Olive Cafe (新領域廣場) (Closed)

見到有咁多好評，於是book位同老婆去試吓啦，點知超級失望！我哋兩個都話食到有啲嬲！我哋book咗6:00，5:44到達，餐廳未有客人，有個男侍應開門俾我哋，問我哋有冇訂位。講咗佢聽後有個女侍應示意我哋坐去最入、廚房門口隔離，我心諗「唔通真係咁多人，book咗都要坐咁嘅位？」我哋坐低咗後真係接受唔到，一塊布之隔，望到入面有盤水喺地下，可能你會話「廚房梗係咁架啦！」我哋問可唔可以坐第二個位，同一個女侍應就話一係坐門口隔離嗰張。一係最入，一係最出？好啦，「可能」你多人book啦。我哋於是坐過去試吓，可以接受，於是安頓落嚟。老婆order一份澳洲M5黑毛和牛板腱，我就要美國金裝M9+ 和牛西冷，我「諗住」好味啲。Order完後冇人理我哋，當時餐廳得我哋喺度，冇其他客。等到上咗餐湯，我哋問係咪有沙律吧，先有人介紹有餐湯、沙律、日本珍珠米飯自己攞同埋任添。或者我要求高，所謂嘅沙律吧係一盒切好嘅蔬菜絲，然後側邊有一支現成大大枝嘅芝麻醬，就係咁。味道如何？(下刪二十字) 至於日本珍珠米飯又如何？(下刪二十字) 咁個餐湯呢？樓下有人話好足料(下刪二十字)。講埋個主菜，石燒牛扒，失望，老婆嗰塊M5仲有牛

已經一整年沒來過，而一直沒在這裡吃過午餐，今天去買菜路過，看人氣不錯，就進去吧！先說的是它那套餐的自助沙律、湯和飯。真的，要自己往水吧前動手，但“羅宋湯”足料，夠辣，牛腩沒有吝嗇，肉味濃，還有大量蔬菜，一碗珍珠米飯溝幾碗湯都可以吃飽！沙律不是什麼上等貨，但還算新鮮，可配不同味道的沙律汁，還可以。那“自選意粉”menu內的pasta、材料和汁可隨意配搭，我們點了“蟹肉鮮蝦蒜蓉白酒汁意粉”，足料，夠香，意粉較al dente冧了些少，但自己加多點黑椒，把鮮味、香氣提升不少，正。“石燒燒青魚”，魚本身底味夠鹹，外面雖然還有三種汁可自助配搭，但一碗白飯，送熱辣辣的魚，加上吱吱喳喳的石燒聲，已很滿足！埋單155元，如果減了個杯啤酒，每個人才60元，好味、精緻、夠飽，cp值超標！

朋友聚會帶埋小朋友所以選擇唔多～要揀坐得比較舒服嘅～又要闊落又要有BB櫈之前嚟過幾次D食物都OK傾偈一流叫咗兩個餐～一個Pizza一個意粉～卡邦尼意粉～好creamy有煙肉粒、洋蔥粒瑪格麗特薄餅加雜海鮮$10~ 海鮮都幾新鮮有魷魚、蝦～不過芝士可以再多D就更香更好味～薄餅底焗得剛好跟餐有沙律、餐湯、飲品～餐湯係羅宋湯辣辣地不過味道好奇怪～洋蔥、蕃茄、蔬菜之類就好多嘅～飲品揀咗橙汁、滴漏咖啡～滴漏咖啡都幾香

今晚朋友介紹我勁抵食又好食晚餐，小食都多款同吸引happy hour 仲有一送一🍻仲有教你食邊樣就用什麼醬汁。點了餐後就到自助沙律吧同餐湯。珍珠米飯都係自助式。又真係不錯今晚餐湯係羅宋湯。足料。任飲。簡直係岩晒想飲多碗湯朋友。羅宋湯酸酸美味好開胃加入牛腩簡直完美嘅配搭。蔬菜沙律加入芝麻醬成為前菜精選。正👍🏻👍🏻👍🏻👍🏻今晚選了牛肩部份。店員首先解釋由一成開始。慢慢用石頭熱力再加熱。要向紋部分切就唔會銀。我就食到5成在右。差不多時間就試試–點了小許海鹽。胡椒，果然不錯，肉質鮮嫩可口。美味，推介卡邦尼意粉，大大碟。醬汁厚身煙肉多。如果芝士再加多點就更滿足。非常好味薯條🍟都不錯。幼身得來不似大型m字味道。真的所有食品超正👍🏻👍🏻👍🏻

餐廳內感覺高級， 餐牌食物看下去傳統西餐， 價錢唔貴， 每次經過也想試一下。六點鐘到無需等位入座， 走嘅時候都有好多嘅人喺度。 但餐廳主打親民平和路線並非高檔路線。食物質素真係好普通， 食推介的豬手。豬手唔夠脆 而且偏鹹， 叫嘅pizza 餅底簿而唔脆， 芝士鹹而無味， 坦白講我真係覺得麻麻地。 但係一份大豬手， 砌好曬一嚿嚿畀你， 一塊有八吋大嘅pizza切出八塊， 再加兩杯mocktail， 再加埋個環境， 每人只係150蚊，感覺又ok嘅。餐廳其實很舒服, 可能我近門口有隻蚊仔， 亦剛好見到 入嚟嘅時候有一大咋師奶， 離開嘅時候就一大咋學生。 作為單身貴族我應該唔偏向呢一啲嘅高級西餐廳。 但係佢個性價比係ok嘅。 而且我見係滿座， 佢個位喺商場下面， 如果環境同埋食物冇返咁上下質素， 應該生意少。所以食物質素有待改善， 但係環境同埋服務員也很熱情， 如果係去飲mocktail， 再食啲簡單嘢，感覺坐耐啲應該唔錯。順便一提，餐廳做緊 飲品買一送一，即係半價， 我覺得佢嘅mocktail比一般嘅沖得好飲。

今晚帶男友來食西餐，因為呢度有石燒牛扒，仲有無限量添沙律、湯、日本米飯，牛扒選擇多，價錢吸引，仲有意粉、pizza 餐，性價比高。位置唔算熱鬧地點，所以唔使等位，亦都可以慢慢食野傾計，適合同朋友或情侶來，服務貼心又勤快，會介紹餐廳牛扒同飲品類。無限量的食物，可自行添加，每次用新碗，較乾淨衞生，值得一讚。另外，都提供牛、雞、豬的醬汁，味道幾夾肉類。餐飲我地揀左+$12 茶/咖啡，冰檸茶唔會好甜，茶味夠，幾好飲。菜絲沙律好清爽，口感爽脆，加芝麻醬好香，食完都解膩。當日餐湯係忌廉湯，有煙肉同粟米粒，口感creamy好溫熱，味道剛好唔過咸，質感唔會好杰，幾滑身。美國IBP 牛隔肌 $180/300g主角黎啦，石熱牛扒上枱，傳來牛肉香味，好誘人。牛隔肌較多紋理，所以用刀切開都要注意，逆紋切可見排列整齊分佈平均的油花，肉質一層層好靚，咬落更顯肉感。牛扒味道濃郁，也很多肉汁，加少少鹽食出原味，沾牛肉醬汁味道更提升。煙鴨胸蒜香白酒意粉 $88鴨胸份量夠多，肉質嫩腍，味道香而不膩，配搭蒜香十足的意粉，加上洋蔥粒提香，意粉亦炒得乾身帶香，保留彈牙口感。

原先想行去荃灣西，行錯路😝見到天橋底有間西餐廳，誤衝誤撞就入左去試下啦～ 呢度全部都係半自助套餐餐湯，沙律，白飯都是任添👍 羅宋湯 味道鮮美，顏色又漂亮，一看就已大開胃口。 睇到Menu,原來呢度出名石燒,於是乎就叫左“澳洲M5牛板腱” 牛板腱，油花少但分佈均勻，肉質軟嫩中帶有彈性，香甜多肉汁，中間透明的嫩筋口感Q彈有層次。再用石燒，肉質會更細緻，鮮嫩不油膩。 德國鹹豬手 皮層脆卜卜，表皮變得焦脆😋 肉質幼滑，入口肉汁豐盈，鹹香惹味。Happy hour 飲品買一送一✌ Snow ball 蛋酒加上七喜，好味易入口，酒精濃度也低，好啱我胃口🥰 Mojito 檸檬薄荷,清爽口味🤩 餐廳每個角落都充滿歐陸色彩 重點係呢度仲吾收加一添呀😍

Olive Cafe 之前一路有同事同我講野食唔錯， 今日同事終於唔洗煮飯可以同我去食輕鬆一晚。呢到幾有特色，叫主菜後，湯，沙律和飯都可以任添， 大食的人可以飲多兩碗湯食多兩碗飯唔錯。今晚餐湯係羅宋湯，味道帶點辣幾開胃又多什菜，沙律有兩款沙律汁選擇。主菜叫左德國鹹豬手， 外皮脆卜卜，豬手軟腍入味超下飯。美國IBP牛隔肌200g ,肌肉發達少許筋位，肉質結實，牛味豐富，自己隨意選擇生熟度我幾喜歡。Ps 呢到員工主動有禮，介紹餐牌內唔同牛的分別，好加分。

呢間位於新領域廣場天橋底下面，位置比較隔涉，但係lunch hour都有好多打工仔去幫襯🥰見到大家很支持黃店在太好啦！🐷🐮食肉獸薄餅🍕 $128Pizza上面有好多香腸同辣肉腸🌭、亦都有好多嘅芝士🧀多到可以邪惡拉絲🤤同事亦都食得出茄醬嘅香味🥫薄餅底應該係自己整嘅，夠薄夠脆👍🏻推介呀🍝意粉自由選 $68 (lunch)我揀咗螺絲粉配煙三文魚🐟同蘑菇🍄，醬汁方面就揀咗蒜香白酒🧄🥂煙三文魚同蘑菇嘅份量都好多🤩不過蒜香白酒味道唔夠強，個人認為可以再鹹啲啲🤭另外呢度仲有自助沙律🥗吧同湯🍲，而且整體都好衛生😙不過店舖唔係好夠人手，所以需要等一陣😣辛苦晒喇🙏🏻

其實每一次經過呢間橋底Cafe都會被佢吸引，點都會想望多兩眼👀 因為真係太特別了😂 居然係嗰個位會有間餐廳，香港人真係乜都諗到😂 今次朋友約食飯話想食西餐，就揀咗呢間❤️ 因為自己有傷口嘅關係所以無食佢好吸引嘅牛，驚有疤痕，叫咗- Olive 德國鹹豬手 $148 嗰份量好適合五至六個人食👍🏻 因為其實兩個人食一隻鹹豬手都幾多肉😂 同埋記住食舊骨！你唔驚肉酸，坽起佢食🤤 嗰骨位啲肉好嫩架，同埋點蜜糖食，芥辣突出唔到佢嘅味道😜- 美國極黑毛豬200g $110 店員推介，果然好食，但係放5分鐘到就要拎上嚟，咪會太熟，舊肉就無咁好食，記住吖！仲可以喺出面無限量拎沙律、餐湯同埋飯，一定夠啲大食嘅Fd飽🤤Happy Hour (17:30-21:30)大部分飲品都有得買一送一😳，我叫mocktail類平均都係$24一杯，好抵😙 叫咗Berry Mojito (入面有藍莓🫐青檸汁，薄荷溝梳打) 另一杯就係yoghurt soda，有四個味道選擇，有青蘋果🍏荔枝，桃同埋藍莓🫐，我就揀咗桃😘 記得撈勻先好飲！最後仲叫咗嗰甜品- 四莓芝士蛋糕🍰都係店員推介嘅，唯一唔好嘅係佢唔夠凍，不過唔鍾意食酸野嘅就唔

呢間成日行去荃灣地鐵站都見到，有日同朋友講起，終於的起心肝食下美國IBP牛隔肌 $120 200g石板燒愈黎愈多，肉眼同西冷平時就食得多，見牛隔肌個名幾特別就試下佢。佢黎到超香，我已經忍唔住即刻切開佢，仲可以自己加鹽或者胡椒。唔好睇好紅咁，其實食落岩岩好炸薯條 $58我係澱粉質怪，朋友係薯條怪，一黎到朋友話薯條好好食🤣鐵板牛個套餐包左白飯餐湯同沙律，而佢呢啲嘢都係有個自助吧比你自己出去拎，任食唔嬲😏😏Purple punch $48鍾意飲甜野嘅應該會鍾意Virgin colada $48自從上次去東涌飲完，次次見到呢杯野都要叫，仲要一路飲一路影相俾我朋友睇🤣 呢杯比起之前飲嘅佢比較重菠蘿味，都係果句啱晒女仔飲🤣🤣Happy hour mocktail 仲買一送一

無限量供應的沙律, 是日餐湯和日本白飯 @$免費: 記得只要點一份主菜就能享有,,, 澳洲M5黑毛和牛板腱100g @$135: 牛肉配洋蔥放在石燒的食法, 自己喜歡幾成熟都可以, DIY, 加拿大龍蝦350g @$185: 味道沒有很特別, 漢堡扒200g @$80: 厚厚的, 挺juicy的, 炸薯條 @$58: 粗薯條, 炸得有點不夠乾爽,,, happy hour酒類都買一送一 @$68: 舒適的cafe環境, 和朋友坐著一邊喝東西, 一邊聊天是不錯的,

食晏時間喺愉景新城附近，諗緊食乜好，忽然記得食過呢間小餐廳，有午市套餐抵食又幾好食，咁就決定再去開餐😆叫咗 $88嘅 午餐「鮮蝦意粉配香辣茄汁」，午餐包沙律、是日餐湯，自助無限量供應（出去攞嘅時候一定要戴口罩😷），跟午餐 加$12要咗杯「熱咖啡☕️」😆沙律菜🥗簡簡單單，我加咗芝麻醬，幾好食😋。「鮮蝦🍤意粉配香辣茄汁」裏邊有車厘茄🍒，多汁好味😋；意大利粉煮得辣辣哋腍腍哋，口味大眾化😋。熱咖啡☕️香濃好飲😋

成日都想試下呢間位於天橋底下嘅一間bar&restaurant但由於位置問題 所以一直都未去試直至最近行完沙廠同宜家家居即使晏晝其實已經食到好飽夜晚都想入去試一試可能今日落雨 所以晚飯時間堂食都唔多人叫外賣嘅比較多入面地方都算大 比較暗 職員都幾友善比完menu之後都有介紹佢地呢度嘅主打係石板牛另外佢地亦都做緊promotion 某啲酒類飲品有買一送一除左石板牛 呢度仲有pizza同pasta但既然職員話係呢度嘅主打於是叫左兩款唔同嘅和牛職員話呢兩款和牛都係比較淋身嘅(上面兩幅係澳洲 下面一幅係美國)和牛有洋蔥墊底 可能驚塊牛過熟牛扒已經喺廚房入面處理過 兩面都已經煎香左職員冇講錯 的確係幾淋澳洲m5比美國m9+更加軟熟有肉味職員主動比左款牛肉汁我地配牛肉 (橙色嗰隻羹)有羅宋湯任飲日本珍珠米任裝同沙律任食同埋唔同款嘅suace任揀呢個就係happy hr買一送一risling唔錯 long island就比較濃

朋友在荃灣返工，佢話好耐無食牛，想食牛扒，佢話呢間餐廳係幾好，所以就揀左呢間食飯。餐廳地方唔大唔細，環境幾好，暗暗地，有氣氛，坐得舒服，傾計食飯最好不過。呢度menu選擇都多，價錢又唔貴，叫一個餐，沙律同餐湯都無限添加，我哋就叫左石燒牛同埋pizza。餐湯係羅宋湯，配料鐘意食幾多都得，味道酸酸地，開胃，都幾好飲。沙律菜用盒裝住，好乾淨，醬汁可以揀麻醬同埋醋，食落爽口。朋友叫左個石燒之選，美國極級肉眼扒200g。黎嘅時候扒只係得三成熟，想食幾熟就自己決定。肉眼扒厚身，肥瘦均勻，多肉汁，入口軟熟，唔會硬掘掘，底仲有洋蔥。扒係無加調味料醃製過嘅，原汁原味，加少少鹽食已經唔錯，朋友超讚。食肉獸pizza係薄批，上枱熱辣辣，裡面有莎樂美腸，腸仔，火腿同埋煙肉，咬落去啖啖肉，雖然配料大多數係鹹，但味道都唔會鹹得過份，幾好食。