Olive Cafe (Closed)

今日想食得健康d 所以揀左煙三文魚凱撒沙律煙三文魚的份都可以接受，岩岩好其他就係沙律菜，芝士碎同蒜蓉包粒今日的沙律菜既質素不太好，吾多爽脆和甜，口感麻麻比較欣賞既係沙律係預先幫客人拌勻，而且吾會過多醬。加五蚊要左杯凍咖啡，咖啡味非常弱，而且感覺好似溝左好多水，好淡，個人認為m記的咖啡比它還要強不過侍應有禮的服務就抵讚，願意回答客人的問題

今天想吃晚餐，在商場內走著，選擇不多，路過...就這兒吧。肚子極餓，侍應一送來面包，即時KO。普通的小餐包都因肚餓變得美味。雜豆茸忌廉湯: 意想不到的美味，雜豆很香，滿滿的豆香加上忌廉的濃滑，令味蕾十分滿足，超讚。豬頭人的烤雞，肉質算嫩，但味道較淡，提不起味道，只是一般之選。傻仔敏餓得傻了眼，居然點了10OZ的牛扒，牛扒內裏仍有一定肉汁，都算JUICY，比想像中好，而且有肉味，這個價錢是非常合理的質素了吧。焗薯得惹味，牛油和煙肉的味道，為平凡的薯仔，增添色彩。檸檬茶茶味不夠...雪糕伴窩夫是是日最失敗的，份量少，價錢偏高，加上窩夫是淰的，差~~~~

今次已經係第二次黎食!今次同樣地叫左德國豬手,男友叫左安格斯牛扒我地加左餐有湯/沙律, 佢地每次個沙律汁都會有D唔同, 上次黎食係用乳酪汁, 今次係用醋, 個人喜歡乳酪汁多D, 因為佢地個醋太酸...主角出場啦~~豬手個皮甜甜地仲有少少脆, 肉質好嫩一D都唔會太咸同太鞋, 係我要再食多次嘅原因.不過太豬SO味嘅朋友就唔好揀, 因為豬味好重, 加埋墊底嘅酸菜一齊食唔太油膩~男友揀左安格斯牛扒亦都係再次叫的, 肉汁非常豐富,食完之後飽左十成...兩個人拖住個胃走....***只要係同一個月內食夠800蚊就可能JOIN 會員, 會員有9折!

星期六無所事事...又出左去行街..行到咁上下累累地,想搵間餐廳坐下..其實又唔係肚仔餓...之後就見到依間見意大利野既餐廳..外面睇成間酒吧咁..以為佢主打飲酒啦..點知叫左2個主菜..都幾好味..1 ) 黑松露帶子意大利飯2 ) 牛肋骨set首先講下個牛...黎左個餐包..熱辣辣..外面少少脆..加牛油..同出面冇咩分別..冇特別好and差至於d牛肉就好鬆..一d都唔un.. 可能因為部位問題..重點個汁..係值得一讚... 仲有薯溶..係食到停唔到口..之後就講下個意大利飯..我本身就仲意黑松露個味.而e個飯就好重黑松露味,所以e個飯我覺得都幾好味..加埋d 芝士溶左..又係我仲意飯既硬度..帶子都幾大粒..又唔會係個d 用粉做既假帶子....所以覺得真係幾好味服務都ok.就收工都唔會趕人走..不過就叫你埋左單先 hahaha

相約舊同事食飯，腦中第一個閃出的念頭 - 意大利菜，由於媽媽是oliva cafe 的 big fan, 所以 oliva 食過很多次了，偶然發現有另一意大利餐廳olive cafe 在附近，決定一試告知友人餐廳的名字並約好時間，為何她說已到而我卻未見她的芳蹤？？原來。。。。大頭蝦的她，誤會了是名字相似的 oliva cafe ~ hahaha 雖然是次的晚餐因此遲了開始但高質素的食物足以補償！！！1) 黑松露餃子 - 味道濃郁，外表脆，份量剛好2) 焗薯 - 正常，有興趣的可以一試3) 三文魚牛油果他他 - 必叫之選！這道菜有外表更有內涵~~~ 一上菜佢已謀殺了不少菲林，味道更是讚！藍莓& cream sauce 令這道菜錦上添花，現在想起也想再吃4) 牛扒 - 煎得剛好，外層脆又保留了肉汁，十分juicy!!! yummy5) 自選意粉 - 蕃茄什菌大蝦意粉，蕃茄與意粉是無敵的組合。蕃茄醬不會偏甜，吃得出係用了新鮮蕃茄，有蕃茄的天然味道再配上蝦的鮮味和什菌，讚！下次家人的生日飯又多了一個好去處了

難得放晴的星期天，同老公去影櫻花其中一個熱鬧地點 - 大帽山食完風，返落荃灣嚟個 3 點鐘嘅 lunch。早排見朋友嚟過呢間 Olive Cafe，上開飯睇過都 OK 喎，就試一試啦 ^^未夠 3:30 唔可以叫下午茶，都冇所謂吖，第一次食啫，如果好食下次可以專程再嚟試嘛。食完一輪風，我地兩個都好肚餓，就要兩個午餐先啦！加配嘅是日餐湯︰大蒜薯蓉湯老實講，我地兩個都未飲過，有啲擔心架，但又冇得二選一喎，唯有焗住試一試 ..... 好彩個湯又唔錯喎，蒜味好溫和又唔太杰，啱晒我地暖吓胃，然後先食主菜加配的餐飽兩個主菜︰凱撒沙律配煙三文魚焗果仁羊鞍配意粉我地習慣 share 食，可以樣樣試啲 XDCaesar Salad 做得好好，沙律醬份量剛好黏住啲菜，食完之後個碗係乾嘅，煙三文魚賣相都靚，入口新鮮咸味都適中，很有水準之作焗果仁羊鞍好香，果仁好脆，羊肉好稔，兩種食材好夾。意粉似乎係用蒜蓉炒的，軟硬度啱我口味 ..... 但係一啲都唔熱係令人失望少少 ^^'套餐加配的甜品係泡芙，簡單得嚟賣相都算有心思，而且入面啲奶油雪到比較硬身，食起上嚟更有口感我地仲叫多個心太軟朱古力蛋糕佢嘅賣點係用比利時5

我們仨歡聚聖誕前，目的地為荃灣…《Olive Cafe》…餐廳的環境不俗呀…嗯，店內的聖誕氣氛甚濃，雖然於入口旁的位置就座，不過也挺自成一角的。我們仨決定棄餐單點，一人選一款主菜，另加一款前菜。先來的是微暖的餐包，亮點是那客香草牛油。前菜 – 煙三文魚他他伴木瓜牛油果（$68），是我說要點的，只因貪其美美的賣相，可算是「為拍照而食」。底層的藍莓醬及淡忌廉拉花超美的說，三文魚他他跟木瓜、牛油果的味道亦相襯，外表與內涵兼具，還很健康呢。 （吃畢三文魚他他後，愛吃「醬」的我原打算以餐包蘸吃剩的藍莓醬，可惜侍應以極速把碟子「沒收」，破壞了我的好事，「嗚嗚…嗰度仲有好多藍莓醬嫁！！！」） 然後，侍應一口氣端上三款主菜來（其實我們是分享來吃的，這樣一口氣上，反而會放涼了）。友人C選的果仁燒羊鞍伴烤雜菜（$186），要了五成熟，這種程度的肉質表現最好，肉汁豐盈而不韌，羊味亦濃但不羶，加上果仁令口感脆卜卜的，很好吃喔！！而且剛好有三支讓我們仨輕鬆分享，還有翠玉瓜、薯仔及薯角作「墊底菜」，讚。友人N選的紐西蘭肉眼扒配薯角及田園沙律（$163），menu寫上配煙肉焗薯，點菜時侍應說今天沒有焗薯、只有薯角，

今日同同事預祝聖誕, 就過黎呢邊食得舒服d~ 香草燴羊肉丸 (配意粉) - 羊肉丸質地打得幾好, 有羊味但唔「蘇」, 意粉用蒜茸煮過, 夠晒香! 黑椒牛肉漢堡 - 賣相ok, 夠大件, 但牛肉無肉汁, 都幾乾...不得不提, 出品好慢, 如果趕時間就真係唔好去......

以前係荃灣千色店, 兩間連舖,依家搬咗去如心, 地方大好多, 不過就無咁方便啦午餐如下大蝦意大利飯 - 意大利飯半生熟,一流, 有d番茄汁同芝士味好濃, d蝦就普通雪貨牛扖配意粉 - 5成熟, 煎得不錯, 有肉汁,外面都好香今日推介-雞肉釀三文魚配potato - 食品出有三文魚, 外面雞肉有d鞋, 個汁食唔出乜味, 下次不會試呢個加$8 有羅宋湯 同飲品, 羅宋湯都幾濃, 不過份量偏少, 而且不夠熱 

同老婆一齊去，環境同服務都ok，只係D燈光暗左少少。野食方面：1.煎鵝干128蚊兩件，味道4分同埋都幾大件下，唔記得影相2. 芝士煙肉焗薯皮4pcs味道淡左D，煙肉太少3分。3. 辣肉腸Pizza ,味道3.5分,個邊好脆好香口，其它一般般4. 自選意粉 - 帶子蟹肉煙三文魚長通粉配忌廉蛋黃汁D汁好好味，但係煙三文魚好似消失左，整體有四分，可以一試！加埋一杯散叫紅酒同冷檸茶，埋單478，都可以接受。

舊同事話好耐冇見我，叫我在佢公司附近同佢食飯！11:30到Cafe沒有人, 同事訂了位, 但看看架位已大部份放上'留座'牌, 佈置清新，樓底几高，顏色配合不錯，以奶白為主。看看午市餐牌選擇頗多，我order 了匈牙利豬 柳 配薯菜，先來个意大利 餐湯配芝麻朱仔包，賣相吸引，好醒胃, 主菜有点失望！那些醬汁味道不夠鮮明，不咸不酸, 還有豬柳又不夠熱, 有点失望！好彩咖啡同士多啤梨汁泡夫就好ok; 同事話佢叫的美囯牛肉腸配薯仔沙律，牛肉腸就好彈牙,同好味喎!侍應生服務水準都好好，有礼及醒目,下次再去希望keep 住啦!

近年來，荃灣開始以「美食」揚名，不少人都喜歡到荃灣區覓食，而住在附近區域的我，一直都對這間餐廳情有獨鍾。每年聖誕我都會不忘到這裡用餐，除了氣氛情調非常吸引以外，食物的質素也是很讓我滿意的。餐廳內，座位與座位之間都有一定的空間，除了不擠迫外，起碼談天的時候也不用與鄰座亙相偷聽吧。而餐廳亦有很多長方形的桌子，最適合一大班朋友相聚。這天難得可以跟一班朋友到來吃晚餐，比起平日可以叫多幾道菜，忍不住想向大家逐一介紹呢！餐廳內的裝修選用簡單的白色和啡色，讓人有種很放鬆的感覺，而燈光方面亦採用了黃燈，令整間餐廳看起來都比較柔和。黑松露野菌濃湯雖然黑松露只有一小坨，但真的很神奇，當侍應一放下濃湯，黑松露的香味真的非常撲鼻，我最愛的黑松露啊♥♥♥剛好前幾天我和朋友在那個很有名的模特兒開的餐廳內喝過一樣的湯，可是那個湯喝起來非常咸，相比起這一次在olive café 喝起來，黑松露和什菌的鮮味香醇但不太咸，一喝起來，就有著豐富的口感，是我非常推薦的。煙三文魚他他伴木瓜牛油果食物除了要材料好吃以外，最重要還是廚師的用心，你看廚師把這個藍莓醬畫得多麼美麗，就可以看得出他的心意了吧。比較起平日在外面吃到的三文魚

有次行過荃新天地呢間Olive Cafe, 見到環境好似好好咁,一心想去試下佢的下午茶.於是星期日帶埋屋企人3點幾去到.嘩~!!!入面好多吉位 出面又冇人但門口冇人招待,諗住正啦唔使等位點知個侍應話: 下午茶3點半先開始, 你地响門口排隊先啦然後佢就不耐煩地走掉下, 爭十幾分鐘咋喎, 而且出面都冇人, 又冇下午茶餐牌俾人睇....點解唔可以坐入去先呀? (尤其我父母年紀有番咁上下)好啦, 入到去環境真係好靚喎, 仲有d外國人一家大細一齊黎如果坐卡位一定好正睇下menu先3:28pm 諗住order啦,輪個女侍應話睇鐘),仲爭小小喎, 等陣先落得order!下?!!  我心諗, 真係兩分鐘, 你寫得單黎都夠鐘啦......最後order左幾樣野香草醬意大利飯, 味道不錯(忘記影相已食完)意粉爽彈程度恰到好處, 而且感覺幼滑帶點微辣, 很惹味然後是英式下午茶(兩位用)味道不錯, 由上層食到下層雪糕要放上窩夫上才好食,好快就俾我地清晒平時食開中菜的家人, 食完都讚好味,仲話偶意到要再試下多d西餐,但對於服務..... 還是要寬容~ 和諧~  

今次拍拖一週年紀念,今晚黎到OLIVE CAFE....好彩預先訂台.....HAHA...門口超多人...WAIT左10分鐘就入左入面最入既2人台,不過我覺得張台麻麻....決定主動搵服務員換....但見佢地超忙......就等左一等...有人應,一個著藍色衫既肥仔,我叫佢轉台O唔OK....佢先話等等....之後佢衝返黎執好一張窗邊既卡位...轉俾我地....話...超有效率!smile讚!之後過幾分鐘佢經過....我既女朋友正準備舉手叫人....佢就衝過黎主動問我地食乜...仲介紹左個香草羊鞍俾我.....係咁SALES D是日推介.....我地係咁加...佢唔做賣金真tongue浪費!介紹D野食又唔錯....羊鞍好好mad食....可惜太黑影唔到相!之後ORDER左個心太軟,又係佢SALES!唉...等左勁耐.....正想叫人取消既時候,個肥仔又拎住個心太軟衝黎......笑住對我地講話唔好意思....等咁耐!算...見佢咁熱誠....食埋先走........次次想搵人,肥仔就出現...真冇佢符......不過心太軟真唔錯...下次可以再食....埋單時肥仔好NICE.....

1:55pm到達,門口沒人招待,見裡面只有一半客,很多吉位,便直接找到一張不需執的枱正打算坐下,怎知,四眼全黑衣店員卻叫我們回到門口等位,五分鐘後再安排坐原來的那張枱.唔通就係為咗罰我哋企?之後點了兩個午餐,烤豬扒配薯角及牛肉漢堡包配薯角及素菜沙律,食物質素及味道一般,服務更....其中我隻叉仲未洗乾淨....嘔心...用這個價錢可以有更多其他選擇.唔會再幫襯...