老街 (西洋菜南街)

Open Now

Now Closed

🔍 #piggy在太子 #piggy_台灣菜 最近係太子幫襯了呢間台灣餐廳，整體體驗令人失望。滿漢大塊牛肉麵（紅燒）跟餐$98可選一款小食，我地揀左滷豆腐，再加一杯冷檸檬冬瓜茶。牛肉麵湯底平淡無奇，缺乏牛肉的香氣，只食到淡淡藥材味。牛肉雖然大塊量多，但燉煮得不夠入味。麵條質地正常，不過不失。🥴滷豆腐的質感更是奇怪，口感竟像魚丸般過於彈牙，失去了豆腐應有的細膩，搭配的醬汁也過於鹹膩。🫠鹽酥雞肉燥湯麵$59鹽酥雞外皮酥脆，但內裡雞肉卻非常乾柴，完全沒有多汁的感覺，問店員提供的甜酸醬口味也一般。😬整體來說，只覺飲品係整餐飯來說比較出色😅這家店的料理在調味和口感上都有明顯不足，令人難以留下好印象，只是價錢不貴。🤑性價比：3/10🤤色香味：3/10🐖邪惡度：4/10🤗推薦度：2/10#piggyfoodiedaily #hkfoodie #hkfood #hkeat #hkig #hkgirl #太子美食 #不好吃 #太子 #台灣菜 #香港美食 #小豬找美食 #piggy_不推薦

突然想食面食，又唔知食邊間，又咁啱見到老街，又咁啱又係台灣嘢，所以入咗去，如圖，見到個牛肉麵好足份量，懷住好開心既飲咗淡湯，點知。。。湯係常温帶點苦（唔知係咪藥材多咗？）牛肉雖然淋身，但無牛味😅😅😅啲雞粒好嚡，豆腐中規中矩。總知好一般。

今日經過太子見到一間台灣的店鋪，看見下午茶只需要$39😍，就入去試一試。滷了很久的肉燥與湯麵配搭上，不過不失。椒麻牛肚絲，滷味切豬耳及滷味肥大腸都好用了足夠的香料及滷了長時間，入味得很。牛肚絲應該為了香港的口味而少落一點辣，但仍然野味。😋台灣奶茶，只是普普通通的奶茶。麻醬拌麵，麻醬加上青瓜絲，牙菜及麵，但麻醬不太足，令麵有點淡的味道。酥脆鹽酥雞，甜不辣及香脆多春魚都是新鮮炸出來，新鮮香脆，但沒有太大驚喜。檸檬紅茶，普通檸茶。但勝在價錢便宜，經過吃一餐填一填肚也是一個不錯的選擇。#小數怕長計 #慳家 #優惠 #著數 #小師奶 #美食

天氣開始轉熱，行行吓金魚街突然間肚仔餓。醒起鄰居熱烈推介呢一間台式餐廳。咁又好耐冇飲過珍珠奶茶，咁就入去試吓啦。下午茶同午餐對比份量差一段，咁又未食晏，咁就放棄咗下午茶。嗌咗個紅燒牛肉麵加咗一份小食鹽酥雞，因為侍應話呢個份量比起下午茶係會多啲嘅。先嚟咗杯珍珠奶茶走甜，一食落去啲珍珠就感覺到佢唔係黑糖珍珠，純粹過吓癮咬下珍珠就唔太在意。跟住個紅燒牛肉麵嚟啦，先飲一啖湯，點解個湯底有啲微酸嘅？ sorry我平時多數食台式嘢都係食滷肉飯真係好少食紅燒湯底，但冇特別去換。啲牛肉條無味。反而個鹽酥雞幾好食，個粉漿夠薄，即炸果然係唔同啲。

今日喺油麻地上堂，天氣凍凍又落雨，經過見到呢間台灣嘢，就諗食個湯麵暖下個人都唔錯🤔，於是就入咗去～餐廳播住之前啲台灣熱門歌，例如親愛的那不是愛情、帶我走同謝謝你的溫柔等等，喚起我昔日追台劇、台星回憶，feeling jeng 😆QR code order 咗15分鐘嘢食就送到啦～1️⃣J 綜合湯麵(牛筋、豬軟骨、滷蛋、肉燥) 💰65有蕃茄🍅、大骨湯同麻辣湯🌶️選擇，今次我就揀咗蕃茄湯底。湯底味道酸酸甜甜、幾開胃👍，有啲細細粒、軟腍腍嘅蕃茄粒。我叫咗少麵，對我嚟講份量啱啱好，麵條採用上海白麵，麵條幾有咬口、煙煙韌韌👍有四舊牛筋、四舊豬軟骨、半粒滷蛋同少少肉燥。牛筋好腍、好入味👍滷蛋同肉燥就正常發揮🤔豬軟骨好乾、好輆澀澀，係個敗北位🫠2️⃣台式奶茶（熱）$0勁濃嘅奶精味，帶有淡淡嘅茶味，飲得出係用粉劑沖出嚟，跟餐唔使加錢，我覺得質素算係咁🤔整體嚟講我覺得喺旺角一帶食午餐咁嘅價錢同質素都OK嘅，但係豬軟骨可以再改善吓就好啦🙌

買完東西後晚飯，行過見餐牌ok便去試試！食物飲品都多選擇，最後我選了紅燒牛肉麵，朋友選了豆腐肉燥飯，上菜後，當然相機先食，店員很好及主動要幫我們影相。先試牛肉麵的湯底，不得了，比其他收得更貴的還好味！我亦有試炸茄子及豆腐，都唔錯，台式奶茶亦香濃！

今個星期日打算係太子同屋企人食個午餐，呢間台灣菜係ok，食物水平都可接受，60幾蚊食一個午餐都可以啦。不過！有一個店員，服務態度奇差，非常趕急，由一入去落單到買單已經係咁。 中午時間好多人食lunch，我同我屋企人食飯都唔係坐好耐，上菜後到食完大概坐咗15分鐘左右，食完已經埋緊單啦！佢找錢俾我嗰陣，仲要再加多把口係咁催我哋快啲走！真心覺得服務態度非常差👎🏻👎🏻👎🏻 以後都唔會再幫襯👎🏻👎🏻👎🏻 最憎人地見到客人已經拎緊野埋單都仲催人地走，生意唔係咁做，絕對唔會做回頭客😠

醫肚快閃，但服務態度一般👎🏻下午茶幼稚園份量：湯麵及伴麵5選1一小碗肉燥麵，清湯湯底面質彈牙👍🏻配小食10選3（花枝丸、小黃瓜，滷蛋半隻）味道不錯，由其粒花枝丸彈牙滋味+8跟餐洛神花茶冰凍透心涼Tot:$39/免加一味道：👅👅👅/5份量：🍜🍜/5服務：👦🏻/5

去太子魚街買魚糧，順便搵地方醫肚。向始創中心後面街見到‘’老街‘’呢間店就諗起好耐冇去食過牛肉麵。午餐時份，整間店都坐滿人，剛好仲有一張吉枱，便即刻走入去尋找台灣既味道。店內裝飾好有台灣既風味，餐廳用自助點餐形式點餐。午餐有不同既便當，湯麵類同乾拌麵類；仲有不同既小食。心大心細後決定點我既至愛：紅燒招牌老街牛肉麵+珍珠奶茶。湯底好夠味，牛腩好夠冧好入味，再配上酸菜，完美既配搭！麵唔會太軟，分量亦剛剛好，食晒成碗，大滿足😘

行過人多車多嘅#太子 、#旺角 ，就喺始創對面見到間食#台灣 🇹🇼嘢嘅餐廳🍽️。店舖細細，有啲台式懷舊風🥸，牆有好多台灣嘅相🎞️，不過都坐得有啲逼。今次就嗌咗🔴紅燒牛肉麵($66)、鐵路🟤雞肉燥乾椒麻拌麵($69)、🟠魚酥皮旦豆腐($40)。紅燒牛肉麵🌟🌟普普通通嘅一碗麵🍜，湯底唔夠濃郁，麵條偏硬身，唔太掛湯。不過牛肉🐮方面就幾腍，食落口感都唔錯🥳，而且有4-5嚿。最抵讚係個價錢，以喺香港食到嘅台灣牛肉麵嚟講，佢都算平嗰堆🤩。鐵路雞扒肉燥乾拌麵(椒麻)🌟🌟揀咗椒麻口味，拌完之後都幾香🌶️，食落口麵條口感都係偏硬😗，配埋肉燥食味道都唔錯。而雞扒口感嫩滑，有啲似照燒雞🐤。魚酥皮旦豆腐🌟🌟🌟一碟幾唔錯嘅冷盤😋，凍豆腐上滿滿嘅魚鬆、木魚、皮蛋🥚。豆腐有豆香味，不過食落口就有啲粉。醬汁味道甜甜地，幾夾魚鬆、皮蛋💕。

首次食呢度既晚餐份量大既晚餐，份量充足雞卷魯肉飯，有一D配菜，正宗台灣餐好正雞卷第一次見甘樣做法，幾特別，好新鮮，唔知係唔係台式做法好好食杯珍珠奶茶好大甜都幾甜好好飲整體味道好味，份量足夠，環境都尚可，送餐快

超差食店及超差收銀員，佢應該係自己收少客人錢，到我比錢時又無比單我睇，諗住我唔check單，收完錢我叫佢比單我，佢知收多我錢架喎，仲要全塲得幾枱客，唔好玩啦，仲要話我搞亂佢，自己收多人錢仲要理所當然咁，嗰隻束馬尾又肥又矮又短嘅收銀，所以大家每次都要睇清楚，唔好比啲間嘢博大霧，收多錢，原來店員質素同店舖食物質素係一樣，勁難食，佢老闆真慘，請着咁嘅員工，已經係0服務，仲要咁嘅態度，真係低下層就係低下層，生意点會好，收皮！！

經過太子附近諗住搵間餐廳食晏，點知落毛毛雨，啱啱見到呢間餐廳就入去試下同避雨。餐廳裝修以木系為主，男侍應服務態度唔錯，年長女侍應就麻麻地，埋單既時候，女侍應想行入去收銀機，正常都會講唔該借借行入去，但佢就唔係，係咁係後邊”嗨嗨嗨”，個人覺得冇咩禮貌。————————————♥———————————- - - - - - - - - - - - - - - - - - - - - - - - - - - - - -♥️ 鹽酥雞肉燥乾拌麵(蔥香) $59鹽酥雞味道偏淡，外皮做到酥脆，台灣麵條口感煙韌，揀咗蔥香口味，但整體一啲蔥香味道都冇。♥️ 肉燥香蒽排骨湯麵 $56炸排骨有啲乾，調味都唔錯，湯麵中規中矩冇乜特別。♥️ 香濃朱古力 (熱)$12冇乜朱古力味。♥️ 粒粒香芋奶茶 (熱) $12俾杯飲品個名呃左，我以為粒粒係代表有一粒粒香芋係入邊，原來細細粒珍珠，有微微香芋味，但味道好甜，飲左兩啖已經唔想飲。- - - - - - - - - - - - - - - - - - - - - - - - - - - - - -————————————♥———————————

行過見到，於是試下。。不過覺得味度一般。。中規中矩～同朋友兩個都叫了紅燒底的麵。。但個湯底完全做唔到平時食的紅燒湯底味～而且麵質都好硬。。唯一比較好的是餸的處理。。味道稍為ok~.紅燒牛筋牛腩麵 $83好味度：⭐️⭐️.紅燒牛肉麵 $80好味度：⭐️⭐️.熱珍珠奶茶+ 凍粒粒香芋奶茶.反而小食做得不錯👍🏻👍🏻.

今日去旺角食台灣菜。選了這間位於太子的老街麵店。我叫了它們招牌紅燒牛肉麵。牛肉麵黎到， 感覺份量不算多。牛肉其實都幾好食。湯底我就飲曬。如果份量多返小小就會好啲。因為價錢都不算便宜。