Olive Cafe (新領域廣場) (Closed)

依間餐廳開業都好一段日子, 常常經過都無機會試。今日行完Ikea提議同朋友去試下。7點半都幾乎滿座, 好彩近門口仲有張枱咋 , 餐廳就係橋口底，有須要食煙嘅客人仲可以行岀室外歇下都算方便員工告知最吸引係可以半自助式任添餐湯(羅宋湯 )+ 沙律菜+ 珍珠米飯，點石燒嘅朋友亦可自己取需要嘅醬汁，按須要去拎就唔會造成浪費！鮮蝦意粉配香辣茄汁 望落份量以為好少 但其實個碟好深。 食完個意粉都夠哂飽，想岀去食多轉免費沙律都食唔落🤣 茄汁意粉彈牙，蝦又足料好開胃，個人嗜辣覺得可以再辣d美國黑毛豬300g初頭無為意係熱石板上, 岀面多數係食牛, 今次自己揀左豬覺得幾新穎。肉質細膩、爽口彈牙，微甜又唔會膩好正！免加一價錢親民仲要任添沙律bar，即刻覺得值回票價.. 埋單喺門口留意到有抗疫外賣先$43一個飯送餐湯，哇平成咁仲以為自己睇錯，非常良心價 😍

美國極級肉眼牛扒，門口裝潢以為餐廳是普通Café。想不到日本流行的熱石燒牛扒，亦能在此小店找到。有點驚喜。餐廳充滿家庭式裝潢，入口位置設有自助區供應日本珍珠米白飯，餐湯及沙律供客人取用。牛扒可以選擇不同份量，師傅會將牛輕輕燒至一燒，再放在高溫的熱石上，由客人自行決定牛排熟度。店員會送上黑胡椒及鹽讓你調味。亦可到自助區選取不同醬汁(蒜蓉及燒汁)，牛扒油脂足夠，肉質軟腍，幾乎沒筋。即使沒有太多調味，入口肉味亦頗濃。一口牛，一口飯，味道剛剛好。煙鴨胸蒜香白酒意粉，意粉上碟不乾不油，以為毫無味道，入口後才知道是誠意之作。意粉完全吸收了蒜香及白汁油，入口還有牛油香，十分入味及惹味。羅宋湯十分足料，每啖入口亦會食到洋蔥及蕃茄。

話說最近都享受一個人獨處嘅時間，難得今日可以放低工作四圍搵食。無目標嘅情況下經過餐廳門口，見佢午餐好似幾抵食。咁就坐低試下，我大約下午十二點嘅時候坐低。佢午餐都幾多選擇。最後揀咗意粉自由選，$68蚊再加杯凍啡$12。煙三文魚加煙鴨胸配黑松露忌廉汁。可以任食沙律同餐湯。趁意粉未嚟到就出咗沙律吧到拎沙律同餐湯。沙律菜好新鮮，而且好爽口。餐湯就係羅宋湯。意粉嚟到喇，意粉黑松露味濃郁，鴨胸同三文魚份量都好多。而且味道唔錯，加埋餐飲都係$80，性價比超高。推薦大家可以嚟試吓。

想試好耐嘅一間西餐廳~好多時入深井或去荃灣西必經之路，今日終於去試下最初以為交通唔方便所以一直沒有試，原來非常方便地鐵一出沿南豐中心穿過荃錦中心落去就到達真係落雨都唔怕，環境服務食物都唔錯~有石燒,意粉,Pizza…全部餐都可以享有自助式嘅沙律菜同餐湯，沙律菜非常新鮮自己再加上日式芝麻醬~正，滿滿一大煲又多材料嘅羅宋湯非常濃味，今日試咗兩款石燒牛~兩款味道都唔錯咁當然美國極級肉眼扒味道出色啲啦美國極級肉眼扒$188/200golive beef steak$85/200g住荃灣嘅朋友可以試下佢地嘅抗疫外賣$43包餐湯真係非常經濟眼見都幾多人買

今日去開同媽媽行街，就決定喺荃灣食埋飯我之前有朋友介紹過呢間咁好食嘅舖頭，咁樣就過咗嚟試吓。佢係位於天橋底嘅個樣有少少隱蔽，但係啲西餐價錢又唔係話好貴，好似都幾好食咁樣樣，咁我哋就叫咗兩樣餸啦為咗慶祝吓終於考完試，我就叫咗一個更次特別嘅扒就係羊架啦，都味道幾好嘅，仲要係個石鍋上面燒，不過自己要燒多一陣先至係全熟都幾好味咁其他人食第二啲扒都好似幾好食如果遲啲再嚟嘅話都可以試吓，我哋仲叫咗一個自選嘅意粉，我哋就叫咗三文魚同埋蟹肉加埋呢個香草忌廉汁，都幾特別可以自己揀同埋係螺絲粉嚟㗎。另外就叫咗兩杯嘅雞尾酒，味道都正常同埋係買一送一自己覺得幾抵飲

上星期weekday帶了兩個寶貝外出用餐，到了荃灣olive cafe，吃西式食物，小朋友食得好開心又大讚好味。餐廳食物款式也算多，有意粉pizza A至F選擇、小食類7款、自由配搭的意粉、牛燒肉等等。餐廳也算大，我們坐在近門口位置可望到街景。餐牌食物也很吸引，我們最終點了一客自選意粉、兩客炸芝麻雞翼、一客炸薯條、凍檸茶及橙汁。我們選了意粉、忌廉汁及兩款材料蘑菇及蟹肉，一共有11款材料及6款醬汁選擇自由配搭。賣相非常吸引，材料豐富還加上車厘茄，意粉軟硬適中，味道好，小朋友十分愛吃，吃完一碟要添吃。炸芝麻雞翼大大件連同翼尖，金黃色，面上鋪上金黃色芝麻，非常香脆，內裡多汁滋味，三隻唔夠要多點一客。炸薯條大大碟，係粗粗的薯條，口感豐富，大人小朋友都鐘意食。餐廳座位舒適，服務也不錯，見到餐廳門外貼上的抗疫外賣十分抵，下次可以試吓！

是日同朋友去到哩間荃灣西樓角路新領域廣場地下的Olive Café食飯，因為有HAPPY HOUR，買COCKTAIL，MOCKTAIL，紅白酒都有買一送一傻惠，另外叫套餐，都會有羅宋湯任飲同埋沙律吧任食，美食方面有各式小食、石板燒肉、意粉和薄餅等，真的都有唔少的選擇，同朋友點左荔枝優格，藍莓MOJITO另外點左瑪格麗特薄餅(加巴馬火腿)大蝦意粉配茄汁，炸魷魚酥，瑪格麗特薄餅(加巴馬火腿)薄餅份量都唔少，瑪格麗特薄餅系薄批。食落都脆口，薄餅以蕃茄醬汁底，餅面用上芝士，味道都唔錯，配料加十元就有巴馬火腿。咸香味美芝士與巴馬火腿，口感味道又有鹹香，真的果然無選擇錯，大蝦意粉配茄汁意粉口感爽口，大蝦4隻又新鮮，真的唔錯的意粉炸魷魚酥炸魷魚酥真的好香口，一口一粒的SIZE，真的食得方便，哩個同朋友都食好多~~哩度餐廳環境不錯，三樣食物都好好食，朋友都話一定要再黎食

係荃灣行完街 行過呢間西餐廳 行過好多次第一次入黎食裡面好大間 又坐得好舒服menu 主要以意粉 小食 同石版燒為主呢到半自助式 餐包左飯 湯同沙律 一定唔怕食唔飽湯都好濃味 而且有牛肉 都好好飲食正餐之前就叫左小食 叫左炸魷魚 唔會炸到好油 味粉岩岩好好好味 扒就叫左澳洲和牛 同西班牙豬拎上黎靠塊鐵板整熟 肉既調味唔多 就咁食到肉本身既味道兩塊肉熟左之後都好腍 就算豬都唔好好乾牛有D 油分好好食 豬個塊好厚 食完一定夠飽簡單一餐西餐 開心~~~

聽聞荃灣有間cafe 幾靚幾唔錯，叫olive cafe, 今個月生日，就同屋企人來呢度過生日食生日飯。餐廳寧寧舍舍係一個角落，門口還有一個打卡的位置，有些吊飾同背景，感覺像郊外的餐廳，挺特別的感覺。入到餐廳其實都蠻多人，好在有訂好位置，其實好想坐6人座果度，有盞大吊燈影相超靚的，因為我們只有四人緣故，所以坐住普通位先，下次人多可以再來坐大吊燈下打卡。事不宜遲，我們坐低就叫野食啦，首先石燒之選，我們點了一份美國金裝M9+和牛心冷，150g/$270 , 做得出7成熟的口感，肉質煙韌彈牙，再一份olive 德國咸豬手，$148，大大份超足料。再點了季節限定的日本鯖魚$148，一分二容易夾之餘，魚肉鮮嫩。而最後小食就要左份日本唐揚魷魚🦑蘇，超級香脆，叫左咁多野食都真係好豐富。另外這裡還有白飯任裝沙拉任裝同埋羅宋湯任裝，仲有專人幫我們裝，食主食前飲翻碗湯，食D沙拉超開胃，食咁多嘢都咪話唔飽肚，喜歡西餐朋友不妨來olive cafe 試下啦。

煙鴨胸蒜香白酒意粉$88。鴨胸好滑，外皮肥而不膩，煙燻香味同鹹味啱啱好。意粉軟硬適中，口感油潤順滑。番茄仔酸酸哋，豐富咗味道又開胃解膩。德國鹹豬手$148。肉嘅份量好足，熱辣辣香味撲鼻。外皮炸到脆卜卜，皮下面係一層油脂，連住一齊食，脆口得嚟又有啲滑同黏，滿滿骨膠原嘅感覺。瘦肉部份好腍好入味，唔會太乾或柴，甘香可口。蘸芥末或者蜜糖食，別有一番風味，而且冇咁油膩。Honey Moon果然比較甜，但都飲到淡淡嘅荔枝味同桃味。Fruit Punch少少汽，水果味好fresh，冰冰涼涼好解膩。

好耐以前同朋友食過，記得唔錯，諗住今日試番，係門口諗左陣食咩。之後想落單時佢話2115截單，但係門口明明寫住係2130。下次大家想叫外賣嘅時候記得要喺2115前落單。

阿女好喜歡食牛扒，朋友介紹Olive 既牛扒好正又抵食，行完宜家就過去食，好近架🤭原來餐廳仲可以外賣凍肉返屋企慢慢嘆，價錢仲物超所值🎊差不多7:00已經坐滿人，好彩仲有一張檯，天公作美唔使等位🥰🥰沙律、餐湯、珍珠米飯係自助式，任你食，介有至愛既芝麻醬🥳🥳餐湯係紅湯，好足料架各款調味你揀，不過食物味道不錯，已不需要用佢了😝😝當然要啤一啤啦澳洲M5和牛200g$260Size 都唔細，配埋熱石板，鐘意幾熟都得我自己就食5成，但阿好要熟d，所以就可以再熱多陣，真心欣賞呢個上菜方法，配合不同客人既需要👍🏻👍🏻牛扒有牛味好新鮮，仲要超多肉汁，真係好抵食，下次要一人一塊先夠喉餐廳仲有兩款pizza ，一款係芝士only ，所以我揀咗有腸仔既pizza ，pizza 底好脆，芝士夠香濃😋$128煙鴨胸蒜香白酒意粉，$88，呢個意粉係勁好食，超香濃，物超所值👍🏻餐廳環境不錯，我地三樣食物都好好食，阿女仲話一定要再黎食😋😋

今晚黎li間喺荃灣站附近嘅餐廳食左德國醎豬手, 脆到令人驚喜😲, 見門外易拉架嘅menu就知餐廳主打石燒嘅肉, 基本上樣樣main dish都自動變做set, 包無限refill餐湯, 飯&沙律corner.🍖Olive德國🇩🇪醎豬手 (HKD148)廚師已細心將豬手拆肉, 但仍保留小小肉喺條骨度上埋個石燒板. 附上蜜糖+芥末點豬手, 塊皮燒到超級脆而唔韌, 每一啖都聽到脆皮聲, 醎豬手肉同筋分比例好好, 味道濃(可以去沙律bar𢳂碗珍珠米煲成嘅飯黎送)哎丫....我地掛住食豬手無出去𢳂飯🍚🤣.🍕食肉獸薄餅 (HKD128)Li個pizza都好正a, 係店內即做, 批底軟熟, 芝士份量超多勁拉絲🧀, 鋪滿哂煙肉, 一片片辣肉腸同斜切腸仔, 真正啖啖肉, 推介!!🥘羅宋湯d料豐富到....蔬菜超多. 仲要有肉食.🥂Menu有多個加錢嘅餐飲options, 加10蚊就有杯ginger ale.

今日嚟咗新領域搵食，喺電視度見到呢間老闆訪問非常有心，特意來支持一番💪💪😊地方好幽靜，舒服，音樂輕快，員工感覺好有黑好有禮！餐廳主打石燒，有意粉 小食，仲有啤酒，紅白酒，cocktail！點了美國极級肉眼扒200g 自助沙律吧，餐湯，日本米無限任添🤩🤩肉眼自己控制成數.牛昧濃郁，牛味好重，高質貨👍配上自家製牛肉汁，配日本米飯🍚一流，吃上2碗🤣🤣無限添羅宋湯好足料，番茄🍅香濃，大量蔬菜🥬沙律🥗亦好新鮮爽脆，自己選沙津汁，好開胃意粉🍝都係自己選醬汁和配料，確保吃到至愛😝配埋我至愛黑啤，爽呀😍下次可以約同事夜工happy hour🤩🤩

Very good service !侍應主動服務，值得嘉許👍環境舒服，有歌聽🎉食物好好味，侍應主動推介龍蝦配牛扒，仲有happy hour買一送一，抵食！一定會再encore