生原創(蛋包飯) (Closed)

小弟是首次寫食評， 若有不適用的地方，敬請原諒。今次講的是，上過電視節目的食品， 墨汁海鮮蛋包飯。其實我都算經常去的熟客（當然次數沒有密集到員工會一眼就記得我啦～），不過我每次都叫鮮帶子菠菜蛋包飯， 今次忍唔住， 叫左個【墨汁海鮮蛋包飯】。每次來都想墨汁的蛋包飯，即係咩味呢？ 而餐單上的圖片又不太清楚，只有一個黑色的蛋包飯，真是神秘感十足（對我而言）。PS. 特意聲明我是 墨汁海鮮蛋包飯 轉流心蛋的。一上來蛋包飯就已經香氣十足（已由員工切開並加上紫菜粉），不過一眼看下去，有點不怎麼樣，只有一些蝦米干 加 蠔屎（正名我不認識），心中不當它一回事地， 剩了一口上來 吃下去。我就知道我錯了， 蛋（特別聲明是半熟蛋來的）又滑又香， 墨汁味我不知道是什麼，但這個給我，就是很好食。而飯，我食出了有很足材料的感覺， 在此我深深地向“生原創”及這道蛋包飯道歉。 太好食了，蛋和飯在口中的感覺，就好像一首好聽的音樂一樣（當然是誇張的手法啦）。 再看飯有尤魚啦，蝦仁啦，再加上一些看不出的海鮮。 這道蛋包飯，真心很好。 157+16?（轉流心蛋的價我忘了）很值得一嘗。PS. 我忘了拍照，下個食評我會記得的

10月12日, 天后清風街呢頭一向都多野食, 今次我地就帶住B豬再訪呢間生原創蛋包飯試下~ 平日經過都幾多人, 好彩我地今日過咗食飯時間黎試, 唔洗等就有得入座~::: 和風牛舌蛋包飯 ::: $78呢度主打蛋包飯, 午飯都附送沙律同埋飲品. 雜菜醋沙律幾新鮮爽脆, 青瓜番茄夠清爽開胃, 不錯~和風牛舌蛋包飯卷得成件脹卜卜, 淋上忌廉汁同紫菜粉賣相吸引! 切開脹卜卜嘅蛋包飯, 有撈咗牛肉汁嘅飯粒同埋牛舌粒. 牛舌都幾嫩同埋有牛味, 連埋飯同蛋皮食幾好味~ 不過成個飯又蛋又忌廉咁, 其實都幾膩~飲品要咗凍檸水, ok啦無可能唔合格吧?::: 炸雞蛋包飯 ::: $78炸雞蛋包飯揀咗配咖哩汁, 估唔到d炸雞咁大件, 4件加埋有大半件蛋包飯嘅份量! 美中不足係d炸雞有d油膩, 但勝在皮脆肉嫩, 連埋日式帶甜味嘅咖哩汁一齊食十分配搭! 塊蛋皮亦夠晒嫩仲有少許蛋汁, 連埋香軟嘅米飯一齊食到停唔到口~ 面頭仲有d酸酸地嘅漬物比你中和飯個滯膩感.凍咖啡比較失色, 啡味唔太夠只有甜奶味...店內幾位服務員都著得好有型, 廚房師傅更加係地道日本人. 比人感覺呢度嘅食物製作亦都應該十分認真~ 而的確隔一段

記憶中第2次光顧諗住蛋包飯實好味 有蛋好難難食架嘛以上2張係2個五同既飯一個係豚肉蛋包飯一個係鰻魚蛋包飯2個都加左$18做流心蛋好咸 2個飯淨係feel到咸咸到我食一半就五想再食再叫個串燒拼盤巳經無咩期望 但牛舌好味牛肉串就五太咬到可能甘岩比左d有筋既位食完過甜姨姨食番d甜野平衡下

友人昨晚話天后有間出名蛋包飯話想試。咁我當然知道係邊啦, 幸好今天不用等就有位了。服務員好快咁就上左2杯水同MENU。我就點了一個炸雞蛋包飯配咖喱汁 $78 (另有茄汁 / 白汁選擇)等了大概20分鐘就上枱。買相不錯有蕃茄同配菜。亦聞到陣陣咖喱味, 令到我朋友都忍唔住講句: 早知我都叫炸雞啦~但係食第一啖就已經有點咸，食下食下越食越唔對路, 真係覺得好咸。連身旁的朋友都覺得那個三文魚紅菜蛋包飯都好咸。結果我頂唔順, 食左一半飯食埋啲炸雞就算。因為咸到完全食唔到咖喱味同蛋味同雞味了。真係好失敗, 又貴又咸，我唔會再尼第二次!!離開餐廳後, 行左幾條街口中那份咸味仍然猶左......

琴日放工唔知食咩好，見到呢間之前有blog介紹過，就膽粗粗走入去試。其實蛋包飯的選擇不算多，最後揀左鮮帶子菠菜蛋包飯，要左咖喱汁！見到賣相好似不錯，滿心歡喜食一啖就知中伏！咖喱汁冇咖喱味，仲要唔知點解入面啲飯苦苦澀澀！完全入唔到口！真係好難食！唯一可以讚既就係炸雞幾好食，但串燒就得個咸字！服務態度亦都非常極之差！一定冇下次！

天后彷彿近幾年被大坑風頭蓋了一點。但偶爾會逃經銅鑼灣之時，也會行多少少前來覓食。餐廳門面及門牌名字雖然感覺不太日式（笑），但店內裝修風格甚有沖繩感覺，也是舉杯暢飲談天的好地方！

呢度既蛋包飯以前食過幾次, 印象好好, 個蛋有少少蛋漿(唔係叫流心蛋都有),好香好滑. 同事今日話想食, 所以就又返去再回味以前都覺得幾貴下, 今次食就揀左D冇咁貴既SET LUNCH食每個SET LUNCH都包個沙律同飲品個沙律細細兜好好味好開胃我就揀左個咖哩牛舌蛋包飯, 個咖哩係日式咖哩, 唔辣的, 不過幾香滑, 今次個蛋冇蛋漿係有少少失望, 不過味道仍然冇變, 都係好好味另外揀左個海鮮蛋包飯, 叫之前問佢有冇汁, 佢話每個飯可以揀白汁, 茄汁同咖哩汁, 黎到先發現佢講既茄汁係KETCHUP, 哈哈!! 個海鮮飯超多料, 個飯本身濕源地, 所以唔會好乾, 而且個飯好惹味, 非常唔錯!!!雖然今次個蛋冇咩蛋汁, 不過都冇破壞我對佢既感覺, 依然覺得好食

7:20分入座，7:28叫set dinner，老闆就話等陣，過兩分鐘返黎同我講唔好意思遲左入唔到隔離檯係老闆熟人，我一路食個老闆一路返黎同班friend吹水送野食大家感覺係點我唔知，不過對我來講就不可再了3個人埋單350，一個鰻魚蛋飯，鰻魚無用oven reheat，蘚味出曬黎矮瓜就無味清酒煮蜆普通到無得再普通建議真係要幫襯問下有無熟人，因為有的話食完成肚氣

終於來吃到期待已久的生原創蛋包飯。原來到天后吃午飯，時間綽綽有餘，還可以避開中環的人潮，以後又多一個選擇。吧枱前放滿日本酒和裝飾，氣氛不錯。有11種不同的蛋包飯，餐牌上色彩繽紛的三文魚煙肉紅菜頭蛋包飯，鮮帶子菠菜蛋包飯和墨汁海鮮蛋包飯都很吸引。也很想試友人推介的海膽蛋包飯。結果還是反璞歸真，點了最普通的豚肉蛋包飯，可選白汁／咖喱汁／茄汁。＋＄18可轉成流心蛋。午餐附送沙律和餐飲。茄汁豚肉流心蛋包飯即叫即做的蛋包飯，等了15-20分鐘。上枱時像個奄列，店員隨即以小膠刀輕輕把蛋切開，從中間往兩邊翻，就成了眼前的流心蛋包飯，可見蛋汁誘人。再加上和風紫菜碎，就可以起動了。蛋十分滑，很濕潤，幾重牛油味，很香很滑。沒想到茄汁竟是枝裝即食茄汁。飯加了洋蔥和豚肉煮過，變成淺啡色，帶甜甜的洋蔥味，幾好食。可是，夾雜了幾粒豬軟骨，硬得咬不開。咖喱汁海鮮流心蛋包飯咖喱汁不錯，不會太甜。海鮮蛋包飯有蝦，青口等海鮮，飯粒帶海鮮的鮮味，幾好食。跟灣仔的貓之眼比較，蛋的滑度和濕潤度不相伯仲，但貓之眼沒有牛油香，視乎個人喜好。生原創的選擇較多，而且特別，有不同味道和配料的飯供選擇，但醬汁相對普通。貓之眼雖然用白飯，但

路過尼間蛋包飯店多次，很多時想去，但時間總是不湊巧。 首先系價錢，普普通通既蛋包飯應該30蚊左右。但尼度最平既都60既蛋包飯。。似乎有d唔合理，服務態度並沒有其他評論家講的那麼惡劣。我覺得態度中上。特別推介，佢地既海鮮 非常之新鮮 嫩滑。 尼次我地點左生蠔，真係好正wor。魷魚 煎得幾香⊙﹏⊙ 蛋包飯有少少失望，下次還是試試正常既蛋包飯吧。。也許炸雞蛋包飯會好食d

咖哩流心蛋包牛舌飯：個蛋做得好好，外層香，流心部分嫩滑。後悔要左咖哩汁，係好普通的日式咖哩汁，無花心思，總之食返茄汁。入面有汁濕炒飯，牛舌是切了而且軟身。總括而言，主角是蛋。我都係鍾意食以前傳統那種炒到乾身的牛肉飯，個蛋包住，面頭拉o的茄汁，最好就有埋煮得有少少誠意的咖哩汁，起碼落少少洋蔥甚至蒜頭加辣椒增強風味。不過呢個都唔難食，只係我守舊，食慣傳統風味白汁蛋包海鮮飯：我家姐叫的，食左兩啖，好食過我自己那個，只能指定配白汁，但真係好match，入面有o的煙肉，個蛋香過我個好多，仲要配埋白汁，無我個咖哩汁咁行貨，貴o的真係好食好多。最後，我都係對傳統風味情有獨鍾，但竟然無傳統口味揀 damn

終於有機會試蛋包飯，抱住期望入去食，點了兩個蛋包飯+芝士雞翼。秘汁鰻魚就不過不失，但鮮帶子菠菜就大失所望，賣相好，但味道麻麻，首先入面的炒飯好油，好膩，出面茄汁好咸，唔值百幾元，慎點。唯一係芝士雞翼尚算好食，可以一試。

又同好朋友一齊食lunch~本來無expect 會食到咁好味既蛋包飯!!!!好滾動!!! 裝修都頗爲日式，有好多好可愛既飾物~海鮮蛋包飯($58) 配沙律同飲品。首先沙律已經值得一讚！沙律菜好新鮮，再配上好開胃酸酸甜甜既汁，整得一D都唔馬虎bo!我加左$18變流心蛋，一上枱，侍應哥哥就用刀仔切開蛋皮，即刻見到全部係流心既蛋!!!一食落口，不得了，超滑，超香，蛋香味勁濃!!! 另外個海鮮飯都唔馬虎。海鮮好足料，入面有鰻魚粒、青口仔、蝦同魷魚等等。配上茄汁，好開胃好正斗!!!!! (可以揀茄汁、白汁or 咖哩汁)p.s. 雞蛋面頭係紫菜粉喔!

今次第一次試呢間蛋包飯，嗌左個薄燒生牛肉，因為個人唔食生洋蔥所以只係夾左d蕃茄蓉連埋d生牛肉食本身d燒汁已經好夠味，加上d牛肉好嫩，本人覺得好好味😍😍😍店員會等你食完先上蛋包飯，呢段時間要等耐d，先黎鰻魚流心蛋包飯，個人覺得飯有點兒太濕，但味道可以，好香鰻魚味。茄汁可以自己加！再黎左個墨魚海鮮流心蛋包飯配咖哩汁，賣相好靚仔，一上枱店員會幫你介開隻蛋，呢個過程好開心😂😂無論隻蛋，海鮮，咖哩同d飯份量都好足！好好味！一個女仕應該食唔哂一碟飯，個人建議可以同朋友share👭總括下次一定會再黎！好味☺️

This is a very small shop and a long queue outside as usual. We ordered first an eel fried rice with ketchup. Its totally wrong with ketchup!!! Totally mismatch!!! The fried rice itself was not too bad, not too wet nor dry. But the little eel pieces wasnt fresh, it is quite fishy. I'd prefer more eel sauce to stir in so to hide the fishy taste. It meant to be a twist (fusion?) of the japs traditional but i dun think its right. The second one was squid ink omelette with seafood fried rice. It cam