老街 (西洋菜南街)

Open Now

Now Closed

週末同阿媽行街，就唸住係太子附近食個下午茶，休息一下，見到門口餐牌tea set都幾吸引，就入座試下同阿媽一人叫做一個set，小食就可以一齊share，跟餐有買嘢飲🧋上面一碟係鹽酥雞、梅子地瓜條、涼拌小青瓜炸的好脆好香，小青瓜酸酸甜甜後開胃下面一碟係台式小香腸、木魚炸豆腐、椒麻牛肚絲小香腸同炸豆腐都好好食，外酥內嫩，不過牛肚絲就一般主食就分別係肉燥湯麵，清湯加上Q彈嘅面，好有滋味椒麻拌面🌶️鍾意食辣嘅可以點，食到最尾幾啖好重口味

今次在這一家餐廳嘗試吃下午茶，他的價錢大眾化， $42 ，已包括一杯珍珠奶茶，三款小吃和一碗少的肉燥湯麵。我叫了青瓜，老大腸和台灣香腸。台灣香腸，和我在當地夜市吃到的是同一個味道，很像去了台灣一樣，另外大腸也很好吃，不是很肥膩。配上了熱騰騰的湯麵10分好吃，另外青瓜爽脆的很夾。珍珠奶茶也是不錯，奶味和茶香濃，珍珠彈牙，若有機會會再來一吃。

今天剛巧外出太子買野就當然尋覓下食d咩就路經呢間店門口隨心望一下餐牌就入左去店屬小店，唔算大，但多人幫襯一於就試下啦大數人數應該好食吧?等左唔到1分鐘就入得去就思考一陣叫左個B餐食鹽酥雞滷肉便當，價錢$54 鹽酥雞波波就有7粒，咸度適中，香味唔太出伴菜就有半隻滷蛋，味道就一般仲有少少酸酸甜甜菜脯中間伴有舊白飯飲品就揀左熱飲（免費）台灣奶茶走甜，茶味香唔會苦建議可加多少少伴菜因食太多肉會有少少油膩🤭🤭

今日自己喺旺角金魚街肚仔餓諗住搵啲嘢速食！比老街門口嘅下午茶Menu吸引咗主食（1款）+小食（3款）+飲品（1款）最低消費$35👅首先揀咗三個小食-酥脆鹽酥雞粒粒炸到金黃色，外皮真係好酥脆，入面雞肉鮮嫩，真係好似台灣當地嘅鹽酥雞做得好好！-夜市小香腸味道同台灣食嘅一模一樣，出色！-滷味豬耳爽呢個味道比較淡口，滷水味唔突出，不過豬耳做到爽脆口感，之後我將豬耳撈落埋落去椒麻拌麵個汁度一齊食，麻麻辣辣，不錯！主食小碗椒麻拌麵，喜歡滕椒的麻辣口感，食落好Spicy，而且配搭台灣麵條煙韌口感，加分加分！不過份量頗為小，真係得兩啖麵，女仔食完都唔夠飽！食物質素OK不過下次會改叫午餐飽肚d飲品檸檬冬瓜茶甜度適中，古早味冬瓜茶配搭檸檬，格外清新！衛生方面需要改善，看到筷子上面有粒飯，會影響食慾！

經過旺角太子，誤打誤撞透過Open Rice搵到呢間臺灣高質小店，果然係好介紹！招牌紅燒牛肉麵吃一口不得了，牛肉炆得非常夠腍，湯底濃郁夠味。另外鹽酥雞肉燥乾伴麵非常清新，鹽酥雞外脆內軟，份量也充足，伴麵選了蔥味，個醬汁非常好味，夏天食一流！珍珠奶茶，茶和奶的比例均勻，珍珠也有味道和口感。餐廳環境佈置也很有臺灣風味，去唔到旅行都可以感受一下！最後兩人埋單只係140多元！服務態度可以，不過人手上覺得較為少。整體來說是一間高質、抵吃的小店！

經過太子附近見餐廳裝潢不錯就入內用膳，叫了碗招牌紅燒牛肉麵加凍珍珠奶茶。牛肉麵份量較少，牛肉只有4塊，但十分淋，算是好吃。麵份量不多，對正常男子來說十分不飽。牛肉湯底不錯，味濃，會令人有想喝光的衝動。珍珠奶茶就不要有任何期待，味道偏甜，沒有茶味和奶味，比外面台式手搖飲品店差。總括而言，算是中規中矩，沒甚麼特別的台式食肆。

一向都鍾意食台灣嘢，今日喺屋企唔想出街，但又想食，咁嘅時候梗係叫外賣。打開個袋，見到啲包裝盒好有台灣風味，已經加分，最愛吃鹽酥雞，梅子地瓜，尼間嘅嘢食不錯！炸豆腐拼鹽酥雞，個豆腐好滑，加埋D醬汁好好味😋鹽酥雞合格，咬落juice, 雞肉嫩滑，炸漿唔算太厚鹵肉飯嘅肉肥瘦適中，淡淡鹵水香味混係飯內加埋酸菜會更好味又可以減少油膩感，地瓜灑上咸咸地又甜甜地話梅粉，不過略嫌炸漿厚左D，整體感覺不錯、下次去試下堂食，相信會更好味

一條友係兩頭唔到岸既時間點，唯有自己冷去食個開心lunch, 經開太子見到老街尼間鋪，我有印象自己好似食過油麻地附近果間，野食都正路，於是就冷左入去japjapjap!.間鋪面坐位都尚算ok, 唔會人貼人（真心好怕( ･᷄ὢ･᷅ )! ）坐低後都開始有人等位，應該準備lunch time 忙碌時間。.我就order 左：午餐E 💲60-鐵路雞扒滷肉便當-熱0水.首先佢兜飯上先，速度上菜，叫我食住先雞扒後上～滷肉當然唔可以期望好多，但撈完飯都Ok! 然後仲有菜蒲仔同滷蛋半隻，仲有兩小件薯仔！白飯加色～～吸引香噴噴！.另外雞扒一上，外皮香脆，size 夠大但味道唔算太入味，外面淋左d 燒汁，仲有些少芝麻蔥花，感覺一d 都唔馬虎～.60 蚊雞黎講，食飽飽無加一離開，正常發揮ʕ •ᴥ•ʔ

心血來潮第一次寫食評放假经過，晚上7點左右，見人唔多入去試試，順便第一次寫食評。叫左個紅燒牛肉麵跟凍奶茶，如果叫套餐大約80-90左右，因為套餐小食唔係好岩，所以我只叫麵跟飲品。奶茶大杯但係好淡，麵份量一般煙韌，牛肉好淋一夾易散，咪道都係偏淡，整體來講可以接受。

平日做完Facial啱啱好可以嚟呢度食下午茶呢間係Facial嘅姐姐推介嘅 佢哋話簡單味道都唔錯咁我就試咗呢個下午茶set可以選擇三種小食 睇落雖然份量唔算多 但其實都好足夠 價錢絕對對得上食物質素

今日晏晝經過太子，見好耐冇食過台灣嘢，又想食紅燒牛肉麵，見佢個lunch set平平地，就入咗去試下。入到去見到佢個裝橫用咗好多木，仲有好多台灣嘅景點相。 我地4個人，職員比卡位我地，有啲逼，勉強坐到。我嗌咗個紅燒牛肉麵lunch set（$60），加$8有杯凍桂花冰梅汁。#紅燒牛肉麵佢嘅麵係圓身，寫住係「拉麵」。食落有少少硬身，唔太掛到湯，但都好食嘅。牛肉都比較好食，好腍，又有牛肉香味。牛肉切做長條形，2長2短，呢個價錢都可接受。#凍桂花冰梅汁普通酸梅汁，酸甜度合適，不過冇桂花味。

平日放假，做完Facial行到太子，搵嘢食😋見到「老街」啱啱過咗午餐時段，可以食下午茶，又冇乜人，座位間隔都👌就衝咗入去試新嘢！叫咗個下午茶(小)肉燥湯麵+3款小食：梅子甘薯、木魚炸豆腐、宜蘭餡餅。先談肉燥湯麵，份量雖少，但有3款小吃陪襯便剛剛好了。小食先要讚木魚炸豆腐，外脆內軟+滑，油而不膩👍另外梅子甘薯，酸味味的梅子粉撒落脆炸的蕃薯，本來飽飽地，胃口都重開🤭

又到咗lunch食飯嘅時間，喺旺角返工就唔怕冇嘢食因為旺角好多餐廳。今日就食台灣嘢，「老街」店舖唔算好大，容納到二三十人左右，裝修帶有一點台灣風味。點解個午餐推介E餐，鐵路雞扒滷肉便當和台灣奶茶。聽個名好普通但係食落嗰塊雞扒簡直係好好味呀，嗰塊雞扒皮脆肉滑，啲肉仲入曬味添，已經幫你切好急塊塊，唔使自己砌店主好細心。👍🏻👍🏻滷肉飯亦都唔錯，唔會好似其他餐廳淨係畀一小段，佢份量都好多，再配埋其他小食，認真夠飽。呢個時候去唔到台灣旅行，唯有喺香港去返食台灣嘢補番數啦🤭🤭環境質素🏚：❤️❤️❤️❤️❤️衛生程度🧽：❤️❤️❤️❤️❤️美味程度😋：❤️❤️❤️❤️❤️抵食指數🤩：❤️❤️❤️❤️❤️回頭指數🤩：❤️❤️❤️❤️❤️

比錢用八達通比，我電話顯示已扣數，佢話佢哋部機顯示無，要我即場再比現金一次，即係比兩份錢，又叫我自己打去八達通追返條數退錢，明明係佢哋錯仲要我去花時間追究。打去八達通又無人接。一個lunch 食咗$106 ，仲要勁難食。 唔會再幫襯

求其揾下午茶，經過，唸起食過晚飯都ok，今次下午茶，小食款式可試多幾款添。一見menu筧得叫法好似某一間台式餐廳一定要叫佢個肉燥試下啦，所以叫左肉燥飲，跟住小食每款叫試下。小食方面，黃瓜無得輸反而半隻蛋呆道一般，唔似鹵水。花枝點整都正嫁啦，不過其實唔駛炸。另一餐叫左麻醬乾麵。個麵質夠趙口，我喜歡，反而覺得乾麵可凍小小食，而家暖食。一口腸夠大條，而個酥脆鹽酥雞唔夠酥脆，但不過不失，個雞入味嘅。梅子脆薯，薯味足，甜甜地，再配個梅子粉好多，我鍾意，酸酸地，多左粉，我要黎放撈麵到，正。下午茶可以試到佢6款小食，抵晒。係叫左個百香果綠茶加棷果要加錢，都可接受。唯一唔好，只可叫佢menu嘅飲品，另一間叫埋其休，好似user friendly D，呢間限無咁好，可以參巧下人地做法呀！