生原創(蛋包飯) (Closed)

難得放假去探朋友，因為星期六朋友要番半畫，然後接佢收工食嗰晏先😚😚😚見佢樓下有哩間蛋包飯食，之前係元朗分店食過一次，我哩嗰蛋控多多蛋都食到架😚😚我地嗌左「鰻魚白汁流心蛋包飯」「海膽蛋卷」「鰻魚蛋卷」「牛柳串燒」「荔枝豚肉燒」首先流心蛋包飯出場啦不過嗰流心蛋好似有啲失敗，因為有啲流心一早就爆開左，我最期待既一幕無左啦然後嗰海膽蛋卷都好一般，啲海膽有啲唔新鮮😫😫😫😫😫「鰻魚蛋卷」係今餐最好食嘅「牛柳串燒」就好一般，而且啲牛肉仲要燒得唔熟嘅，生嘅程度令到你係唔敢食「荔枝豚肉燒」都好一般。

這天已過咗lunch,這天的心情都幾適合食蛋包飯。於是，我哋來到清風街這間日式蛋包飯店，由於已過繁忙時段，我哋入到店里一個客都冇:請問有嘢食?答:有咁馬上落單這個是包羅萬有的海鮮蛋包飯，炒過的飯好香，米飯粒粒分明，有嚼口個碟好得意鰻魚蛋包飯 流心要加💰（唔記得加15蚊，好似）可惜，流心不太流心，師傅拎上來時有說：唔好意思，好似唔係好流心 咖哩汁惹味不過，都足料及幾好味!好似包場咁，整體來講，感覺幾好。當再想食蛋包飯時會再來

生原創附近都有好多餐廳選擇，唔係朋友帶我黎，我都唔會自己黎試。好奇怪地，呢間餐廳就算係星期五六晚都好少人黎幫襯，唔知係咪價錢少貴，但我覺得佢既蛋包飯好好食！佢坐得唔算好舒服，走日式小店既裝橫。我要左我最愛既鰻魚蛋包飯，配咖哩汁。佢既蛋包飯都係即叫即整，所以要D時間等，但一切開個蛋撲鼻而黎既蛋香及鰻魚味，真係口水流！和牛蛋包飯就要左茄汁，但個人覺得牛肉味本身太濃會搶左個蛋同茄汁味，都係鐘意食鰻魚蛋包飯多D

昨晚和朋友一起試蛋包飯，入去前看到只有一檯客，已經感到會否有伏！再看看餐牌看到價錢，有點想叫朋友走人，但友人又好像好想一試，那就一試吧！我選了和牛蛋包飯$148，和牛粒很細小份量亦不出十粒，蛋包飯整體份量亦不多，大食量的人應該不夠了，友人選了鰻魚蛋包飯$128，可以說只看到很少的鰻魚碎和飯粒混在一起，幸好的是味道還可以，但晚上吃蛋包飯的性價比超級偏低！兩客蛋包飯加$8 飲品再加上加一服務費，共收$321！我保證有機會去試的人，吃完飯付錢時心裡一定會感到有點不值的感覺！所以晚上我也不會再去吃蛋包飯了！超級肉赤！

話說最近做「無飯夫婦」，唔似以前有媽媽煮飯比我帶返公司！日日lunch 出街食, 終於試左好多未試過的餐廳！今次試左呢個蛋包飯！我試左lunch set 的唐揚炸雞蛋包飯！$58 有埋野飲&沙律，價錢唔算貴！講返個飯，蛋個part 係唔錯，加左奶油，個蛋夠滑！飯我就覺得普普通通，有點硬！個咖哩汁我覺得淡味左少少！如果再濃味d 就好了！炸雞方面，唔夠脆！不過以$58 個價黎講，算唔錯！下次lunch 想食蛋包飯的話，都可以再試！

happy friday 今次又有9個人一起食飯今次12點就準時book位 好彩有位話說對上一次食蛋包飯 好似係上年暑假嘅事大家都遺忘咗佢😂今次我又係叫返上次食嘅鰻魚飯 始終覺得果啲炸物會太多粉是日無檸水 大家唯有飲汽水無諗過會係玻璃樽嘅可樂啊 其實係唔記得上年係咩都係呢隻哈哈不過我地等食物來就等咗好耐 差唔多半個鐘先來齊曬 要等齊先可以食㗎嘛將將將 我嘅鰻魚飯 好大碟 每一啖飯抖食到啲鰻魚碎咁 非常正 不過就係有時候啲骨有啲大 一個唔為意就gg除咗等得耐咗啲 所有野都唔差啊 可以經常來

幾年無黎過食，發覺都加咗唔少價，無怪得少咗咁多人食，不過水準都仲keep到，叫咗個茄汁鰻魚蛋包飯同白汁和牛蛋包飯，鰻魚都唔少，個白汁又幾香，另外再加咗個雜菜野菌。

其實久唔久就好想黎食流心蛋包飯所以無論係元朗店又或者係天后店都食過好多次了每次嚟到都係一定會加錢轉流心蛋包飯既，因為好期待切完嗰下，流出黎既蛋漿，超級治癒呀🤩🤩🤩🤩有無人同我一樣架🤤🤤🤤🤤🤤今日帶咗個朋友嚟治癒下，平時通常會嗌原味既，不過朋友話想試吓菠菜味喎，咁就一於嗌菠菜帶子流心蛋飯啦，配咖哩汁再叫左嗰凍蕃茄麻醬再埋杏仁菠菜蛋卷，今明既主題係綠色，好健康呀🤫🤫🤫🤫🤫🤫首先個菠菜帶子流心蛋飯好快就到左啦，嗰侍應諗住幫我切一刀落嗰蛋度，我梗係即刻話自己黎就得啦，因為黎哩度就係為左哩一刀喔嘛😍😍😍😍不過太令我失望啦我一刀切落去，啲蛋都唔係好流心嘅，説好的治療感覺呢？當堂冇晒其實哩嗰蛋包飯都幾貴，未加錢轉流心蛋都要$168😮😮😮😮好唔抵呀！同埋啲蛋無咩味，然後個麻醬番茄🍅一般般，蕃茄唔甜既，然後個蛋卷等左勁耐，但係都未至於好味，因為唔夠滑，同埋少貴咯，要$98有6件，原來呢個蛋卷就同我個蛋包飯一樣，總之係第二種口味啦，真係傻咗

星期五lunch同同事去試天后呢間日式小餐廳，專門食蛋包飯，我叫了午市套餐豚肉蛋包飯。套餐包沙律，蛋包飯同一杯飲品。飲品可選支裝可樂，支裝忌廉，熱咖啡或熱檸水。豚肉蛋包飯套餐$58，午市免加一，幾抵食。午市都滿座，上菜等候時間很長，等了約半小時先上沙律。沙律沙律有生菜，蕃茄仔同薄薄青瓜片。份量少少，沙律菜幾新鮮。豚肉蛋包飯蛋包飯可選咖哩汁/茄汁/白汁，我選了咖哩汁。大大個蛋包飯上枱時熱辣辣，蛋唔老，幾香蛋味，入面包住豚肉炒飯，豚肉片連住d軟骨，有d洋蔥做配料，個飯本身已有味，配埋日式咖哩汁，好好味。

墨汁海鮮蛋包飯看起來很誘人，於是我興沖沖地上門想試。接過菜單才發現這並不是學生黨能承受的蛋包飯😭：最低價從「和風牛舌蛋包飯」98元起，看起來比較好吃的都要130+。囊中羞澀的我只好點了一個牛舌蛋包飯。雖說有一個聽起來很日本的拗口的名字，並且主打和風，但蛋包飯系列吃下來並無特別的「日式」之感。當然，店裡還有刺身、天婦羅等日料，但既然他家招牌是蛋包飯，私以為為了個「和風」的名頭，多掏三分之一的價錢並不值得。也不是說不好吃。先說我的牛舌蛋包飯，蛋皮和市面上的大多數差不多，內裏概括起來就是牛舌炒飯。牛舌分佈不均勻，集中在了後半端（我吃蛋包飯會整齊地從一頭吃到另一頭😆，彷彿強迫症......），所以感覺上一直在吃飯，肉給的略少了。醬汁有茄汁、咖哩和白汁可選。蛋包飯果然還是要陪茄汁！每一勺都用飯+蛋皮+茄汁的組合來吃，紅黃相配，鹹中帶酸。一盤吃下來絕對管飽，畢竟塞了滿滿的飯嘛，但醬汁也因此嫌少了。我猜可以加醬，但當時也懶得出聲了。朋友點了流心蛋加白汁的組合。白汁的芝士香倒是濃郁香醇，但轉流心蛋另加22元，侍者會幫你切。切開之後外熟內生，吃著想炒蛋一樣，還蠻新奇的。至於要不要用可以買4個生雞蛋的錢去

鰻魚真流心蛋包飯2018/04/27一直久仰大名嘅店舖😍，一直睇日本嘅節目已深深被佢地能用刀切開後會自動反開嘅蛋包吸引😚，今日終於得償所願，係香港食到最地道嘅蛋包飯。本人於日式食品中特別喜歡鰻魚，所以點了鰻魚蛋包飯（$118），加了（$20）轉流心蛋包，一直有諗過係屋企自己試整，但所需嘅蛋漿及牛油份量又好多，加上需要特別嘅技巧製作才能整出綿綿的流心蛋包，因失敗率太高，又唔想浪費食物，加上家人不太好食蛋包飯，所以一直都沒有機會試食到流心蛋包😔。店員上菜，流心蛋包飯的嘅賣相已不負所望🙆，漲卜卜嘅蛋包躺係充滿燒汁嘅炒飯上，一副含苞待放嘅賣相已令我垂涎三尺，店員服務周到地幫我切開咗蛋包，蛋包嘅外皮如同一朵淡黃色鮮豔奪目嘅鮮花一樣，優雅貴麗地綻放🌼，我選了咗配白汁，creamy又飽肚嘅一餐。蛋皮內中間嘅蛋軟綿綿細滑如炒蛋🐣，近外皮嘅位置厚實而讓蛋包有一層層嘅質感。閒時一餐半餐係唔錯嘅選擇👍。個飯嘅份量夠兩個女孩食👭，可能因我午餐食得好飽，美食當前也都只吃食得下落一半，下次再來黎可以考慮一個飯與同友人分半再叫小食，他佢地嘅忌廉汁很軟滑配在係充滿燒汁嘅炒飯上有點啲膩，有機會要再去試下此店嘅其他美食😉

有一段時間很喜歡來天后清風街這間小店吃蛋包飯，因我是個不折不扣的蛋控呢！這次再訪點了午市套餐 - 炸雞蛋包飯定食，蛋包飯仍然很有水準，內裡的飯我選擇了茄汁口味，帶有蕃茄醬的酸甜味和奶油的香味，米飯是QQ的和帶有濕潤不會太乾身的感覺。蛋皮表面薄薄的煎的剛剛好，底部厚身點內裡有少許半生熟，蛋控的我表示滿意唯獨是伴碟的炸雞塊不太熱和新鮮，應該是翻熱，但內裡的雞肉不柴帶彈牙。可惜表面的炸皮並不鬆脆可口，仍有進步空間，加油

12:23pm 叫咗兩個豚肉蛋包飯，期間有其他客人隨後入座。點知我哋等咗半個鐘都未有嘢食。只係嚟咗兩支可樂。但係我見遲過我哋入嚟嘅客人已經食緊野，我起初只係催促可否快一點上菜。點知一直等一直等都未有任何嘢食。我開始火滾，同侍應講我願意比兩支可樂錢，點知個部長唔肯，話果兩碟飯已經煮咗 (煮左你又唔拎上嚟)。最後要我地比所有嘅飯錢，兼且將兩碟飯失落個外賣盒到隊俾我哋。我真係谷到一肚氣 😡😡

昨天OT後和同事到天后覓食。闊別天后不知有多久了，喜見這裡的餐廳類型多了，尤其是串燒店和印度菜👍🏻👍🏻👍🏻但因為在下最近患上風疹，飲食宜清淡，所以沒有吃那些重口味食物，反而是看到這間我想吃很久的蛋包飯，我便毫不猶豫地跟同事提議吃這家蛋包飯店。同事點的是三文魚煙肉蛋包飯$108，但她說內裡只有煙肉，沒有三文魚，完全不值此價錢！至於我的鰻魚蛋包飯$128，幸好還吃到不少鰻魚粒在蛋包飯內！在內的鰻魚粒炒飯非常惹味，外層的蛋包飯亦同樣精彩！蛋煮得嫩而不易穿破，蛋香味重😋😋😋

因為有朋友之前覺得抵食, 所以建議今日Lunch來食下, 因為驚無位, 我一早係佢地開門的時間打去book檯, 點知去到比左一個超窄的位置我地, 7 個人比6人位, 而且6人位都嫌窄, 另外仲要天花不斷跌d黑色野落來, 心諗如果好食咪算囉...我地7個人唔夠1點已經到左兼叫埋餐, 上菜時間係慢的過份, 咁我地都明白師傅要一個一個整, 唔可以快到好似「茶餐廳」咁, 但起碼都唔會離譜到遲過我地來的隔離檯都齊哂, 我地都未齊囉...明明就係佢地將我地個份餐比錯左比隔離檯先, 好喇, 又唔知點解隔離檯又以為我地想搶佢地的蛋包飯, 來串我地檯話佢地都趕時間返公司, 但我想講我地來先, 而且等左一個鐘, 我地無心搶你地個飯, 但始終先後有序囉~結果無辦法, 我地真係夠鐘返公司, 咁咪同佢地講, 將未來的蛋包飯打包, 個師傅又唔知係唔係有「被害妄想症」, 覺得我地嫌佢慢, 話唔做我地生意, 叫我地取消張單, 自己唔係茶餐廳等等, 先唔講佢地慢到一個鐘都出唔到一個飯比我地, 最好笑係明明係佢地將我地個飯比左其他人, 我地都未出聲話佢地, 佢竟然發惡鬧返我地咁有趣?!當然我地呢一個鐘一定有催過佢地, 始