道都滿足到我！2️⃣金牌炸芋角·2隻 ($22)外皮鬆脆不膩，咬開是芋頭蓉，中間餡料有豬肉多份層次。3️⃣老馮流沙芋泥包·2個

因為咁難食，我忍唔住寫左我人生第一篇食評。今朝起身想食點心，但因為疫情唔想出街，所以叫左外賣送上門。第一次食老馮茶居，點知失望到極點。叫左四樣野，有兩樣係酸宿既，咬左一口已經唔想食！食咗粒燒賣，點知係又「鞋」又酸宿既，粒燒賣係用啲臭豬肉黎做既，都唔知做左幾多日。個糯米雞又係酸宿既，而且仲加左大量味精，超難食可能呢排疫情，間餐廳有好多野食賣唔晒，所以賣啲隔夜野啦！🤮今次真係好失望，我唔會再去第二次。

️最近依間人氣點心舖由元朗、大埔開到過嚟荃灣，咁就梗係要搵埋屋企兩老一齊去試試佢啦☺️等咗大概45分鐘先入到去，因為即叫即蒸嘅關係，再等多咗差唔多半個鐘🙈好彩有食定早餐打底😂🧡蜆介鯪魚球🧡💵$28依個好好食😍鯪魚球勁煙靭彈牙，好香魚味，絕對唔腥😋點埋個蜆介汁更加多咗陣鹹鮮味，推介～💛鮮蝦腐皮卷💛💵$26腐皮炸得好薄好脆，蝦肉🦐嘅份量十足，亦都好新鮮彈牙，唔錯～💙四寶滑雞扎💙💵$25大大舊雞扎包住啲雞肉、冬菇、魚肚同豬肚，我覺得都幾好食嘅，每樣食材都好入味☺️💜老馮鮮蝦餃💜💵$33個人覺得依個蝦餃比較一般，正常酒樓嘅質素～一般嘅好食程度～💚古法牛肉球💚💵$23牛肉球好好食😍好滑好有牛肉球嗰種獨特嘅香味，肉質又好彈牙😋加埋喼汁一流🥰🤎老馮流沙芋泥包🤎💵$20依個菜簡直係佢嘅招牌點心，外面個包好鬆軟，中間個流心芋泥餡比較偏甜，但係好香同埋好重芋頭味，亦都食得出有啲啲芋頭嘅顆粒感～喺出面真係食唔到依隻味，芋頭fans可以一試☺️🤍鵪鶉蛋燒賣皇🤍💵$28鵪鶉蛋燒賣又係好少見，每粒燒賣都有成隻鵪鶉蛋😍蒸得好乾身，唔會水爹爹咁～豬肉餡肥瘦均勻，唔錯～❤️薑汁燉鮮奶❤️💵$20依個好好食😍好香薑汁味但係又唔會掩

荃灣最近開咗一間元朗出名茶居.今日帶埋太太一齊到來嘆茶吃茗點.中午來到門前見一大堆人排隊等入座.二話不說.立即囉籌排隊.中國人有句：飲茶要水滾茶熱.嘆美點要美及美味.這個才是嘆茶！等了30分鐘可以入座了.其望靚茶美點快到口！這兒的侍應熱誠招侍.把我們的茶送到.很快我們把筷子碗洗凈！落了點心單.發覺問題開始來了.我們發覺剛剛送到的茶是不夠熱.大嘅60度到.可隨便入口.啲茶好難飲.啲茶葉不出味！便立即叫侍應更換.隨後侍應熱誠再次把茶送到.我巳經把茶更換及幫你哋加咗茶葉！侍應更換咗啲茶都系咁.無變同無換的差不多.算吧！改變飲枱上罷著一個暖壺. 點知暖壺啲水更加凍.好似凍滾水咁！🥵🥵🥵點餐如下：1. 家鄉呠仔蒸排骨. 2. 沙嗲金錢肚. 3. 豉汁蒸鳳爪. 4. 金牌芋角.最先上枱是金牌芋角.好食.芋蓉鹹鹹哋.可惜芋角是凍的.其後一起上枱的沙嗲金錢肚及豉汁蒸鳳爪.傳統金錢肚是一塊塊的.今次上枱的是一條條幼細的條狀.大概有七至八條左右.應該是把傳統的塊狀剪成一條條幼條.金錢肚夠腍.味道偏淡.味不濃.無汁.墊底有兩舊麵筋.麵筋未腍.未蒸透乾身及硬！豉汁蒸鳳爪.鳳爪味濃.無汁.墊底有兩嚿豆卜.豆卜